Tag: پنجاب حکومت

لاہور: پنجاب حکومت کی جانب سے صوبے بھر میں سیاسی سرگرمیوں، مظاہروں اور جلسے پر پابندی عائد کردی گئی ہے۔

سیکریٹری داخلہ پنجاب نے پورے پنجاب میں پابندی کے حوالے سے نوٹی فکیشن جاری کردیا ہے، جاری نوٹیفکیشن میں پنجاب حکومت نے بتایا ہے کہ اس پابندی کا اطلاق 22 سے 24 اگست تک صوبے بھر میں ہوگا۔

پابندی کا فیصلہ سیکیورٹی خدشات کے باعث کیا گیا ہے، سیکیورٹی خطرات کے پیش نظر عوامی اجتماعات دہشتگردوں کیلئے آسان ہدف ہوسکتے ہیں۔

نوٹیفکیشن میں مزید کہا گیا ہے کہ امن وامان کے قیام اور انسانی جانوں، املاک کے تحفظ کیلئے دفعہ 144 کا نفاذ کیا گیا ہے۔

لاہور : پنجاب حکومت نے چینی کمپنی کے ساتھ سولر پینل بنانے کا معاہدہ کر لیا، آئکو کمپنی سولر پینلز مینوفیکچرنگ کا پہلا کارخانہ لگائے گی۔

تفصیلات کے مطابق پنجاب حکومت اور چین کی سولر انرجی کمپنی کے درمیان معاہدہ طے پاگیا، وزیرصنعت چوہدری شافع اور آئکوکمپنی کےحکام نے معاہدے پر دستخط کیے۔

چینی کمپنی آئکو پنجاب میں سولر پینلز مینوفیکچرنگ اور اسمبلنگ پلانٹ لگائےگی ، وزیرصنعت شافع حسین نے کہا کہ چینی کمپنی پنجاب میں سولر پینلز مینوفیکچرنگ کا پہلا کارخانہ لگائے گی۔

شافع حسین کا کہنا تھا کہ بھارت سولرپینلزبنارہاہےاورہرسال ایک ارب ڈالرکے سولرپینلز برآمدکر رہا ہے ، غیر ملکی کمپنیوں کے ساتھ سولر انرجی سیکٹر میں اشتراک بھی کریں گے۔

انھوں نے بتایا کہ گزشتہ چار ماہ کے دوران سولر پینلز بنانے والی بیس چینی کمپنیوں نے پاکستان میں کاروبار کرنے کے حوالے سے اپنی دلچسپی کا اظہار کیا ہے، بجلی کے بڑھتے ہوئے ٹیرف کے باعث سولر انرجی کا استعمال آنے والے وقت میں ناگزیر ہو جائے گا۔

صوبائی وزیر نے کہا کہ خواہش ہےکہ سولر پینلز پاکستان میں بننےچاہیے،جس حساب سےبجلی کےنرخ بڑھ رہےہیں، سولر ہمارامستقبل ہے۔

چوہدری شافع حسین نے کہا کہ مقامی اور غیر ملکی بالخصوص چینی صعنت کاروں کیلئے شیخوپورہ میں 650 ایکڑ پر گارمنٹس سٹی کا قیام عمل میں لایا جارہا ہے جہاں صعنتکاروں کو ہر قسم کی سہولیات فراہم کی جائیں گی۔

لاہور : بجٹ میں 100 یونٹس تک بجلی استعمال کرنے والے صارفین کے لئے بڑا اعلان کردیا گیا، جس سے بلوں سے پریشان عوام کو ریلیف ملے گا۔

تفصیلات کے مطابق پنجاب حکومت نے مالی سال 25-2024 کے بجٹ میں کم بجلی استعمال کرنے والے صارفین کو مفت سولر سسٹم دینے کا اعلان کیا ہے۔

بجٹ دستاویز میں بتایا کہ 9 ارب 50 کروڑ روپے کی لاگت سے چیف منسٹر روشن گھرانہ پروگرام کے ذریعے صوبے کی سطح پر مہنگی بجلی اور بلوں سے پریشان عوام کو ریلیف فراہم کیا جا رہا ہے۔

دستاویز میں کہا گیا کہ پہلے مرحلے میں 100 یونٹس تک بجلی استعمال کرنے والے گھریلوصارفین کو مکمل سولر سسٹم مفت فراہم کیا جارہا ہے، جسے لگانے کے تمام اخراجات بھی حکومت پنجاب ادا کر رہی ہے۔

بجٹ دستاویز کے مطابق 9 ارب روپے کی لاگت سے چیف منسٹر سولرائزیشن آف ایگری کلچر ٹیوب ویلز پرواگرام شروع کیا جارہا ہے، جس کے تحت 7 ہزار ٹیوب ویلز کو سولر پر منتقل کیا جائے گا۔

بجٹ کا مجموعی حجم 5 ہزار 446 ارب روپے ہے، کُل آمدن کا تخمینہ 4 ہزار 643 ارب 40 کروڑ روپے لگایا گیا ہے، 842 ارب روپے ڈیولپمنٹ اخراجات تجویز کیے گئے ہیں جبکہ سالانہ ڈیولپمنٹ پلان میں 77 نئے میگا پراجیکٹ شامل ہوں گے۔

لاہور : گھروں پر صفائی ستھرائی کے چارجز بھی عوام سے وصول کئے جائیں گے، گھروں پر کتنے سینٹری چارجز لاگو ہوں گے۔

تفصیلات کے مطابق پنجاب حکومت نے گھروں پر صفائی ستھرائی چارجز لگانے کا فیصلہ کرلیا ، دس مرلے کے گھروں پر دو سو روپے اور اس سے بڑے گھروں پر پانچ سو روپے سینٹری چارجز لاگو ہوں گے۔

مریم نواز نے محکمہ بلدیات کو مجوزہ سینیٹیشن چارجز میں پچاس فیصد سے زائد کی کمی کی ہدایت کردی۔

وزیراعلیٰ کی زیرصدارت اجلاس میں پرائیویٹ سیکٹر ہائیڈرو پاور پراجیکٹس کے لیے واٹر چارجز میں اضافےکی تجویز بھی پیش کی گئی، جس کو وزیراعلیٰ مریم نواز نے مسترد کرتے ہوئے کہا کہ ہائیڈور پاور پروجیکٹس واٹر چارجز میں اضافے سے بجلی مزید مہنگی ہونے کا اندیشہ ہے۔

گذشتہ روز پبلک پرائیویٹ پارٹنرشپ کے تحت صاف ستھرا پنجاب پروگرام شروع کرنے کا فیصلہ ہوا تھا ، ذرائع نے بتایا تھا کہ پروگرام کےتحت صفائی کا کام نجی شعبےکےسپردکیاجائے گا اور ڈویژن کی سطح پر صفائی کا کام ویسٹ مینجمنٹ کمپنیزکریں گی.

جون سےکام نجی شعبےکےسپرد کرنے کیلئےٹینڈر پراسس شروع کیاجائے گا، گھروں،دکانوں،کاروباری مراکزسےسینی ٹیشن فیس وصول کی جائے گی.

کم سے کم سینی ٹیشن فیس 200 روپے ماہانہ رکھنےکی تجویز ہے تاہم محکمہ بلدیات کی تجویز آئندہ کابینہ اجلاس میں پیش کی جائے گی،.