راولپنڈی : لیڈی ڈاکٹر نے جرگے کے حکم پر قتل کی گئی سدرہ کو گلا دبا کر قتل کرنے کی تصدیق کردی اور بتایا پوسٹ مارٹم کیلئے لاش نکالتے وقت مقتولہ کا چہرہ نیلا تھا۔

تفصیلات کے مطابق راولپنڈی میں جرگے کے حکم پر قتل سدرہ کی قبر کشائی کے بعد دوبارہ تدفین کردی گئی ، عدالتی حکم پر مقتولہ کی قبر کشائی کی گئی اور نمونے حاصل کیے گئے۔

اسپتال ذرائع نے بتایا کہ مقتولہ کے جسم پر تشدد کے نشانات بھی پائے گئے جبکہ سر اور چہرے پر تشدد کے نشانات موجود تھے۔

ذرائع کا کہنا تھا کہ پوسٹ مارٹم کیلئےلاش نکالتے وقت مقتولہ کا چہرہ نیلا تھا، سدرہ کو گلا دبا کر قتل کیا گیا تاہم تمام شواہد اکٹھے کرنے کے بعد لیڈی ڈاکٹر نےرپورٹ مرتب کرنے کا آغاز کر دیا۔

مزید پڑھیں : راولپنڈی : جرگے کے حکم پر قتل کی گئی لڑکی سدرہ کی قبرکشائی ، پوسٹمارٹم مکمل کرلیا گیا

واضح رہے کہ گزشتہ ہفتے پنڈی میں سدرہ عرب گل نامی شادی شدہ خاتون کو عثمان نامی لڑکے سے تعلق کے شبے میں جرگے کے فیصلے کے مطابق قتل کیا گیا تھا، 19 سالہ سدرہ کا نکاح 17 جنوری کو ضیاالرحمان سے ہوا تھا، تاہم عثمان کے والد نے بھی ایک بیان میں بتایا کہ انھوں نے اپنے بیٹے کا سدرہ کے ساتھ عدالت میں نکاح کروایا تھا۔

نئی نویلی دلہن سدرہ دختر عرب گل کو قتل کرنے کے بعد خاموشی سے دفن کر دیا گیا تھا، پولیس نے قبرستان کے گورکن کو گرفتار کیا تھا جس نے کئی سنسنی خیز انکشافات کیے، راشد محمود نے بتایا کہ لڑکی کو 17 جولائی کی صبح ساڑھے 6 بجے دفنایا گیا، قبرستان کمیٹی کے رکن گل بادشاہ نے فون کر کے قبر تیار کرنے کی ہدایت کی تھی اور ایک گھنٹے میں قبر تیار کرنے کا کہا تھا۔

سدرہ اعظم قتل کیس، پولیس نے مرکزی ملزم کا سراغ لگا لیا

اس روز شدید بارش تھی، مزدوروں دستیاب نہیں تھے، گورکن کے مطابق گل بادشاہ صبح پونے 6 بجے 25 افراد کے ساتھ قبرستان آیا اور قبر تیار کروائی۔ مقتولہ کی لاش لوڈر رکشے پر لائی گئی تھی، جس پر سرخ رنگ کی ترپال پڑی تھی۔ قبر تیار کرتے وقت رکشہ قبرستان میں ہی کھڑا رہا۔

تدفین کے موقع پر جب ممبر قبرستان کمیٹی کے بیٹے کو رسید نمبر 78 دی تو اس میں میت کا نام سدرہ دختر عرب گل لکھا، لیکن تھوڑی دیر بعد دیکھا تو رسید نمبر 78 کا ریکارڈ ہی نہیں تھا۔ تدفین کے بعد قبر کا نشان بھی مٹا دیا گیا۔

کراچی : عباسی شہیداسپتال میں ننھے صارم کی لاش کا پوسٹ مارٹم مکمل کرلیا گیا ، جس میں بڑا انکشاف سامنے آیا۔

تفصیلات کے مطابق نارتھ کراچی میں 11 روز سے بعد ملنے والی ننھے صارم کی لاش کا عباسی شہیداسپتال میں پوسٹ مارٹم مکمل کرلیا گیا۔

پولیس سرجن کراچی نے بتایا کہ واٹرٹینک سے نکالی گئی لاش عباسی اسپتال منتقل کی گئی تھی، بچے کے جسم پر زخموں کے کئی نشانات پائے گئے۔

پولیس سرجن کا کہنا تھا کہ پوسٹ مارٹم کےدوران تمام ضروری نمونےحاصل کرلئےگئے تاہم موت کی حتمی وجہ کیمیکل ایگزان رپورٹ آنے پر واضح ہوگی۔

یاد رہے آج صبح 11 روز قبل نارتھ کراچی سے پراسرار طور پر لاپتہ ہونے والے بچے صارم کی لاش ملی تھی، بچے کی لاش گھر کے قریب زیر زمین پانی کے ٹینک سے ملی، پانی کے ٹینک پر ڈھکن کی جگہ گتے کا ٹکڑا رکھا ہوا تھا۔

مزید پڑھیں : صارم کی لاش کیسے ملی؟ اہم انکشاف سامنے آگیا

پولیس کا کہنا تھا کہ بچہ حادثاتی طور پر ٹینک میں گرا یا کسی نے گرایا ہے اس کی تحقیقات کررہے ہیں۔

بعد ازاں ایس ایس پی انویسٹی گیشن کا کہنا تھا کہ وال مین نے فلیٹ یونین کو بتایا جب وہ موٹر چلانے گیا تو بدبو آئی، چیک کیا توپانی کے ٹینک میں سےلاش ملی۔

کنور آصف نے بتایا تھا کہ بچے کے لاپتہ ہونے کے اگلے دن 4 ٹینک کوچیک کیا گیا تھا ، چیکنگ کے وقت مذکورہ ٹینک میں پانی پورا بھرا ہوا تھا اور ٹینک میں اندھیرے کے باعث بھی کچھ نظر نہیں آرہا تھا، ٹارچ کے ساتھ کوشش کی گئی لیکن کچھ نظر نہیں آیا۔

کراچی: مومن آباد سے اغوا کے بعد قتل ہونے والے بچے کی لاش کا پوسٹ مارٹم کرلیا گیا ،جس میں اہم انکشاف سامنے آگیا ہے۔

تفصیلات کے مطابق کراچی کے علاقے مومن آباد سے اغوا کے بعد 12 سالہ بچے کی لاش ملنے کے واقعے میں اہم پیش رفت سامنے آئی۔

پولیس سرجن نے بتایا کہ بچےکی لاش کاجناح اسپتال میں پوسٹ مارٹم مکمل کر لیا گیا، جس میں انکشاف کیا کہ
جسمانی معائنےمیں بچےکیساتھ بدفعلی کی تصدیق ہوئی ہے۔

پولیس کا کہنا تھا کہ اغوا ہونے والے بچے کی گزشتہ صبح لاش ملی تھی، ایس پی ای وی سی سی ظفرصدیق چھانگا نے بتایا تھاکہ 8اپریل کومومن آباد سے12 سالہ بچےعبید کو اغوا کیاگیاتھا اور اغواکاروں نے بچے کے ورثا سے 15 لاکھ تاوان طلب کیا تھا۔

ظفرصدیق چھانگا کا کہنا تھا کہ جس کے بعد ڈی آئی جی سی آئی اےکی ہدایت پرخصوصی ٹیم تشکیل دی گئی تھی اور سی پی ایل سی نےٹیکنیکل بنیادپرمشترکہ کارروائی کرکے2ملزمان کوگرفتار کیا تھا۔

ایس پی ای وی سی سی نے کہا کہ ملزمان کی نشاندہی پرمنگھوپیر سےبچےکی لاش برآمدکی گئی ، گرفتارملزمان میں ایک مقتول بچےکابہنوئی ہے۔

ان کا کہنا تھا کہ مقتول بچےکی والدہ ایک ماہ قبل بیرون ملک سےواپس آئی تھی اور والدہ کےپاس15 بیس لاکھ روپےکی رقم موجودتھی، ملزمان کےپاس گھرکی تمام تر تفصیلات موجودتھیں۔

گرفتار ملزمان کی شناخت فرقان اور فرحان کے ناموں سے ہوئی، واقعےکا مقدمہ مومن آباد تھانے میں درج ہے۔

نوشہرو فیروز: رانی پور میں پیر اسد شاہ کی حویلی میں کام کرنے والی کمسن ملازمہ فاطمہ کی پوسٹ مارٹم کی ابتدائی رپورٹ سامنے آگئی۔

تفصیلات کے مطابق ملازمہ فاطمہ کے ابتدائی پوسٹ مارٹم رپورٹ اے آر وائی نیوز نے حاصل کرلی، رپورٹ  میں دل دہلا دینے  والے انکشافات سامنے آئے ہیں۔

چیئرمین میڈیکل بورڈ ڈاکٹر عقیل قریشی کے دستخط سے ابتدائی رپورٹ جاری کی گئی ہے، رپورٹ کے مطابق فاطمہ کا جسم گلنے کی ابتدائی مرحلے میں تھا۔

ابتدائی پوسٹ مارٹم رپورٹ کے مطابق  فاطمہ کا چہرہ ایک طرف سے نیلا اور دوسری جانب سے ہرا ہوچکا تھا، بچی کے جسم پر تشدد کے نشانات موجود ہیں، آنکھ، کمر، پیشانی، پاؤں، گھٹنے اور ہاتھ پر بھی نشانات تھے۔

رانی پور حویلی واقعہ: کمسن ملازمہ فاطمہ سے جنسی زیادتی کا بھی خدشہ

چیئرمین میڈیکل بورڈ ڈاکٹر عقیل قریشی کے دستخط سے ابتدائی رپورٹ میں بتایا گیا کہ کچھ اجزا کو مائیکروبیالوجی کیلئے بھیجا گیا ہے۔

واضح رہے کہ خیرپور میں دس سالہ بچی فاطمہ مبینہ تشدد سے زندگی کی بازی ہار گئی، معصوم بچی کے جسم پر مبینہ تشدد کے نشانات کی ویڈیوز بھی سامنے آئی، فاطمہ بااثر شخصیت کے گھر پر کام کرتی تھی۔

ویڈیو میں بچی کو مالک کے گھر پر تکلیف سے تڑپتے بھی دیکھا گیا بعدازاں فاطمہ کی لاش کو بغیر پوسٹ مارٹم کے دفنا دیا گیا تھا۔