Tag: پشاور ہائیکورٹ

پشاور : ہائیکورٹ کا عمر ایوب اور شبلی فراز کی نااہلی پر حکم امتناع جاری کرتے ہوئے قومی اسمبلی اور سینیٹ میں نئے اپوزیشن لیڈرز کی تقرری روک دی۔

تفصیلات کے مطابق پشاور ہائیکورٹ نے عمر ایوب خان اور شبلی فراز کی نااہلی کے نوٹیفکیشن کے خلاف دائر درخواستوں پر سماعت کی۔

جسٹس سید ارشد علی اور جسٹس ڈاکٹر خورشید اقبال پر مشتمل دو رکنی بینچ نے درخواستوں کی سماعت کی۔

درخواست گزاروں کے وکیل بیرسٹر گوہر خان نے مؤقف اپنایا کہ اسپیکر قومی اسمبلی اور چیئرمین سینیٹ نے ان کے مؤکلوں کی نشستیں خالی قرار دی ہیں، حالانکہ سپریم کورٹ کے فیصلے کے مطابق الیکشن کمیشن کسی رکنِ اسمبلی کو نااہل قرار دینے کا اختیار نہیں رکھتا۔

بیرسٹر گوہر خان نے بتایا کہ 5 اگست کو الیکشن کمیشن نے نااہلی کا فیصلہ سنایا جبکہ 31 جولائی کو انسداد دہشت گردی عدالت نے دونوں رہنماؤں کو 10، 10 سال قید کی سزا سنائی تھی۔

ان کا کہنا تھا کہ اپوزیشن لیڈر ایک آئینی عہدہ ہے جو اسمبلی رول 39 کے تحت منتخب ہوتا ہے، اور جب کوئی شخص رکن اسمبلی بن جائے تو الیکشن کمیشن کا اختیار ختم ہو جاتا ہے۔

انہوں نے کہا کہ الیکشن کمیشن نے پہلے این اے-ون چترال کے عبدالطیف کو بھی نااہل کیا اور اظہر صدیق کیس کا غلط حوالہ دے کر موجودہ فیصلہ سنایا۔ "ہمیں عمر ایوب پر فخر ہے، اسے تین کروڑ عوام نے ووٹ دیا” انہوں نے کہا، اور الزام لگایا کہ حکومت کسی اور جماعت کا اپوزیشن لیڈر لانا چاہتی ہے۔

عدالت نے مزید کارروائی روکنے کی ہدایت دیتے ہوئے کل تک کے لیے حکم امتناع جاری کر دیا۔

عدالت نے قومی اسمبلی اور سینیٹ میں نئے اپوزیشن لیڈرز کی تقرری روک دی اور الیکشن کمیشن سمیت دیگر فریقین کو نوٹس جاری کرتے ہوئے 15 اگست تک جواب طلب کر لیا۔

پشاور : پشاور ہائیکورٹ نے پی ٹی آئی رہنما خدیجہ شاہ کو درج مقدمات میں گرفتار نہ کرنے کا حکم دیتے ہوئے 19 اگست تک حفاظتی ضمانت دے دی۔

تفصیلات کے مطابق پشاور ہائیکورٹ میں پاکستان تحریکِ انصاف (پی ٹی آئی) کی رہنما خدیجہ شاہ کی مقدمات تفصیلات کے لئے درخواست پر سماعت ہوئی۔

رہنما پی ٹی آئی کی جانب سے مقدمات کی تفصیلات کے لیے دائر درخواست پر جسٹس سید ارشد علی نے سماعت کی۔

عدالت نے خدیجہ شاہ کو پشاور ہائی کورٹ نے 19 اگست تک حفاظتی ضمانت دے دی ہے اور پولیس کو ان کے خلاف درج مقدمات میں گرفتاری سے روک دیا ہے۔

دوران سماعت عدالت نے استفسار کیا کہ "یہ کوئی سیاسی ورکر ہیں؟ ان کے خلاف ایف آئی آر کیوں درج کی گئی؟”

درخواست گزار کے وکیل نے مؤقف اپنایا کہ خدیجہ شاہ ایک سیاسی کارکن ہیں اور جیل میں قید خواتین کے لیے سرگرم عمل ہیں۔ انہوں نے مزید بتایا کہ عدالت سے پہلے بھی حفاظتی ضمانت لی گئی تھی، اور وہ عدالت میں پیش ہوئیں۔

تاہم ایڈیشنل اٹارنی جنرل ثناء اللہ نے کہا کہ خدیجہ شاہ نے گزشتہ بار حفاظتی ضمانت حاصل کی لیکن بعد ازاں عدالت میں پیش نہیں ہوئیں۔

عدالت نے آئندہ کے لیے ہدایت دی کہ جو بھی درخواست دائر کی جائے، اس کے ساتھ متعلقہ عدالتی احکامات کی کاپی بھی منسلک کی جائے۔

پشاور : پہاڑی علاقوں سےبرف لے جانے پر پابندی عائد کردی گئی، عدالت نے کہا برف ترسیل سے ماحولیاتی تبدیلی کے اثرات رونما ہو رہے ہیں

تفصیلات کے مطابق پشاور ہائیکورٹ نے گلیشئر کے کمرشل استعمال کیخلاف سماعت کا تحریری حکم نامہ جاری کردیا۔

عدالت نے نےپہاڑی علاقوں سے برف لے جانے پر پابندی عائدکردی اور کہا ڈپٹی کمشنردیر،سوات،بونیراورمانسہرہ پہاڑی علاقوں سےبرف کی ترسیل روکیں۔

تحریری حکم نامے میں کہا گیا کہ انوائرمنٹل پروٹیکشن ایجنسی نےجورپورٹ جمع کی اطمینان بخش نہیں ، این ایچ اے افسر نے پہاڑی علاقوں سے برف ترسیل کی تصدیق کردی۔

عدالت نے مزید کہا کہ پہاڑی علاقوں سے برف ترسیل سے ماحولیاتی تبدیلی کے اثرات رونما ہو رہے ہیں، ای پی اےپہاڑی علاقوں سےبرف ترسیل سےمتعلق رپورٹ آئندہ سماعت تک جمع کرائے، سماعت غیرمعینہ مدت تک ملتوی کی جاتی ہے۔

پشاور ہائیکورٹ نے افغان موسیقاروں کو زبردستی افغانستان واپس بھیجنے سے روک دیا۔

اے آر وائی نیوز کے مطابق افغان موسیقاروں کی پاکستان میں پناہ اور زبردستی ملک بدری کے خلاف دائر درخواست پر عدالت نے دو صفحات پر مشتمل مختصر فیصلہ جاری کردیا۔

عدالت نے مختصر فیصلے میں کہا کہ وفاقی حکومت خود یا متعلقہ افسران افغان موسیقاروں کی پناہ کی درخواستوں پر دو ماہ میں فیصلہ کریں، دو ماہ تک انہیں زبردستی نہ بھیجا جائے۔

عدالتی حکم نامے میں کہا گیا کہ افغان موسیقار پناہ کے لیے یو این ایچ سی آر میں بھی اپلائی کرسکتے ہیں۔

پشاور ہائیکورٹ کا کہنا ہے کہ دو ماہ میں فیصلہ نہ ہونے کی صورت وزارت داخلہ درخواست افغان موسیقاروں کو مزید رہنے کی اجازت دیں۔

عدالت نے کہا کہ وفاقی، صوبائی حکومت اور قانون نافذ کرنے والے ادارے موسیقاروں کوئی سخت ایکشن نہ لیں، موسیقاروں کی درخواستیں نمٹائی جاتی ہیں۔

پشاور : وزیراعلٰی خیبرپختونخوا علی امین گنڈا پور گرفتاری کے خدشے کے پیش عدالت پہنچ گئے اور راہداری ضمانت کیلئے رجوع کرلیا۔

تفصیلات کے مطابق وزیراعلٰی خیبرپختونخوا علی امین گنڈا پور  نے پشاور ہائیکورٹ میں راہداری ضمانت کیلئے درخواست دائرکردی۔

جس میں درخواست آج ہی سماعت کے لئے مقرر کرنے کی استدعا کی گئی ہے۔

گذشتہ روز اسلام آباد کی مقامی عدالت نے وزیراعلٰی خیبر پختونخوا کی عدم پیشی پر ناقابل ضمانت وارنٹ گرفتاری جاری کیے تھے۔

اسلام آباد کی عدالت نے وزیر اعلی کو گرفتار کر کے پیش کرنے کا حکم دیا تھا۔

جوڈیشل مجسٹریٹ شائستہ کنڈی نے تحریری حکم نامے میں کہا تھا کہ راجہ ظہور الحسن ایڈووکیٹ نے وزیراعلٰی خیبرپختونخوا کی آج عدالت پیشی کی یقین دہانی کرائی تھی لیکن آج بھی پیش نہ ہوئے اور حاضری سے استثنٰی کی درخواست دائر کی گئی۔

حکم نامے میں کہا گیا کہ حاضری سے استثنیٰ کی درخواست کے ساتھ وزیراعلیٰ کے پی کا میڈیکل سرٹیفیکیٹ بھی لگایا گیا، ریکارڈ سے معلوم ہوتا ہے کہ وہ متعدد سماعتوں پر پیش نہیں ہوئے۔

عدالت کا کہنا تھا کہ متعدد مواقع فراہم کیے جانے کے باوجود علی امین گنڈاپور 342 کا بیان ریکارڈ نہیں کروا رہے، ایس ایچ او تھانہ بارہ کہو وزیراعلیٰ کو گرفتار کر کے 5 ستمبر کو عدالت میں پیش کریں۔