کوہسار یونیورسٹی مری کے پنجاب ہاؤس کیمپس میں رنگا رنگ تقریب کا انعقاد کیا گیا جس میں طلباء نے مختلف پرفامنسسز پیش کر کے حاضرین سے خوب داد سمیٹی۔
تفصیلات کے مطابق ڈیپارٹمنٹ آف ٹورازم اینڈ ہاسپیٹلیٹی مینجمنٹ نے ڈیپارٹمنٹ آف میڈیا اینڈ کمیونیکیشن سٹڈیز اور ڈیپارٹمنٹ آف سوشیالوجی کے اشتراک سے کوہسار یونیورسٹی مری کےخوبصورت پنجاب ہاؤس کیمپس میں ایک رنگا رنگ تقریب کا انعقاد کیا۔ پرو وائس چانسلر پروفیسر ڈاکٹر محمد سلطان تقریب کے مہمان خصوصی تھے۔ اس موقع پر رجسٹرار ڈاکٹر محسن اقبال، ڈاکٹر عبدالصمد انچارج فیکلٹی آف سوشل سائنسز اینڈ مینجمنٹ اور دیگر فیکلٹی ممبران نے بھی شرکت کی۔
ڈاکٹر محسن حسن خان ہیڈ میڈیا اینڈ سوشیالوجی نے مہمانوں کا استقبال کیا۔ تقریب کے دوران طلباء نے لائیو تھیٹر پرفامنسسز، سنگنگ اور مختلف گیمز میں حصہ لیا۔ تقریب سے خطاب کرتے ہوئے پروفیسر ڈاکٹر محمد سلطان نے کہا اس طرح کی تقریبات چھپے ہوئے ٹیلنٹ کو اجاگر کرنے کے لیے اہم ہیں اور ان کا کثرت سے انعقاد کیا جانا چاہیے۔ آخر میں ڈاکٹر عدنان احمد ڈوگر، انچارج پنجاب ہاؤس کیمپس نے مہمانوں کا شکریہ ادا کیا۔
لاہور : مسلم لیگ ن کے اہم عہدیدار اور سابق وزرا پنجاب ہاؤس کے کروڑوں روپے کے نادہندہ نکلے، پنجاب ہاؤس نے رقم کی وصولی کے لیے نوٹس تیار کرلیے۔
تفصیلات کے مطابق اے آروائی نیوز کے پروگرام پاور پلے میں سینیئر اینکر پرسن ارشد شریف نے اہم انکشاف کردیا۔
اپنے پروگرام میں ان کا کہنا تھا کہ ن لیگ کے مرکزی رہنما پرویزرشید پنجاب ہاؤس کے چھیانوے لاکھ روپے کے ڈفالٹر ہیں، لیگی رہنما آصف کرمانی چونسٹھ لاکھ، مشاہد اللہ بیس لاکھ ،انوشے رحمان تئیس لاکھ کے نادہندہ ہیں۔
اس کے علاوہ زبیرگل چوبیس لاکھ مصطفے رمدے انتالیس لاکھ کے ڈفالٹر پائے گئے۔ چوہدری کبیر ایم ڈی پی ٹی ڈی سی بھی تئیس لاکھ روپے کے نادہندہ ہیں۔
اس حوالے سے ذرائع کا کہنا ہے پنجاب ہاؤس نے رقم کی وصولی کے لیے نوٹس تیار کرلیے ہیں جوبہت جلد نادہندگان کو بھیج دیئے جائیں گے۔ ذرائع کے مطابق رقم کی عدم ادائیگی پر نادہندگان کیخلاف قانونی کارروائی کی جائے گی۔
اسلام آباد : پاکستان تحریک انصاف کے سربراہ عمران خان وزیراعظم بننے کے بعد پنجاب ہاؤس میں قیام کریں گے جبکہ ویک اینڈ پر بنی گالہ جایا کریں گے۔
تفصیلات کے مطابق پی ٹی آئی کے چیئرمین عمران خان بطور وزیراعظم کہاں رہیں گے؟ فیصلہ ہوگیا۔
پی ٹی آئی رہنما نعیم الحق نے کہا کہ عمران خان وزیراعظم کا حلف اٹھانے کے بعد پنجاب ہاؤس میں قیام کریں گے۔
نعیم الحق کا کہنا تھا کہ عمران خان نے ہدایت کی تھی پنجاب ہاؤس کا جائزہ لوں، وہ تین سے چار دن پنجاب ہاؤس رہیں گے جبکہ ویک اینڈ پر بنی گالہ جایا کریں گے۔
انھوں نے مزید کہا کہ الیکشن کمیشن نے غیر معمولی تاخیر کرلی، تاحال علم نہیں عمران خان کب حلف اٹھائیں گے۔
رہنما پی ٹی آئی کا کہنا تھا کہ عمران خان کے جن حلقوں کا نوٹیفکیشن رکا ہے، اس پر وکلاسے بات ہوئی، امید ہے کل تک ان حلقوں میں کامیابی کا نوٹیفکیشن بھی جاری ہوجائے گا۔
نعیم الحق نے کہا کہ الیکشن کا عمل انتہائی ناقص ہے، بے شمار تبدیلیوں کی ضرورت ہے، انتخابی اصلاحات کے معاملے پر مزید قانون سازی کریں گے۔
اپوزیشن کے احتجاج کے حوالے سے ان کا کہنا تھا احتجاج اپوزیشن کا حق ہے، میں خود اس احتجاج سے گزر کر آیا ہوں، ہماری حلقے کھولنےکی پیشکش کے باوجود مظاہرہ کیا جا رہاہے، یقین دلاتا ہوں ہماری حکومت مظاہرین سے تعاون کرے گی۔
یاد رہے کہ وزارت عظمیٰ کا حلف اٹھانے سے پہلے عمران خان نے بڑا فیصلہ کیا تھا کہ وہ وزیراعظم ہاؤس کے بجائے اسپیکر ہاؤس میں قیام کریں گے۔
عمران خان کا کہنا تھا کہ میں عوام کےٹیکس کے پیسوں کا خود محافظ ہوں، عوام کا پیسہ حکمرانوں کی عیاشیوں پرخرچ نہیں ہوگا۔
عمران خان کے فیصلے پر پیپلزپارٹی کے رہنما خورشید شاہ نے ردعمل دیتے ہوئے کہا تھا کہ عمران خان وزیراعظم بننے کے بعد اسپیکرہاؤس میں نہیں رہ سکتے، اسپیکر ہاؤس پارلیمنٹ کی پراپرٹی ہے، پارلیمنٹ کی پراپرٹی میں وزیراعظم نہیں آسکتے۔
پی ٹی آئی چیئرمین کے اس فیصلے پر خلیجی اخبار میں ایک رپورٹ بھی شائع کی ، جس کے مطابق پاکستان تحریک انصاف کے چیئرمین عمران خان کے وزیر اعظم ہاؤس استعمال نہ کرنے سے قومی خزانے کو پونے 2 ارب روپے سے زائد کی بچت ہوگی۔
اسلام آباد : مسلم لیگ ن کے صدر نوازشریف کا کہنا ہے کہ میرے نہیں بلکہ ملک کی ترقی کے خلاف سازش کی جا رہی ہے۔
تفصیلات کے مطابق نااہل وزیراعظم نوازشریف نے وکلا اورکارکنوں سے پنجاب ہاؤس میں ملاقات کی جس میں احتساب عدالت کی پیشی اورقانونی نکات پر بات چیت ہوئی۔
ذرائع کے مطابق مریم نواز، امیرمقام،مریم اورنگزیب، آصف کرمانی، حنیف عباسی، سعود مجید اور مصدق ملک بھی موجود تھے۔
ذرائع کے مطابق ملاقات میں عوامی رابطہ مہم اورحالیہ جلسوں پر بھی تبادلہ خیال کیا گیا اور پارٹی رہنماؤں، کارکنوں کو پشاور، مظفرآباد میں کامیاب جلسوں پرمبارکباد دی گئی۔
نا اہل وزیراعظم نوازشریف نے کہا کہ عوامی عدالت نے میری نا اہلی کومسترد کردیا، تمام مقدمات کا مقابلہ کریں گے۔
مسلم لیگ ن کے صدر نے کہا کہ وقت ثابت کرے گا میرے خلاف انتقامی کارروائی ہورہی ہے۔
انہوں نے کہا کہ یہ میرے نہیں بلکہ ملک کی ترقی کے خلاف سازش کی جارہی ہے، عوامی مینڈیٹ کو چھیننے کا سلسلہ اب رکنا چاہیے۔
میاں نوازشریف نے کہا کہ ہمیشہ ملک وقوم کی خدمت کی اور آئندہ بھی کریں گے۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہچانے کےلیے سوشل میڈیا پرشیئر کریں۔
اسلام آباد : سابق نا اہل وزیراعظم میاں محمد نوازشریف کا کہنا ہے کہ اپنے خلاف آنے والے فیصلے کا علم تھا، فیصلہ میرے خلاف نہیں بلکہ ملکی ترقی کےخلاف ہے۔
تفصیلات کے مطابق اسلام آباد میں پنجاب ہاؤس میں کارکنوں سے خطاب کرتے ہوئے نااہل وزیراعظم نوازشریف نے کہا کہ حالات جو بھی ہوں مقابلہ کروں گا ملک چھوڑ کرجانے والا نہیں ہوں۔
نوازشریف نے کہا کہ ہمیں نکالنے والے صادق اورامین نہیں جبکہ مجھے وقت سے پہلے نکال دیا گیا۔
مسلم لیگ ن کے سربراہ نوازشریف کا کہنا تھا کہ میں بھرپور سیاسی اورقانونی جنگ لڑوں گا۔
نوازشریف نے کہا کہ ہم سے حساب مانگنے والوں سے بھی کوئی پوچھے وہ ملک کی کیا خدمت کررہے ہیں۔ انہوں نے کہا میرا سرمایہ کارکن ہیں، گھبرانے والا نہیں مقابلہ کروں گا۔
یاد رہے کہ دو روز قبل سابق وزیراعظم نوازشریف کا کہنا تھا کہ آئین اورقانون پرکبھی سمجھوتہ نہیں کیا اور نہ کبھی نظریے سے پیچھے ہٹا اورآج بھی نظریے پر قائم رہنے کا عہد کرتا ہوں۔
اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔
اسلام آباد : نا اہل سابق وزیراعظم نوازشریف نے مسلم لیگ ن کے مشاورتی اجلاس میں وزیر داخلہ احسن اقبال کی کارکردگی پرعدم اطمینان کا اظہارکیا۔
تفصیلات کے مطابق سابق وزیراعظم میاں محمد نوازشریف کی زیرصدارت پنجاب ہاؤس میں مسلم لیگ ن کا غیر رسمی مشاورتی اجلاس جاری ہے۔
اجلاس میں وزیرداخلہ احسن اقبال، خواجہ آصف، طارق فضل چوہدری، دانیال عزیز، آصف کرمانی، پرویزرشید، مائزہ حمید اور مصدق ملک بھی شریک ہیں۔
ذرائع کا کہنا ہے کہ وزیرداخلہ احسن اقبال کی فیض آباد دھرنا اور مذکراتی عمل پرنواز شریف کو بریفنگ دی گئی اور اجلاس میں سابق وزیرقانون زاہد حامد کےاستعفےسے متعلق بھی تبادلہ خیال کیا گیا۔
ذرائع کے مطابق نوازشریف نے وزیرداخلہ احسن اقبال کی کارکردگی پرعدم اطمینان کا اظہار کرتے ہوئے کہا کہ دھرنے کو درست انداز میں ہینڈل نہیں کیا گیا۔
ذرائع کا کہنا ہے کہ اجلاس کے دوران وزیر داخلہ کی وضاحتیں بھی کام نہ آئیں، سابق وزیراعظم نوازشریف صورت حال سے مطمئن نظر نہ آئے۔
ذرائع کے مطابق پارٹی رہنماؤں نے وزیرقانون کے استعفے کے فیصلے پراظہار تشویش کرتے ہوئے کہا کہ استعفے سے حکومت کمزور ہوئی ہے۔
ذرائع کا کہنا ہے کہ مسلم لیگ ن کے رہنماؤں نے پارلیمانی جماعتوں کے کردارکو مایوس کن قرار دیا، پارلیمانی جماعتوں کےتعاون نہ کرنے پروزارت کی قربانی دینا پڑی۔
ذرائع کے مطابق مسلم لیگ ن کے رہنماؤں نے کہا کہ جو قانون سازی ہوئی متفقہ اورپارلیمانی جماعتوں کی مشاورت سے ہوئی، مشکل پڑنے پر تمام پارلیمانی جماعتوں نے سیاست چمکائی۔
ذرائع کا کہنا ہے کہ اجلاس میں احتساب عدالت میں پیشی اور آئندہ کی سیاسی وقانونی حکمت پرغور کیا گیا اور نواز شریف کی لندن روانگی سے متعلق بھی بات چیت کی گئی۔
نوازشریف کی زیرصدارت مسلم لیگ ن کے اجلاس میں حلقہ بندی آئینی ترمیم بل اورسیاسی حکمت عملی پربھی مشاورت کی گئی۔
واضح رہے کہ شریف خاندان کے خلاف احتساب عدالت میں نیب کی جانب سے دائرریفرنسز کی سماعت 4 دسمبر تک ملتوی ہوگئی۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
اسلام آباد : نیب نے نا اہل وزیراعظم میاں محمد نوازشریف سے قابل ضمانت وارنٹ گرفتاری کے سمن کی تعمیل کرالی۔
تفصیلات کے مطابق نیب کی ٹیم سابق وزیراعظم نوازشریف سے عدالتی سمن کی تعمیل کرانے کے لیے پنجاب ہاؤس پہنچی جہاں ٹیم نے نوازشریف سے ابل ضمانت وارنٹ گرفتاری کے سمن کی تعمیل کرائی۔
نا اہل وزیراعظم میاں محمد نوازشریف کی جانب سے وزیرمملکت برائے کیڈ ڈاکٹر طارق فضل چوہدری نے 10 لاکھ روپے کے مچلکے جمع کرائے۔
ذرائع کے مطابق نیب کی دس رکنی ٹیم کوآج صبح اسلام آباد ایئرپورٹ جانے سے روک دیا گیا اورنیب اہلکاروں کو پنجاب ہاؤس میں نوازشریف سے سمن کی تعمیل کی ہدایت کی گئی۔
خیال رہے کہ سابق وزیراعظم نوازشریف 5 اکتوبر کو اپنی اہلیہ بیگم کلثوم نواز کی عیادت کے لیے لندن روانہ ہوگئے تھے۔
یاد رہے کہ گزشتہ ہفتے احتساب عدالت نے نوازشریف کے قابل ضمانت وارنٹ گرفتاری جاری کرکے ان کے وکیل سےکہا تھا کہ ان کے موکل اگر تین نومبرکوعدالت میں پیش نہ ہوئے تو پھر ان کے نا قابل ضمانت وارنٹ گرفتاری جاری کردیے جائیں گے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
اسلام آباد : نا اہل وزیراعظم میاں محمد نوازشریف کا کہنا ہے کہ ہمیشہ عدالتوں کا احترام کیا، ہم نے کوئی تصادم کی راہ اختیارنہیں کی۔
تفصیلات کے مطابق سابق وزیراعظم نوازشریف کی زیرصدارت پنجاب ہاؤس میں غیر رسمی مشاورتی اجلاس ہوا جس میں وزیرداخلہ احسن اقبال، چوہدری جعفراقبال، خواجہ سعد رفیق، طلال چوہدری سمیت مسلم لیگ ن کے دیگر رہنما موجود تھے۔
اجلاس میں نا اہل وزیراعظم نوازشریف کا کہنا تھا کہ اصولوں پرکھڑےہیں دیکھنا ہےاصولوں سے ہٹا کون ہے، مقدمات سےگھبرانے والے نہیں ہیں۔
نوازشریف کا کہنا تھا کہ ہم نے تصادم کی راہ نہیں اپنائی لیکن ہمارے ساتھ تصادم کیا گیا۔ ان کا کہنا تھا کہ پارٹی فیصلوں کا اطلاق مجھ سمیت سب پر ہوگا۔
سابق وزیراعظم نوازشریف کا کہنا تھا کہ بہت ہوگیا ملک کونقصان نہیں پہنچنے دیں گے، یہ اصولی فیصلےکرنے کا وقت ہے۔
خیال رہے کہ اس سے قبل نا اہل وزیراعظم نوازشریف آج صبح پی آئی اے کی پرواز پی کے 786 کے ذریعے اسلام آباد پہنچے جہاں ان کے استقبال کے لیے مسلم لیگ ن کی قیادت موجود تھی۔
راجہ ظفرالحق، سعد رفیق، چوہدری تنویر، طارق فضل چوہدری، مشاہداللہ خان، آصف کرمانی، میئر اسلام آباد شیخ انصر سمیت دیگر رہنماؤں نے سابق وزیراعظم نوازشریف کا استقبال کیا۔
یاد رہے کہ گزشتہ ہفتے احتساب عدالت نے نوازشریف کے قابل ضمانت وارنٹ گرفتاری جاری کرکے ان کے وکیل سےکہا تھا کہ ان کے موکل اگر تین نومبرکوسماعت پرعدالت میں پیش نہ ہوئے تو پھر ان کے قابل ضمانت وارنٹ گرفتاری جاری کردیے جائیں گے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
اسلام آباد: نا اہل سابق وزیراعظم میاں محمد نوازشریف لندن سے اسلام آباد ایئرپورٹ پہنچنے کے بعد قافلے کی صورت میں پنجاب ہاؤس پہنچ گئے۔
تفصیلات کے مطابق سابق وزیراعظم نوازشریف لندن سے پاکستان انٹرنیشنل ایئرلائن کی پرواز پی کے 786 کے ذریعے اسلام آباد ایئرپورٹ پہنچے جہاں ان کے استقبال کے لیے مسلم لیگ ن کی قیادت موجود تھی۔
ذرائو کے مطابق راجہ ظفرالحق، سعد رفیق، چوہدری تنویر، طارق فضل چوہدری، مشاہداللہ خان، آصف کرمانی، میئر اسلام آباد شیخ انصر سمیت دیگر رہنماؤں نے سابق وزیراعظم نوازشریف کا استقبال کیا۔
نا اہل وزیراعظم نوازشریف نے ایئرپورٹ کے راول لاؤںج میں مختصر قیام کیا جہاں انہوں نے پارٹی رہنماؤں سے مشاورت کی اور پھر 56 گاڑیوں کےشاہانہ قافلے میں ایئرپورٹ سے پنجاب ہاؤس پہنچے۔
وزیرمملکت برائے داخلہ طلال چوہدری اور مسلم لیگ ن کے دیگر رہنماؤں نے پنجاب ہاؤس پر سابق وزیراعظم نوازشریف کا استقبال کیا۔
نوازشریف نے پنجاب ہاؤس میں پارٹی کا غیر رسمی اجلاس طلب کر رکھا ہے جس میں سیاسی صورت حال اور احتساب عدالت میں پیشی کے امورپرغورکیا جائے گا۔
نا اہل وزیراعظم میاں محمد نوازشریف احتساب عدالت میں پیشی سے متعلق قانونی ٹیم سے مشاورت بھی کریں گے۔ نوازشریف سے سابق وزیر داخلہ چوہدری نثار کی ملاقات کا بھی امکان ہے۔
یاد رہے کہ گزشتہ ہفتے احتساب عدالت نے نوازشریف کے قابل ضمانت وارنٹ گرفتاری جاری کرکے ان کے وکیل سےکہا تھا کہ ان کے موکل اگر تین نومبرکوسماعت پرعدالت میں پیش نہ ہوئے تو پھر ان کے نا قابل ضمانت وارنٹ گرفتاری جاری کردیے جائیں گے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
راولپنڈی: سابق وزیراعظم نواز شریف نے کہا ہے کہ راولپنڈی ’’ اُن ‘‘ کا نہیں بلکہ نواز شریف کا شہر ہے، ملک میں کسی وزیراعظم کو مدت پوری نہیں کرنے دی گئی اس سے ملک میں ترقیاتی کاموں میں رکاوٹ پیدا ہوئی اور ملک پیچھے رہ گیا۔
یہ بات انہوں نے کمیٹی چوک پر ریلی سے خطاب کرتے ہوئے کہی۔ نواز شریف آج شب پنجاب ہاؤس میں قیام کریں گے اور صبح 11 بجے کچہری چوک سے روانہ ہوں گے۔
انہوں نے کہا کہ ملک میں کسی وزیراعظم کو مدت پوری نہیں کرنے دی گئی ،کسی وزیراعظم کو پھانسی پر چڑھادیا جاتا ہے کبھی صدر کے ذریعے فارغ کردیا جاتا ہے اور اب عدلیہ کے ذریعے منتخب وزیراعظم کو برطرف کیا جا رہا ہے آخر یہ سب کب تک چلتا رہے گا ؟
انہوں نے کہا کہ وزیراعظم کو عوام منتخب کرتی ہے جسے قبول نہیں کیا جا رہا اور سازشیں کر کے عوام کے ووٹوں کی توہین کی جا تی ہے اور منتخب لوگوں کو باہر کردیا جاتا ہے اب عوام یہ سب برداشت نہیں کریں گے اپنے ووٹ کی توہین کے خلاف عوام میرے ساتھ اُٹھ کھڑی ہو گی۔
سپریم کورٹ سے نااہل ہونے والے سابق وزیراعظم نواز شریف نے کہا کہ بڑی مشکل سے جمہوریت کی ریل پٹڑی پر چڑھی تھی اور ہم نے آہستہ آہستہ ماضی کی خامیوں کو دور کرتے ہوئے ترقی کا سفر دوبارہ سے شروع کیا اور ملک سے لوڈ شیڈنگ کے 2017 کے آخر تک خاتمے کے لیے منصوبہ بندی مرتب دے رکھی تھی۔
انہوں نے کہا کہ سی پیک پر کام جاری تھا سڑکوں کا جال بچھ رہا تھا معیشت بحال ہو چکی تھی، کراچی میں امن کا بول بالا ہوا اور بلوچستان میں امن بحال کیا اور سرمایہ کاری پاکستان آنے لگی لیکن مجھے برطرف کردیا گیا، تو کیا مجھے ان تمام کاموں کی سزا دی گئی ہے؟
سابق وزیراعظم نے ریلی کے شرکاء سے وعدہ لیا کہ ووٹ کی عزت اور جمہوریت کے لیے میرے ساتھ مل کر جدو جہد کریں گے کسی خوف اور ڈر کے تابع ہو کر پیچھے نہیں ہٹیں گے بلکہ میرے ساتھ ساتھ جدو جہد کرتے رہیں گے اور اپنے وزیراعظم کو اکیلا نہیں چھوڑیں گے۔
انہوں نے ریلی کے شرکا کے پرجوش استقبال پر راولپنڈی کے عوام کا شکریہ ادا کرتے ہوئے کہا کہ میں بغیر کسی اقتدار کے لالچ کے اپنے بزرگ، بھائی، بہن اور بچوں کا ساتھ دوں گا یہ انقلاب ہے جو اس ملک میں لانا ہوگا تاکہ پھر سے کوئی جمہوریت پر شب خون نہیں مارے۔
سابق وزیراعظم نواز شریف نے کہا کہ آج ریلی میں کچھ میڈیا ہاؤسز کے خلاف غم و غصے کا مظاہرہ کیا گیا جس پر مجھے تکلیف ہوئی کیوں کہ ہماری جماعت میں میڈیا کا احترام کیا جاتا ہے اس لیے آپ کو ہدایت دیتا ہوں کہ میڈیا کے بھائیوں کے ساتھ بہترین رویے کا برتاؤ رکھیں۔
انہوں نے اعلان کیا کہ صبح کچہری چوک سے اپنے دوبارہ ریلی کا آغاز کریں گے اور اپنی منزل مقصود کی جانب سفر جاری رکھیں گے اور انشا اللہ ملک میں نیا انقلاب آئے گا جہاں کوئی کروڑوں کے ووٹوں کی توہین نہیں کرسکے گا اور نہ منتخب حکومت کو فارغ کر سکے گا اب آپ سے اجازت چاہتا ہوں اور اب انشا اللہ صبح ملاقات ہو گئی۔
قبل ازیں سابق وزیراعظم نواز شریف کا قافلہ اسلام آباد سے لاہور کے لیے صبح ساڑھے 11 بجے روانہ ہوا جو 6 گھنٹے بعد فیض آباد پہنچا جہاں کچھ دیر توقف بعد یہ قافلہ مری روڈ پر رواں دواں رہا جہاں کارکنان کی بڑی تعداد نے اپنے قائد کا استقبال کیا۔
کارکنان کے جذبات کو دیکھتے ہوئے سابق وزیراعظم نواز شریف اپنی گاڑی سے باہر آگئے اور ہاتھ ہلا کر کارکنان کے نعروں کا جواب دیا اور کارکنان میں گھل مل گئے۔
قبل ازیں پنجاب ہاؤس اسلام آباد سے روانگی کے وقت سابق وزیراعطم نواز شریف کو وزیراعظم شاہد خاقان عباسی، وفاقی وزیر خزانہ اسحاق ڈار، اور دیگر وفاقی وزراء نے قافلے کو الوداع کہا اور نیک تمناؤں کا اظہار کیا۔
قافلے میں مسلم لیگ ن کے کارکن اور رہنما مختلف گاڑیوں میں سوار تھے اندازہ کیا جارہا تھا کہ یہ ریلی تین دن میں لاہور پہنچے گی۔
سابق وزیراعظم کی لاہورروانگی سے قبل پنجاب ہاؤس میں مشاورتی اجلاس ہوا جس میں شاہد خاقان عباسی نے بھی شرکت کی۔ اجلاس میں مسلم لیگ ن کی قیادت نے ریلی کے روٹ کے حوالے سے مشاورت کی۔
ریلی کا روٹ
ذرائع کا کہنا تھا کہ نوازشریف کو مجاہد پلازا بلیو ایریا، فیصل چوک، زیرو پوائنٹ، آئی ایٹ اور فیض آباد میں استقبالیہ دیا جائے گا، جس کے بعد ریلی مری روڈ پر فیض آباد، شمس آباد، رحمان آباد، چاندنی چوک، ناز سینما، کمیٹی چوک اور لیاقت باغ سے گزرے گی۔
سابق وزیراعظم نوازشریف کی ریلی فیض آباد، شمس آباد اور کچہری چوک، جی ٹی روڈ سے مندرہ، گجر خان، سہاوا اور دینہ سے گزرتی ہوئی جہلم پہنچے گی، جہاں نواز شریف کارکنوں سے خطاب کریں گے اور رات کو قیام کریں گے۔
دوسرے دن نوازشریف گوجرانوالہ میں قیام کریں گے جس کے لیے تمام تر انتظامات مکمل کرلیے گئے ہیں جبکہ تیسرے دن سابق وزیراعظم گوجرانوالہ سے لاہور کےلیےنکلیں گے۔
وفاقی وزیر اور سینیٹر مشاہد اللہ نے پری روڈ پر ریلی سے خطاب کرتے ہوئے کہا کہ نواز شریف عوام کی آواز ہیں اور عوام اپنے محبوب کو شایان شان طریقے سے استقبال کر رہے ہیں۔
انہوں نے کہا کہ اس ریلی میں نہ تو گانا گانے والے موجود ہیں اور نہ ہی ناچنے والیاں، اس کے باوجود لوگوں کی بڑی تعداد اپنے محبوب قائد کے ساتھ اظہار یکجہتی کے لیے سڑکوں پر نکلی ہے۔
وفاقی وزیر طلال چوہدری کا ریلی سے خطاب
ریلی سے خطاب کرتے ہوئے طلال چوہدری نے کہا کہ پاناما سے شروع ہونے والا کیس اقامہ پر جا کر ختم ہوا، پہلے کہا گیا کہ اربوں کی کرپشن ہوئی ہے کھربوں کا معاملہ ہے لیکن نکلا کیا محض ایک اقامہ اور اس بنیاد پر منتخب وزیراعظم کو گھر بھیج دیا گیا۔
طلال چوہدری کا کہنا تھا کہ نواز شریف آج بھی عوام کے وزیراعظم ہیں اور عوام کے دلوں میں بستے ہیں اور آج مری روڈ پر موجود ایک ایک شخص کا یہی نعرہ ہے کہ ہمارا وزیراعظم نواز شریف ۔۔۔ وزیر اعظم نواز شریف۔
وفاقی وزیر خواجہ سعد رفیق کا ریلی سے خطاب
وفاقی وزیر برائے ریلوے اور مسلم لیگ ن کے رہنما خواجہ سعد رفیق نے کہا ہے کہ نوازشریف کی نااہلی قبول نہیں کرتے، ہمارا قائد وزارتِ عظمیٰ کا خواہش مند پہلے بھی نہیں تھا اور اب بھی نہیں ہے۔
ریلی کے شرکاء سے خطاب کرتے ہوئے خواجہ سعد رفیق نے کہا ہے کہ نوازشریف کے خلاف کوئی ادارہ سازش نہیں کررہا اور نہ ہم کسی پر الزام لگا رہے ہیں، عوام اور کارکنان کی محبت یہ بتا رہی ہے کہ نوازشریف آئیں گے اور چھا جائیں گے۔
ٹریفک پلان کے مطابق نواز شریف کی ریلی کے دوران کم سے کم 600 ٹریفک پولیس اہلکار موجود تھے جن میں ایس ایس پی، ایس پی ٹریفک، چار ڈی ایس پیز اور 23 انسپیکٹرز تعینات تھے۔
جناح ایونیو ایکسپریس چوک سے ایف ایٹ ایکسچینج اور فیصل چوک سے کھنہ پل تک ایکسپریس ہائی وے ٹریفک کے لیے بند رہی۔
ٹریفک پولیس کے مطابق راول ڈیم چوک سے فیض آباد تک مری روڈ ٹریفک کے لیے بند ، جبکہ اسلام آباد اور راولپنڈی کے درمیان چلنے والی میٹرو بس سروس بھی بند رہی۔
خیال رہے کہ گزشتہ شب میڈیا سے بات کرتے ہوئے مسلم لیگ ن کے سینیٹر آصف کرمانی کا کہنا تھا کہ مسلم لیگ نواز کے کارکن نواز شریف کا استقبال کرنے کے لیے بے چین ہیں۔
انہوں نے کہا تھا کہ نواز شریف کے پروگرام میں کوئی تبدیلی نہیں کی گئی اور پاکستان کے عوام خود انھیں سیکیورٹی فراہم کریں گے۔
یاد رہے کہ نواز شریف نے وزیراعظم کے عہدے سے معزولی کے بعد بدھ کو لاہور جانے کے پروگرام میں تبدیلی کرتے ہوئے موٹروے کے بجائے جی ٹی روڈ کے ذریعے لاہور جانے کا اعلان کیا تھا۔
اس سے قبل طے شدہ شیڈول کے مطابق سابق وزیراعظم نے اتوار کو موٹروے کے ذریعے لاہور پہنچنا تھا۔
واضح رہے کہ گزشتہ ماہ 28 جولائی کو سپریم کورٹ نے پاناما کیس کے حوالے سے جے آئی ٹی کی رپورٹ پر سماعت کے بعد فیصلہ سناتے ہوئے نواز شریف کو بطور وزیراعظم نااہل قرار دے دیا تھا۔
اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔
