پنجاب: شدید دھند سے ٹریفک حادثات میں اضافہ ہوگیا ہے، دھند نے کئی پروازوں کا شیڈول بھی متاثر کر رکھا ہے۔
پنجاب بھر میں شدید سردی اور دھند سے لوگوں کی مشکلات میں اضافہ ہوگیا ہے، دھند کی وجہ سے صبح لوگوں کا سفر کرنا دشوار ہے۔
پنڈ دادن خان انٹرچینج کے قریب شدید دھند کے باعث چار گاڑیاں ٹکرا گئیں، جس سے کئی افراد زخمی ہوگئے ہیں، عارف والہ میں شدید دھند سے لوگوں کا آفس پہنچنا محال ہوگیا ہے۔
کوٹ مومن ، پنڈی بھٹیاں شیخورہ اور لاہور سمیت پنجاب کے مختلف شہروں میں حد نگاہ انتہائی کم ہونے سے ٹریفک حادثات میں اضافہ ہوگیا ہے۔
جعفر آباد اور صحبت پور میں شدید دھند کے باعث لوگوں کی مشکلات بڑھ گئی ہیں، دھند نے پروازوں کا شیڈول بھی شدید متاثر کر رکھا ہے، جس سےاندرون و بیرون ملک جانے والے مسافر پریشان ہیں۔
