Tag: پنجاب حکومت

لاہور: نگراں وزیرِ اطلاعات پنجاب عامر میر نے شاہد خاقان عباسی کے الزامات پر اپنے ردِعمل کا اظہار کرتے ہوئے کہا ہے کہ شاہدخاقان معذرت کریں یا ثبوت مہیا کریں۔

نگراں وزیرِ اطلاعات پنجاب عامر میر نے کہا ہئ کہ مفت آٹااسکیم میں ایک پائی کی بھی کرپشن نہیں ہوئی، الزام لگانے والوں کی اپنی ساکھ مجروح ہوئی، آٹا اسکیم پنجاب کی تاریخ کی کامیاب ترین اسکیم رہی ہے۔

شاہد خاقان کا مفت آٹا تقسیم میں 20 ارب روپے کی چوری کا بڑا دعویٰ

عامر میر کا کہنا تھا کہ مفت آٹا اسکیم سے پنجاب کے 3 کروڑ مستحق لوگوں نے فائدہ اٹھایا، آٹا اسکیم کوپارٹی کی اندرونی سیاست کی بھینٹ چڑھانا زیادتی ہے۔

 نگراں وزیرِ اطلاعات پنجاب کا مزید کہنا تھا کہ ایسے الزام پر شاہد خاقان عباسی معذرت کریں یا کرپشن کے ثبوت دیں، پنجاب حکومت ایک ایک پائی کا حساب دے سکتی ہے۔

لاہور: پنجاب کی محکمہ ایکسائز نے عمران خان کو ایک اور نوٹس بھیج دیا ہے۔

تفصیلات کے مطابق محکمہ ایکسائز پنجاب کی جانب سے عمران خان کو لگژری ہاؤس ٹیکس کا نوٹس بھیجا گیا ہے۔

محکمہ ایکسائز کے نوٹس میں کہا گیا ہے کہ عمران خان پر 36 لاکھ روپے ٹیکس واجب الادا ہیں، محکمہ ایکسائز اینڈ ٹیکسیشن کی 2 رکنی ٹیم نوٹس موصول کرانے زمان پارک پہنچی گئی۔

ای ٹی او ایکسائز عدیل امجد اور انسپکٹر آمنہ رشید کی جانب سے عمران خان کو نوٹس بھیجا گیا جس میں کہا گیا ہے کہ 7 روز میں نوٹس پر عملدر آمد نہیں ہوئے تو الیکشن کمیشن کو خط لکھا جائے گا۔

مسلم لیگ (ن) کی سینئر نائب صدر و چیف آرگنائزر مریم نواز شریف نے کہا ہے کہ آج پنجاب حکومت پلیٹ میں رکھ کر لاڈلے عمران کو پیش کی گئی۔

مسلم لیگ (ن) کی سینئر نائب صدر و چیف آرگنائزر مریم نواز شریف نے سماجی رابطے کی ویب سائٹ ٹوئٹر پر لکھا کہ آج کا فیصلہ سازش کا آخری وار ہے جس کا آغاز آئین کو ری رائٹ کرکےکیاگیا۔

مریم نواز کا کہنا تھا کہ  آج پنجاب حکومت پلیٹ میں رکھ کر لاڈلے عمران کو پیش کی گئی لو بیٹا پھر توڑ دو تا کہ ہم جیسے سہولت کاروں کی موجودگی میں دوبارہ سلیکٹ کیا جائے۔

آج کا فیصلہ اس سازش کا آخری وار ہے جس کا آغاز آئین کو re-write کر کے پنجاب حکومت پلیٹ میں رکھ بنچ کے لاڈلے عمران کو پیش کی گئی کہ لو بیٹا، توڑ دو تاکہ ہم جیسے سہولت کاروں کی موجودگی اور نگرانی میں تمھیں دوبارہ سیلیکٹ کیا جائے۔

— Maryam Nawaz Sharif (@MaryamNSharif) April 4, 2023

سینئر نائب صدر و چیف آرگنائزر نے کہا کہ 2018 میں جو کام فیض، کھوسہ اور ثاقب نثار نے انجام دیا تھا، وہ ذمہ داری اب اس بینچ نے اٹھا لی ہے ڈھٹائی سے کی گئی سہولت کاری، ون مین شو کیخلاف سپریم کورٹ اکثریت نے بغاوت کردی۔

مریم نواز کیخلاف توہین عدالت کی درخواست سماعت کیلیے مقرر

مریم نواز نے ٹوئٹ میں لکھا کہ وقت آگیا ہے پارلیمنٹ اس سہولت کاری کو آئینی، قانونی ہاتھوں سے روک دے، وفاقی کابینہ کی جانب سے فیصلہ مسترد کر دینا کافی نہیں ہے آئین، قانون کی دھجیاں اڑا کر لاڈلے کو مسلط کرنے کی کوشش کرنیوالوں کو کٹہرے میں کھڑا کرنا چاہیے۔