Tag: پنجاب اسمبلی

لاہور: گورنر پنجاب بلیغ الرحمان کا کہنا ہے کہ اسمبلی کی تحلیل اہم ذمہ داری ہے نہیں چاہتا کہ یہ کام عجلت میں ہو۔

اے آر وائی نیوز کے مطابق گورنر پنجاب بلیغ الرحمان نے میڈیا سے گفتگو کرتے ہوئے کہا کہ اسمبلی کی تحلیل اہم ذمہ داری ہے آج رات تک کا وقت ہے آئین کی پاسداری کے لیے قدم اٹھانا پڑے گا۔

انہوں نے کہا کہ یہ فیصلہ بھاری دل کے ساتھ کروں گا دعا ہے جو بھی فیصلہ ہو ملک و قوم کی بھلائی کے لیے ہو۔

واضح رہے کہ گورنر پنجاب بلیغ الرحمان نے وزیراعلیٰ پرویزالٰہی کی جانب سے بھیجی گئی اسمبلی تحلیل کرنے کی سمری پر دستخط کر دیے۔

 گورنرہاؤس ذرائع کا بتانا تھا کہ گورنر پنجاب کا گرین سگنل ملتے ہی نوٹیفکیشن جاری کردیں گے۔ اگر نوٹیفکیشن جاری نہیں بھی ہوتا تو رات10بجےاسمبلی ازخود تحلیل ہو جائے گی۔

لاہور : تحریک انصاف کے رہنما فواد چوہدری نے دعویٰ کیا ہے کہ پنجاب اسمبلی میں ہمارے نمبرز پورے ہیں اور پرویزالٰہی کو ایک سو اٹھاسی ارکان کی حمایت حاصل ہے۔

تفصیلات کے مطابق تحریک انصاف کے رہنما فواد چوہدری نے اے آر وائی نیوز کے پروگرام باخبر سویرا میں گفتگو کرتے ہوئے کہا کہ پنجاب اسمبلی میں رہیں یا نہ رہیں مسئلہ حل نہیں ہوگا، مسئلہ عام انتخابات سے ہی حل ہوگا کیونکہ موجودہ حکومت کی حیثیت ڈمی ہے

فواد چوہدری نے دعویٰ کیا کہ پنجاب اسمبلی میں ہمارے نمبرز پورے ہیں اور پرویزالٰہی کو ایک سو اٹھاسی ارکان کی حمایت حاصل ہے۔

پی ٹی آئی رہنما نے بتایا کہ حمزہ کے کیمپ سے بلال وڑائچ پرویز الہیٰ کے کیمپ میں آگئے، زرداری صاحب نے ارکان کی خرید و فروخت کی منڈی لگائی ہوئی ہیں۔

انھوں نے انکشاف کیا کہ جنوبی پنجاب کے 5 ایم پی ایز کو ایک ارب 20 کروڑ کی پیشکش کی گئی، سوائے ایک خاتون کے سب نے بِکنے سے انکار کردیا، مومنہ نے کہا وہ 5 کروڑ دے رہے ہیں،آپ7کروڑ دے دیں۔

لاہور : مسلم لیگ نے پنجاب اسمبلی میں جارحانہ رویہ اختیار کرنے کا فیصلہ کرلیا اور کہا پنجاب اسمبلی کی کارروائی نہیں چلنے دیں گے۔

تفصیلات کے مطابق مسلم لیگ (ن) کی پارلیمانی پارٹی کا اجلاس ہوا، اجلاس میں پندرہ، پندرہ ارکان پر مشتمل گروپ بناکر ایک لیڈر مقرر کیا گیا ہے۔

ارکان کو ہدایت کی گئی ہے کہ ایوان میں وزیراعلیٰ اعتماد کا ووٹ لیں تو بھرپور نعرے لگانے ہیں اور معمول کی کارروائی چلنے نہیں دینی۔

اجلاس میں وزیراعلیٰ پنجاب کے خلاف قرارداد منظور کر کے عدم اعتماد کا اظہار کیا گیا۔

گذشتہ روز پنجاب اسمبلی کا اجلاس ہنگامہ آرائی اور احتجاج کی نذر ہو گیا تھا ، اپوزیشن ارکان نے وزیراعلی کے اعتماد کے ووٹ پر ایوان میں احتجاج کیا۔

اپوزیشن اور حکومتی ارکان نے ایک دوسرے کیخلاف نعرے بازی کی جبکہ اپوزیشن نے ایجنڈے کی کاپیاں پھاڑ دیں۔

ایوان میں احتجاج اور شور شرابا کے باعث ایوان کی کاروائی چلانا مشکل ہو گیا، جس کے بعد اسپیکر نے پنجاب اسمبلی کا اجلاس بدھ سپہ پہر تین بجے تک کیلئے ملتوی کردیا۔

اسلام آباد: پاکستان تحریک انصاف (پی ٹی آئی) رہنما عثمان ڈار کا کہنا ہے کہ موجودہ حکومت کو الیکشن کی طرف جانا ہوگا یہ مزید بھاگ نہیں سکتے۔

پروگرام ’اعتراض ہے‘ میں گفتگو کرتے ہوئے پی ٹی آئی کے رہنما عثمان ڈار نے کہا کہ ملک اس وقت الیکشن کی طرف جارہا ہے موجودہ حکومت کو الیکشن کی طرف جانا ہوگا یہ الیکشن سے مزید بھاگ نہیں سکتے، جب تک عام انتخابات نہیں ہوں گے تب تک معاشی استحکام نہیں آسکتا۔

انہوں نے کہا کہ گورنر پنجاب بلیغ الرحمان کے اختیارات کو انہوں نے اپنے فائدے کے لیے استعمال کیا ہے، 125 اراکین اسپیکر کو استعفیٰ دیں گے اور یہ ان پر انتخابات کروائیں گے۔

عثمان ڈار نے کہا کہ نیب میں ترامیم کرکے انہوں نے خود کو ریلیف دیا آج ملک بینک کرپٹ ہوچکا ہے سعودی عرب اور چین کے پیسے دینے ہیں، ملک میں معیشت خراب ہے عوام کو ریلیف دینا ہے، نئے انتخابات کروانے ہوں گے، نئی حکومت آکر معاہدے کرے گی اور ملک کو بحرانوں سے نکالے گی۔

پی ٹی آئی رہنما نے کہا کہ عمران خان نے حکومت قربان کردی غلامی قبول نہیں کی اگر انہیں اقتدار کی ہوس ہوتی تو کیا وہ دو صوبوں کی اسمبلیاں توڑتے، عمران خان جنرل (ر) باجوہ کو کہتے تھے اس طرح کی سازش کو روکا جائے۔