کراچی: عید کی ایک ہفتہ کی تعطیلات کے بعد پاکستان اسٹاک مارکیٹ میں تیزی کا سلسلہ جاری ہے۔ 100 انڈیکس میں 400 سے زائد پوائنٹس کا اضافہ ہوا۔ انڈیکس 48800 کی سطح پر جا پہنچا۔
تفصیلات کے مطابق مارکیٹ میں کاروباری حجم 15 کروڑ شیئرز رہا جبکہ نمایاں کاروبار سوئی نادرن گیس کمپنی کے شیئرز میں ہوا۔
ماہرین کے نزدیک وزیر اعظم کی وطن واپسی اور عید کی پرسکون تعطیلات کے باعث سرمایہ کاروں نے مارکیٹ میں نئی سرمایہ کاری کی۔
دوسری جانب انٹر بینک مارکیٹ میں روپے کی قدر میں کمی کا رحجان رہا۔ ڈالر کی قیمت 10 پیسے اضافہ سے 104 روپے 90 پیسے ہوگئی۔
اوپن مارکیٹ میں ڈالر کی قیمت 20 پیسے اضافے سے 105 روپے 60 پیسے ہوگئی۔
