Tag: پلاٹ کی کھدائی

کراچی : اورنگی ٹاؤن میں پلاٹ کی کھدائی کے دوران انسانی کھوپڑی کی ہڈیاں اور دوپٹہ برآمد ہوا، جس کی تحقیقات پولیس نے شروع کر دی۔

تفصیلات کے مطابق کراچی کے علاقے کے اورنگی ٹاؤن میں پلاٹ سے انسانی باقیات برآمد ہوئیں ، پولیس نے بتایا کہ کھدائی کے دوران انسانی کھوپڑی کی ہڈیا ں اوردوپٹہ ملا ہے۔

پولیس کا کہنا تھا کہ محلےکےرہائشی شاہ جہاں کا دعویٰ ہے ہڈیاں اور دوپٹہ اس کی گمشدہ والدہ کا ہے، والدہ 30 سے 35 سال قبل لاپتہ ہوگئی تھی

حکام نے کہا کہ جس پلاٹ پر کام ہو رہا تھا، وہ دعویٰ کرنے والے شاہ جہاں کا نہیں تاہم انسانی باقیات کوت حویل میں لے لیا اور تحقیقات جاری ہے۔

یاد رہے کراچی کے علاقے بلدیہ میں پلاٹ کی کھدائی کے دوران تین انسانوں کے اعضا برآمد ہوئے تھے، ملنے والے انسانی اعضا میں ایک بچے اور دو بڑوں کے ڈھانچے شامل تھا۔

ریسکیو حکام کے مطابق ملنے والی ہڈیوں سے بظاہر لگتا ہے کہ کافی پہلے دفن کیا گیا، ہظاہر ایک بچے اور دو بڑوں کی ہڈیاں ملی ہیں۔