پشاور: پولیس نے جرائم پیشہ افراد کے خلاف سرچ آپریشن کیا، آپریشن کے دوران مطلوب آٹھ اشتہاری ملزمان گرفتار کرلیئے جبکہ گرفتار ملزمان کے قبضے سے دو کلاشنکوف ، ایک کالا کوف، دو چوالیس بور ،پانچ پستول اور ہزاروں کارتوش برآمد کرلیا گیا۔
پشاور کے علاقے حیات آباد انڈسٹریل اسٹیٹ کی حدود میں ناکہ بندی پر مسلح افراد نے حملہ کردیا، حملہ میں دو سیکورٹی اہلکار جاں بحق ہوگئے جبکہ حملہ آور فرار ہونے میں کامیاب ہوگیا جبکہ پشاور شہر میں علاقہ غیر سے اسلحے کی ترسیل کی کوشش ناکام بنادی گئی۔
پشاور پولیس نے یکہ توت میں سرچ آپریشن کیا، جس میں کالعدم تنظیم کے نام پر بھتہ لینے والے دو ملزمان گرفتار کر لیے گئے، سرچ آپریشن میں مختلف تھانوں کو مطلوب اشتہاری کو بھی گرفتار کیا ہے۔
ڈی ایس پی پشاور گل نواز کے مطابق بالا ماڑی کے مختلف علاقوں میں گرینڈ سرچ آپریشن کیا گیا، سرچ آپریشن میں چھ اشتہاریوں سمیت بارہ مشتبہ افراد گرفتار کئے، جن کے قبضے سے اسلحہ اور منشیات برآمد ہوا ۔
