لاہور: پنجاب فوڈ اتھارٹی نے مختلف مقامات پرکارروائی کرتے ہوئے 2 غیر ملکی ریسٹورینٹ سیل جبکہ دیگر تین ہوٹلوں پر50، 50 ہزار روپے جرمانہ عائد کیا۔

تفصیلات کے مطابق پنجاب فوڈ اتھارٹی کے ڈائریکٹر جنرل نورالامین مینگل کی سربراہی میں ٹیم نےموٹروے سکھیکی ریسٹ ایریا پرواقع معروف غیرملکی ریسٹورینٹ پرچھاپہ مارا۔

ڈی جی فوڈ اتھارٹی کا کہنا ہے کہ ریسٹورنٹ میں زائد المیعاد اشیا، ناقص صفائی اوراشیا کی تیاری میں استعمال کوکنگ آئل بھی ناقص پایا گیا جس کے باعث غیرملکی ریسٹورینٹ کو سیل کردیا گیا۔

ڈائریکٹر جنرل نورالامین مینگل کے مطابق ایم ایم عالم روڈ پر واقع غیر ملکی ریسٹورینٹ میں زائد المیعاد اشیا پائی گئیں جس پر ریسٹورینٹ کو سیل کردیا گیا جبکہ دیگرتین ہوٹلوں پر50، 50 ہزار روپے جرمانہ عائد کیا گیا۔

پنجاب فوڈ اتھارٹی کا ڈبے والے جوسز کی تمام کمپنیز کو ہدایت نامہ جاری

یاد رہے کہ رواں برس 18 اگست کو پنجاب فوڈ اتھارٹی کے ڈائریکٹر جنرل نورالامین مینگل نے ڈبے والے جوسز کی تمام کمپنیز کو ہدایت نامہ جاری کیا تھا جس میں جوسز میں پھلوں کے خالص اجزا، غیرقدرتی اجزا کی مقدار کا تعین کرنے کا کہا گیا تھا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

فیصل آباد: محکمہ لائف اسٹاک نے سرگودھا روڈ پر کارروائی کر کے مردہ جانوروں کا 200 من گوشت تحویل میں لے لیا۔ گوشت فروخت کرنے والے دو ملزمان کو بھی گرفتار کر لیا گیا۔

تفصیلات کے مطابق محکمہ لائف اسٹاک کو اطلاع ملی تھی کہ فیصل آباد کے علاقے سرگودھا روڈ پر مردہ جانوروں کے گوشت کی ترسیل جاری ہے۔ محکمہ لائف اسٹاک نے فوری کارروائی کرتے ہوئے 200 من گوشت اپنی تحویل میں لے کر لیبارٹری بھجوا دیا۔ گوشت کی ترسیل و فروخت پر معمور 2 ملزمان کو بھی گرفتار کر لیا گیا جن سے تفتیش جاری ہے۔

یاد رہے کہ اس سے قبل پنجاب فوڈ اتھارٹی کی ڈائریکٹر عائشہ ممتاز نے بھی کئی چھاپہ مار کارروائیاں کی تھیں جس کے بعد یہ ہولناک انکشافات ہوئے تھے کہ پنجاب کے کئی اضلاع میں مردہ جانوروں کا گوشت فروخت کیا جارہا ہے، یہاں تک کہ گدھے اور کتے کے گوشت کی فروخت بھی جاری ہے۔ انہوں نے کئی ریستورانوں کو حفظانِ صحت کے اصولوں کی خلاف ورزی پر بند بھی کر دیا تھا اور کئی بیکریز کے لائسنس منسوخ کیے تھے۔

لائف اسٹاک و پنجاب فوڈ اتھارٹی کی یہ کارروائیاں معاملہ کی سنگینی کو جانچنے کے لیے کافی ہیں۔ ضروری امر یہ ہے کہ حکومت اس طرف سنجیدگی سے توجہ دے اور شہریوں کی صحت سے کھیلنے والوں کو کیفر کردار تک پہنچائے۔