ARYNews.tv | Urdu – Har Lamha Bakhabar

Tag: پشتون آباد

  • پشتون آباد سے تعلق رکھنے والا نوجوان کوہ پیما پہاڑوں میں لاپتہ

    پشتون آباد سے تعلق رکھنے والا نوجوان کوہ پیما پہاڑوں میں لاپتہ

    کوئٹہ : پشتون آباد سے تعلق رکھنے والا نوجوان کوہ پیما لاپتہ ہوگیا ، جس کی تلاش کے لئے پی ڈی ایم اے ریسکیو آپریشن جاری ہے۔

    تفصیلات کے مطابق پشتون آباد سے تعلق رکھنے والا نوجوان کوہ پیما پہاڑوں میں لاپتہ ہوگیا ، نوجوان کی تلاش کے لئے پی ڈی ایم اے کی ریسکیو ٹیموں کا سرچ آپریشن جاری ہے۔

    پی ڈی ایم اے ٹیم کی جانب سے ڈرون کے ذریعے بھی خصوصی نگرانی کی جارہی ہے، ریسکیو آپریشن کی نگرانی کیلئے ڈی جی پی ڈی ایم اے جہانزیب خان ٹیم کے ہمراہ پہنچ گئے ہیں۔

    ڈی جی پی ڈی ایم نے عوام سے گزارش کی کہ حکومتی احکامات کی پابندی کریں اور مون سون کے باعث پہاڑیوں اور پکنک مقامات پر جانے سے گریز کریں۔

    جہانزیب خان کا کہنا تھا کہ پی ڈی ایم اے کی ٹیم نوجوان کو ڈھونڈنے کی ہر ممکن کوشش کررہی ہے، صبح ہائکنگ ٹیموں کےہمراہ ریسکیوآپریشن دوبارہ شروع کریں گے۔

  • ملتان کے گھر میں سلنڈر پھٹنے سے آٹھ افراد جھلس گئے

    ملتان کے گھر میں سلنڈر پھٹنے سے آٹھ افراد جھلس گئے

    ملتان:  گھر میں گیس سلنڈر پھٹنے سے8 افراد جھلس گئے، دھماکہ گیس لیکج کے باعث ہوا۔

    سورج میانی کے علاقہ میں اہل خانہ کے مطابق سلنڈر دھماکہ اس وقت ہوا جب وہ سوئی گیس نہ ہونے کے باعث گھر کا کھانہ سلنڈر گیس سے پکا رہے تھے کہ اچانک زوردار دھماکہ ہوا جس کے بعد گھر کے 8 افراد جھلس گئے ریکسیو نے موقع پر پہنچ کر 2 افراد کو موقع پر طبی امداد دی جبکہ زیادہ جھلسنے والوں نشتر ہسپتال ملتان منتقل کردیا گیا ہے جہاں پر ان کا علاج جاری ہے۔

     زخمیوں میں 2 بچوں سمیت خواتین بھی شامل ہیں، یاد رہے کہ موسم سرما میں گیس لوڈ شیڈنگ کے باعث گھریلو صارفین کو انتہائی مشکلات کا سامنا ہے۔ جس کی وجہ سے ان کو غیر معیاری سلنڈر استعمال کرنا پڑتا ہے جو کہ قانوناً جرم بھی ہے۔ تاہم پولیس نے موقع پر پہنچ کر تحقیقات شروع کردی ہیں۔

  • کوئٹہ: دوگروپوں میں مسلح تصادم، بچے سمیت چار زخمی

    کوئٹہ: دوگروپوں میں مسلح تصادم، بچے سمیت چار زخمی

    کوئٹہ: کوئٹہ میں دوگروپوں کے درمیان تصادم میں فائرنگ سے پشتون یوتھ فورس کے چیئرمین  اور ایک بچے سمیت چار افراد زخمی ہوگئے۔

    پولیس حکام کے مطابق شہر کے نواحی علاقے پشتون آباد میں دوگروپوں کے مابین پرانی دشمنی کی بناء پر فائرنگ کا تبادلہ ہوا ہے، جس کے نتیجے میں پشتون یوتھ فورس کے چیئرمین وحید خان اچکزئی اور ایک بچے سمیت چار افراد زخمی ہوگئے ہیں، جنہیں سول ہسپتال منتقل کردیا گیا ہے۔

    ہسپتال میں ممکنہ تصادم کے خدشے کے پیش نظر پولیس کی اضافی نفری تعینات کردی گئی ہے جبکہ پشتون آباد پولیس تھانہ میں مقدمہ درج کرکے تفتیش شروع کردی گئی۔

  • راولپنڈی گیس سلنڈر دھماکہ میں ایک جاں بحق، کوئٹہ گیس بھر جانے سے آٹھ افراد زخمی

    راولپنڈی گیس سلنڈر دھماکہ میں ایک جاں بحق، کوئٹہ گیس بھر جانے سے آٹھ افراد زخمی

    راولپنڈی/کوئٹہ: راولپنڈی کی پی ڈبلیو کالونی میں گیس سلنڈر دھماکےسےایک شخص جاں بحق اورچار افراد زخمی ہوگئے جبکہ کوئٹہ کےعلاقے پشتون آباد میں گھر میں گیس بھرجانےسےدو خواتین سمیت آٹھ افراد زخمی ہوگئے ہیں۔

    تفصیلات کے مطابق راولپنڈی کی پی ڈبلیو کالونی کے فلیٹ میں گیس سلنڈر پھٹنے سے ایک شخص جاں بحق ہوگیا اور دیگر چار افراد زخمی ہوگئے، زخمیو ں کو فوری طور پر اسپتال منقل کردیا گیا ہے جبکہ دھماکےکی وجہ تاحال معلوم نہیں ہوسکی ہیں۔ پولیس نے موقع پر پہنچ کر تحقیقات شروع کردی ہیں۔

    دوسری جانب کوئٹہ کے علاقے پشتون آباد میں مکان میں گیس بھرنے سے دو خواتین اور بچوں سمیت آٹھ افراد زخمی ہوگئے جنہیں طبی امداد کےلئےسول اسپتال کوئٹہ منتقل کردیا گیا ہے۔

    واضح رہے کہ سردی کی آمد کے ساتھ ہی ملک بھر مین اس قسم کے واقعات میں اضافہ ہو جاتا ہے جس کی روک تھام کیلئے شہریوں کو احتیاطی تدابیر اختیار کر نی چاہیں تاکہ اپنے پیاروں کی زند گیاں محفوظ بنائی جاسکیں۔