Tag: پورٹ قاسم

کراچی: کیماڑی میں زہریلی گیس کا ذمہ دار قرار دیا گیا سویا بین سے لدا ہرکولیس جہاز پورٹ قاسم پر برتھ ہو گیا۔

اے آر وائی نیوز کے مطابق امریکا سے سویا بین لانے والے بحری جہاز ہرکولیس کو کراچی پورٹ سے ہٹائے جانے کے بعد پورٹ قاسم پر فوجی فرٹلائزر پر برتھ کر دیا گیا۔

پورٹ قاسم اتھارٹی کے ٹگ کے ذریعے بحری جہاز کو ایف اے پی برتھ پر لگایا گیا، جہاز سے سویا بین ڈسچارج کرنے سے پہلے نمونے لیے جائیں گے، نمونوں کے سیمپل لینے کے بعد لیبارٹری ٹیسٹ کی رپورٹ کی روشنی مین ڈسچارجنگ کا فیصلہ کیا جائے گا۔

سویابین لانے والے ہرکولیس جہاز کو کس نے کلیئر کیا تھا؟

ذرایع کا کہنا ہے کہ سویا بین کی ڈسچارجنگ سے قبل جہاز کا کورگو سیل رہے گا، لیبارٹری رپورٹ کے بعد فیومیگیشن بھی کی جائی گی۔ قبل ازیں زہریلی گیس کے ذمہ دار جہاز کو لنگر انداز کرنے کے لیے سخت حفاظتی انتظامات کیے گئے تھے، ملازمین کو ماسک بھی پہنائے گئے۔

خیال رہے کہ شہر قائد کے علاقے کیماڑی میں زہریلی گیس سے 14 اموات دراصل سویابین لانے والے امریکی جہاز ہرکولیس سے گرد پھیلنے کی وجہ سے ہوئی تھیں، سویابین لانے والا ہرکولیس جہاز کراچی پورٹ پر لنگر انداز ہوا تھا جسے اب پورٹ قاسم منتقل کر دیا گیا۔

کراچی: وفاقی وزیر بحری امور علی زیدی نے کہا ہے کہ پورٹ قاسم کی لیبر کو کوئی ورغلا رہا ہے، یہ سب ساہیوال کول پلانٹ کے لیے کام کرتے تھے۔

تفصیلات کے مطابق وزیرِ اعظم کی کراچی آمد کے موقع پر پورٹ قاسم ورکرز کے شدید احتجاج پر وفاقی وزیر نے کہا کہ لیبر کو کوئی ورغلا رہا ہے، ان کو تنخواہ نہیں ملی تھی، اب اکتوبر تک کی تنخواہ مل چکی ہے۔

[bs-quote quote=”ماضی کی حکومتوں نے ماہی گیروں کو تباہ کر کے رکھ دیا ہے۔” style=”style-7″ align=”left” color=”#dd3333″ author_name=”علی زیدی” author_job=”وفاقی وزیر”][/bs-quote]

علی زیدی نے کہا کہ احتجاج کرنے والے ساہیوال کول پلانٹ کی لیبر کے تمام مطالبات مانے ہیں، پی ٹی آئی حکومت مزدوروں کی فلاح و بہبود کے لیے ہی آئی ہے، لیبر کسی کی باتوں میں نہ آئیں، ان کے جائز مطالبات کے ساتھ ہیں۔

وفاقی وزیر بحری امور کا کہنا تھا کہ احتجاج کرنے والے مزدوروں کا مطالبہ ہے کہ ڈوک لیبر بورڈ بنا کر دیا جائے، ڈوک لیبر بورڈ ماضی میں کوئی نہ بنا کر دے سکا تو ہم کیسے بنا سکتے ہیں۔

علی زیدی نے مزید کہا کہ ماضی کی حکومتوں نے ماہی گیروں کو تباہ کر کے رکھ دیا ہے، کراچی پیکج کا اعلان ہوگا مگر پہلے اس کی مکمل جانچ کرنا پڑے گی، خوشی کی بات ہے وزیرِ اعظم کی کراچی پر خاص توجہ ہے۔ وزیرِ اعظم نے آج ایم پی ایز اور ایم این ایز کو گائیڈ لائنز بھی دے دی ہیں۔

یہ بھی پڑھیں:  پورٹ قاسم ورکرز کی گورنر ہاوس کی جانب پیش قدمی، پولیس کا لاٹھی چارج

انھوں نے کہا کہ سپریم کورٹ سے درخواست کی ہے کہ کمیٹی بنائی جائے جو انکروچمنٹ کا معاملہ دیکھے، یوں تو بلاول ہاؤس کی دیوار بھی غیر قانونی ہے تو کیا اسے بھی گرا دیں۔

خیال رہے کہ آج وزیرِ اعظم نے بھی کراچی آمد کے موقع پر پورٹ قاسم لیبر بورڈ کے احتجاج کا نوٹس لیتے ہوئے محنت کشوں کا مسئلہ حل کرنے کی ہدایت جاری کر دی ہے، انھوں نے علی زیدی سے تفصیلات کے طلب کرتے ہوئے ہدایت کی ہے کہ مطالبات کا جائزہ لے کر محنت کشوں کا مسئلہ حل کرایا جائے۔