ARYNews.tv | Urdu – Har Lamha Bakhabar

Tag: پشاور زلمی

  • شاہد آفریدی نے پشاور زلمی کو خیرباد کہہ دیا

    شاہد آفریدی نے پشاور زلمی کو خیرباد کہہ دیا

    کراچی : قومی ٹی ٹوینٹی کرکٹ ٹیم کے سابق کپتان اور پشاور زلمی کے کھلاڑی شاہد آفریدی نے پشاور زلمی چھوڑنے کا اعلان کردیا، ان کا کہنا ہے کہ نمبرون ٹیم کے ساتھ پی ایس ایل کپ جیتا۔ زلمی کے ساتھ نیک خواہشات ہمیشہ رہیں گی۔

    تفصیلات کے مطابق بوم بوم شاہد آفریدی نے پی ایس ایل کا فائنل جیتنے والی ٹیم پشاور زلمی کو خیر باد کہہ دیا ہے ان کا کہنا ہے کہ ذاتی وجوہات کی بنا پر پشاور زلمی چھوڑنے کا اعلان کررہا ہوں، تاہم میری تمام نیک خواہشات زلمی کے ساتھ ہیں۔

    انہوں نے کہا کہ بطورصدراور ٹیم ممبر پشاورزلمی کیلئےخدمات ختم کردیں ہیں، میں جہاں جاؤں گا میرے چاہنے والے میرےساتھ آئیں گے۔

    شاہد آفریدی نے اس عزم کا اظہار کیا کہ ایک ٹیم کیلئے کپ جیتا اور اب دوسری ٹیم کیلئے جیتوں گا۔

  • آرمی چیف سے پشاور زلمی کی ٹیم کی ملاقات

    آرمی چیف سے پشاور زلمی کی ٹیم کی ملاقات

    کراچی : آرمی چیف جنرل قمر جاوید باجوہ نے کہا ہے کہ پاکستان کھیلوں کے لیے پُرامن ملک ہے اور کرکٹ پاکستان کا مقبول ترین کھیل ہے۔

    ڈی جی آئی ایس پی آر میجر جنرل آصف غفور کے مطابق آرمی چیف نے یہ بات پی ایس ایل ٹو کی فاتح ٹیم پشاور زلمی سے آج ہونے والی ملاقات کے دوران کہی۔

    آرمی چیف جنرل قمر باجوہ نے پشاور زلمی کو پی ایس ایل ٹو کا چیمپئن بننے پر مبارک باد دیتے ہوئے کہا کہ پاکستان کے عوام کھیلوں سے محبت کرنے والے ہیں اور پاکستانیوں میں مقبول ترین کھیل کرکٹ نے قوم کو متحد کیا ہے۔

    دوران ملاقات پشاور زلمی کی ٹیم مینجمنٹ نے آرمی چیف جنرل قمر باجوہ کا شکریہ ادا کرتے ہوئے کہا کہ امن کے قیام کے لیے پاک فوج کی قربانیاں لائقِ تحسین ہیں اور پی ایس ایل فائنل ٹو کے لاہور میں پُر انعقاد پر پوری قوم پاک فوج کی شکر گذار ہے۔

    psl2

    واضح رہے لاہور میں سری لنکا کی ٹیم پر سات سال قبل ہونے والے مسلح حملے کے بعد سے پاکستان میں بین الاقوامی کرکٹ نہیں ہو پارہی تھی تاہم پی ایس ایل ٹو کے فائنل میں بین الاقوامی کرکٹر نے لاہور میں میچ کھیل کر اس تاثر کو غلط ثابت کردیا کہ پاکستان کے کھیلوں کے لیے محفوظ جگہ نہیں۔

  • پشاور زلمی کے کپتان وعدے کے پکے نکلے

    پشاور زلمی کے کپتان وعدے کے پکے نکلے

    ہانگ کانگ: پشاور زلمی کے کپتان نے پی ایس ایل فائنل جیتنے کی صورت میں کیے جانے والے وعدے کو پورا کرتے ہوئے سر منڈوا لیا۔

    پشاور زلمی کے کپتان ڈیرن سیمی نے سماجی رابطے کی ویب سائٹ پر  ٹوئٹ کیا جس میں انہوں نے کہا کہ ’’میں نے فائنل جیتنے کی خوشی میں جو وعدہ کیا تھا اُسے پورا کیا اور گنجا ہوگیا، اب وقت ہے کہ پشاور زلمی کے کھلاڑی اور مالک بھی اعلان کے مطابق سرمنڈوائیں‘‘۔

    ویڈیو دیکھیں

    یاد رہے پشاور زلمی کے کپتان نے پلے آف میچ جیتنے کے بعد ویڈیو پیغام میں کہا تھا کہ اگر پشاور زلمی پی ایس ایل کا فائنل جیت جائے گی تو مالک اور اُن سمیت ٹیم کے تمام کھلاڑی گنجے ہوجائیں گے‘‘۔

    ڈیرن سیمی پی ایس ایل سیزن 2 میں پشاور زلمی کے کپتان تھے اور وہ لاہور میں کھیلے جانے والے فائنل میں شاہد آفریدی کے بعد عوام کے پسندیدہ ترین کھلاڑی تھے، انہوں نے پورے ایونٹ میں خوب ہلہ گلہ کیا اور آخر میں پاکستان کی جانب سے ملنے والی محبتوں کا شکریہ بھی ادا کیا۔

  • وزیراعلیٰ خیبرپختونخوا نے پشاور زلمی کو ظہرانے پر مدعو کرلیا

    وزیراعلیٰ خیبرپختونخوا نے پشاور زلمی کو ظہرانے پر مدعو کرلیا

    پشاور: وزیراعلیٰ پرویزخٹک نے پی ایس میں شاندار کارکردگی دکھانے پر پشاورزلمی کو جمعرات کے روز ظہرانے کی دعوت پر مدعوکرلیا۔

    وزیراعلیٰ خیبرپختونخوا کے ترجمان کی جانب سے جاری کردہ اعلامیے میں کہا گیا ہے کہ پرویزخٹک پشاورزلمی کےاعزازمیں  ظہرانہ دینگے اور پی ایس ایل میں شاندار کارکردگی دکھانے پر پشاور زلمی کو 2 کروڑ روپے کا انعام بھی دیں گے۔

    تحریک انصاف کے ذرائع نے اس بات کی تصدیق کی ہے کہ وزیراعلیٰ کی جانب سے بلائے جانے والے ظہرانے کی تقریب میں چیئرمین پی ٹی آئی عمران خان و دیگر قائدین شرکت کر کے کھلاڑیوں کی حوصلہ افزائی کریں گے۔

    قبل ازیں عمران خان نے پشاور زلمی کے مالک جاوید آفریدی سے ٹیلی فون پر رابطہ کر کے پی ایس ایل فائنل میں فتح حاصل کرنے پر مبارک باد دی اور کھیلوں کے لیے اُن کے مثبت اقدام کی تعریف بھی کی۔

    یاد رہے گزشتہ روز صحافیوں سے نجی گفتگو کے درمیان عمران خان نے پی ایس ایل کا فائنل کھیلنے والے غیر ملکی کھلاڑیوں کو پھٹیچر قراردیا تھا جس کے بعد سوشل میڈیا پر چیئرمین تحریک انصاف پر شدید تنقید بھی کی گئی تاہم تحریک انصاف کے رہنماؤں کا موقف ہے کہ عمران خان نے جو بات کی وہ نجی گفتگو تھی اُسے سوشل میڈیا پر جاری کرنا صحافی کی بدیانتی ہے۔

  • پشاورزلمی نے پی ایس ایل کا ٹائٹل اپنے نام کرلیا

    پشاورزلمی نے پی ایس ایل کا ٹائٹل اپنے نام کرلیا

    لاہور: پی ایس ایل فائنل میں پشاور زلمی نے کوئٹہ گلیڈی ایٹرز کو 58 رنز سے شکست دے کر فتح اپنے نام کرلی، 149 رنز کے تعاقب میں کوئٹہ کی ٹیم 90 کے مجموعی اسکور پر آؤٹ ہوئی۔

    لاہور کے قذافی اسٹیڈیم میں کھیلے جانے والے میچ میں پشاور زلمی اور کوئٹہ گلیڈی ایٹرز مدمقابل ہیں، سرفراز الیون نے ٹاس جیت کر پشاور زلمی کو بیٹنگ کی دعوت دی۔ پشاور زلمی کی جانب سے بیٹنگ کا آغاز تیز تھا، تاہم ڈیوڈ میلان کے آوٹ ہونے کے بعد کامران اکمل نے بھی محتاط انداز میں بیٹنگ کی، کامران اکمل چالیس رنز کی عمدہ بیٹنگ کے باعث نمایاں بیٹسمین رہے، جبکہ ایمرٹ تین کھلاڑیوں کو آوٹ کر کے گلیڈی ایٹرز کے اچھے بالر ثابت ہوئے۔

    زلمی کے کپتان نے 11 بالز پر 28 رن کی اننگز کھیلی جبکہ مارلن سیموئلز 19 اور ڈیوڈ میلان نے 17 رنز بنائے۔ ہدف کے تعاقب میں گلیڈی ایٹرز کی بیٹنگ جاری ہے۔

    ہدف کے تعاقب میں کوئٹہ کی بیٹنگ کا آغاز اچھا نہ رہا اور سرفراز الیون کے کھلاڑی جلدی جلدی پویلین لوٹتے رہے، گلیڈی ایٹرز کی جانب سے شان ارون 24 رنز بنا کر نمایاں بیٹسمین رہے جبکہ محمد اصغر نے زلمی تین کھلاڑیوں کو پویلین بھیجا۔

     گلیڈی ایٹرز اننگز اوور بائی اوور

    سترہویں اوور کی تیسری بال پر گلیڈی ایٹرز کا آخری کھلاڑی بھی پویلین لوٹا اور زلمی کو 58 رنز سے فتح حاصل ہوئی۔

    سولہویں اوور کے اختتام پر گلیڈی ایٹرز کی ایک اور وکٹ گری جس کے بعد مجموعی اسکور 9 وکٹوں کے نقصان پر 88 تک پہنچا۔

    پندرہویں اوور میں گلیڈی ایٹرز کا ایک اور کھلاڑی پویلین لوٹا، اوور اختتام پر ٹیم کا مجموعی اسکور 83 تک پہنچا۔

    چودہویں اوور کے اختتام پر گلیڈی ایٹرز کا مجموعی اسکور 80 تک پہنچا۔

    تیرہویں اوور میں گلیڈی ایٹرز کو مزید 2 وکٹوں کا نقصان اٹھانا پڑا، 13 اوورز کے اختتام پر گلیڈی ایٹرز کا مجموعی اسکور 7 وکٹ کے نقصان پر 72 تک پہنچا۔

    بارہویں اوور کے اختتام پر ٹیم کا مجموعی اسکور 5 وکٹوں کے نقصان پر 69 تک پہنچا۔

    گیارہویں اوور کے اختتام پر ٹیم کا مجموعی اسکور 5 وکٹوں کے نقصان پر 60 تک پہنچا۔

    دسویں اوور میں 7 رنز کا اضافہ ہوا اور اسکور 55 تک پہنچا۔

    نویں اوور میں 10 رنز اضافے کے بعد مجموعی اسکور 5 وکٹوں کے نقصان پر 48 تک پہنچا۔

    آٹھویں اوور میں ٹیم کو ایک اور وکٹ کا نقصان اٹھانا پڑا، اوور اختتام پر مجموعی اسکور میں صرف ایک رن کا اضافہ ہوا۔

    ساتویں اوور میں چھ رنز اضافے کے بعد مجموعی اسکور چار وکٹوں کے نقصان پر 37 رنز تک پہنچا۔

    چھٹے اوور میں سرفراز احمد دو چوکے مارنے کے بعد 22 رنز بناکر آؤٹ ہوئے، 6 اوورز کے اختتام پر گلیڈی ایٹرز کا مجموعی اسکور چار وکٹوں کے نقصان پر 31 تک پہنچا۔

    پانچویں اوور میں احمد شہزاد ایک رن بنا کر پویلین لوٹے اور اس طرح گلیڈی کو تیسری وکٹ کا نقصان اٹھانا پڑا، اوور اختتام پر زلمی کا مجموعی اسکور 20 تک پہنچا۔

    چوتھے اوور میں گلیڈی ایٹرز کا دوسرے کھلاڑی انعام الحق بھی تین رن بناکر پویلین روانہ ہوئے، سرفراز احمد نے آتے ہی پہ در پہ دو چوکے مار کر ٹیم کا مجموعی اسکور 13 تک پہنچایا۔

    تیسرے اوور کے اختتام پر ٹیم کا مجموعی اسکور ایک وکٹ کے نقصان پر 5 تک پہنچا۔

    دوسرے اوور میں گلیڈی ایٹرز کے مورنی وین ایک رن بنا کر رن آوٹ ہوئے، اوور اختتام پر گلیڈی ایٹرز کا مجموعی اسکور 2 رن ہوا۔

    گلیڈی ایٹرز کی جانب سے اننگز کا آغاز احمد شہزاد اور مورنی وین نے کیا، پہلے اوور کے اختتام پر سرفراز الیون صرف ایک رن بنانے میں کامیاب رہی۔

    پشاور زلمی اننگز اوور بائی اوور

    بیسویں اوور میں سیمی کی جارحانہ بیٹنگ کے باعث 15 رنز کا اضافہ ہوا اور ٹیم کا مجموعی اسکور 148 تک پہنچا۔

    انیسویں اوور میں 18 رنز اضافے کے بعد زلمی کا مجموعی اسکور 133 تک پہنچا۔

    اٹھارہویں اوور کے اختتام پر زلمی کا مجموعی اسکور 6 وکٹوں کے نقصان پر 115 تک پہنچا۔

    سترہویں اوور کی دوسری بال پر محمد حفیظ 12 رنز بنا کرآوٹ ہوئے، جس کے بعد زلمی کو پانچویں وکٹ کا نقصان بھی اٹھانا پڑا، اگلی ہی بال پر افتخار احمد بھی ایل بی ڈبلیو ہوکر پویلین لوٹے، ریاض ایمرت کے اوور میں صرف دو رنز کا اضافہ ہوا، اختتام پر زلمی کا مجموعی اسکور 6 وکٹ کے نقصان پر 112 تک پہنچا۔

    سولہویں اوور میں پشاور زلمی کا مجموعی اسکور 110 تک پہنچا۔

    ہندرہویں اوور میں زلمی کا مجموعی اسکور چار وکٹوں کے نقصان پر 104 تک پہنچا۔

    چودہویں اوور میں زلمی نے اپنی سنچری مکمل کی، اوور اختتام پر مجموعی اسکور 101 رنز تک پہنچا۔

    تیرہویں اوور کے اختتام پر زلمی کا مجموعی اسکور چار وکٹوں کے نقصان پر 90 تک پہنچا۔

    بارہویں اوور میں زلمی کی چوتھی وکٹ 86 کے مجموعی اسکور پر گری، خوش دل ایک رن بنا کر پویلین لوٹے، اوور اختتام پر ٹیم کا مجموعی اسکور 87 تک پہنچا۔

    گیارہویں اوور میں سیمولز 19 رنز بنا کر پویلین لوٹے انہیں محمد نواز نے آوٹ کیا،

    دسویں اوور میں پشاور زلمی کی دوسری وکٹ گری، کامران اکمل 40 رنز بنا کر پویلین لوٹے، اوور اختتام پر زلمی کا مجموعی اسکور 2 وکٹوں کے نقصان پر 82 تک پہنچا۔

    نویں اوور کے اختتام پر زلمی کا مجموعی اسکور ایک وکٹ کے نقصان پر 64 تک پہنچا۔

    آٹھویں اوور کے اختتام پر زلمی کا مجموعی اسکور 57 تک پہنچا۔

    ساتویں اوور کے اختتام پر پشاور زلمی کا مجموعی اسکور 54 تک پہنچا۔

    چھٹے اوور کے اختتام پر پشاور زلمی کا مجموعی اسکور ایک وکٹ کے نقصان پر 52 تک پہنچا۔

    پانچویں اوور کی چوتھی بال پر پشاور زلمی کی پہلی وکٹ 42 کے مجموعی اسکور پر گری، میلان 17 رنز بنا کر پویلین لوٹے، نئے آنے والے بیٹسمین سیمولز ہیں، اوور اختتام پر زلمی کا مجموعی اسکور ایک وکٹ کے نقصان پر 46 تک پہنچا۔

    چوتھے اوور کے اختتام پر زلمی کا مجموعی اسکور بغیر کسی نقصان پر 41 تک پہنچا۔

    تیسرے اوور میں چھ رنز اضافے کے بعد زلمی کا مجموعی اسکور 34 تک پہنچا۔

    دوسرا اوور انور علی نے کروایا جس میں ایک چھکے اور ایک چوکے کی مدد سے زلمی کا مجموعی اسکور 28 تک پہنچا۔

    پشاور زلمی کی جانب سے اننگز کا آغاز کامران اکمل اور ڈیوڈ میلان نے کیا جبکہ گلیڈی ایٹرز کی جانب سے پہلا اوور ذوالفقار بابر نے کیا، اوور اختتام پر پشاور زلمی نے دو چوکوں کی مدد سے تیرہ رنز اسکور کیے۔

    ٹاس کے بعد میڈیا سے گفتگو کرتے ہوئے سرفراز نے کہا کہ ’’کھلاڑیوں کے واپس جانے سے تھوڑا ڈباؤ ضرور ہے مگر ٹیم آج اپنے روایتی کھیل کو پیش کرتے ہوئے جیتنے کی کوشش کرے گی۔

    پشاور زلمی کے کپتان سیمی نے کہا کہ لاہور آکر کھیلنے میں بہت مزہ آرہا ہے، اتنی بڑی تعداد میں لوگوں کی موجودگی اور اُن کی سپورٹ دیکھ کر بہت خوشی ہورہی ہے، یہاں کا ماحول بہت پرجوش ہے، عوام کی طرح پوری ٹیم شاہد آفریدی کی کمی کو شدت سے محسوس کررہی ہے۔

    اسکواڈ

    quetta-squad

    peshawar-squad

    پشاور کی ٹیم میں شاہد خان آفریدی کی جگہ افتخار احمد کو شامل کیا گیا ہے۔

    احمد شہزاد نے گفتگو کرتے ہوئے کہا کہ آج اپنے جذبات کو بیان نہیں کرسکتا، خواہش تھی کہ اپنے ملک میں اپنے لوگوں کے سامنے پرفارم کروں، اس موقع پر رمیز راجہ نے احمد شہزاد کو سیلفی لینے کا مذاق بھی بنایا۔

    10

    رمیز راجہ سمیت ڈیری مورسن نے شیروانی اور پاجاما زیب تن کیا۔ میچ سے قبل دونوں ٹیموں کے کھلاڑی میدان میں آئے اور قومی ترانہ پڑھا گیا۔

    تقریب تقسیم انعامات

    پی ایس ایل 2 کے بہترین کھلاڑی کی حنیف محمد کے نام کی اعزازی ٹرافی کامران اکمل کو دی گئی اور وہ ہی سیزن 2 کے بہترین وکٹ کیپر بھی قرار دیے گئے، کراچی کنگز کے سہیل خان کو سب سے زیادہ وکٹیں لینے پر بہترین باؤلر کی ٹرافی دی گئی۔

    پشاور زلمی کو جیت کے بعد 5 لاکھ ڈالرز کا انعام اور ٹرافی دی گئی، اس موقع پر رمیز راجہ نے زلمی کے کپتان سے گفتگو کرتے ہوئے کہا کہ آپ کے بورڈ نے آپ لوگوں کو عزت نہیں دی مگر ہم کھلاڑیوں کو عزت دینا جانتے ہیں۔

    سیمی نے تمام پاکستانیوں کا شکریہ ادا کرتے ہوئے کہا کہ ’’آج کا دن کرکٹ کے نام ہے، مجھے بہت خوشی ہے کہ پاکستان آکر کھیلنے کا موقع ملا، ٹیم کے تمام کھلاڑیوں نے بہت محنت کی اس لیے پشاور زلمی کو فتح حاصل ہوئی‘‘۔

  • پشاور زلمی اورکوئٹہ گلیڈی ایٹرزکےغیرملکی کھلاڑی لاہورپہنچ گئے

    پشاور زلمی اورکوئٹہ گلیڈی ایٹرزکےغیرملکی کھلاڑی لاہورپہنچ گئے

    لاہور: پاکستان سپرلیگ کےفائنل کے لیے پشاور زلمی اور کوئٹہ گلیڈی ایٹرزکےغیرملکی کھلاڑی لاہور پہنچ گئے،کھلاڑیوں کوسخت سیکورٹی میں نجی ہوٹل پہنچادیاگیا۔

    تفصیلا ت کےمطابق پی ایس فائنل میں شرکت کے لیےپشاور زلمی اور کوئٹہ گلیڈی ایٹرز کےغیرملکی کھلاڑی آج صبح علامہ اقبال انٹرنیشنل ایئرپورٹ پہنچے۔

    لاہور پہنچنے والے کھلاڑیوں میں پشاور زلمی کے کپتان ڈیرن سیمی،مارلن سیموئلز،کرس جارڈن اور ڈیوڈ میلان جبکہ کوئٹہ گلیڈی ایٹرز کےعہدیدار ویوین رچرڈز اورجولئین فاؤنٹین شامل ہیں۔

    پاکستان سپرلیگ کےفائنل کےلیے آنے والےغیرملکی کھلاڑیوں کو ایئرپورٹ سے سخت سیکورٹی میں نجی ہوٹل پہنچایاگیا۔اس سے قبل بنگلہ دیشی کرکٹر انعام الحق لاہور پہنچے تھےاور انہوں نے کوئٹہ ٹیم کا حصہ بننےپرخوشی کااظہارکیا۔

    مزید پڑھیں:پی ایس ایل فائنل: پشاور زلمی اورکوئٹہ گلیڈی ایٹرزمیں آج فیصلہ کن مقابلہ ہوگا

    واضح رہےکہ پاکستان سپر لیگ ٹوکا فائنل پشاور زلمی اور کوئٹہ گلیڈی ایٹرز کےدرمیان آج قذافی اسٹیڈیم لاہور میں کھیلا جائےگا۔

  • پی ایس ایل فائنل:شائقین کی بڑی تعداد اسٹیڈیم پہنچ گئی

    پی ایس ایل فائنل:شائقین کی بڑی تعداد اسٹیڈیم پہنچ گئی

    لاہور: پاکستان سپر لیگ ٹوکا فائنل پشاور زلمی اور کوئٹہ گلیڈی ایٹرز کےدرمیان آج قذافی اسٹیڈیم لاہور میں کھیلا جائےگا‘ ملک بھر سے شائقینِ کرکٹ لاہور پہنچ چکے ہیں اور اسٹیڈیم پہنچ رہے ہیں۔

    تفصیلات کےمطابق پاکستان سپر لیگ کے فائنل میچ کے لیے قذافی اسٹیڈیم میں بیٹنگ وکٹ تیار کی گئی ہےجہاں چھکوں اور چوکوں کی برسات ہوگی،جبکہ اختتامی تقریب کو چار چاند لگانے کے لیےنامور گلوکار فن کا مظاہرہ کریں گے۔

    پی ایس ایل کا فائنل پاکستان کے معیاری وقت کے مطابق رات 8 بجے شروع ہوگا۔ حکومت نے اس وقت ملک بھر میں لوڈ شیڈنگ نہ کرنے کی ہدایت کی ہے۔

    پی ایس ایل کےفائنل میچ میں قذافی اسٹیڈیم کےاطراف کی شاہراہوں پربہترین لائٹنگ کا بندوبست کیاگیاہےجبکہ گاڑیوں کی پارکنگ کےلیےمختص کیےگئے6پارکنگ اسٹینڈز میں بھی لائٹس لگادی گئی ہیں۔

    لاہور میں فائنل کے موقع پر قذافی اسٹیڈیم اور اس کے اطراف انتہائی سخت سکیورٹی کے انتظامات کیے گئے ہیں اور ہزاروں کی تعداد میں پولیس اور قانون نافذ کرنے والے اداروں کے اہلکاروں کوتعینات کیا گیا ہے۔شائقین کو اسٹیڈیم تک پہنچنے کے لیے سکیورٹی کی تین مختلف چیک پوسٹوں سے گزرنا ہوگا۔

    مزید پڑھیں:لاہور میں یہاں ہوں‘ ویوین رچرڈ

    خیال رہےکہ قذافی اسٹیڈیم سےمتصل ہاکی اسٹیڈیم میں ہنگامی صورت حال سے نمٹنے کے لیے25 بستروں کااسپتال بھی بنایاگیا ہے۔

    معذورافراد کےلیے فری ٹکٹس ہوں گے‘ نجم سیٹھی

    چیئرمین پاکستان سپرلیگ نجم سیٹھی کاکہناہےکہ قذافی اسٹیڈیم میں پی ایس ایل فائنل کےلیے معذور افراد 500 اور طالبات کے لیے 1000فری ٹکٹس دوپہر 2بجےتک دستیاب ہوں گے۔

    کوئٹہ گلیڈی ایٹرز کو فائنل میں اپنے اہم غیر ملکی کھلاڑیوں کی خدمات حاصل نہیں ہیں جن میں کیون پیٹرسن، رائلی روسو، لیوک رائٹ اور ٹائمل ملز شامل ہیں۔

    کوئٹہ گلیڈی ایٹرز نے ان کی جگہ اپنے اسکواڈ میں جنوبی افریقہ کے مورنی وان وک، بنگلہ دیش کے انعام الحق، زمبابوے کے ایلٹن چگمبورا، شان ارون اور ویسٹ انڈیز کے ریاد ایمرٹ کو شامل کیا ہے۔

    دوسری جانب پشاور زلمی کو فائنل میچ میں آل راؤنڈر شاہد آفریدی کی خدمات حاصل نہیں ہیں جو کراچی کنگز کے خلاف پلے آف میچ میں فیلڈنگ کرتے ہوئے زخمی ہوگئے تھے۔

    واضح رہےکہ پی ایس ایل فائنل میں میچ ریفری روشن ماہانامہ ہوں گے۔رنمورے مارٹنز اور شوزاب رضا آن فیلڈ ایمپائر ہوں گے۔ احسن رضا ٹی وی امپائر ہوں گے جبکہ چوتھے امپائر احمد شہاب ہوں گے۔

  • پشاور زلمی کو سپورٹ کروں گا، شیخ رشید

    پشاور زلمی کو سپورٹ کروں گا، شیخ رشید

    راولپنڈی : عوامی مسلم لیگ کے سربراہ شیخ رشید نے کہا ہے کہ لاہور میں پی ایس ایل فائنل کا انعقاد سب اداروں کی محنت اور کارکردگی کے مرہون منت ہے اس کا کریڈٹ کسی ایک کو دینا مناسب نہیں۔

    وہ پی ایس ایل فائنل کے حوالے سے میڈیا سے بات کر رہے تھے انہوں نے بتایا کہ ہمارے پاس دو ٹکٹ ہیں لیکن ابھی فیصلہ نہیں کیا ہے کہ 8 ہزار والے ٹکٹ کو استعمال کروں گا یا 500 روپے والے انکلوژر میں بیٹھوں گا۔


    شیخ رشید نے کہا کہ میری پسندیدہ ٹیم پشاور زلمی ہے اور میدان میں شاہد آفریدی کی ٹیم کو سپورٹ کروں گا کیوں پٹھان بھائی حکومتی رویے کے باعث افسردہ اور مایوس ہیں اس لیے پشاور کی ٹیم کا پورا ساتھ دوں گا۔

    ایک سوال کے جواب میں انہوں نے بتایا کہ ٹکٹ جیب میں ہے، حکومت نے وی آئی پی نشست کی آفر کی تو دیکھیں گے اس حوالے سے نجم سیٹھی سے ابھی تک کوئی بات نہیں ہوئی اور عمران خان میچ دیکھنے آتے ہیں یا نہیں یہ ان کی مرضی ہے۔

    انہوں نے کہا کہ میرا جینا مرنا عوام کے ساتھ ہے اسی لیے عوامی سیاست کرتا ہوں اس لیے عام لوگوں کے درمیان بیٹھ کر میچ دیکھیں گے اور ساتھ ساتھ سگار بھی سلگائیں گے اور ملک میں کرکٹ کے فروغ کو سپورٹ کریں گے۔

    ایک سوال کے جواب میں شیخ رشید نے کہا کہ ایک طرف ملک کا غریب ہے جسے کھانے پینے کے بھی لالے پڑے ہوتے ہیں لیکن پھر بھی وہ دھرتی پہ جان دینے کو تیار رہتا ہے جب کہ دوسری طرف ایسے روساء بھی ہیں جو بیرون ملک خریدے گئے معمولی فلیٹوں پر بھی مرتے ہیں۔

  • سابق آسٹریلوی کرکٹرپی ایس ایل فائنل دیکھنے لاہور پہنچ گئے

    سابق آسٹریلوی کرکٹرپی ایس ایل فائنل دیکھنے لاہور پہنچ گئے

    لاہور: سابق آسٹریلوی کرکٹر ڈین جونز پی ایس ایل کا فائنل دیکھنے کے لیے لاہور پہنچ گئے، کہتے ہیں سیکیورٹی کے انتظامات بہترین ہیں۔

    سماجی رابطے کی ویب سائٹ پر سابق آسٹریلوی کرکٹر نے اپنی لاہور آمد کی اطلاع دیتے ہوئے کہا کہ یہاں سیکیورٹی کا بہترین انتظام موجود ہے، امید ہے لاہور میں اچھا وقت گزرے گا۔

    یاد رہے ڈین جونز پاکستان سپرلیگ 2 میں دفاعی چمیئن اسلام آباد یونائیٹڈ کے کوچ تھے، اُن کی ٹیم پہلے ہی راؤنڈ میں ایونٹ سے باہر ہوگئی تاہم وہ صرف فائنل دیکھنے کے لیے لاہور پہنچے۔

    واضح رہے پی ایس ایل سیزن 2 کا فائنل کل لاہور کے قذافی اسٹیڈیم میں کوئٹہ گلیڈی ایٹرز اور پشاور زلمی کے درمیان کھیلا جائے گا، سرفراز الیون میں شامل چار غیر ملکی کھلاڑیوں نے پاکستان آنے سے صاف انکار کردیا اور وہ پلے آف میچ کھیلنے کے بعد اپنے اپنے وطن روانہ ہوگئے جبکہ پشاور زلمی کےکپتان سیمی نے پاکستان آکر فائنل کھیلنے کی رضامندی ظاہر کی ہے۔

  • پشاور زلمی اورکراچی کنگزکاٹاکراآج ہوگا

    پشاور زلمی اورکراچی کنگزکاٹاکراآج ہوگا

    دبئی : پاکستان سپرلیگ کےتیسرے پلےآف میچ میں پشاور زلمی اور کراچی کنگزکا مقابلہ آج ہوگا۔جیتے والی ٹیم فائنل میں کوئٹہ گلیڈی ایٹرز کےساتھ مقابلہ کرے گی۔

    تفصیلات کےمطابق دبئی کےاسٹیڈیم میں پی ایس ایل فائنل تک رسائی کے لیےپشاور زلمی اور کراچی کنگز میں جنگ آج ہوگی۔میچ پاکستانی وقت کےمطابق رات نوبجےشروع ہوگا۔

    کراچی کنگزکی ٹیم میں اپنی شاندار بیٹنگ کا مظاہرہ کرکےاسکوربورڈ پررنز کےانبھارلگانے والےنوجوان کرکٹر بابراعظم ہیں۔جو290 رنزکےساتھ پاکستان سپرلیگ کےٹاپ اسکورر بلےباز ہیں۔

    کمارسنگاکاراکی قیادت میں کھیلنے والی کراچی کنگز میں اسٹار کرکٹرشعیب ملک،آل راؤنڈر پولارڈ،چوکوں اور چھکوں کے بادشاہ کرس گیل،روی بوپار،سہیل خان اسامہ میر،محمد عامر،عمادوسیم اور عثمان خان جیسے کھلاڑی شامل ہیں۔

    پی ایس ایل ٹورنامنٹ میں چاہےوہ بیٹنگ کا شعبہ ہویابولنگ کا ہرجگہ کراچی کنگزکےکھلاڑی نمایاں کارکردگی کے ساتھ سرفہرست ہیں۔بیٹنگ میں بابراعظم 290رنزکےساتھ جہاں سب سے زیادہ رنزکرنے والے بلے بار ہیں تووہی سہیل خان 15وکٹیں لےکرایونٹ کےکامیاب ترین باؤلر ہیں۔

    دوسری جانب ڈیرن سیمی کی کپتانی مین کھیلنے والی پشاور زلمی کو کامران اکمل،شاہد آفریدی،محمد حفیظ،وہاب ریاض اور حسن علی جیسے کھلاڑیوں کی خدمات حاصل ہیں۔

    یاد رہےکہ پی ایس ایل کے پہلے پلے آف میچ میں کوئٹہ گلیڈی ایٹرزنے پشاور زلمی کی ٹیم کو سنسنی خیز مقابلے کے بعدایک رن سے شکست دے دی تھی۔

    مزید پڑھیں:کراچی کنگز نے اسلام آباد یونائیٹڈ کو شکست دے دی

    واضح رہےکہ دوسری پلے آف میچ میں کراچی کنگز نے دفاعی چیمپئن اسلام آباد یونائیٹڈ کو 44رنز سےشکست دے ایونٹ سے باہر کردیاتھا۔