Tag: پنجاب یوتھ فیسٹیول

پاکستان تحریک انصاف نے پنجاب یوتھ فیسٹیول کے متوازی پیس اسپورٹس فیسٹیول کرانے کا اعلان کردیا ہے۔ پی ٹی آئی کی رکن پنجاب اسمبلی سعدیہ سہیل اور اسپورٹس ونگ کے صدر افتخار الٰہی نے لاہور میں پریس کانفرنس کرتے ہوئے کہا کہ اسپورٹس پیس فیسٹیول کے پہلے مرحلے میں آئندہ ماہ رن فار پیس میراتھن کرائی جائے گی۔

جس کے لئے لاہور کی ضلعی حکومت نے این او سی دینے سے انکار کردیا ہے۔ جس کے بعد یہ میراتھن کینٹ میں کروانے کے لئے کور کمانڈر لاہور کو درخواست بھیجی ہوئی ہے۔

انہوں نے کہا کہ پنجاب یوتھ فیسٹیول پر پنجاب حکومت کے خلاف کارروائی کے لئے الیکشن کمیشن میں جلد ریفرنس دائر کیا جائے گا۔

صوبائی حکومت یوتھ فیسٹیول کے لوگو پر شیر کا نشان لگا کر سرکاری خزانہ استعمال کرتے ہوئے سیاسی مہم چلارہی ہے۔

پاکستانی نژاد برطانوی باکسر عامر خان کو پنجاب یوتھ فیسٹیول کا سفیر مقرر کردیا گیا ۔حکومت پنجاب نے باکسنگ اکیڈمی کے قیام کے لئے عامر خان کو زمین اور سہولیات دینے کا اعلان بھی کردیا ۔

عامر خان نے لاہور میں مصروف دن گزارا۔ نیشنل ہاکی سٹیڈیم میں انہوں نے پنجاب کے وزیر کھیل رانا مشہود سے ملاقات کی۔ جس کے بعد مختصر تقریب میں عامر خان کو پنجاب یوتھ فیسٹیول کا سفیر مقرر کرنے کا اعلان کیا گیا۔

 عامر خان نے کہا کہ دنیا کے سب سے بڑے ایونٹ پنجاب یوتھ فیسٹیول کا سفیر بننا ان کے لئے اعزاز کی بات ہے۔ پاکستان میں سپورٹس کا بے پناہ ٹیلنٹ موجود ہے۔ پنجاب سپورٹس فیسٹیول سے آئندہ ایک دو سال میں پاکستان کو اچھے کھلاڑی ملیں گے۔

عامر خان (باکسر) تقریب کے اختتام پر دو ننھے بچوں نے دلچسپ باکسنگ کا مظاہرہ کیا۔ جسے عامر خان نے بہت پسند کیا۔ اس سے قبل عامر خان نے وزیر اعلیٰ پنجاب شہباز شریف کے ساتھ ناشتہ کیا۔ اور سابق وفاقی وزیر احمد مختار کے استقبالئے میں بھی شرکت کی۔