پشاور: خیبر پختون خوا کے شہر پشاور میں سہ روزہ پشتو ادبی کانفرنس پوری آب و تاب کے بعد اختتام پذیر ہو گیا ہے۔
تفصیلات کے مطابق تین روزہ پشتو ادبی میلہ نشتر ہال پشاور میں پوری آب و تاب کے بعد ختم ہو گیا، ادبی میلے میں بڑی تعداد میں نامور ادبا، شعرا اور مفکرین نے شرکت کی۔
ادبی میلے کا مقصد پشتو کمیونٹی کے درمیان فکری گفتگو کو فروغ دینا اور ان کی کاوشوں کا اعتراف کرنا تھا، شرکا نے پشتو ادب کی اہمیت پر روشنی ڈالی اور اس کے مختلف پہلووٴں پر عملی تحقیق کی ضرورت پر زور دیا۔
اس ادبی میلے میں ادب اور ثقافت کے حوالے سے مقررین نے اپنے مقالے پیش کیے، ناظرین میلے کے دوران روایتی رقص اور پشتو شاعری سے بھی لطف اندوز ہوئے۔
شرکا نے اس طرح کا ادبی میلہ ضلعی سطح پر بھی منعقد کرنے کا عزم ظاہر کیا، کور کمانڈر پشاور نے ادبی میلے کی اختتامی تقریب میں بطور مہمان خصوصی شرکت کی۔ طلبہ کے آرٹس کے نمونوں نے ادبی میلے کو چار چاند لگا دیے۔