Tag: پشاور ہائی کورٹ

پشاور: پشاور ہائی کورٹ کا شاہی باغ میں قائم شادی ہال اور دیگر تجاوزات گرانے کا حکم دے دیا۔

تفصیلات کے مطابق پشاور ہائی کورٹ میں پارکوں کی خوبصورتی بحال کرنے اور شاہی باغ سے تجاوزات ہٹانے پر سماعت کے دوران جسٹس قیصر رشید نے ریمارکس دیے کہ پارک ایک ورثہ ہے،خوبصورتی بحال کرنے کے اقدامات کریں۔

جسٹس قیصر رشید نے کہا کہ محکمے اچھا کام کریں گے تو ہم اس کو سراہیں گے۔انہوں نے ریمارکس دیے کہ ہمیں بی آر ٹی سے کوئی کام نہیں، پارکوں کی خوبصورتی بحال کریں،بی آر ٹی کو بعد میں دیکھیں گے کہ یہ لوگوں کو سہولت دیتا ہے یا نہیں۔

پشاور ہائی کورٹ نے شاہی باغ میں قائم شادی ہال اوردیگر تجاوزات گرانے اور سیکرٹری جنگلات کو شاہی باغ میں درخت لگانے کا حکم دے دیا۔

اس سے قبل 26 جون کو پشاور میں ٹاؤن ون انتظامیہ نے عدالتی احکامات پر عملدرآمد کرتے ہوئے پردہ باغ میں قائم شادی ہال کو مسمار کر کے وسیع اراضی کوشالیمار گارڈن میں ضم کر دیا۔

پشاور: کروناوائرس کے خدشات کے پیش نظر پشاور ہائی کورٹ کو 31 مئی تک بند کرنے کا فیصلہ ہوگیا۔

تفصیلات کے مطابق رجسٹرار آفس کی جانب سے جاری کردہ اعلامیہ میں کہا گیا ہے کہ پشاور ہائیکورٹ کل سے 31 مئی تک بند رہے گی اس دوران عدالتیں، بارروم، ڈسنپسری اور دیگر دفاتر بھی بند رہیں گے۔

اعلامیہ کے مطابق 2سنگل بنچ ضمانت کی درخواستیں نمٹانے کے لیے کام کرتے رہے گے، پشاور ہائیکورٹ میں کرونا وائرس کے کیسز آنے کے بعد فیصلہ کیا گیا، متاثرہ ملازم کو دوبارہ کام پر آنے سے قبل رپورٹ پیش کرنی ہوگی۔

پشاور ہائیکورٹ مینگورہ بینچ کے 7 ملازمین کرونا کے شکار

واضح رہے کہ حالیہ دنوں پشاور ہائی کورٹ میں کروناوائرس کے کیسز رپورٹ ہوئے۔ ترجمان ہائی کورٹ کا کہنا تھا کہ ایک ملازم میں کرونا کی تصدیق پر دیگر کے ٹیسٹ کرائے گئے، مزید ٹیسٹ کرانے پر7اہلکاروں میں وائرس کی تصدیق ہوئی، کروناوائرس کے شکار ملازمین نے خود کو قرنطنیہ کردیا ہے۔

پشاور ہائیکورٹ مینگورہ بنچ کے دیگر عملے کے ٹیسٹ بھی کیے جارہے ہیں۔

خیال رہے کہ عالمی وبا سے ملک میں تقریباً تمام شعبوں کے ملازمین متاثر ہیں جن میں پولیس، صحافت اور عدالت بھی شامل ہیں، تمام متاثرین کو قرنطینہ میں رکھا گیا ہے۔

اسلام آباد: چیف جسٹس پشاور ہائی کورٹ جسٹس وقار احمد سیٹھ کا کہنا ہے کہ اعتماد ہی عدلیہ کی اصل طاقت ہے، عدلیہ کو انتظامی سطح پر بھی اصلاحات کی ضرورت ہے۔

تفصیلات کے مطابق پشاور ہائی کورٹ کے چیف جسٹس وقار احمد سیٹھ نے تقریب سے خطاب کرتے ہوئے کہا کہ 5 ہائی کورٹ کے رجسٹرار کو خوش آمدید کہتا ہوں، یہ اپنی نوعیت کی پہلی کانفرنس ہے۔

چیف جسٹس نے کہا کہ اعتماد ہی عدلیہ کی اصل طاقت ہے، عدلیہ کا بھی دیگراداروں کی طرح احتساب ہوتا ہے، عدلیہ کو انتظامی سطح پر بھی اصلاحات کی ضرورت ہے۔

جسٹس وقار احمد سیٹھ نے کہا کہ رجسٹرار ماتحت عدلیہ میں خوداعتمادی پیدا کرنے کاسبب ہیں، ہائی کورٹس کے رجسٹرارز کو ماتحت عدلیہ کے حوالے سے کردار ادا کرنا ہوگا۔

چیف جسٹس پشاور ہائی کورٹ کا کہنا تھا کہ رجسٹرارز کا کام ہے کہ ماتحت عدلیہ کو پیغام دیں کہ وہ آزاد ہیں، رجسٹرارز ماتحت عدلیہ کو پیغام دیں کسی کی مداخلت قبول نہ کریں۔

پشاور: بس ریپڈ ٹرانزٹ منصوبے کی تکمیل کے سلسلے میں تاخیر پر پشاور ہائی کورٹ نے پشاور ڈیولپمنٹ اتھارٹی سے سوال کر لیا، جسٹس قیصر رشید نے استفسار کیا کہ منصوبے میں اتنی تاخیر کیوں ہو رہی ہے؟

تفصیلات کے مطابق گزشتہ روز پشاور ہائی کورٹ میں واٹر ٹریٹمنٹ پلانٹ کیس کی سماعت کے دوران جسٹس قیصر رشید نے پی ڈی اے کے ڈائریکٹر جنرل سے پوچھا کہ بی آر ٹی مسئلہ کب حل ہو رہا ہے؟

کیس کے سلسلے میں عدالت کے سامنے ڈی جی پی ڈی اے، سی ای او ڈبلیو ایس ایس پی، اور چیف انجینئر پی ڈی اے پیش ہوئے۔

پشاور ہائی کورٹ نے تینوں اعلیٰ حکام کو شہر کا دورہ کرنے کا حکم دیتے ہوئے کہا کہ بارش میں شہر کا دورہ کریں، آپ کو عوامی مسائل کا اندازہ ہوگا، جہاں نکاس آب کا مسئلہ ہے اس کو حل کریں۔

جسٹس قیصر رشید نے پوچھا ڈی جی پی ڈی اے بتائیں بی آر ٹی مسئلہ کب حل ہو رہا ہے؟ اس منصوبے کی تکمیل میں اتنی تاخیر کیوں ہو رہی ہے؟ ڈی جی پی ڈی اے نے عدالت کو بتایا کہ انھوں نے بس 3 دن قبل ہی عہدے کا چارج سنبھالا ہے۔

یہ بھی پڑھیں:  بی آر ٹی منصوبہ، پیپلزپارٹی نے پرویزخٹک کیخلاف نیب میں درخواست جمع کرا دی

جسٹس قیصر نے استفسار کیا کہ بارش کا پانی سیلاب کی طرح بہتا ہے، کیا بی آر ٹی کا نتیجہ عوام کو ملے گا؟ چیف انجینئر نے جواب دیا کہ وہ ابھی نکاسی آب کے لیے نالے بنا رہے ہیں، اس سے مسئلہ حل ہو جائے گا۔

جسٹس قیصر رشید نے کہا کہ چیف انجینئر صاحب آپ کو پہلے پتا نہیں تھا نکاسی آب کا؟ کیا اب دوبارہ سڑکیں کھو دیں گے، افسوس کہ آپ لوگوں نے پہلے کوئی منصوبہ بندی نہیں کی۔

دریں اثنا عدالت نے متعلقہ حکام کو ڈیڑھ ماہ میں نکاسی آب کا مسئلہ حل کرنے کا حکم جاری کیا، بعد ازاں کیس کی سماعت 12 جون تک ملتوی کر دی گئی۔