انٹرنیشنل کرکٹ کونسل (آئی سی سی) نے ماہ نومبر کے پلیئر آف دی منتھ کی نامزدگیوں کا اعلان کر دیا ہے جس میں پاکستانی کھلاڑی بھی شامل ہے۔
انٹرنیشنل کرکٹ کونسل نے ماہ نومبر کے لیے آئی سی سی پلیئر آف دی منتھ کی نامزدگیوں کا اعلان کیا ہے جس میں حارث رؤف بھی شامل ہیں۔ پاکستانی پیسر کی یہ نامزدگی آسٹریلیا کے خلاف ون ڈے سیریز میں شاندار کارکردگی کی بدولت کی گئی ہے۔
View this post on Instagram
آئی سی سی نے جن تین کھلاڑیوں کو پلیئر آف دی منتھ کے ایوارڈ کے لیے شارٹ لسٹ کیا ہے۔ ان میں حارث رؤف کے علاوہ جنوبی افریقہ کے مارکو جینسن اور بھارت کے جسپریت بمراہ بھی شامل ہیں۔
واضح رہے کہ گزشتہ ماہ پاکستان نے آسٹریلیا کو ون ڈے سیریز میں دو، ایک سے شکست دی۔ یہ 22 سال بعد پاکستان کی کینگروز کے دیس میں ون ڈے سیریز میں فتح تھی۔
اس سیریز کے ہیرو حارث رؤف رہے جنہوں نے اپنی شاندار بولنگ سے کسی آسٹریلوی بلے باز کو کریز پر ٹکنے نہیں دیا اور 10 وکٹیں لے کر وہ سیریز کے بہترین کھلاڑی قرار پائے تھے۔
