Tag: پشاور

پشاورسینٹرل جیل میں سکیورٹی خدشات کی وجہ سے دوبارہ اضافی نفری تعینات کردی گئی ہے۔ سکیورٹی کو مزید سخت کر دیا گیا ہے، بنوں اور ڈی آئی خان جیل پر حملوں کے بعد پشاور سنٹرل جیل کو مو صول ہو نے والی دھمکیوں کی وجہ سے پشاور سنٹرل جیل میں پاک آرمی اور پولیس کی بھا ری نفری دوبارہ تعینات کر دی گئی ہیں۔

چند روز قبل پشاور سنٹرل جیل میں قید کا لعدم تنظیم لشکر اسلام اور کا لعدم نفاذ شریعت محمدی کے کا رندوں کے درمیان ہا تھا پا ئی ہو ئی تھی اور کئی قیدی زخمی بھی ہوئے، جس کے بعد پشاور سنٹرل جیل میں پا ک آرمی اور کمانڈوز نے سرچ آپریشن کیا ۔دونوں کا لعدم تنظمیوں کے قیدیوں کے مابین لڑائی کی وجہ سے پشاور سنٹرل کے سپرنٹینڈنٹ اعتزازخان کے خلا ف صوبائی حکومت کی جا نب سے انکوائری بھی جاری ہے۔

پشاور میں نامعلوم افراد نے ایس ایچ او بالا ماڑی حمید گل کی گاڑی پر فائرنگ کردی، جس کے نتیجے میں ایس ایچ او اپنے محافظوں سمیت زخمی ہوگئے۔

زرائع کے مطابق پشاور رنگ روڈ پہاڑی پورہ کے علاقے میں نامعلوم افراد نے ایس ایچ او بالا ماڑی حمید گل کی گاڑی پر اس وقت فائرنگ کی، جب وہ اپنے گارڈ کے ہمراہ اپنے گھر سے دفتر کے لیے روانہ ہوئے، حملہ میں ایس ایچ او کو تین گولیاں لگی جبکہ انکے محافط اور ڈرائیور بھی زخمی ہوئے۔

ایس ایچ او حمید گل اور انکے ساتھیوں کو زخمی حالت میں لیڈی ریڈنگ ہسپتال منتقل کیا گیا، پولیس کے مطابق حملہ آور کی تعداد تین تھی، جو موٹر سائیکل پر فرار ہوگئے، جن کی تلاش کے لیے رنگ روڈ پر اضافی نفری تعینات کر دی گئی ہے۔

ڈاکٹرز کے مطابق ایس ایچ او کو تین گولیاں لگی ہیں جبکہ انکے محافظ کی حالت خطرے سے باہر ہے۔
    
   

پشاور میں نجی بینک کےمینجر اور گارڈ کی لاشیں ملیں۔ پولیس نے واقعےکی تفیش شروع کردی۔ داودزئی کےعلاقے میں بم دھماکاہوا تاہم خوش قسمتی سےکوئی جانی نقصان نہیں ہوا۔ پشاورکے جی ٹی روڈ پر واقع نجی بینک سے دو افراد کی لاشیں برآمد ہوئیں،

بینک کے اندرلاشوں کی موجودگی کی اطلاع ملنے پر پولیس جائے وقوعہ پر پہنچ گئی اورلاشوں کوقبضے میں لیتے ہوئے بینک کی سی سی ٹی وی فوٹیج بھی اپنی تحویل میں لےلی۔ پولیس کے ابتدائی بیان کے مطابق ہلاک ہونے والے افراد کی شناخت بینک منیجر اورسیکیورٹی گارڈسےہوئی۔

پولیس نے واقعے کی تحقیقات کا آغاز کردیا، جبکہ لاشیں پوسٹمارٹم کے لیے اسپتال بھجوادی گئیں۔ دوسری جانب پشاور ہی کے علاقےداود زئی شاگالی میں دھماکا ہوا اطلاع ملنے پر پولیس اور بم ڈسپوزل اسکواڈ کے اہلکارموقع پر پہنچ گئے اور جائے وقوعہ سے شواہد اکھٹےکئے۔ پولیس کے مطابق دھماکے سے کوئی جا نی نقصان نہیں ہوا۔

پشاور کے نواحی علاقے پھندو میں رکشے میں بم دھماکے کے نتیجے میں تین افراد جاں بحق اور دو زخمی ہوگئے۔

پولیس کے مطابق دھماکا رکشے میں بم کی تنصیب کے دوران ہوا، بم دھماکے میں زخمی ہونے والے 7 افراد کو لیڈی ریڈنگ اسپتال منتقل کردیا گیا، اسپتال انتظامیہ کے مطابق زخمیوں میں تین بچے دو خواتین اور دو مرد شامل ہیں، ایک زخمی کی حالت تشویشناک ہے جبکہ جاں بحق افراد کی لاشیں بھی لیڈی ریڈنگ اسپتال لائی گئی ہیں جن میں سے ایک کی شناخت ہوگئی ہے۔

دھماکے میں ایک گھر کو بھی نقصان پہنچا ہے، دھماکے کے بعد پولیس نے علاقوں کو گھیرے میں لے لیا، دھماکے کے بعد علاقے کی بجلی منقطع ہوگئی، بم ڈسپوزل یونٹ کے مطابق ہلاک ہونے والے افراد آٹھ کلو وزنی بم پشاور کے کسی علاقے میں تخریب کاری کے لیے لے جانا چاہتے تھے، پولیس کے مطابق ہلاک ہونے والوں کا تعلق افغانستان سے ہے، تحقیقات شروع کردی گئی ہیں۔

وزیر اطلاعات خیبرپختونخوا شاہ فرمان کا کہنا ہے کہ عوامی فنڈ سے بنے والے منصوبے سیاسی شخصیات کے ناموں سے منسوب نہیں کئے جائیں گے۔

پشاور میں خیبرپختونخوا کی کابینہ کا اجلاس ہوا، اجلاس میں کیے گئے فیصلوں سے وزیر اطلاعات خیبرپختونخوا شاہ فرمان نے میڈیا کو آگاہ کیا، شاہ فرمان کا کہنا تھا کہ صوبے بھر میں جنگلات کی کٹائی پر پابندی عائد کردی گئی۔

ان کا کہنا تھا کہ ایسے طلبہ جنہوں نے فرسٹ ڈویژن میں ایم اے کیا ہے، ان کو ماہانہ دوہزار روپے وظیفہ دیا جائے گا، وزیراطلاعات خیبرپختونخوا کا کہنا تھا کہ عوام کے پیسے سے بننے والے منصوبے کے اشتہار میں کسی کی تصویر نہیں لگائی جائیگی۔

شاہ فرمان کا کہنا تھا کہ چاروں صوبے متفق ہوں تو کالا باغ ڈیم تعمیر کیا جائے، انہوں نے بتایا کہ نجی سود کے خاتمے کے لئے موثر قانون سازی کی جائے گی۔

پشاور میں لوڈ شیڈنگ کے خلاف احتجاج کرتے تحریک انصاف کے کارکنان واپڈا ہاؤس میں داخل ہوگئے، واپڈاچیف کہتے ہیں تیس جنوری سے پہلے لوڈشیڈنگ دورانئے میں کمی نہیں کرسکتے۔

بجلی لوڈ شیڈنگ نا منظور نامنظور ، خیبر پختون خوا سے سوتیلوں جیسا سلوک بندکیا جائے، پشاور میں بینرز اور پلے کارڈ اٹھائے تحریک انصاف کے ہزاروں کارکنان صوبے میں بجلی کی طویل اورغیر اعلانیہ لوڈ شیڈنگ کےخلاف احتجاج کرتے ،واپڈا ہائوس میں داخل ہوگئے، کارکنان کی چھ رکنی کمیٹی نےچیف واپڈا حکام سے سے بات کی۔

واپڈاحکام نے بتایاطلب بائیس سو میگاوات کی ہے جبکہ صوبے کو چودہ سو میگاواتٹ فراہم کئے جاتے ہیں، آٹھ سو میگاواٹ کمی کے سبب لوڈشیڈنگ کرنی پڑتی ہے، پیسکو چیف برگئیڈئیر رٹائرڈ طارق سدرو زئی عندیہ دیاہے کہ تیس جنوری سے پہلے لوڈ شیڈ نگ میں کمی نہیں کی جاسکتی۔

دیہی علاقوں کو اٹھارہ سے بیس گھنٹےاور شہری علاقوں میں آٹھ سے بارہ گھنٹے لوڈشیڈنگ کی جائے گی۔پیسکو چیف نے خوشخبری دیتے ہوئےبتایا چھ ارب روپے کے، لائن ڈسٹیبیوشن سسٹم ۔کو لگانے کی منظوری دی گئی ہے جو لوڈ شیڈنگ کے زخم پر مرہم کا کام کرے گا، کارکنان کی کمیٹی نے واپڈا حکام کو چار نکا ت پیش کئے جس میں غیر اعلانیہ لوڈ شیڈنگ کا خاتمہ ،کرپٹ اہلکاروں کے خلاف کاروائی ،لو ،وولٹیج اور ،اوور بیلینگ کو قابو میں کرنا شامل ہے۔