لاہور : پنجاب اسمبلی میں اپوزیشن لیڈر کی نامزدگی کے معاملے پر پاکستان تحریک انصاف نے اپنی سیاسی کمیٹی کے ذریعے پانچ نام بانی چیئرمین کو بھجوا دیے ہیں۔

تفصیلات کے مطابق پنجاب اسمبلی میں نئے قائد حزب اختلاف کی نامزدگی کیلئے پی ٹی آئی سیاسی ٹیم نے بانی تحریک انصاف کو پانچ نام بھجوا دئیے ہیں۔

ذرائع نے بتایا کہ بھیجے گئے ناموں میں سے تحریک انصاف کے بانی آئندہ ہونےوالی اپنے وکلاء یا فیملی کے ساتھ ملاقات میں ایک نام فائنل کریں گے۔

ذرائع کا کہنا ہے کہ سیاسی کمیٹی نےمعین ریاض قریشی، علی امتیاز وڑائچ ، اوعجاز شفیع ، شیخ امتیاز اور رانا شہباز کا نام دیئے ہیں، بانی پانچ ناموں میں سے کسی ایک کا نام اپوزیشن لیڈرپنجاب اسمبلی کے لئے تجویز کریں گے۔

ذرائع کے مطابق پی ٹی آئی کی کوشش ہے کہ پنجاب اسمبلی کے آئندہ اجلاس سے قبل اپوزیشن لیڈر کا نام فائنل کر لیا جائے تاکہ اسمبلی میں مؤثر نمائندگی یقینی بنائی جا سکے۔

مزید پڑھیں‌: پی ٹی آئی میں مبینہ اختلاف، محمود اچکزئی کی بطور اپوزیشن لیڈر نامزدگی روک دی گئی

یاد رہے کہ اس سے قبل پی ٹی آئی نے قومی اسمبلی اور سینیٹ میں قائدِ حزبِ اختلاف کے نامزدگی کے عمل کو مؤخر کر دیا تھا۔ پارٹی کمیٹی نے اعلان کیا تھا کہ محمود خان اچکزئی اور اعظم سواتی کی نامزدگی کو اس وقت تک روکا گیا ہے جب تک عمر ایوب اور شبلی فراز کی اپیلوں پر فیصلہ نہیں ہو جاتا۔

پی ٹی آئی کے سیکرٹری جنرل سلمان اکرم راجہ نے کہا تھا کہ پارٹی قیادت موجودہ اپوزیشن لیڈروں کے ساتھ کھڑی ہے، پارٹی بانی عمران خان نے نئے نام تجویز کیے ہیں، اور امید ہے کہ عدالت کا فیصلہ پی ٹی آئی کے حق میں آئے گا۔

واضح رہے کہ قومی اسمبلی میں محمود خان اچکزئی کو اپوزیشن لیڈر نامزد کرنے کے عمران خان کے فیصلے پر پارٹی کے اندر اختلافات بھی سامنے آئے تھے۔

متعدد رہنماؤں نے اس فیصلے پر اعتراض کرتے ہوئے کہا تھا کہ پارٹی کے پاس اپنے کئی اہل امیدوار موجود ہیں، تاہم بعض اراکین کا مؤقف تھا کہ عمران خان کا فیصلہ حتمی اور قابلِ عمل ہونا چاہیے۔

لاہور (20 جولائی 2025): پنجاب میں سینیٹ کے ضمنی الیکشن کے لیے ضابطہ اخلاق جاری ہو گیا امیدواروں سیاسی جماعتوں پر پابندیاں عائد کی گئی ہیں۔

اے آر وائی نیوز کے مطابق پنجاب اسمبلی میں سینیٹ کی خالی نشست پر ضمنی الیکشن کل (پیر) ہوگا۔ اس سلسلے میں الیکشن کمیشن نے ضابطہ اخلاق طے کیا ہے اور امیدواروں سمیت سیاسی جماعتوں، ایجنٹس اور ووٹرز کے لیے کوڈ آف کنڈکٹ جاری کر دیا ہے۔

الیکشن کمیشن کے ضابطہ اخلاق کے مطابق پولنگ اسٹیشنز میں موبائل فون اور الیکٹرانک ڈیوائس لے جانا سختی سے ممنوع قرار دیا گیا ہے جب کہ بیلٹ پیپرز کی تصویر لینے پر بھی پابندی عائد کر دی ہے۔

ضابطہ اخلاق میں کہا گیا ہے کہ امیدوار یا حمایتی کسی سرکاری ملازم سے مدد نہیں مانگ سکتے اور کوئی سرکاری ملازم بھی کسی امیدوار کی حمایت یا مخالفت نہیں کر سکتا۔

کوڈ آف کنڈکٹ میں واضح کیا گیا ہے کہ ضمنی الیکشن میں سرکاری وسائل استعمال نہیں ہوں گے جب کہ صدر مملکت اور گورنرز انتخابی مہم میں حصہ نہیں لے سکیں گے۔

واضح رہے کہ پنجاب اسمبلی سے سینیٹ کی جس نشست پر ضمنی الیکشن ہو رہا ہے۔ وہ مسلم لیگ ن کے سابق سینیٹر پروفیسر ساجد میر کے انتقال کے باعث خالی ہوئی تھی۔

ضمنی الیکشن میں مسلم ن کی جانب سے عبدالکریم جب کہ خدیجہ صدیقی، عبدالستار اور اعجاز حسین آزاد حیثیت میں امیدوار ہیں۔

https://urdu.arynews.tv/kanwar-dilshad-kp-senate-election-20-july-2025/

لاہور : داڑھی کے ڈیزائن بنانے کیخلاف پنجاب اسمبلی میں قرارداد جمع کرادی گئی ، جس میں کہا ہے کہ داڑھی پر کسی بھی قسم کی ڈیزائننگ سخت گناہ ہے۔

تفصیلات کے مطابق پاکستان مسلم لیگ نواز (پی ایم ایل این) کی رکن اسمبلی رخسانہ کوثر کی جانب سے پنجاب اسمبلی میں ایک قرارداد جمع کرائی گئی ہے، جس میں ملک بھر میں داڑھی کے اسٹائل بنانے یا ڈیزائن کرنے پر پابندی لگانے کا مطالبہ کیا گیا ہے۔

قرار داد میں رکن صوبائی اسمبلی نے داڑھی کو حضور نبی اکرم صلی اللہ علیہ وآلہ وسلم کی قابل احترام سنت قرار دیا اور کہا کہ فیشن کے انداز میں داڑھی بنانا یا تبدیل کرنا نہ صرف بے عزتی ہے بلکہ ایک سنگین گناہ بھی ہے۔

قرارداد میں وفاقی حکومت پر زور دیا وہ اس رجحان کو روکنے کے لیے سخت قانون سازی کرے اور مطالبہ کیا گیا کہ وفاقی حکومت قانون سازی کرکے ڈیزائننگ کرانے والوں اور حجام کیخلاف کارروائی کرے۔

یہ پہلا موقع نہیں جب مسلم لیگ ن کے ایم پی اے نے اس تشویش کا اظہار کیا ہو، اس سے قبل جولائی 2020 میں بھی ایسی ہی ایک قرارداد پیش کی تھی، جس میں داڑھی کے اسٹائل پر مکمل پابندی عائد کرنے کا مطالبہ کیا گیا تھا۔

پاکستان تحریک انصاف نے پنجاب اسمبلی کے باہر اپنی اسمبلی لگا لی اور اس کو حقیقی اسمبلی قرار دیتے ہوئے تین قراردادیں بھی منظور کر لیں۔

اے آر وائی نیوز کے مطابق پنجاب کی اپوزیشن جماعت پی ٹی آئی نے صوبائی اسمبلی کے باہر اپنی اسمبلی لگا لی۔ پی ٹی آئی نے اس کو حقیقی اسمبلی قرار دیتے ہوئے متفقہ طور پر تین قراردادیں بھی منظور کر لیں۔

پی ٹی آئی اراکین کی جانب سے پنجاب حکومت کے غیر ضروری اور شاہانہ اخراجات بند اور ذاتی تشہیر پر مکمل پابندی لگانے، کسانوں کو حقیقی فائدہ دینے اور برطرف ملازمین کو فوری بحال کرنے کے مطالبات پر مبنی قراردادیں پیش کی گئیں، جنہیں متفقہ طور پر منظور کر لیا گیا۔

پی ٹی آئی رکن ملک فہد کی جانب سے پنجاب حکومت کی شاہ خرچیوں کے خلاف قرارداد پیش کی گئی۔ قرارداد میں کہا گیا ہے صوبائی حکومت کی جانب سے نے مثال ذاتی تشہیر کی جا رہی ہے۔ حکومت کے غیر ضروری اور شاہانہ اخراجات بند کرنے اور ذاتی تشہیر پر مکمل پابندی لگانے کا مطالبہ کیا۔ یہ قرارداد اراکین نے اتفاق رائے سے منظور کی۔

وقاص مان نے گندم اور کسان کے مسائل سے متعلق قرارداد پیش کرتے ہوئے کہا کہ پنجاب حکومت صرف آٹا سستا کرنے پر فوکس کر رہی ہے، کسان کو فائدہ نہیں دیا جا رہا۔ 80 فیصد گندم پنجاب پیدا کرتا ہے، مگر یہیں کا کسان بدحال ہے۔

پی ٹی آئی رکن علی امتیاز وڑائچ نے غیر قانونی طو رپر نکالے جانے والے ملازمین کی بحالی سے متعلق قرارداد پیش کرتے ہوئے کہا کہ حکومت ملازمین کو غیر قانونی طور پر نکال کر ظلم کر رہی ہے۔ برطرف ملازمین کو فوری بحال کیا جائے۔

واضح رہے کہ گزشتہ دنوں پنجاب اسمبلی کے بجٹ اجلاس کے دوران وزیراعلیٰ مریم نواز کے خطاب کے دوران احتجاج کرنے پر پی ٹی آئی کے 26 اراکین کو اسپیکر نے پہلے معطل کر دیا تھا بعد ازاں الیکشن کمیشن میں ان کی نا اہلی کے خلاف ریفرنس بھی دائر کیا جا چکا ہے۔

تاہم اطلاعات کے مطابق پنجاب اسمبلی کے 26 اپوزیشن ارکان کے خلاف نااہلی ریفرنس الیکشن کمیشن بھیجنے پر چند سینئر (ن) لیگی رہنما اسپیکر ملک محمد احمد خان سے ناخوش ہیں۔

سپریم کورٹ آئینی بینچ کے مخصوص نشستوں کیس لئ فیصلے پر عملدرآمد کے بعد ن لیگ پنجاب اسمبلی کی سب سے بڑی جماعت بن گئی ہے۔

اے آر وائی نیوز کے مطابق سپریم کورٹ آئینی بینچ کے فیصلے پر عملدرآمد کے بعد پنجاب اسمبلی میں ارکان کی بحال کے بعد اسمبلی میں حکمراں جماعت کے مجموعی ارکان کی تعداد 206 سے بڑھ کر 229 ہوگئی ہے۔

ن لیگ کی خواتین کیلیے مخصوص ارکان کی تعداد 36 سے بڑھ کر57 ہو گئی۔ اسی طرح اقلیتوں کیلئے پنجاب اسمبلی میں ن لیگ کے ارکان کی تعداد 5 سے بڑھ کر 7 ہو گئی

سپریم کورٹ کے آئینی بینچ کے اس فیصلے سے پنجاب اسمبلی میں موجود دیگر جماعتوں کو بھی فائدہ ہوا ہے۔

پیپلز پارٹی کی مخصوص نشستوں پر خواتین ارکان کی تعداد 3 سے بڑھ کر 4 جب کہ مسلم لیگ ق کی خواتین کی مخصوص نشستیں 2 سے بڑھ کر 3 ہو گئی ہیں۔ استحکام پاکستان پارٹی کی خواتین کے لیے مخصوص نشست ایک سے بڑھ کر 2 ہو گئی ہیں۔

الیکشن کمیشن فیصلے کے بعد پاکستان پیپلزپارٹی کو بھی اقلیتوں کی ایک نشست مل گئی ہے اور اسمبلی میں اس کے ارکان کی مجموعی تعداد 14 سے بڑھ کر 16 ہو گئی ہے۔ مسلم لیگ ق کے ارکان کی تعداد 10 سے بڑھ کر 11، استحکام پاکستان کے ارکان کی تعداد 6 سے بڑھ کر 7 ہو گئی ہے۔

ایوانمیں سنی اتحاد کونسل کے ارکان کی تعداد 76 جبکہ تحریک انصاف کے ارکان کی تعداد 27 ہے۔ تحریک لبیک اور وحدت المسلمین بھی ایک ایک نشست سے اسمبلی میں اپنی نمائندگی رکھتی ہیں۔

پنجاب اسمبلی کی 371 مجموعی نشستوں میں سے اس وقت ارکان کی تعداد 369 ہے۔ ایک آزاد رکن نے سال گزرنے کے باوجود حلف نہیں اٹھایا جب کہ ایک نشست پر ضمنی الیکشن ہونا باقی ہے۔

واضح رہے کہ سپریم کورٹ آئینی بینچ نے مخصوص نشستوں کے نظر ثانی کیس کا فیصلہ دیتے ہوئے گزشتہ برس 12 جولائی کو سپریم کورٹ کے دیے گئے فیصلے کو کالعدم قرار اور پشاور ہائیکورٹ کے فیصلے کو بحال کر دیا تھا۔ اس فیصلے کے تحت سنی اتحاد کونسل (پاکستان تحریک انصاف) کو اسمبلیوں میں مخصوص نشستیں نہیں ملیں گی۔

سپریم کورٹ آئینی بینچ نے الیکشن کمیشن کو اس فیصلے پر عملدرآمد کے احکامات بھی جاری کیے تھے۔ اس پر عمل کرتے ہوئے الیکشن کمیشن نے مخصوص نشستوں کی بحالی کا نوٹیفکیشن جاری کر دیا۔

https://urdu.arynews.tv/ecp-restore-reserved-seats-notification/

پنجاب اسمبلی کے اجلاس میں پی پی رہنما علی حیدر گیلانی نے جنوبی پنجاب کو بجٹ میں نظر انداز کرنے پر الگ صوبے کی آواز اٹھا دی۔

اے آر وائی نیوز کے مطابق پنجاب اسمبلی کا بجٹ سیشن جاری ہے۔ اسپیکر ملک محمد احمد خان کی زیر صدارت اجلاس میں پنجاب میں ن لیگ کی حکومت کی اتحادی جماعت پیپلز پارٹی کے رہنما علی حیدر گیلانی بجٹ میں جنوبی پنجاب کو نظر انداز کرنے پر اتنا برہم ہوئے کہ الگ صوبے کی آواز اٹھا دی۔

علی حیدر گیلانی نے جنوبی پنجاب کو نظر انداز کرنے پر اسپیکر سے خصوصی کمیٹی بنانے کا مطالبہ کیا اور کہا کہ جنوبی پنجاب سے نا انصافی ہوئی تو الگ صوبے کی آواز اٹھے گی۔ الگ صوبہ مانگنا ہمارا حق ہے اور انشا اللہ الگ صوبہ لے کر رہیں گے۔

پی پی رہنما کا یہ بھی کہنا تھا کہ ہمیں وسطی پنجاب کی ترقی پر اعتراض نہیں، لیکن جنوبی پنجاب کے اضلاع کیے ساتھ زیادتی نہ کریں اور وہاں کے ہیومن انڈیکس بہتر کریں۔ بجٹ کی کی گئی نا انصافی کا حساب لینا ہوگا۔

علی حیدر گیلانی نے بتایا کہ واسا لاہور کو 147 ارب روپے دیے گئے جب کہ واسا ملتان کو ایک روپیہ بھی نہیں دیا گیا۔ وہاں کے عوام آلودہ اور زہریلا پانی پینے پر مجبور ہیں۔ ہمیں پیسے نہیں دیے جاتے، آواز بھی ایوان تک نہیں پہنچتی۔ ہم بات کریں تو عظمیٰ بی بی کو اعتراض ہو جاتا ہے۔

واضح رہے کہ اس سے قبل بھی پنجاب میں نئے صوبے بنانے کی آوازیں اٹھتی رہی ہیں۔

پیپلزپارٹی جیتی تو جنوبی پنجاب کو الگ صوبہ بنائیں گے، بلاول بھٹو

پیپلز پارٹی کے چیئرمین بلاول بھٹو زرداری ماضی میں متعدد بار کہہ چکے ہیں کہ اگر وہ الیکشن جیت کر حکومت میں آئے تو جنوبی پنجاب کو الگ صوبہ بنائیں گے۔

جنوبی پنجاب صوبے کے قیام کیلئے آئینی ترمیمی بل اسپیکر قومی اسمبلی کو پیش

عمران خان کے دور حکومت میں پی ٹی آئی کی جانب سے جنوبی پنجاب کے قیام کے لیے آئینی ترمیمی بل اسپیکر قومی اسمبلی کو پیش کیا گیا تھا۔

https://urdu.arynews.tv/major-restrictions-imposed-on-opposition-in-punjab-assembly/