Tag: پنجاب اسمبلی

لاہور: مسلم لیگ(ن) نے پنجاب اسمبلی میں اپوزیشن لیڈر حمزہ شہباز کو پبلک اکاؤنٹس کمیٹی کا چیئرمین نہ بنانے پر اسٹینڈنگ کمیٹیوں سے مستعفی ہونےکا فیصلہ کرلیا۔

تفصیلات کے مطابق (ن) لیگ نے حمزہ شہباز کو پی اے سی کا چیئرمین نہ بنانے پر اہم اقدام اٹھاتے ہوئے اسٹینڈنگ کمیٹیوں سے استعفے دینے کا فیصلہ کیا ہے۔

ذرائع کا کہنا ہے کہ (ن) لیگ کل صبح10بجےاسٹینڈنگ کمیٹیوں سےمتعلق اسپیکر کواستعفےجمع کرائے گی۔ (ن) لیگ کے70ارکانِ پنجاب اسمبلی اسٹیڈےنگ کمیٹیوں کےممبرز ہیں جن میں سے 67ارکان کےاستعفے پارٹی کے پاس جمع ہوگئے ہیں ۔

ذرائع نے بتایا کہ 3ممبران کےاستعفےبھی بہت جلد(ن) لیگ کےپاس پہنچ جائیں گے اور وہ بھی اسپیکر کے پاس جمع کرائے جائیں گے۔

ذرائع کا کہنا ہے کہ (ن) لیگ سلمان رفیق ودیگر ارکان اسمبلی کے پروڈکشن آرڈرجاری نہ ہونے پر سخت نالاں ہے اور اسٹیڈئنگ کمیٹیوں سے مستعفی ہونے کی ایک وجہ یہ بھی ہے۔

لاہور: وزیراعلیٰ پنجاب سردار عثمان بزدار کا کہنا ہے کہ موجودہ پنجاب اسمبلی قانون سازی کے ریکارڈ قائم کرے گی، فلاح وبہبود کے لیے قوانین میں ترامیم کا سلسلہ جاری رکھیں گے۔

تفصیلات کے مطابق وزیراعلیٰ پنجاب عثمان بزدارسے وفاقی وزیر قانون فروغ نسیم نے ملاقات میں باہمی دلچسپی کے امور، عمومی صورت حال سمیت وکلا کی فلاح و بہبود کے لیے کیے جانے والے اقدامات پر بھی تبادلہ خیال کیا۔

وزیراعلیٰ پنجاب نے کہا کہ مختصر مدت میں درجنوں نئے قوانین متعارف کرائے، فلاح وبہبود کے لیے قوانین میں ترامیم کا سلسلہ جاری رکھیں گے۔

سردار عثمان بزدار نے کہا کہ موجودہ پنجاب اسمبلی قانون سازی کے ریکارڈ قائم کرے گی، عوام کی ضرورتوں کو مد نظر رکھ کر نئے ایکٹ لا رہے ہیں۔

وزیراعلیٰ پنجاب نے کہا کہ میں خود بھی وکیل ہوں، وکلا برادری کے ساتھ ہوں، ماضی کی روایات کے برعکس کابینہ میں مشاورت کو فروغ دیا۔

غریب لوگوں کی زندگی میں بہتری لانا حکومتی ترجیحات کا حصہ ہے، عثمان بزدار

یاد رہے کہ گزشتہ ہفتے وزیراعلیٰ پنجاب سردار عثمان بزدار کا کہنا تھا کہ غریب لوگوں کی زندگی میں بہتری لانا حکومتی ترجیحات کا حصہ ہے، غریبوں کی فلاح وبہبود کے ہر ممکن وسائل بروئے کار لائے جائیں گے۔

لاہور: پنجاب اسمبلی میں سر عام آئس نشہ فروخت ہونے کے خلاف تحریک التوا جمع کرائی گئی ہے، جس میں لاہور میں آئس نشہ کھلے عام فروخت ہونے پر تشویش کا اظہار کیا گیا۔

تفصیلات کے مطابق لاہور میں آئس نشہ سر عام فروخت ہونے کے مسئلے پر پیپلز پارٹی کے رہنما حسن مرتضیٰ اور مخدوم عثمان محمود نے پنجاب اسمبلی میں تحریک التوا جمع کرائی۔

تحریک التوا کے متن میں کہا گیا ہے کہ لاہور میں آئس نشے کی فروخت عروج پر ہے، جس سے تعلیمی ادارے بھی محفوظ نہیں رہے۔

متن میں کہا گیا ہے کہ شہر میں آئس کا نشہ تیار کرنے والی کئی لیبارٹریاں بھی قائم ہو چکی ہیں، جس پر حکومت اور انتظامیہ کی غفلت سے عوام میں سخت غم وغصہ پایا جاتا ہے۔

دریں اثنا، فیصل آباد ایئر پورٹ پر مسافر سے ایک کلو 850 گرام آئس ہیروئن برآمد کر لی گئی ہے، ملزم عمران کروڑوں روپے کی ہیروئن لے کر مدینہ جا رہا تھا۔

یہ بھی پڑھیں:  اسلام آباد ایئرپورٹ پرمنشیات اسمگلنگ کی کوشش ناکام، ملزم گرفتار

ملزم نے بریف کیس کے خفیہ خانے میں آئس چھپا رکھی تھی، ملزم کو اینٹی نارکوٹکس فورس (اے این ایف) کے حوالے کر کے اس کے خلاف مقدمہ درج کر دیا گیا ہے۔

واضح رہے کہ آئے دن مختلف شہروں میں ایئر پورٹس پر آئس سمیت دیگر نشوں کی اسمگلنگ کے واقعات ناکام بنائے جاتے ہیں، لیکن حیرت کی بات ہے کہ اسمگلنگ میں تا حال کوئی کمی نہیں آئی ہے۔

جمعے کے دن بھی اسلام آباد ایئر پورٹ پر اے ایس ایف نے 2 بڑی کارروائیوں میں بیرون ملک منشیات کی اسمگلنگ کی کوشش نا کام بنا دی تھی، اور مسافر اللہ یار سے 3 کلو 600 گرام اعلیٰ کوالٹی کی ہیروئن برآمد کی تھی۔

مسافر اللہ یار نجی ایئر لائن سے ابوظبی جانا چاہتا تھا، پکڑی گئی ہیروئن کی بین الاقوامی منڈی میں مالیت کروڑوں روپے بتائی گئی تھی۔

دوسری کارروائی میں نجی ایئر لائن کی پرواز سے شارجہ جانے والے مسافر سے 1400 گرام آئس ہیروئن برآمد کی گئی تھی، اے ایس ایف نے دونوں ملزمان کو اے این ایف کے حوالے کر دیا تھا۔

لاہور: اپوزیشن لیڈر حمزہ شہباز کو چیئرمین پی اے سی نہ بنائے جانے پر ن لیگ نے آج قائمہ کمیٹیوں کے چیئرمینز کے انتخاب کا بائیکاٹ کر دیا۔

تفصیلات کے مطابق ن لیگ اپوزیشن لیڈر حمزہ شہباز کو چیئرمین پی اے سی نہ بنائے جانے پر ناراض ہو گئی، ن لیگ نے آج قائمہ کمیٹیوں کے چیئرمینز کے انتخاب کا بائیکاٹ کر دیا۔

آج پنجاب اسمبلی کی 3 قائمہ کمیٹیوں کے چیئرمینز کا انتخاب ہونا تھا، جن میں قائمہ کمیٹی برائے داخلہ، پبلک پراسیکیوشن اور ریونیو شامل ہیں۔

خیال رہے کہ گزشتہ روز قومی اسمبلی کی قائمہ کمیٹی برائے خزانہ کا چیئر مین اسد عمر کو منتخب کر لیا گیا ہے، سید نوید قمر نے کمیٹی چیئرمین شپ کے لیے اسد عمر کو نامزد کیا تھا۔

یہ بھی پڑھیں:  اسد عمر قومی اسمبلی کی قائمہ کمیٹی برائے خزانہ کے چیئر مین منتخب

قبل ازیں وزیر اعظم عمران خان نے اپنے سابق وزیر خزانہ اسد عمر کو چیئرمین قائمہ کمیٹی برائے خزانہ مقرر کرنے کی ہدایت جاری کی تھی۔

حال ہی میں شہباز شریف کے لندن جانے کے بعد قومی اسمبلی میں بھی پی اے سی کی چیئرمین شپ کا تنازعہ سامنے آیا تھا، اور مطالبہ کیا گیا تھا کہ شہباز شریف کو چیئرمین شپ سے ہٹا کر رانا تنویر کو چیئرمین بنایا جائے۔

واضح رہے کہ پی ٹی آئی حکومت بننے کے بعد سے قومی اسمبلی میں حکومت اور اپوزیشن کے درمیان قائمہ کمیٹیوں کی تشکیل اور ان کے لیے چیئرمینز کے انتخاب کے معاملے پر اختلافات موجود ہیں جس کی وجہ سے قانونی سازی کا عمل متاثر رہا۔