Tag: پنجاب

لاہور اور گوجرانوالہ سمیت پنجاب کے بیشتر علاقوں میں دھند کا سلسلہ رواں ہفتے جاری رہنے کا امکان ہے تاہم اگلے 24 سے 36 گھنٹوں میں اس کی شدت کم ہو سکتی ہے۔

لاہور میں محکمہ موسمیات کے ترجمان کے مطابق لاہور، گوجرانوالہ، فیصل آباد، ساہیوال، ملتان اور بہاولپور ڈویژنوں میں دھند کا سلسلہ جاری رہنے کا امکان ہے تاہم اگلے 24 سے 36 گھنٹوں میں اس کی شدت میں کمی آ جائے گی۔

ترجمان کا کہنا ہے کہ آئندہ 24 گھنٹوں کے دوران پنجاب کے بیشتر علاقوں میں موسم سرد اور خشک رہنے کا امکان ہے جبکہ اسلام آباد، راولپنڈی، گوجرانوالہ ڈویژن اور کشمیر میں مطلع ابرآلود رہے گا، اس دوران بعض مقامات پر ہلکی بارش جبکہ پہاروں پر برفباری ہو سکتی ہے۔

صوبائی دارالحکومت میں آج صبح درجہ حرارت 8 ڈگری سینٹی گریڈ تک گر گیا جبکہ ہوا میں نمی کا تناسب 100 فیصد تک پہنچ گیا۔ دھند کے باعث پروازیں متاثر ہو رہی ہیں۔

پاکستان مسلم لیگ کے مرکزی رہنماء چوہدری پرویز الٰہی نے کہا ہے کہ ان کے دور کا پُرامن اور خوشحال پنجاب، اَب امن و امان کی صورتحال کے حوالے سے قبائلی علاقہ بن چکا ہے۔ لاہور میں پارٹی رہنماؤں اور کارکنوں سےگفتگو کرتے ہوئے چوہدری پرویز الٰہی کاکہنا تھا کہ مہنگائی، بدامنی اور بیروزگاری ختم نہیں ہو رہی، تاجر طبقہ سب سے زیادہ غیر محفوظ ہے۔نیت درست نہ ہو تو کوئی پروگرام کامیاب نہیں ہو سکتا، انہوں نے کہا عوام جانتے ہیں انہیں اُن کےدور میں مکمل ہونے والے فلاحی منصوبوں اور پروگراموں سے ہی فائدہ پہنچ رہا ہے۔