Tag: پنجاب اسمبلی کا اجلاس

لاہور : مسلم لیگ ن کی چیف آرگنائزر مریم نواز پاکستان اور پنجاب کی پہلی خاتون وزیراعلیٰ منتخب ہوگئیں، مریم نواز کو 220ووٹ ملے۔

تفصیلات کے مطابق اسپیکر ملک احمد خان کی زیرصدارت پنجاب اسمبلی کا اجلاس دوبارہ ہوا، اجلاس میں وزیراعلیٰ پنجاب کے انتخاب کے لیے ن لیگ کی جانب سے مریم نواز اور سنی اتحاد کونسل کی جانب سے رانا آفتاب مدمقابل تھے۔

سنی اتحاد کونسل نے راناآفتاب کو بات کرنے کی اجازت نہ دینے پر واک آؤٹ کردیا ، جس کے بعد اسپیکر نے سنی اتحاد کونسل ارکان کے بغیر ہی وزیر اعلیٰ پنجاب کے انتخاب کا عمل شروع کرایا۔

پنجاب اسمبلی میں وزیر اعلی کے چناؤ کے لئے ووٹنگ مکمل کی گئی، مریم نواز سمیت لیگی اتحاد نے ووٹ کاسٹ کئے تاہم سنی اتحاد کونسل نے ووٹنگ کے عمل کا مکمل بائیکاٹ کیا۔

اسپیکر پنجاب اسمبلی ملک احمدخان نے ووٹوں کی گنتی کے بعد اعلان کیا کہ مریم نواز پاکستان اور پنجاب کی پہلی خاتون وزیراعلیٰ منتخب ہوگئیں ہیں ، مریم نواز کو 220 ووٹ ملے جبکہ آفتاب احمدخان نےصفر ووٹ حاصل کئے۔

ملک احمدخان کا کہنا تھا کہ رولزپروسیجر 1997کےمطابق مریم نواز کو وزیراعلیٰ پنجاب منتخب کیاجاتاہے، درخواست ہے نومنتخب وزیراعلیٰ پنجاب مریم نواز لیڈر آف ہاؤس کی سیٹ پر تشریف لائیں۔

اسپیکر پنجاب اسمبلی نے مریم نواز کو وزیراعلیٰ منتخب ہونے پرمبارکبادپیش کرتے ہوئے کہا کہ مریم نواز کو اظہارخیال کی دعوت دیتاہوں۔

اجلاس میں لیگی اتحاد کے تمام ارکان ایوان کے باہر لابی میں موجود تھے، اس دوران ایوان کے اندر نواز شریف کے حق نعرے بازی جاری رہی، ووٹنگ کیلئےایوان کو دو حصوں میں تقسیم کیا گیا، پہلے مرحلے میں نومنتخب خواتین ارکان نے ووٹ ڈالا۔

مریم نواز کو ووٹ دینے والے اسپیکر کی دائیں جانب حاضری لگوانے کے بعدلابی میں گئے جبکہ راناآفتاب کوووٹ دینےوالوں کیلئےاسپیکرکےبائیں جانب کی لابی مختص کی گئی ہے۔

یاد رہے سنی اتحاد کونسل نے ووٹنگ کا بائیکاٹ کرتے ہوئے ایوان سے واک آؤٹ کردیا تھا، راناآفتاب کوپوائنٹ آف آرڈرپربات کرنے کی اجازت نہ ملنےپرسنی اتحاد کونسل کے ارکان نے احتجاج کیا اور شورشرابے کے بعد انتخابی عمل کابائیکاٹ کیا۔

کمیٹی ارکان سنی اتحاد کونسل کے ارکان کو مناکر ایوان میں لائے تاہم کچھ دیر بعد سنی اتحاد کونسل پھر واک آؤٹ کردیا۔

لاہور : سنی اتحاد کونسل نے وزیراعلیٰ پنجاب کے انتخابی عمل کابائیکاٹ کردیا، سنی اتحاد کونسل نے رانا آفتاب کو بات کرنے کی اجازت نہ دینے پر واک آؤٹ کیا۔

تفصیلات کے مطابق اسپیکر ملک احمد خان کی زیرصدارت پنجاب اسمبلی کا اجلاس شروع ہوا ، پنجاب اسمبلی کےاجلاس میں آج وزیراعلیٰ کا انتخاب کیا جائے گا، اجلاس کے آغاز میں اسپیکر پنجاب اسمبلی نے نومنتخب ارکان سے حلف لیا۔

اسپیکر پنجاب اسمبلی نے کہا کہ میں آئین کےتحت دونوں طرف کے حقوق کا حق اداکروں گا، یہ اسمبلی آئین کے تابع ہے ، ہم رولز کےسوا کوئی کارروائی نہیں کرسکتے اپنے حلق کی پاسداری کروں گا، آئین سے ہٹ کر کوئی دوسری بات نہیں ہوگی۔

ملک احمد خان نے بتایا کہ مریم نواز کو ن لیگ کی جانب سے وزیراعلیٰ نامزد کیاگیاہے جبکہ سنی اتحاد کونسل کی جانب سے رانا آفتاب کو وزیراعلیٰ کیلئے نامزد کیا گیا ہے،آج قائد ایوان کےانتخاب کا عمل پورا کیاجائےگا، انتخابی عمل کی کارروائی کیلئے گھنٹیاں بجائی جائیں۔

:سنی اتحاد کونسل نے وزیراعلیٰ پنجاب کے انتخابی عمل کابائیکاٹ کردیا اور سنی اتحاد کونسل کے اراکین نے پنجاب اسمبلی کے اجلاس سے واک آؤٹ کرگئے، رانا آفتاب کو بات نہ کرنے کی اجازت نہ دینے پر واک آؤٹ کیا گیا۔

اسپیکرملک احمدخان نے کہا کہ آپ واک آؤٹ کررہے ہیں لیکن گیلری میں آرڈر برقرار رکھیں، گیلریز میں تمام لوگ خاموش رہیں ورننہ اسٹاف کو ہدایت کروں گا۔

پنجاب اسمبلی میں اجلاس کے دوران سنی اتحاد کونسل اور ن لیگی ارکان میں نعرے بازی بھی کی گئی۔

لاہور : پنجاب اسمبلی کا افتتاحی اجلاس آج صبح دس بجے ہوگا، جس میں نومنتخب ارکان اسمبلی حلف اٹھائیں گے، جس کے بعد اسپیکر اور ڈپٹی اسپیکرکے انتخاب کا شیڈول جاری کیا جائے گا۔

تفصیلات کے مطابق گورنر پنجاب بلیغ الرحمان نے آج پنجاب اسمبلی اجلاس طلب کرلیا، پنجاب اسمبلی کا اجلاس آج صبح دس بجے ہوگا۔

اجلاس میں نومنتخب ارکان اسمبلی حلف اٹھائیں گے، اسپیکر سبطین خان ارکان سے حلف لیں گے، جس کے بعد اجلاس میں اسپیکر اور ڈپٹی اسپیکرکے انتخاب کا شیڈول جاری کیا جائے گا۔

نومنتخب ارکان کی پنجاب اسمبلی میں آمد کا سلسلہ جاری ہے، خوشاب سے منتخب رکن سردار علی حسین خان ، عظمیٰ بخاری، حنا پرویز بٹ، خواجہ عمران نذیر پنجاب اسمبلی پہنچ گئے ، سنی اتحادکونسل کے نومنتخب ارکان بھی شریک ہوں گے۔

گذشتہ روز الیکشن کمیشن نے پنجاب اسمبلی میں خواتین اور اقلیتوں کی مخصوص نشستوں کا نوٹی فکیشن جاری کیا تھا ، مسلم لیگ ن کو خواتین کی 36 اور پانچ اقلیتی نشستیں الاٹ کی گئی جبکہ پیپلز پارٹی کو تین، مسلم لیگ ق دو اور استحکام پاکستان پارٹی کو ایک نشست ملی تاہم سنی اتحاد کونسل کی نشستیں نوٹیفیکیشن میں شامل نہیں۔

مریم اورنگزیب زیب، حنا پرویز بٹ،عظمیٰ زاہد بخاری ، ذکیہ شاہ نواز، عشرت اشرف، سمیت مسلم لیگ ن کی 36 خواتین کو سیٹیں الاٹ کردی گئیں۔

مسلم لیگ ن کو غیر مسلموں کی آٹھ میں سے 5 نشستیں الاٹ کردی گئیں، مسلم لیگ ن کی ذکیہ شاہ نواز، عشرت اشرف ، مریم اورنگزیب، عظمی زاہد بخاری بھی مخصوص نشستوں پر منتخب ہوئیں جبکہ سلمہ سعدیہ تیمور، راحیلہ نعیم ، بشرا انجم بٹ، ثانیہ عاشق، سلمہ بٹ، کنول پرویز چوہدری بھی منتخب خواتین میں شامل ہیں۔

ٓمسلم لیگ ق کی تشفین صفدر اور سلمہ سعید مخصوص نشستوں پر منتخب ہوئیں جبکہ استحکام پاکستان پارٹی کو پنجاب اسمبلی میں خواتین کی ایک نشست الاٹ سارہ احمد استحکام پاکستان پارٹی کی ٹکٹ پر منتخب ہوئی۔