اسلام آباد : سپریم کورٹ نے نو مئی مقدمات میں بانی پی ٹی آئی کی ضمانت کی اپیلوں پر پنجاب حکومت کو نوٹسز جاری کردیئے ہیں اور چیف جسٹس نےضمانت کی درخواستیں خارج کرنے کے فیصلے پر سوالات اٹھا دیے۔

تفصیلات کے مطابق سپریم کورٹ میں چیف جسٹس یحییٰ آفریدی کی سربراہی میں تین رکنی بینچ نے بانی پی ٹی آئی کی نو مئی مقدمات میں آٹھ ضمانت کی اپیلوں پر سماعت کی۔

دوران سماعت اسپیشل پراسیکیوٹر پنجاب ذوالفقار نقوی اور  عمران خان  کے وکیل سلمان صفدر عدالت میں پیش ہوئے۔

چیف جسٹس نے لاہور ہائیکورٹ کے فیصلے پر سوال اٹھاتے ہوئے کہا کہ کیا ضمانت کے کیس میں حتمی آبزرویشنز دی جا سکتی ہیں؟ “فی الحال ہم اس فیصلے کی فائنڈنگز کو ٹچ نہیں کریں گے، کیونکہ اگر ابھی قانونی فائنڈنگز پر بات کی تو کسی ایک فریق کا کیس متاثر ہو سکتا ہے۔”

چیف جسٹس نے واضح کیا کہ سپریم کورٹ ایسی کوئی فائنڈنگ نہیں دے گی جس سے کسی کا مقدمہ متاثر ہو۔ دونوں فریقین کے وکلاء کو آئندہ سماعت تک قانونی سوالات پر تیاری کرنے کی ہدایت دی گئی۔

سماعت کے دوران  عمران خان کے وکیل سلمان صفدر نے دلائل دینے کی اجازت مانگی، تاہم چیف جسٹس نے اس وقت انہیں بولنے کی اجازت نہ دی۔

عدالت نے پنجاب حکومت کو نوٹسز جاری کرتے ہوئے کیس کی مزید سماعت 19 اگست تک ملتوی کردی۔

پنجاب حکومت کی اتحادی پیپلز پارٹی نے مجوزہ پنجاب لوکل گورنمنٹ بل پر خدشات کا اظہار کرتے ہوئے اس کو یکسر مسترد کر دیا ہے۔

مجوزہ پنجاب لوکل گورنمنٹ بل پر جنرل سیکریٹری پیپلز پارٹی وسطی پنجاب حسن مرتضیٰ نے اظہار تشویش کرتے ہوئے کہا ہے کہ بل میں بلدیاتی نمائندوں کو نوکر شاہی کا غلام بنا دیا گیا ہے۔ ڈپٹی کمشنر کو اختیارات کا گھنٹہ گھر بنانا مقامی نظام کی نفی ہے۔

حسن مرتضیٰ نے مزید کہا کہ ڈی سی کے اختیارات کو چیک کرنے کے لیے کوئی منتخب نمائندہ موجود نہیں ہوگا اور اختیارات کی نچلی سطح تک آپشنل منتقلی صوبائی حکومت کی مرضی پر ہو گی۔ نئے بل کے تحت ڈپٹی کمشنر حلقہ بندیوں پر بھی اثر انداز ہوں گے۔

ان کا کہنا تھا کہ قانون سازی کا اصل مقصد مخالف سیاسی جماعتوں کے عوامی نمائندوں کو بے اختیار کرنا ہے۔ ن لیگ لولہ لنگڑا بل لا کر مقامی حکومتیں قائم کرنیکا تاثر دینا چاہتی ہے۔ پیپلز پارٹی با اختیار عوامی نمائندوں کے بغیر لوکل گورنمنٹ بل قبول نہیں کریگی۔

واضح رہے کہ گزشتہ ماہ گورنر ہاؤس لاہور میں پیپلز پارٹی اور ن لیگ کی کو آرڈینیشن کمیٹی کا اجلاس ہوا جس میں پاور شیئرنگ فارمولے اور گورننس سمیت مختلف امور پر بات چیت کی گئی تھی۔

اس اجلاس میں پاکستان پیپلز پارٹی نے مسلم لیگ ن سے پنجاب میں جلد بلدیاتی الیکشن کرانے کا مطالبہ کیا تھا۔

https://urdu.arynews.tv/ppp-demands-pml-n-to-hold-local-body-elections-in-punjab/

سمبڑیال : رہنما پیپلزپارٹی چوہدری منظور نے پنجاب حکومت پر تنقید کرتے ہوئے کہا کہ پنجاب حکومت 17 ہزار سرکاری اسکولز کو آؤٹ سورس کرنے جارہی ہے۔

تفصیلات کے مطابق رہنما پیپلزپارٹی چوہدری منظور نے گفتگو میں کہا کہ موجودہ حکومت کا2لاکھ افرادکو وفاق سےنکالنےکاپلان ہے اور پنجاب حکومت17ہزارسرکاری اسکولزکوآؤٹ سورس کرنے جارہی ہے۔

رہنما پیپلزپارٹی کا کہنا تھا کہ جناح اسپتال سمیت بڑے اسپتالوں،بنیادی مراکز صحت کوبھی آؤٹ سورس کیا جائے گا، اساتذہ ،ڈاکٹرز،پیرامیڈیکل اسٹاف سراپااحتجاج ہیں، پنجاب حکومت سے صحت اور ایجوکیشن کا نظام نہیں چل رہاـ

انھوں نے بتایا کہ سندھ میں دل کے13اسپتال100 فیصد فری ہیں، سندھ میں اوپن ہارٹ سرجری ایک ہفتہ میں ہوجاتی ہے،رہنماپیپلزپارٹی چوہدری منظور

چوہدری منظور نے کہا کہ 2200روپےمن کسان کوگندم پڑرہی ہے،خریداری بھی نہیں کی جارہی، کسان بھوکامرےگاتودکانداربھوکامرجائےگا، پنجاب میں جوریفارمزہورہی ہیں میں کہتاہوں سب کاسمیٹک ریفارمز ہیں۔

پی پی رہنما کا کہنا تھا کہ پنجاب میں12 کروڑ کی آبادی میں 10 کروڑ کو ٹریکٹر دے رہے ہیں، موجودہ حکومت مزدوروں اور کسانوں پرخوفناک حملہ کررہی ہے۔

پنجاب حکومت نے غیر قانونی اسلحہ اسمگلنگ اور دہشتگردی کی روک تھام کے لیے بڑا قدم اٹھا لیا ہے سزاؤں اور جرمانے میں بھی غیر معمولی اضافہ ہوگا۔

اے آر وائی نیوز کے مطابق پنجاب حکومت نے غیر قانونی اسلحہ اسمگلنگ اور دہشتگردی کی روک تھام کے لیے بڑا قدم اٹھا لیا ہے اور پنجاب آرمز آرڈیننس 1965 میں مختلف ترامیم کرنے کا فیصلہ کیا ہے۔ اس کے تحت مرتکب افراد کی سزاؤں اور جرمانوں میں غیر معمولی اضافہ تجویز کیا گیا ہے۔

حکومت نے پنجاب آرمز آرڈیننس 1965 میں ترمیم کا بل صوبائی اسمبلی میں جمع کرا دیا ہے جس میں تاریخ میں پہلی بار گن شوٹنگ کل کی اجازت دینے کا فیصلہ کیا گیا ہے جب کہ اسلحہ اسلحہ لائسنسنگ میں اختیارات کی تبدیلی، سخت سزاؤں، جرمانوں میں بھی اضافہ ہوگا۔

ترمیمی بل کے مسودے کے مطابق پنجاب میں گن کلبوں میں اسلحہ کے ذریعے پریکٹس کی اجازت ہو گی۔ کلب میں غیر ممنوعہ اسلحہ سے ٹارگٹ شوٹنگ کی تربیت دی جا سکے گی۔ تاہم کلب کے لیے لائسنس لازمی ہوگا۔ بلا لائسنس پانچ سے سات سال قید اور تیس لاکھ روپے تک جرمانہ ہوگا۔

ترمیمی بل میں لائسنسنگ کی چھان بین اور مقدمات کی کارروائی کا اختیار ڈپٹی کمشنرز کو دے دیا گیا ہے جب کہ اسلحہ لائسنس جاری یا منسوخ کرنے کے فیصلوں کا اختیار اب سیکریٹری داخلہ کے پاس ہوگا۔

متن کے مطابق کسی کو بھی اسلحہ کیس میں رعایت نہیں دی جائے گی اور پولیس بغیر وارنٹ گرفتاری کر سکے گی۔ غیر ممنوعہ اسلحہ رکھنے پر کم از کم 3 سال قید اور 10 لاکھ روپے جرمانہ ہوگا جب کہ اس کی نمائش یا استعمال پر 7 سال قید اور جرمانہ 20 لاکھ روپے ہوگا۔

ترمیمی بل میں 2 یا 5 سے زائد غیر ممنوعہ اسلحے کی موجودگی پر 10 سے 14 سال قید اور 30 لاکھ جرمانہ تجویز کیا گیا ہے۔ جرمانوں میں بھی تاریخی اضافہ کرتے ہوئے 5 ہزار سے بڑھا کر ایک لاکھ 30 ہزار تک کر دیا گیا ہے۔ جرمانے کی عدم ادائیگی پر تین ماہ سے دو سال تک اضافی قید کی سزا ہوگی۔

اس ترمیمی بل میں سیکشن 27 کا خاتمہ کر دیا گیا ہے اور اسلحہ کے حوالے سے کسی بھی قسم کی چھوٹ یا استثنیٰ کو بھی ختم کر دیا گیا۔

اسلحہ سازی یا مرمت کی صنعت کو لائسنس کے بغیر چلانے پر سات سال قید اور تیس لاکھ روپے تک جرمانہ ہو سکتا ہے۔ مذکورہ ترمیمی بل پنجاب اسمبلی کی متعلقہ کمیٹی کے حوالے کر دیا گیا ہے، جو دو ماہ میں اپنی رپورٹ پیش کرے گی۔