Tag: پنجاب

ملتان : سیورج لائن کی صفائی کے دوران تین افراد ڈوب گئے،ڈوبنے والوں میں دو افراد جاں بحق جبکہ ایک کو تشویشناک حالت میں اسپتال منتقل کر دیا گیا.

تفصیلات کے مطابق ملتان کے نواحی علاقے کچہ پھاٹک کے قریب گٹر اور سیوریج لائن کی صفائی کرتے ہوئے تین افراد ڈوب گئے ڈوبنے والوں میں دو افراد موقع پر جاں بحق ہو گئے.

ڈوبنے والوں میں سے اٹھارہ سالہ عمران کو ریسیکو اہلکاروں نے تشویشناک حالت میں اسپتال منتقل کردیا.

ریسکیو کے مطابق سیوریج لائن میں زہریلی گیس کی وجہ سے دونوں افراد دم توڑ گئے،جاں بحق ہونے والوں کی لاشیں ورثہ کے حوالے کر دیں گئیں.

جڑانوالہ: تھانہ روڈالہ کی حدود میں دیرینہ رنجش کی بنا پر دو سگی بہنیں قتل ،فائرنگ کی زد میں آکر چار راہ گیر شدید زخمی ہوگئے.

تفصیلات کے مطابق پنجاب کے شہر جڑانوالہ میں تھانہ روڈالہ کی حدود میں دیرینہ رنجش کی بنا پر دو سگی بہنیں قتل،فائرنگ کی زد میں آکر چار راہ گیر شدید زخمی ہوگئے.

ڈی ایس پی نواز سیال کے مطابق تھانہ روڈالہ کے نواحی گاؤں چک نمبردوستترگابے میں دو گروپوں میں دیرینہ رنجش پر عمران فاروق اور شاہ جان نامی شخص نے عبدالغفور کے گھر پر فائرنگ کی جس کے نتیجے میں گھر میں سوئی ہوئی دو سگی بہنیں پینتیس سالہ کلثوم اور تیس سالہ بلقیس دختران عبدالغفور موقع پر جاں بحق ہوگئیں.

مسلح افرادکی فائرنگ کی زد میں آکر گلی میں سوئے ہوئے باپ بیٹے سمیت چار افرادعقیل،محمد حنیف ،وکیل احمداور نصراللہ شدید زخمی ہوگئے چاروں زخمیوں کو ریسکیو اہلکاروں نے تحصیل ہیڈ کوارٹر اسپتال منتقل کردیا اور ملزمان فائرنگ کے بعد موقع سے فرار ہوگئے.

ملزمان کی گرفتاری کےلیے پولیس چھاپے مار رہی ہے ابتدائی اطلاعات کے مطابق واقعہ پرانی رنجش کا شاخسانہ بتایا جارہا ہے.

فیصل آباد: فیصل آباد کے علاقے ڈی گراؤنڈ میں پولیس مقابلے میں دو مبینہ ڈاکو ہلاک،جبکہ دو فرار ہوگئے.

فیصل آباد کے علاقے کوہ نور چوک میں ایگل اسکواڈ کے اہلکاروں نے جمعہ کو رات گئے ڈھڈی والا کی طرف سے آنے والے دو موٹر سائیکلوں پر سوار چار افراد کو مشکوک جان کر رکنے کا اشارہ کیا.

پولیس کے مطابق ملزمان نے رکنے کی بجائے ڈی گراؤنڈ کی طرف موٹر سائیکلیں موڑ کر پولیس پر فائرنگ شروع کر دی،پولیس کی جوابی فائرنگ سے دو مبینہ ڈاکو شدید زخمی ہو گئے اور اسپتال لے جانے سے پہلے ہی دم توڑ گئے جبکہ دو فرار ہو گئے.

دوسری طرف اے آر وائی نیوز کو موصول ہونے والی فوٹیج میں دیکھا جا سکتا ہے کہ ایک پولیس اہلکار دونوں مبینہ ڈاکوؤں کی سڑک پر پڑی لاشوں کے پاس پستول رکھ رہا ہے،عینی شاہدین کے مطابق پولیس نے زخمی ڈاکوؤں کو جان بوجھ کر سڑک پر پڑا رہنے دیا اور ان کے دم توڑنے پر لاشیں اسپتال منتقل کردیں گئی.

ملتان : شادی سے انکار کرنے پر خاتون نے نوجوان پر تیزاب پھینک دیا،نوجوان کوتشویش ناک حالت میں نشتر اسپتال منتقل کر دیا گیا.

تفصیلات کے مطابق ملتان کے رہائشی نوجوان پر خاتون نے شادی سے انکار کرنے پر تیزاب پھینک دیا جس سےنوجوان بری طرح سے جھلس گیا،نوجوان کو تشویش ناک حالت میں نشتر منتقل کر دیا گیا.

تیزاب سے نوجوان کے جسم کا پچاس فیصد حصہ جھلس گیا،پولیس کے مطابق نوجوان شادی شدہ ہے اور جبکہ تیزاب پھینکنے والی خاتون چار بچوں کی ماں ہے.

یاد رہے اس سے قبل ملتان رشتے سے انکار پر نوجوان نے گھر میں سوئی ہوئی لڑکی پر تیزاب پھینک دیاتھا.جس سے لڑکی کے جسم کا پچیس فیصد جھلس چکا تھا.