اسلام آباد : الیکشن کمیشن پنجاب میں الیکشن کے لئے فنڈز اور سیکورٹی پلان سے متعلق رپورٹ آج سپریم کورٹ کو پیش کرے گا۔
تفصیلات کے مطابق سپریم کورٹ کی جانب سے پنجاب میں الیکشن کے لیے فنڈز فراہمی کی مہلت ختم ہوگئی ، حکومت نےالیکشن کمیشن کوتاحال 21ارب روپےفنڈزفراہم نہیں کیے۔
الیکشن کمیشن پنجاب میں انتخاب کے لئے فنڈز اور سیکورٹی پلان سے متعلق رپورٹ آج سپریم کورٹ کو پیش کرے گا۔
سپریم کورٹ نے الیکشن کمیشن کو آج فنڈز فراہمی اور سیکیورٹی پلان پیش کرنےکاحکم دیا تھا ، سپریم کورٹ کے حکم پر الیکشن کمیشن آج فنڈز فراہمی اور سیکیورٹی پلان پیش کرنے کا پابند ہے۔
یاد رہے گذشتہ روز سینیٹ میں قومی اسمبلی اور چاروں صوبوں میں بیک وقت انتخابات کرانے کی قرارداد کثرت رائے سے منظور کی گئی تھی۔
بعد ازاں وزیر خزانہ اسحاق ڈار نے انتخابی اخراجات کا بل پارلیمنٹ میں پیش کیا تھا ،اسحاق ڈار کا کہنا تھا کہ فوری انتخابات قومی مفاد میں نہیں، ایوان فیصلہ کرے، رقم الیکشن کمیشن کو فراہم کی جائے یا نہیں۔
