Tag: پشاور

:      عالمی ادارہ صحت نے پشاور کو دنیا بھر میں پولیو وائرس کا مرکز قرار دے دیا۔

عالمی ادارہ صحت کے اعلامیہ کے مطابق پاکستان بھر میں پائے جانے والے نوے فیصد پولیو کیسز کا جینیاتی تعلق پشاور سے جاملتا ہے، پاکستان دنیا کا واحد ملک ہے جہاں دو ہزار بارہ کے برعکس دو ہزار تیرہ میں پولیو کیسز کی تعداد میں اضافہ ہوا ہے۔

پولیو وائرس کے حوالے سے قائم علاقائی ریفرنس لیبارٹری کے نتائج کے مطابق پاکستان میں سامنے آنے والے اکیانوے کیسوں میں تراسی کا جینیاتی تعلق پشاور سے ملتا ہے۔

عالمی ادارہ صحت نے بتایا کہ گذشتہ چار سالوں کے دوران پشاور کے مختلف علاقوں سے جمع کیے گئے سیوریج کے چھیاسی نمونوں میں سے بہتر مہلک پولیو وائرس کے نمونے پائے گئے۔

گذشتہ چھ ماہ میں پشاور کے مختلف علاقوں سے جمع کیے گئے سیوریج کے تمام نمونوں میں پولیو وائرس پائے گئے، پشاور میں گذشتہ پانچ سالوں کے دوران پولیو کے پینتالیس کیس سامنے آئے ہیں۔

پشاور اور قبائلی علاقوں میں پولیو وائرس کے تباہ کن پھیلاوٴ کے باعث قبائلی علاقوں میں گذشتہ برس پینسٹھ بچے معذور ہوگئے تھے، عالمی ادارہ صحت نے اس صورتحال کے پیش نظر متواتر بہترین معیار کی پولیو ویکسین مہم چلانے کی ضرورت پر زور دیا ہے، جس کی سخت مانیٹرنگ کی تجویز بھی دی گئی ہے۔

پشاور میں تبلیغی مرکز دھماکے کا مقدمہ تھانہ مچمی میں نامعلوم افراد کیخلاف درج کرلیا گیا جبکہ علاقہ کو کلئیر قرار دے دیا گیا۔

پشاور پولیس کے مطابق پولیس اور بم ڈسپوزل اسکواڈ نے علاقہ کی مکمل تلاشی کے بعد تبلیغی مرکز کو کلئیر قرار دیدیا جبکہ پولیس کی جانب سے واقعہ کا مقدمہ تھانہ مچمی میں نامعلوم افراد کے خلاف درج کرلیا گیا ہے۔

پولیس ذرائع کے مطابق تبلیغی مرکز کی انتظامیہ خود مرکز پر سیکیورٹی کے فرائض انجام دیتی تھی، اب تبلیغی مرکز کو سیکورٹی بھی فراہم کر دی جائے گی۔

پشاور میں بم ڈسپوزل یونٹ نے دہشت گردی کا بڑا منصوبہ ناکام بناتے ہوئے انٹی ائر کراف میزائل ناکارہ بنادیا۔

پشاور صدر نوتھیہ کوٹلہ محسن خان میں بم کی اطلاع پر بم ڈسبوزل یونٹ نے علاقے کا محاصرہ کرکے ریت کی بجری میں نصب میزائل کو جدید ریمورٹ کے زریعے ناکارہ بنادیا۔

پولیس کے مطابق نامعلوم دہشت گردی نے کسی بڑی دہشت گردی کے لیے میزائل کو ریت کی بجری مین چھپا رکھا تھا، جسے کسی اور علاقے میں منتقل کیا جانا تھا۔

پشاور میں اے این پی کے رہنما میاں مشتاق پر حملے کی ابتدائی رپورٹ پولیس نے مکمل کرلی، حملہ آور تربیت یافتہ ٹارگٹ کلرز تھے جبکہ امیر مقام پر حملے کا مقدمہ انسداد دہشت گردی ایکٹ کے تحت درج کرلیا گیا۔

پشاورکے نواحی علاقے بڈھ بیر میں اتوار کے روز عوامی نیشنل پارٹی کے رہنما میاں مشتاق فائرنگ سے دوساتھیوں سمیت جاں بحق ہوئے، ابتدائی رپورٹ کے مطابق حملہ آوروں کی تعداد تین تھی، جو موٹرسائیکل پر سوار تھے۔

ملزمان نے نائن ایم ایم اور تیس بور کی پستولوں سے گاڑی پر دس گولیاں فائر کیں، رپورٹ کے مطابق حملہ آور تربیت یافتہ ٹارگٹ کلر تھے، جنھوں نے تمام گولیاں گاڑی کے فرنٹ پر ماری، پولیس نے واقعے کا مقدمہ درج کرکے ملزمان کی گرفتاری کے لئے سرچ آپریشن شروع کردیا۔

دوسری جانب شانگلہ میں وزیراعظم کے مشیر انجیئر امیر مقام پر حملے کا مقدمہ بھی انسداد دہشت گردی ایکٹ کے تحت مقدمہ درج کرلیا گیا۔ ایف آئی آر میں زین العابدین، عمر خان اور حبیب مالک ملزمان نامزد کئے گئے، بتایا جاتا ہے نامزد تینوں ملزمان دہشت گردی کے مختلف مقدمات میں شانگلہ پولیس مطلوب تھے۔

پشاور میں صدر کے علاقے نوتیہ مینا لنڈابازار میں آتشزدگی سے درجنوں دکانیں جل کر خاکستر جبکہ آگ لگنے والے مقام پر دیوار گرنے سے تین افراد زخمی ہوگئے۔

ریسکیو ذرائع کے مطابق علیٰ الصبح پشاورمیں صدر کے علاقے نوتیہ مینالنڈا بازارمیں اچانک آگ بھڑک اٹھی، جس نے دیکھتے ہی دیکھتے درجنوں دکانوں کو اپنی لپیٹ میں لے لیا آگ کی اطلاع ملتے ہی فائربریگیڈ کی چودہ گاڑیوں نے موقع پر پہنچ کر آگ پر قابو پالیا گیا۔

تاہم اسی دوران آگ سے متاثرہ مقام پر دیوارگرنے سے تین افراد زخمی بھی ہوئے، جنہیں فوری طور پر لیڈی ڈیفرن اسپتال منتقل کردیا گیا، ریسکیو ذرائع کے مطابق آتشزدگی کے نتیجے میں درجنوں دکانوں میں موجود لاکھوں روپے مالیت کا سامان جل کر خاکستر ہوگیا، متاثرہ دکانوں میں زیادہ تر جوتے اور کپڑوں کی دکانیں شامل ہیں۔