ARYNews.tv | Urdu – Har Lamha Bakhabar

Tag: پنجاب کی خبریں

  • با اثر شخصیات کے سامنے قواعد و ضوابط پر سمجھوتہ نہ کیا جائے، نگراں وزیرِ قانون پنجاب

    با اثر شخصیات کے سامنے قواعد و ضوابط پر سمجھوتہ نہ کیا جائے، نگراں وزیرِ قانون پنجاب

    لاہور: پنجاب کے نگراں وزیر قانون نے ملکی اداروں کے افسران کو ہدایت کی ہے کہ با اثر شخصیات کے سامنے قواعد و ضوابط پر کوئی سمجھوتہ نہ کیا جائے۔

    ان خیالات کا اظہار وہ اپنی زیرِ صدارت منعقد ہونے والے ایک اجلاس میں کر رہے تھے، اجلاس میں صوبائی وزیر قانون ضیا حیدر رضوی نے پارلیمانی امور کا جائزہ لیا۔

    اجلاس میں نگراں وزیر قانون کو افسران کی جانب سے محکمہ جاتی بریفنگ دی گئی، ضیا حیدر نے افسران کی بریفنگ پر اطمینان کا اظہار کیا۔

    صوبائی وزیر نے کہا کہ قانون وضع کرنے والے اداروں میں 100 فی صد میرٹ چاہتے ہیں، میرٹ کے لیے محکموں میں پالیسیوں کا جائزہ لے رہے ہیں۔

    پنجاب کے نگراں وزیرِ قانون ضیا حیدر نے پارلیمانی امور کا جائزہ لیتے ہوئے کہا کہ کرپشن ملک کا سب سے بڑا مسئلہ ہے، اداروں میں رشوت اور سفارش سے گریز کیا جائے۔

    نگراں حکومت آتے ہی ملک میں بجلی کے بحران میں اضافے کا خدشہ

    نگراں وزیرِ قانون کا کہنا تھا کہ قواعد و ضوابط پر کسی بھی صورت میں سمجھوتہ نہ کیا جائے چاہے سامنے کتنی ہی با اثر شخصیت کیوں نہ ہو، نسلوں کو نوازنے کا سلسلہ ختم ہونا چاہیے۔

    خیال رہے کہ انتخابات کے بعد نئی حکومت بننے تک نگراں حکومت ملکی معاملات دیکھ رہی ہے، جس کی اوّلین ذمہ داری ملک میں شفاف انتخابات کا انعقاد ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • نوازشریف نے 5 کے مقابلےمیں 6 دھماکے کیے، شہباز شریف

    نوازشریف نے 5 کے مقابلےمیں 6 دھماکے کیے، شہباز شریف

    لاہور: پاکستان مسلم لیگ کے صدر شہباز شریف نے کہا ہے کہ نوازشریف نے 5 کے مقابلےمیں 6 ایٹمی دھماکے کیے اور پاکستان کو ایٹمی طاقت بنایا۔

    ان خیالات کا اظہار انھوں نے جلسۂ عام سے خطاب کرتے ہوئے کیا، انھوں نے کہا کہ ملک کو ایٹمی طاقت نواز شریف نے بنایا اور  بھارت کے پانچ دھماکوں کے مقابلے میں چھ دھماکے کیے۔

    شہباز شریف کا کہنا تھا کہ 2010 میں مینارِ پاکستان میں کالی پٹی باندھ کر 2 مہینے بیٹھا رہا، لیکن ہم نے پتھر نہیں مارے، دھرنے نہیں دیے۔

    مسلم لیگ ن کے صدر نے سوال کرتے ہوئے کہا کہ لوڈ شیڈنگ کے باعث واپڈا کے لوگوں کا گھیراؤ ہوتا تھا، اب ہمارے 5 سالوں میں بجلی آئی یا نہیں؟

    ان کا کہنا تھا کہ جہاں کرپشن کے انبار لگے ہیں انہیں کیوں نہیں پوچھا جاتا، واضح رہے کہ کرپشن کے سلسلے میں ن لیگی رہنما اور شریف خاندان مسلسل ہدف بنے رہے ہیں، نواز شریف اور مریم نواز کو قید اور جرمانے کی سزائیں بھی ہوئی ہیں۔

    پشاور: اے این پی کی کارنر میٹنگ میں خودکش دھماکا، ہارون بلور سمیت 13 شہید

    شہباز شریف نے کہا کہ بلدیاتی نمائندوں کو 25 جولائی تک معطل کیا گیا ہے جو کہ 26 جولائی کو پھر بہ حال ہوجائیں گے۔

    واضح رہے کہ ملک میں عام انتخابات 2018 کے سلسلے میں تمام سیاسی جماعتیں انتخابی مہم میں مصروف ہیں، تاہم پشاور میں اے این پی کے جلسے پر خود کش دھماکا نہایت افسوس ناک رہا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • شیر نہیں بلی اور بلے والوں کو چیلنج کرتا ہوں، چوہدری نثار

    شیر نہیں بلی اور بلے والوں کو چیلنج کرتا ہوں، چوہدری نثار

    راولپنڈی: سابق وزیر داخلہ چوہدری نثار نے کہا ہے کہ وہ شیر کو نہیں بلکہ بلی اور بلے والوں کو چیلنج کر رہے ہیں، انھیں بلی اور بلے والوں سے ٹکٹ مل سکتے تھے۔

    ان خیالات کا اظہار انھوں نے اپنے انتخابی حلقے میں جلسے سے خطاب کرتے ہوئے کیا، انھوں نے کہا ’ہمارے جلسے کیا کارنر میٹنگ کا مقابلہ کرلیں تو بڑی بات ہے۔‘

    چوہدری نثار کا کہنا تھا کہ وہ عوامی نشان پر انتخاب لڑ رہے ہیں، ووٹنگ کی رات عوام کا ٹکٹ بھاری پڑے گا، ووٹ دیتے ہوئے کیوں نہیں دیکھا جاتا کہ امیدوار اس قابل ہے بھی یا نہیں۔

    انھوں نے ن لیگ سے اپنی علیحدگی کی طرف اشارہ کرتے ہوئے مثالیں دیں ’بڑے بڑے جہاز بھی جب تک پائلٹ نہ چلائیں ناکارہ ہو جاتے ہیں، کروڑوں کی گاڑی میں بھی ڈرائیور نہ ہو تو بے کار ہو جاتی ہے۔‘

    سابق وزیر داخلہ نے کہا ’اللہ نے جسے زبان اور آنکھ دی وہ اسمبلی میں سوتا رہا، گلستان کالونی سے جیتنے والا ممبر پانچ سال اسمبلی میں سوتا رہا۔‘

    سندھ میں عوام سے آصف زرداری کو انڈے اور ٹماٹر پڑیں گے، عمران خان

    چوہدری نثار علی خان کا کہنا تھا کہ تبدیلی کے لیے پی ٹی آئی والوں کے جذبے کو سلام کرتا ہوں لیکن کیا پی ٹی آئی کے ایسے امیدوار تبدیلی لائیں گے بلکہ یہ تو مزید بگاڑ پیدا کریں گے۔

    انھوں نے کہا یہ عام الیکشن نہیں، جیپ آپ کی فتح کا نشان ہے، کہیں رکاوٹ آئی تو یہ جیپ فور بائی فور لگا کر آگے نکل جائے گی، جیپ میں اس شان سے سوار ہوں کہ دنیا کہے ہمیں بھی لے چلو۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • مجرموں کو ریلی کی سہولت دینا قانون سے مذاق ہے، ڈاکٹر طاہر القادری

    مجرموں کو ریلی کی سہولت دینا قانون سے مذاق ہے، ڈاکٹر طاہر القادری

    لاہور: پاکستان عوامی تحریک کے سربراہ ڈاکٹر طاہر القادری نے کہا ہے کہ مجرموں کو ریلی کی سہولت دینا قانون سے مذاق ہے۔

    ان خیالات کا اظہار انھوں نے لاہور میں میڈیا سے بات چیت کرتے ہوئے کیا، ان کا کہنا تھا کہ تکبر نے شریف خاندان کو ذلت کے آخری درجے پر لا کھڑا کیا ہے۔

    طاہر القادری نے مزید کہا ہے کہ ملک کو ایشین ٹائیگر بنانے کے دعوے دار وں نے ملک کو ایشیا کا مقروض ملک بنا دیا ہے، اور آج پاکستان بیرون ملک سے آنے والی ترسیلاتِ زر کے رحم و کرم پر ہے۔

    سربراہ پی اے ٹی کا کہنا تھا کہ پاکستان کی تاریخ میں دوسرے کئی لیڈر بھی جیل گئے لیکن کسی نے اعلانِ جنگ نہیں کیا، خیال رہے کہ احتساب عدالت کی طرف سے شریف خاندان کو قید اور جرمانے کی سزائیں سنائی گئی ہیں۔

    طاہر القادری نے ملک میں تبدیلی کے حوالے سے کہا کہ یہاں ایسا نظام چاہیے جس میں کوئی شخص ریاست کو بلیک میل نہ کرسکے، ان کا اشارہ کیپٹن (ر) صفدر کی طرف تھا جنھوں نے گرفتاری دینے کے معاملے پر ریلی نکال کر ریاست کو بلیک میل کرنے کی کوشش کی۔

    احتساب عدالت نے کیپٹن (ر) صفدر کو اڈیالہ جیل بھیج دیا

    تحریک منہاج القرآن کے بانی کا مزید کہنا تھا کہ سیاسی جماعتیں اشرافیہ نے بنائیں تاکہ اپنے غیر قانونی مال اور خود کو بچانے کے لیے ڈھال کے طور پر استعمال کی جاسکیں، اشرافیہ کا جمہوریت و جمہوری اقدار سے کچھ لینا دینا نہیں۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • کسان کارڈ کے ذریعے فصلوں کی انشورنس کریں گے، بلاول بھٹو زرداری

    کسان کارڈ کے ذریعے فصلوں کی انشورنس کریں گے، بلاول بھٹو زرداری

    خان گڑھ: پاکستان پیپلز پارٹی کے چیئرمین بلاول بھٹو زرداری نے کہا ہے کہ وہ کسان دوست منشور لے کر آئے ہیں، کسان کارڈ کے ذریعے فصلوں کی انشورنس کی جائے گی۔

    ان خیالات کا اظہار انھوں نے پنجاب کے ضلع مظفر گڑھ کے علاقے خان گڑھ میں جلسے سے خطاب کرتے ہوئے کہی، بلاول نے کہا ہم کھاد کی بوری 500 روپے میں دیں گے جو آج 1800 کی ہے۔

    قبل ازیں بلاول نے خان گڑھ میں نواب زادہ نصر اللہ خان کی قبر پر حاضری دی، انھوں نے فاتحہ خوانی کی اور قبر پر پھول چڑھائے، اس موقع پر ان کا کہنا تھا کہ نواب زادہ نصراللہ خان نے آمروں کے خلاف قابل قدر جدوجہد کی۔

    بلاول بھٹو زرداری نے جلسے سے خطاب میں کہا کہ ان کی حکومت کی طرف سے کسانوں کو کسان کارڈ سے سبسڈی اور بلا سود قرضے ملیں گے، گندم، کپاس اور دیگر فصلوں کے لیے امدادی فنڈز مہیا کی جائے گی۔

    انھوں نے کہا گنے کے کاشت کاروں کو بھی یقین دلاتے ہیں کہ سی پی آر کو چیک کا درجہ دیا جائے گا، حکومت میں آ کر شعبۂ زراعت اور کسان کو خوش حال بنائیں گے۔

    2013 کا الیکشن فکس تھا، ن لیگ اور پیپلز پارٹی کے لیڈر ملک میں پیسا بنانے آتے ہیں، عمران خان

    بلاول نے کہا ’یو سی سطح پر فوڈ اسٹورز کھولے جائیں گے جنھیں خواتین چلائیں گی، اقتدار میں آ کر ماؤں بہنوں کا خیال رکھیں گے۔‘

    انھوں نے کہا ’جاتی امرا لمیٹڈ کمپنی نے پنجاب کو اپنی جاگیر سمجھا، میں نے جنوبی پنجاب کا مقدمہ ہمیشہ لڑا ہے، چند کٹھ پتلی لوگوں کو آخری دنوں میں جنوبی پنجاب یاد آیا۔‘

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • چور نے میو اسپتال لاہور کے زنانہ وارڈ سے ایل ای ڈی چُرا لی

    چور نے میو اسپتال لاہور کے زنانہ وارڈ سے ایل ای ڈی چُرا لی

    لاہور: پنجاب کے دل لاہور میں ایک چور نے واردات کے لیے اسپتال کا رُخ کرلیا، میو اسپتال کے زنانہ وارڈ سے ایل ای ڈی چرالی۔

    تفصیلات کے مطابق لاہور میں چوری کی واردات کے لیے چور نے کہیں اور نہیں بلکہ مریضوں کی جگہ کا انتخاب کر لیا، چور اسپتال میں گھس کر ایل ای ڈی چرا کر بھاگ گیا۔

    اے آر وائی نیوز نے واردات کی سی سی ٹی فوٹیج حاصل کر لی، مریضوں کی وقت گزاری اور ملکی حالات سے باخبر رکھنے کے لیے لگائی جانے والی ایل ای ڈی پر ہاتھ صاف کر لیے گئے۔

    سی سی ٹی وی فوٹیج میں چور کو ٹی شرٹ اور ٹراؤزر پہنے دیکھا جاسکتا ہے، چور نے بڑے اعتماد کے ساتھ اسپتال کے ایک زنانہ وارڈ میں گھس کر واردات کی اور نکل گیا۔

    فوٹیج ٹائمنگ کے مطابق ٹی شرٹ پہنے چور نے رات کے آغاز ہی میں واردات کی، وہ 8 بج کر 28 منٹ پر چلتا ہوا نارتھ میڈیسن فی میل وارڈ میں داخل ہوا۔

    سی سی ٹی وی فوٹیج میں دیکھا گیا کہ ٹھیک دو منٹ بعد ہی چور وارڈ سے باہر نکلا، اس کے ہاتھوں میں ایل ای ڈی تھامی ہوئی تھی، جو زنانہ وارڈ میں لگی ہوئی تھی۔

    میواسپتال کا جب سےدورہ کیا، دل پربوجھ لےکرپھررہا ہوں‘ چیف جسٹس

    اسپتال میں ہونے والی چوری کی اس انوکھی واردات پر انتظامیہ نے مقدمے کے اندراج کے لیے چوکی میو اسپتال میں درخواست جمع کرا دی۔

    اس واردات سے معلوم ہوتا ہے کہ پاکستان کے اسپتالوں میں حفاظتی انتظامات کتنے ناقص ہیں، خیال رہے میو اسپتال لاہور صوبۂ پنجاب، پاکستان کے قدیم ترین اور بڑے اسپتالوں میں سے ایک ہے، اس کی تعمیر 1871 میں ہوئی۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • میرا مقابلہ پس ماندگی، معاشرتی نا انصافی اور غربت سے ہے، بلاول بھٹو زرداری

    میرا مقابلہ پس ماندگی، معاشرتی نا انصافی اور غربت سے ہے، بلاول بھٹو زرداری

    اوچ شریف: پاکستان پیپلز پارٹی کے چیئرمین بلاول بھٹو زرداری نے کہا ہے کہ ان کا مقابلہ کسی شخص سے نہیں بلکہ پس ماندگی، معاشرتی نا انصافی اور غربت سے ہے۔

    ان خیالات کا اظہار انھوں نے اوچ شریف میں پی پی کے جلسے سے خطاب کرتے ہوئے کیا، انھوں نے کہا ہمارا مقابلہ کسی شخص یا سیاسی جماعت سے نہیں بلکہ عوام کی محرومیوں سے ہے۔

    بلاول کا کہنا تھا کہ آپ یہ فیصلہ کریں کہ صحت، تعلیم اور بھوک مٹاؤ پروگرام چاہیے یا میٹرو؟ ہم عوامی مسائل حل کرتے ہیں، ہمیں شو بازی اور یو ٹرن نہیں چاہیے۔

    بلاول بھٹو زرداری نے کہا ’میں سمجھتا ہوں سب کو برابری کے مواقع ملنے چاہئیں، استحصال سے پاک پاکستان چاہتا ہوں جہاں سب کو انصاف ملے، میں یہ تمام چیزیں عوام کے لیے حاصل کرکے رہوں گا۔‘

    انھوں نے کہا کہ وہ بے نظیر کے مشن کو پورا کریں گے، کوئی انھیں نہیں روک سکتا، بے نظیر نے اس مشن کے لیے جیل کاٹی، جلا وطنی برداشت کی، ان کی شہادت کے بعد مشکل وقت میں زرداری نے ملک کو سنبھالا۔

    بلاول کا کہنا تھا کہ تمام مشکلات کے با وجود زرداری نے وفاق کو مضبوط کیا، سی پیک اور پاک ایران گیس پائپ لائن معاہدے کیے، انھیں بھی 11 سال جیل میں رکھا گیا۔

    انھوں نے مزید کہا آج کھاد کی بوری 1800 کی ہے، ہم 500 کی دیں گے، کسان کارڈ کے ذریعے ہم آپ کی فصلوں کی انشورنش کریں گے، حکومت میں آکر گندم، کپاس و دیگر فصلوں کے لیے امدادی فنڈز دیں گے۔

    پولیس نے بلاول کو مزار پر حاضری سے روک دیا

    قبل ازیں پنجاب پولیس نے بلاول بھٹو زرداری کو اوچ شریف میں مخدوم پیر جلال الدین کے مزار پر جانے سے روکا، پولیس نے ان کے کارواں کو بیس منٹ روکے رکھا، بعد ازاں انھوں نے اوچ شریف میں جلال الدین کے مزار پر حاضری دی، مزار کے سجادہ نشین نے انھیں امام ضامن پہنایا اور دعا کی۔

    پولیس کی جانب سے روکے جانے کے واقعے کے بعد الیکشن کمیشن نے فوری اس کا نوٹس لے لیا، سیکریٹری الیکشن کمیشن نے چیف سیکریٹری اور آئی جی پنجاب سے رابطہ کر کے کہا کہ سیاسی جماعتوں کو پُر امن انتخابی مہم چلانے کی اجازت ہے۔

    بلاول نے اس موقع پر کہا کہ درگاہ پر حاضری دینے آیا ہوں روکنے کی وجہ سمجھ نہیں آرہی ہے، میرے مزار پر حاضری دینے سے پنجاب پولیس پر کیا خوف طاری ہے۔

    شیری رحمان نے بھی واقعے پر رد عمل ظاہر کرے ہوئے کہا کہ انتخابی مہم سب کا حق ہے، پنجاب پولیس بدمعاشی بند کرے۔ اعتزاز احسن نے کہا ’انتظامیہ کو کہتا ہوں بلاول بھٹو کے راستے سے ہٹ جائے۔‘

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • حکومت دوبارہ ملی تو کپڑے بیچ کر بھی بھاشا ڈیم بناؤں گا، شہباز شریف

    حکومت دوبارہ ملی تو کپڑے بیچ کر بھی بھاشا ڈیم بناؤں گا، شہباز شریف

    ساہیوال: مسلم لیگ نواز گروپ کے صدر شہباز شریف نے دعویٰ کیا ہے کہ اگر انھیں حکومت دوبارہ ملی تو کپڑے بیچ کر بھی بھاشا ڈیم بنا دیں گے۔

    ان خیالات کا اظہار انھوں نے پنجاب کے شہر ساہیوال میں مسلم لیگ ن کے جلسے سے خطاب کرتے ہوئے کیا، جلسے میں اسٹیج پر چڑھنے سے قبل وہ لڑکھڑا کر گرنے لگے تو ساتھیوں نے تھام لیا، گرنے نہیں دیا۔

    شہباز شریف نے کہا کہ اگر پشاور اور کراچی نے ووٹ دیا تو پاکستان کو ترکی اور ملایشیا جیسا بنادیں گے، خیال رہے کہ اکتیس مئی کو ختم ہونے والے پانچ سالہ دورِ حکومت میں انھوں نے نہ بھاشا ڈیم بنایا نہ پاکستان کو پاکستان بنایا۔

    سابق وزیر اعلیٰ پنجاب نے کہا کہ وہ اقتدار کے لیے ووٹ مانگنے نہیں آئے، آج کئی ملک ہم سے آگے نکل چکے ہیں، ایٹمی طاقت ہیں مگر کشکول ہاتھ میں لیے ہوئے ہیں۔ یاد رہے کہ پانچ سالہ دور میں ن لیگ نے نہ کشکول توڑا نہ ملک کو ترقی کی راہ پر گام زن کیا۔

    شہباز شریف نے کا کہنا تھا کہ ہماری نیب میں حاضری ہوتی رہتی ہے جب کہ نیازی اور زرداری پارسا ہیں، صرف ن لیگ کے لوگوں کو روز نوٹس آتے ہیں، گرفتار ہوتے ہیں۔

    کالا باغ ڈیم زندگی اور موت کا مسئلہ ہے، نہیں بننے دیں گے، اسفند یار ولی

    ن لیگ کے صدر نے دعویٰ کیا کہ چھوٹے کسانوں کو 100 ارب روپے کے بلا سود قرضے دیے جائیں گے، کہا ن لیگ حکومت کے منصوبے عوام کے سامنے ہیں۔

    شہباز شریف نے اپنے بڑے سیاسی حریف چیئرمین پی ٹی آئی کو مخاطب کرتے ہوئے کہا خان صاحب، سیاست آپ کو نہیں آتی جاکر کسی خانقاہ میں بیٹھ جائیں، مزید کہا کہ انھوں نے ڈینگی کے لیے پشاور میں کچھ نہیں کیا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • اقتدار ملتا ہے تو اپنی اور خاندان کی جیبیں نہیں بھرتا، چوہدری نثار

    اقتدار ملتا ہے تو اپنی اور خاندان کی جیبیں نہیں بھرتا، چوہدری نثار

    راولپنڈی: سابق وزیر داخلہ چوہدری نثار علی خان کا کہنا ہے کہ انھیں جب بھی اقتدار ملا، اپنی اور خاندان کی جیبیں نہیں بھریں، جو کچھ اللہ نے دیا حلقے کے عوام پر لٹایا۔

    ان خیالات کا اظہار انھوں نے راولپنڈی میں جلسے سے خطاب کرتے ہوئے کیا، ان کا کہنا تھا کہ سیاست لاکھوں لوگوں کی امید ہوتی ہے، کوئی آسان کام نہیں ہے۔

    چوہدری نثار نے کہا کہ اب مسلم لیگ نظریاتی نہیں رہی ہے، مجھ میں منافقت نہیں، نواز شریف سے کہا جو دل کہتا ہے وہی کروں گا۔

    ان کا کہنا تھا کہ 34 سال ایک شخص کی وفاداری نبھائی، وقت آیا تو ٹیکسلا میں ایسے شخص کو ٹکٹ دیا جو ہمیشہ ن لیگ کا مخالف رہا ہے، جو سیاست دان ہی نہیں، زندگی میں کونسلر تک منتخب نہیں ہوا۔

    چوہدری نثار نے کہا لوگ اپنا نظریہ، کردار اور دین و ایمان بیچ دیتے ہیں، لیکن میں نے سیاست سر اٹھا کر کی ہے، کبھی کسی کے آگے جھکا نہیں، عمران خان نے بار بار کہا چوہدری نثار آ جائے ٹکٹ دینے کو تیار ہیں۔

    انھوں نے کہا سیاست آنی جانی چیز ہے کبھی کم تو کبھی زیادہ ووٹ مل جاتے ہیں، نوازشریف سے پاناما لیکس پر قوم کو سچ بتانے کا کہا، اور اداروں پر تنقید سے منع کیا، کیا یہ ان سے دشمنی تھی یا دوستی۔

    چوہدری نثار کی باتیں تکلیف دیتی ہیں، نواز شریف

    چوہدری نثار نے کہا کہ 25 جولائی کے بعد ووٹ کی پرچی کی عزت نہیں ہوگی، اس لیے عوام تحمل سے سوچیں کہ کون آپ کے ووٹ کا حق دار ہے۔

    واضح رہے کہ آج نواز شریف نے لندن میں صحافیوں سے گفتگو کرتے ہوئے کہا تھا کہ چوہدری نثار کی باتیں انھیں تکلیف دیتی ہیں۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • میرا اختلاف پارٹی سے نہیں، نواز شریف سے ہے: چوہدری نثار

    میرا اختلاف پارٹی سے نہیں، نواز شریف سے ہے: چوہدری نثار

    راولپنڈی: سابق وزیر داخلہ چوہدری نثار علی خان کا کہنا ہے کہ ان کا اختلاف مسلم لیگ کے ساتھ نہیں بلکہ نواز شریف کے ساتھ ہے، فوج کے ساتھ مل کر دہشت گردی کے خلاف جنگ لڑی۔

    ان خیالات کا اظہار انھوں نے راولپنڈی میں مختلف مقامات پر جلسوں سے خطاب کرتے ہوئے کیا، کہا 34 سال کی سیاست میں صرف اپنے علاقے کو ترجیح دی ہے، کبھی خود کو مخالف امیدوار کی طرح نہیں بیچا، نواز شریف کو بھی سمجھایا عدلیہ اور فوج کے ساتھ مت لڑو۔

    چوہدری نثار نے چکری اور واہ کینٹ میں جلسے سے خطاب کرتے ہوئے کہا کہ ان کے مخالف کو جو حیثیت حاصل ہے وہ بھی محض اس لیے ہے کہ وہ چوہدری نثار کا مخالف ہے، کہا میں نے ہر گاؤں میں پکی سڑکیں بنائیں، اب ایک اور گاؤں کو بھی بجلی فراہم کر دی ہے۔

    مسلم لیگ کے ناراض رہنما نے کہا کہ نواز شریف، عمران خان اور زرداری سن لیں، انھوں نے دریاے سواں کا پانی پیا ہے، ٹکٹ لینے کی بجائے اپنے پاؤں پر کھڑا ہونے کو ترجیح دی ہے۔ کہا ان کا مخالف آئے روز پارٹیاں تبدیل کرتا ہے اور انھوں نے عزت کے لیے سیاست کی۔

    چوہدری نثار نے کہا کہ وہ برادری کی بجائے قومی سیاست کرتے ہیں، کہا اپنے علاقے کو ترقی کی راہ پر گام زن کیا، سیاست میں آکر کوئی فیکٹری یا مل نہیں لگائی، پورے حلقے میں خدمات ثبوتوں کے ساتھ موجود ہیں۔

    ان کا کہنا تھا کہ ان کے مخالفوں کے دور میں سڑکیں ٹوٹی پھوٹی ہوتی تھیں، اس علاقے میں کوئی جگہ ایسی نہیں جہاں ان کی خدمت کا نشان نہ ہو۔ کہا میں نے کالج، گلیاں، اسکول اور اسپتال بنوائے۔

    چوہدری نثار کو ’جیپ‘ کا انتخابی نشان الاٹ

    چوہدری نثار نے کہا میں نے خاکوں کے مسئلے پر کہا سوشل میڈیا بند کر دوں گا، سوشل میڈیا میرے ایمان سے بڑی چیز نہیں ہے۔

    واضح رہے کہ چوہدری نثار اور نواز شریف کے درمیان ناراضی کے باعث ن لیگ نے انھیں ٹکٹ جاری نہیں کیا، جس پر انھوں نے آزاد حیثیت میں انتخاب لڑنے کا فیصلہ کیا تھا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔