راولپنڈی : تحریک انصاف کی احتساب ریلی لیاقت باغ پہنچ گئی، سربراہ عمران خان نے خطاب کرتے ہوئے کہا ہے کہ اگر ریلی راولپنڈی سے اسلام آباد اور پھر آخری مرحلے میں لاہور پہنچ گئی تو میاں صاحب کو جدہ جانے کا بھی موقع نہیں ملے گا۔

Imran warns of big protest if action not taken… by arynews

احتساب ریلی کے آغاز پر لیاقت باغ میں عوام کے جم غفیر سے خطاب کرتے ہوئے کہا کہ تحریک انصاف کے سربراہ نے کہا کہ اس ریلی کا مقصد پرامن نئے پاکستان کا حصول ہے، یہ عزم کرناہے کہ ملک کے خلاف سازشوں کو مل کر ناکام بنائیں گے،اس ریلی کو اسلام آباد کی طرف لے کر جارہاہوں جہاں یوم آزادی کا جشن منائیں گے۔

اسی سے متعلق : تحریک انصاف آج راولپنڈی سے اسلام آباد تک ریلی نکالے گی

اس موقع پر انہوں نے کہا کہ دنیا میں قومیں 2وجوہات کی بنا پر ترقی کرتی ہیں ایک یہ کہ لوگوں کو تعلیم ، صحت اور دیگر ضروریات زندگی ملیں اور دوسری چیز اداروں کو مضبوط کرکے قومیں آگے بڑھتی ہیں، جب کہ کرپشن اداروں کو تباہ کردیتی ہے،عوام پر پیسہ خرچ کرنے سے ترقی ہوتی ہے لیکن جب عوام کا پیسہ عوام پرخرچ کرنے کے بجائے حکمرانوں کے پیٹ میں جائےتو ملک تباہ ہو جاتے ہیں۔

انہوں نے وزیر اعظم کومخاطب کرتے ہوئے سوال کیا کہ نوازشریف جواب دیں کہ دنیا بھر میں پھیلی ہوئی اربوں روپے کی بنائی گئی جائیداد کے لیے پیسہ کہاں سے آیا اور کس راستے بیرون ملک منتقل ہوا؟ اگر کوئی بینک ٹرانزیکشن سے تو سامنے لائی جائے۔

عمران خان نے قومی احتسابی ادارے نیب کو مخاطب کرتے ہوئے کہا کہ بڑے بڑے چوروں کو تو پکڑ لیتے ہو جب کہ بڑے بڑے ڈاکوؤں کو چھوڑ دیتے ہو،وزیر اعظم اور اُن کے اہل خانہ کی کی گئی کرپشن کے معاملات تو زبان زد عام ہیں لیکن نیب کوئی کارروائی نہیں کررہی ہے۔

ایف بی آر کو آڑے ہاتھوں لیتے ہوئے چیئرمین تحریک انصاف نے کہا کہ معمولی تنخواہ دارٹیکس نہ دے تو اس کا جینا حرام کر دیاجاتا ہے لیکن وزیر اعظم کے اثاثہ جات چھپانے اور ٹیکس چوری کرنےکے ثبوت ملنے کے باوجود کوئی کارروائی نہیں کی گئی ایف بی آر میں ایسے لوگ ہیں ہیں جو نوازشریف اور ان کے اہل خانہ کے کے ٹیکس گوشواروں کو ٹھیک کرتے ہیں اورچھپاتے ہیں ان تمام لوگوں کے نام بتاوں گا۔

انہوں نے الیکشن کمیشن سے اپیل کی کہ اثاثہ جات چھپانے پر وزیر اعظم کے خلاف فوری کارروائی کرے،وزیر اعظم اثاثہ جات چھپانے کے بعد سے صادق و امین نہیں رہے ہیں اس لیے ان کی اسمبلی کی رکنیت ختم کی جائے۔

اگر نیب، ایف بی آر اور الیکشن کمیشن نے وزیر اعظم کے خلاف کارروائی سے گریز کیا تو دیکھ لیں کہ عوام سڑکوں پر نکل آئی ہے اس لیے ابھی سے اپنا قبلہ کر لیں ورنہ پھر عوام فیصلہ کرے گی اور تب کسی کو کہیں پناہ نہیں ملے گی اور اس بار میاں صاحب کو جدہ جانےکا بھی موقع نہیں ملے گا۔

فیصل آباد : فیصل آباد میں مختلف مقامات پر دو بچوں کو اغوا کر لیا گیا ۔ شہریوں نے ایک ملزم کو پکڑ کر نو سالہ بچہ بازیاب کروا لیا ۔ تشدد کا نشانہ بنانے کے بعد اغواکار کو پولیس کے حوالے کر دیا گیا۔

تفصیلات کے مطابق پہلے واقعے میں فیصل آباد کے علاقے نلے والا میں پیش آیا جب موٹرسائیکل سوار دو افراد نے محنت کش نوید کے آٹھ سالہ بیٹے حماد کو اغوا کرکے اپنے ہمراہ لے گئے،اغواء ہونے والا بچہ حماد گھر کے قریب دکان سے سامان لینے گیا تھا۔

اسی سے متعلق : اغوا کی وارداتوں میں اضافہ، اپنے بچوں کو محفوظ رکھیں

جب کہ دوسرے واقعے میں جھنگ روڈ پر واقع رشید آباد میں پچیس سالہ نواز نے مبینہ طور پر نو سالہ زمان کو اغوا کر لیا تا ہم خوش قسمتی سے علاقہ مکینوں نے تعاقب کر کے بچی بازیاب کروالیا اور ملزم کو پکڑ کر تشدد کا نشانہ بنایا اور ملزم کو تھانہ جھنگ بازار پولیس کے حوالے کردیا جہاں ملزم سے تفتیش کا عمل جاری ہے۔

یہ بھی پڑھیں : لاہور میں بچوں کے اغواء کا معاملہ، سپریم کورٹ لاہور رجسٹری میں‌ بینچ تشکیل

پولیس ذرائع کے مطابق گرفتار ہونے والے ملزم نواز سے تفتیش کا عمل جاری ہے وہ پیر محل کا رہائشی ہے اور ٹرک اسٹینڈ پر ملازمت کرتا ہےملزم سے اہم انکشافات کی توقع ہے جس کے ذریعے پنجاب میں بچوں کو اغواء کرنے والے گروہ تک پہنچنا ممکن ہو جائے گا۔