فیصل آباد: پی ٹی آئی کے کارکن کی پوسٹ مارٹم رپوٹ کے مطابق پی ٹی آئی کے کارکن حق نواز کو چھ فٹ سے گولی ماری گئی ہے۔
گزشتہ دنوں فیصل آباد میں پی ٹی آئی کے کارکنوں نے عمران خان کے پلان سی پر عمل درآمد کرواتے ہوئے شہر بند کروادیا تھا اور اس دوران مشتعل لیگی کارکنوں نے پی ٹی آئی کی ریلی پر حملہ کردیا اور اس دوران فائرنگ سے پی ٹی آئی کارکن حق نواز جاں بحق ہو گیا تھا۔
پوسٹمارٹم رپورٹ کے مطابق ایک گولی لگنے سے حق نواز جان کی بازی ہار گیا جبکہ گولی چھ فٹ کے فاصلے سے ماری گئی تھی۔ ڈاکٹر جاوید اقبال نے پوسٹمارٹم رپورٹ ایم ایس کے حوالے کردی ہے۔ لواحقین کو رپورٹ حوالے کرنے سے پہلے ضلعی انتظامیہ اور پولیس حکام سے مشاورت کی جائے گی۔
ادھر پولیس کی خصوصی ٹیم نےفیصل آبادمیں تحریک انصاف کےاحتجاج کےدوران فائرنگ کرنےوالےشخص کی گرفتاری کیلئےمختلف علاقوں میں چھاپےمارے ہیں۔ پولیس نےکارروائی کےدوران فائرنگ کرنےوالےکے چھ قریبی عزیزوں اورساتھیوں کوحراست میں لےکرنامعلوم مقام پر منتقل کردیا ہے۔ پولیس کےمطابق زیرحراست افرادسےتفتیش میں اصل ملزمان تک رسائی آسان ہو جائےگی۔