اسلام آباد : کمشنر پشاور ریاض خان محسود کا کہنا ہے کہ پشاور دھماکے سے متعلق ہمارے پاس انفارمیشن نہیں تھی۔
تفصیلات کے مطابق کمشنر پشاور ریاض خان محسود نے اے آر وائی نیوز کے پروگرام آف دی ریکارڈ میں گفتگو کرتے ہوئے کہا کہ گزشتہ ڈیڑھ دو ماہ سےدہشت گردی کےواقعات ہورہےہیں ، پولیس لائن پشاور سے متعلق تھریٹ الرٹ نہیں آئی تھی، مختلف علاقوں سےمتعلق تھریٹ الرٹ آرہی تھیں۔
ریاض خان محسود نے کہا کہ سیکیورٹی سے متعلق تمام اقدامات اٹھائے جا رہےہیں ، انٹرنیشنل بارڈر پر حالات کا آف شوٹ نظر آرہاہے، واقعہ افسوسناک ہے۔
کمشنر پشاور کا کہنا تھا کہ پشاوردھماکےسےمتعلق ہمارےپاس انفارمیشن نہیں تھی، ہوسکتاہےانفارمیشن میرےپاس نہ آئی ہو۔
انھوں نے کہا کہ ایک ڈیڑھ ماہ سے مسلسل فورسزکونشانہ بنایاجارہاتھا، قانون نافذ کرنےوالےادارےمتحرک ہیں، ہم نےاپنی سیکیورٹی پالیسی بھی تھوڑی تبدیل کی تھی۔
ٹی ٹی پی کیساتھ مذاکرات کے حوالے سےریاض خان محسود کا کہنا تھا کہ ٹی ٹی پی کیساتھ امن مذاکرات کے وقت سیز فائرتھا، دہشت گردوں نے سیزفائرکا فائدہ اٹھایا اور صوبے میں پھیلے ہیں۔
الیکشن کے انعقاد سے متعلق کمشنر پشاور نے کہا کہ حکومت کہے گی تو الیکشن ضرورکرائیں گے، یہ بھی نہیں کہہ سکتا کہ حالات ایسے ہیں الیکشن نہیں کراسکتے، الیکشن کرانانہ کراناپالیسی بیان ہے ، میں اس پربات نہیں کرسکتا۔
انھوں نے مزید کہا کہ حکومت اورقانون نافذکرنےوالےادارےایسےواقعات کےتدارک کیلئے تیار ہیں،کے پی میں جہاں بھی دہشت گردی کی لہر آئی وہاں فورسز نے کارروائیاں کیں۔
