ARYNews.tv | Urdu – Har Lamha Bakhabar

Tag: پلی بارگین

  • کوہستان کرپشن اسکینڈل : 9 ملزمان نے نیب کو پلی بارگین کیلئے درخواستیں دے دیں

    کوہستان کرپشن اسکینڈل : 9 ملزمان نے نیب کو پلی بارگین کیلئے درخواستیں دے دیں

    پشاور : ککوہستان کرپشن اسکینڈل کے 9 ملزمان نے پلی بارگین کیلئے درخواستیں دے دیں ، رقم کے تعین کے بعدملزمان کی درخواستیں چیئرمین نیب کو بھیجی جائیں گی۔

    تفصیلات کے مطابق کوہستان کرپشن اسکینڈل کے 9 ملزمان نے نیب کو پلی بارگین کیلئےدرخواستیں دیدیں، ذرائع نے بتایا کہ ملزمان کے منقولہ اور غیر منقولہ اثاثوں کی چھان بین بھی جارہی ہے۔

    ذرائع نیب کا کہنا تھا کہ ملزمان کے ذمے رقم کا تعین کیا جا رہا ہے، رقم کے تعین کے بعد ملزمان کی درخواستیں چیئرمین نیب کو بھیجی جائیں گی۔

    چیئرمین نیب کی پلی بارگین کی منظوری کے بعد احتساب عدالت میں درخواست دائر ہوگی۔

    مزید پڑھیں : کوہستان کرپشن کیس میں نئے انکشافات، بڑے نام بے نقاب ہوگئے

    یاد رہے کوہستان کرپشن کیس میں گرفتار کنٹریکٹر محمد ایوب نے دوران تفتیش اعظم سواتی سمیت دیگر بااثر افراد سے ڈیلز کا انکشاف کیا تھا۔

    بعد ازاں نیب نے کارروائی کرتے ہوئے اربوں روپے کے اثاثے برآمد، گاڑیاں، سونا اور نقدی ضبط کرلی۔

    نیب نے کارروائی کے دوران 25 ارب روپے مالیت کے اثاثے برآمد اور منجمد کیے گئے، ایک ارب سے زائد نقد رقم، غیرملکی کرنسی، تین کلو سونا برآمد کرکے ضبط کرلیا گیا تھا جبکہ ؤ 73 بینک اکاؤنٹس منجمد، 5 ارب روپے کی رقم برآمد کی، 77 لگژری گاڑیوں کی کل مالیت 94 کروڑ روپے سے زائد ہے۔

  • کرپشن کی رقم قومی خزانے میں واپس جمع کرانے کے لیے تیار ہوں، عاشق کلیری

    کرپشن کی رقم قومی خزانے میں واپس جمع کرانے کے لیے تیار ہوں، عاشق کلیری

    کراچی: اہم کرپشن کیس میں گرفتار ملزم عاشق کلیری نے نیب کو پلی بارگین کی درخواست دے دی۔

    تفصیلات کے مطابق حیدرآباد تا سکھر موٹروے کرپشن اسکینڈل میں ملوث اہم ملزم عاشق کلیری نے نیب کو درخواست دیتے ہوئے کہا ہے کہ وہ کرپشن کی رقم قومی خزانے میں واپس جمع کرانے کے لیے تیار ہیں۔

    ذرائع کا کہنا ہے کہ قومی احتساب بیورو نے ملزم عاشق کلیری کی جائیدادوں کا سراغ لگانا شروع کر دیا ہے، ملزم سے برآمد رقم اور کرپشن کی مد میں لوٹے جانے والے پیسوں کو مساوی کیا جائے گا۔

    ذرائع کے مطابق جائیدادوں کی تفصیلات سامنے آنے کے بعد ملزم کی پلی بارگین کی درخواست پر فیصلہ کیا جائے گا، نیب نے عاشق کلیری کے گھر سے مزید 30 کروڑ روپے کیش برآمد کیا تھا۔

    واضح رہے کہ ملزم عاشق کلیری عدالتی ریمانڈ پر جیل میں ہیں، اور اس کیس کے دیگر ملزمان مفرور ہیں۔

  • گاڑیوں کا فراڈ، عوام سے اربوں لوٹنے والے ملزم کی پلی بارگین

    گاڑیوں کا فراڈ، عوام سے اربوں لوٹنے والے ملزم کی پلی بارگین

    لاہور: احتساب عدالت نے عوام کو جمع پونجی سے محروم کرنے والے ملزم جاوید مظفر کی پلی بارگین کی درخواست منظور کر لی۔

    اے آر وائی نیوز کے مطابق نیب کورٹ نے سادہ لوح عوام کے ساتھ 3 ارب روپے کے فراڈ کیس میں ملوث ملزم جاوید مظفر بٹ کی 1 ارب 20 کروڑ کی پلی بارگین کی درخواست منظور کر لی۔

    اس کیس میں ایک اور ملزم ملک عثمان ریاض سے نیب لاہور نے 72 کروڑ کی پہلی پلی بارگین مارچ 2020 میں کی تھی، پلی بارگین کے بعد اپریل میں عثمان ریاض کی رہائی کا حکم دیا گیا تھا۔

    یاد رہے کہ عثمان ریاض اور جاوید مظفر نے گوجرانوالہ اور دیگر شہروں میں سادہ لوح شہریوں کو گاڑیاں دینے کا جھانسا دے کر اربوں روپے لوٹے تھے، سیکڑوں لوگوں نے گاڑیوں کی بکنگ کروائی، اور ڈیلرز پیسے لے کر بیرون ملک بھاگ گئے۔ ٹیوٹا موٹرز اسیکنڈل میں مرکزی ملزم عثمان ریاض کے خلاف دھوکا دہی کی شکایت پر نیب لاہور نے مئی 2019 میں تحقیقات کا آغاز کیا تھا۔ ستمبر 2019 میں تحقیقاتی ٹیم کی درخواست پر ملزم جاوید مظفر کو بھی گرفتار کیا گیا۔

    نیب کا کہنا ہے کہ ملزمان کے خلاف مجموعی طور پر 647 مستند شکایات ملی تھیں، جو ریکارڈ کا حصہ ہیں، اکتوبر 2019 میں 14 کروڑ کی 8 نئی گاڑیاں، اور 42 گاڑیوں کے کاغذات متاثرین کو دیے گئے تھے۔

    نیب لاہور کے ترجمان نے کہا کہ چیئرمین نیب کی ہدایت ہے کہ عوام کی لوٹی رقم کی برآمدگی ہماری ترجیح ہے، ڈیڑھ سال میں اس کیس میں نیب لاہور نے 1 ارب 92 کروڑ کی پلی بارگین کی ہے، پلی بارگین ایک مکمل سزا ہے، اس میں ملزم سے مکمل رقوم کی وصولی ہوتی ہے، اور وہ سزا یافتہ تصور کیا جاتا ہے۔

    ترجمان کا کہنا تھا نیب لاہور کا 2020 کے دوران ملزمان کو سزائیں دلوانے کا تناسب 78 فی صد رہا، یہ نیب لاہور کی شان دار کامیابی کا مظہر ہے۔

  • جعلی اکاؤنٹس اسکینڈل میں نیب کی ایک اور کامیابی

    جعلی اکاؤنٹس اسکینڈل میں نیب کی ایک اور کامیابی

    اسلام آباد: جعلی اکاؤنٹس اسکینڈل میں نیب نے ایک اور کامیابی حاصل کر لی، ایک اور ملزم پلی بارگین کے لیے تیار ہو گیا۔

    اے آر وائی نیوز کے مطابق ملزم احسان الہٰی نے پلی بارگین کے لیے درخواست دائر کر دی، ملزم پر سرکاری زمین غیر قانونی طور پر الاٹ کروانے کا الزام ہے۔

    ملزم نے سابق ڈی جی سندھ بلڈنگ کنٹرول اتھارٹی کو سرکاری زمین کی الاٹمنٹ کے لیے رشوت دی تھی۔

    ادھر احتساب عدالت نے آدم خان جوکھیو اور لال محمد کی پلی بارگین کی درخواستیں مسترد کر دی ہیں، عدالت نے کراچی میں ہاؤسنگ سوسائٹی کے نام پر الاٹیز سے جعل سازی کے ریفرنس میں ملزمان آدم خان جوکھیو اور لال محمد کی پلی بارگین درخواستوں پر فیصلہ جاری کرتے ہوئے درخواستیں مسترد کر دیں۔

    سابق گورنر کے بیٹے نے نیب سے پلی بارگین کرلی

    عدالت کا کہنا تھا متاثرین سے سیٹلمنٹ کیے بغیر پلی بارگین نہیں کی جا سکتی، 1992 سے پلاٹوں کا انتظار کرنے والوں کا تحفظ یقینی بنایا جائے۔

    عدالتی فیصلے میں کہا گیا کہ پلی بارگین سے پہلے تمام الاٹینز سے سیٹلمنٹ کی جائے، اگر متاثرین سے سیٹلمنٹ کامیاب ہو تو پلی بارگین ہو سکتی ہے۔

    عدالت نے ملزمان کی پلی بارگین کی درخواستیں نمٹاتے ہوئے کہا سیٹلمنٹ کے بعد ملزمان پلی بارگین کی درخواست دائر کر سکتے ہیں۔

  • نیب نے سندھ حکومت کو 224 ملین سے زائد کی رقم حوالے کر دی

    نیب نے سندھ حکومت کو 224 ملین سے زائد کی رقم حوالے کر دی

    اسلام آباد: نیب نے ریکوری کی مد میں سندھ حکومت کو 224 ملین سے زائد کی رقم حوالے کر دی۔

    تفصیلات کے مطابق آج چئیرمین نیب کی زیر صدارت اجلاس منعقد ہوا جس میں 22 کروڑ روپے سے زائد کی رقم چیف سیکرٹری سندھ کے حوالے کی گئی۔

    یہ رقم روشن سندھ پروگرام کیس میں ریکوری کی مد میں حاصل کی گئی تھی، دوران اجلاس ڈی جی نیب راولپنڈی نے جعلی اکاؤنٹس کیس پر بریفنگ میں کہا سندھ روشن پروگرام کے حوالے سے 19 کنٹریکٹرز نے رقم جعلی اکاؤنٹس میں جمع کرائی تھی۔

    بریفنگ کے مطابق ودود انجئینرنگ، ایم جے بی کنسٹرکشن اور ظفر انٹرپرائزز کو غیر قانونی ٹھیکے دیے گئے تھے، 22.3 ملین پراجیکٹ میں سرکاری افسران کو کک بیکس کی مد میں دیےگئے تھے، شرجیل میمن نے مبینہ طور پر 77 ملین وصول کیے جو جعلی اکاؤنٹس میں جمع کرائے گئے۔

    مزید بتایا گیا کہ ملزمان سے پلی بارگین کی مد میں 305 ملین روپے کی رقم ریکور کی گئی، اس کے علاوہ نیب اراضی کی مد میں بھی اب تک 11.6 ارب روپے ریکور کر چکا ہے۔

    چیئرمین نیب نے اجلاس میں کہا کہ سندھ میں شوگر اسکینڈل کی مد میں 10 ارب کی رقم برآمد کی گئی ہے، جعلی اکاؤنٹس کیس میں اب تک 23 بلین کی رقم ریکور کی جا چکی ہے، 50 کروڑ مالیت کے 2 پلاٹ بھی سندھ حکومت کے حوالے کیے جا چکے ہیں۔

    انھوں نے اجلاس میں بتایا کہ ایک ارب کی 300 ایکڑ اراضی بھی سندھ حکومت کو دی جا چکی ہے، پی ایس او اسکینڈل میں بھی کامران افتخار کی جانب سے 1.27 ارب کی پلی بارگین کی درخواست کی گئی جسے عدالت نے منظور کر لیا ہے۔

  • نواز شریف نیب کے قیدی ہیں پلی بارگین بھی ان ہی سے ہوگی حکومت سے نہیں، اعجاز شاہ

    نواز شریف نیب کے قیدی ہیں پلی بارگین بھی ان ہی سے ہوگی حکومت سے نہیں، اعجاز شاہ

    سرگودھا : وزیرداخلہ اعجاز شاہ نے کہا ہے کہ نوازشریف نیب کے قیدی ہیں پلی بارگین بھی ان ہی سے ہوگی، میرا یا حکومت کا اس سے کوئی تعلق نہیں ہے، اب کشمیر کا کوئی سودا نہیں کرسکتا۔

    ان خیالات کا اظہار انہوں نے سرگودھا میں میڈیا سے گفتگو کرتے ہوئے کیا، انہوں نے کہا کہ حکومت نواز شریف یا آصف زرداری سے کسی قسم کی کوئی ڈیل نہیں کر رہی۔

    پلی بارگین نیب کے قوانین میں شامل ہے اور وہ ہی کسی بھی قسم کی ڈیل کر سکتے ہیں۔نوازشریف نیب کے قیدی ہیں پلی بارگین بھی ان ہی سے ہوگی، ہماری حکومت کا اس سے کوئی تعلق نہیں۔

    کشمیر سے متعلق ایک سوال کے جواب میں ان کا کہنا تھا کہ مسئلہ کشمیر کو موجودہ حکومت نے سفارتی سطح پر تاریخی طور پر اٹھایا، جتنا وزیر اعظم عمران خان نے مسئلہ کشمیر کے لیے کام کیا اتنا آج تک کسی رہنما نے نہیں کیا، اگرہم اپنا فیصلہ بدل لیتے تو ہم میں اور مودی میں کوئی فرق نہیں رہ جاتا۔

    اعجاز شاہ کا مزید کہنا تھا کہ کشمیر میں کرفیو ختم ہونے پر ہی نریندر مودی کا اصل امتحان شروع ہوگا، جموں اور لداخ میں مسلم آبادی کم ہے وہاں لاک ڈاؤن اتنا سخت نہیں۔

    وفاقی وزیر داخلہ نے کہا کہ کشمیر کا سودا جو کرسکتے تھے اللہ نے انہیں جیل بھیج دیا ہے، حکومت اور قوم کشمیریوں کے ساتھ کھڑی ہے، اب کشمیر کا کوئی سودا نہیں کرسکتا،

  • جعلی اکاؤنٹس کیس کے ملزمان کی 10 ارب 66 کروڑ روپے کی پلی بارگین

    جعلی اکاؤنٹس کیس کے ملزمان کی 10 ارب 66 کروڑ روپے کی پلی بارگین

    اسلام آباد: قوم کا پیسا لوٹنے والوں سے وصولی کا آغاز ہو گیا ہے، جعلی اکاؤنٹس کیس میں گرفتار عبدالغنی مجید سمیت 7 ملزمان نے 10 ارب 66 کروڑ روپے کی پلی بارگین کر لی۔

    تفصیلات کے مطابق جعلی اکاؤنٹس کیس کے گرفتار سات ملزمان نے آخر کار پلی بارگین کرتے ہوئے دس ارب چھیاسٹھ کروڑ روپے واپس کرنے کے لیے درخواست کر دی۔

    ملزمان میں عبدالغنی مجید سمیت 7 دیگر شامل ہیں، ملزمان نے سندھ اور اسٹیل ملز کی سرکاری زمینوں میں بھی خرد برد کی ہے، پلی بارگین کے تحت ملزمان 266 ایکڑ سے زاید اراضی بھی واپس کریں گے۔

    چیئرمین نیب جسٹس ریٹائرڈ جاوید اقبال نے ملزمان کی پلی بارگین کی درخواست منظور کر لی ہے۔

    یہ بھی پڑھیں:  جعلی اکاؤنٹس کیس، تین ملزمان رقم واپس کرنے پر راضی، پلی بارگین کی درخواستیں دائر

    واضح رہے کہ گزشتہ روز اسلام آباد کی احتساب عدالت میں جعلی اکاؤنٹس کیس کی سماعت کے دوران نیب وکیل نے عدالت کو آگاہ کیا کہ جعلی اکاؤنٹس کیس میں گرفتار ہونے والے تین ملزمان رقم واپس دینے پر راضی ہوگئے ہیں۔

    وکیل کا کہنا تھا کہ ملزمان خورشید جمالی، عارف اور آصف نے پلی بارگین کے لیے نیب کو درخواست جمع کرا دی ہے۔

    سماعت کے موقع پر عبد الغنی مجید اور دیگر ملزمان کو پیش کیا گیا تھا، فاضل جج نے عبد الغنی مجید کی اہلیہ مناہل مجید سے متعلق استفسار کیا تو نیب کے وکیل نے بتایا کہ وہ اس وقت بیرون ملک ہے۔

  • نواز شریف قوم نے3بارآپ کوعزت دی ان کا پیسہ واپس دیں، فوادچوہدری

    نواز شریف قوم نے3بارآپ کوعزت دی ان کا پیسہ واپس دیں، فوادچوہدری

    اسلام آباد : وزیراطلاعات فواد چوہدری کا کہنا ہے کہ چار دن سے رہا نوازشریف کو تاحال اسپتال میں داخل نہیں کیاگیا، انھیں پھر پلی بارگین مشورہ دیتا ہوں ، قوم نے 3 بار آپ کوعزت دی ان کا پیسہ واپس دیں۔

    تفصیلات کے مطابق وزیراطلاعات فواد چوہدری نے سماجی رابطے کی ویب سائٹ ٹوئٹر پر اپنے پیغام میں کہا نوازشریف کی رہائی کاچوتھاروز، تاحال اسپتال داخل نہیں کرایاگیا، کیامقصدصرف جیل سےباہرآناتھا، کیا بیماری کیلئے آخری ہفتے کا انتظار ہے؟ میراپھرمشورہ ہےآسان راستہ پلی بارگین ہے۔

    فوادچوہدری کا کہنا تھا حسن اورحسین کا نہیں پیسہ آپ کاہے، قوم نے3بارآپ کوعزت دی ان کا پیسہ واپس دیں۔

    خیال رہے نوازشریف کوطبی بنیادوں پرجیل سے رہا ہوئے چار روزگزرگئے باقاعدہ علاج شروع نہ ہوسکا، نواز شریف کی بیماری کتنی تشویش ناک ہے؟سوال اٹھنے لگے ہیں۔

    یاد رہے 17 مارچ کو فواد چوہدری کا کہنا تھا کہ لوٹا گیا پیسہ حکومت، نیب یا عدلیہ کا نہیں عوام کا ہے اور اُسے واپس آنا چاہیے، نوازشریف کے پاس پلی بارگین کے سوا کوئی آپشن نہیں، وہ اسی صورت باہر جاسکتے ہیں کیونکہ لندن میں ایک فراری کیمپ کھلاہوا ہے جوجاتاہےواپس نہیں آتا۔

    مزید پڑھیں : نوازشریف کے پاس لندن جانے کا واحد راستہ پلی بارگین ہے، فواد

    وزیراطلاعات نے کہا تھا نوازشریف کو ان کی مرضی کاعلاج کرانےکی کئی بار پیشکش کی گئی، حتی کہ انہیں یہ بھی پیغام بھیجا گیا کہ اگر وہ کسی معالج کو بیرونِ ملک سے بلانا چاہتے ہیں تو انہیں اجازت ہے مگر ن لیگ کاایک حصہ ان کی صحت پرسیاست کرنا چارہا ہے

    گذشتہ روز بھی نوازشریف نے اسپتال جانے کے بجائے جاتی امرا میں ہی تفصیلی طبی معائنہ کرایا تھا ، شریف میڈیکل سٹی کمپلیکس کے ڈاکٹروں پر مشتمل پینل نے ٹیسٹ لیے، بلڈ ٹیسٹ، شوگر اور دل کی دھڑکن چیک کی گئی، ڈاکٹروں کی ٹیم نے نوازشریف کوادویات جاری رکھنے اور مکمل آرام کا مشورہ دیا تھا۔

    ذرائع کا کہنا تھا مسلم لیگ ن کے قائد کی حتمی رپورٹ آنے کے بعد لندن میں ان کے معالج ڈاکٹرلارنس سے رابطہ کیا جائے گا اور ان سے علاج کے حوالے سے مشاورت بھی کی جائے گی۔

    واضح رہے 26 مارچ کو سپریم کورٹ آف پاکستان نے نوازشریف کو 6 ہفتوں کے لیے طبی بنیادوں پرضمانت پر رہا کرنے کا حکم دیا تھا تاہم وہ ان کے بیرون ملک سفر کرنے پر پابندی عائد کردی تھی۔

  • نواز شریف کے پاس پلی بارگین کے سوا کوئی آپشن نہیں: فواد چوہدری

    نواز شریف کے پاس پلی بارگین کے سوا کوئی آپشن نہیں: فواد چوہدری

    اسلام آباد: وفاقی وزیرِ اطلاعات فواد چوہدری نے کہا ہے کہ پیسے دیکھتے ہوئے تو نواز شریف کا دل دھڑکتا ہے، ان کے پاس پلی بارگین کے سوا کوئی آپشن نہیں، نواز شریف کی جائیداد ضبط ہوگی۔

    تفصیلات کے مطابق وزیر اطلاعات فواد چوہدری نے آے آر وائی نیوز کے پروگرام الیونتھ آور میں گفتگو کرتے ہوئے کہا کہ نواز شریف کو بد عنوانی کے مقدمات میں سزا ہوئی ہے، انھیں پیسے واپس کرنا پڑیں گے اس کے علاوہ کوئی حل نہیں۔

    فواد چوہدری کا کہنا تھا کہ نواز شریف کی سزا 7 سال ہے وہ پوری کریں گے تو اس کے بعد ان کی جائیداد ضبط ہوگی۔

    وزیر اطلاعات کا جعلی اکاؤنٹ کیس سے متعلق کہنا تھا کہ ایان علی سے لے کر برتھ ڈے کیک تک پیسے جعلی اکاؤنٹ سے گئے، جعلی اکاؤنٹس کیس کی بنیاد کاغذات ہیں جو عدالت میں بول رہے ہیں۔

    انھوں نے کہا کہ بلاول تمام کمپنیوں کے بینفشری خود ہیں، والد نے جعلی اکاؤنٹس بنا دیے اور اسی طرح سے ساری کمپنیاں چل رہی تھیں، یہ بڑے لوگ الٹا نیب کے لوگوں کو ہراساں کر رہے ہیں۔

    یہ بھی پڑھیں:  چیخیں وزیر اعلیٰ ہاؤس سندھ سے آ رہی ہیں، مراد علی شاہ کی پریس کانفرنس پر خرم شیر زمان کا رد عمل

    فواد چوہدری کا اپنی وزارت سے متعلق کہنا تھا کہ وزیر اعظم نے عہدہ چھوڑنے کا کہا تو ایک منٹ نہیں لگاؤں گا، کچھ ایشوز ہیں جن پر میرا نقطہ نظر ہے جو وزیر اعظم کے سامنے رکھا ہے، انھوں نے میری بات اب بھی غور سے سنی، فیصلہ وہی کریں گے۔

    وزیر اطلاعات نے کہا کہ پارٹی ایشوز ہوتے ہیں، جب بات لمبی ہو جائے تو میڈیا سے نہیں چھپتی، نعیم الحق سے احترام کا تعلق ہے، چھوٹی موٹی چیزیں چلتی رہتی ہیں، نعیم الحق کے خلاف کوئی ٹویٹ نہیں کیا۔

    فواد چوہدری نے کہا کہ پرویز مشرف کو ملک ضرور آنا چاہیے، عدالتوں کا سامنا کرنا چاہیے، مشرف صاحب صحت یاب ہو کر آئیں اور مقدمات کا سامنا کریں۔

  • خالد لانگو سے پلی بارگین کیوں کی؟ عدالت برہم، ویڈیو طلب

    خالد لانگو سے پلی بارگین کیوں کی؟ عدالت برہم، ویڈیو طلب

    اسلام آباد: سپریم کورٹ نے نیب سے سابق وزیر بلوچستان مشتاق رئیسانی اور مشیر خالد لانگو کے گھر پر چھاپے کے دوران رقم برآمد کرنے کی ویڈیو طلب کرلی، عدالت نے چیئرمین نیب سے کہا ہے کہ گھر سے اتنی بڑی تعداد میں رقم کے بعد پلی بارگین کی درخواست کیوں منظور کی گئی۔

    تفصیلات کے مطابق سپریم کورٹ میں جسٹس دوست محمد خان کی سربراہی میں تین رکنی بینچ نے بلوچستان کے سابق صوبائی وزیر خالد لانگو کی درخواست کی سماعت  کی دوران سماعت جسٹس قاضی فائز عیسی نے ریمارکس دیے کہ چیئرمین نیب نے کس قانون کے تحت مشتاق رئیسانی سے درآمد شدہ رقم پر بارگین کی۔

    سپریم کورٹ نے نیب سے مشتاق رئیسانی کے گھر پر چھاپے کے دوران رقم برآمدگی کی ویڈیو اور پلی بارگین کی خلاف ضابطہ اجازت دئیے جانے کا تحریری جواب  طلب کر لیا۔ عدالت کا کہنا ہے گھر سے بحق سرکار ضبط کی گئی رقم دو مکانات اور گاڑی برآمد ہونے کے باوجود پلی بارگین کیوں کی گئی کیونکہ یہ مختلف ٹیکسوں سے حاصل کی گئی وہ رقم ہے جس سے آپ کو اور ہمیں تنخواہیں ملتی ہیں۔

    پڑھیں: ’’ نیب ترمیمی آرڈیننس جاری، پلی بارگین کا اختیار عدالت کے سپرد ‘‘

    جسٹس فائز عیسیٰ نے کہا کہ نیب سے زیادہ تو وہ ملزم ایماندار ہے جس نے اپنا جرم تسلیم کیا اور لوٹی ہوئی رقم واپس دینے پر رضا مند ہوا، جسٹس قاضی فائز عیسی نے چیرمین نیب کو مخاطب کرتے ہوئے کہا کہ نیب نے اپنی اتھارٹی کا غلط استعمال کیا، خالد لانگو کی پلی بارگین درخواست منظور کرنے پرچیئرمین کے خلاف کاروائی کا کیس بن سکتاہے۔

    جسٹس دوست محمد خان نے استفسار کیا عدالت کے جو شکوک شبہات ہیں انکو نیب دور کیوں نہیں کرتی؟ چیرمین نیب قمر الزمان نے عدالت کو بتایا کہ چھاپے کے دوران65 کروڑ نقدی، 3 کلو گرام سونا اور کئی گاڑیاں ضبط کی گئی ہیں، انہوں نے عدالت کو آگاہ کیا کہنیب کے ضابطے میں پلی بارگین کا ضابطہ کار 12 سال پہلے تیار کیا گیا تھا، پلی بارگین ریفرنس کی انکوائری کرنے کا آخری حکم چیئرمین دیتا ہے۔

    مزید پڑھیں: ’’ پلی بارگین پرسپریم کورٹ کا اظہاربرہمی ‘‘

    پراسیکیوٹر جنرل نیب نے عدالت کو بتایا کہ مشتاق رئیسانی کے ساتھ پلی بارگین کی منظوری ڈی جی نیب کوئٹہ کی سفارش پر دی گئی ،جس کےبعد بورڈ نے ملزم کی درخواست کو منظور کیا۔ جسٹس قاضی فائز عیسی کا کہنا تھا نیب نے خود اپنے قانون اور قوائد کی خلاف ورزی کی ہے، عدالت نے رقوم کی برامدگی کی ویڈیو ریکارڈنگ طلب کرتے ہوئے کیس کی سماعت 9 فروری تک ملتوی کر دی۔