کراچی: این اے دو سو چھیالیس انتخابی دنگل اپنے آخری مراحل میں داخل ہوگیا ہے، رینجرز اور پولیس کی سخت سیکورٹی میں پولنگ شروع ہوئی ، ووٹنگ بلا تعطل شام پانچ بجے تک جاری رہی ، رینجرز اور پولیس کی سخت سیکورٹی میں پولنگ کی گئی۔
این اے دو سو چھیالیس میں تین لاکھ ستاون ہزار آٹھ سو ایک ووٹرزنے حق رائے دہی استعمال کیا، حلقے کل 213 پولینگ اسٹیشن قائم کیے گئے ہیں جن میں مرد ووٹرز کے 402 اور خواتین ووٹرز کے 367 پولنگ بوتھ قائم کیے گئے ہیں۔
حلقے کے کئی پولنگ اسٹیشنز پر پولنگ کا عمل تاخیر سے شروع ہوا، ووٹروں کی بڑی تعداد میں 8 بجے سے قبل ہی پولنگ اسٹیشن کے باہر ووٹ ڈالنے کے لیے قطار بنائے کھڑی تھی، پولنگ کا عمل وقت پرشروع نہ ہونے پر ووٹروں نے غم و غصے کا اظہاربھی کیا۔
پولینگ اسٹیشنز پر سی سی ٹی وی کیمرہ بھی نصب کیے گئے ہیں اور قانون نافذ کرنے والے ادارے اور ووٹرز اور پولنگ کے عملے کے تحفظ کے لئے سرگرمِ عمل ہیں۔
‘‘رہیں ہرلمحہ باخبر’’
شام 5:00 – صبح آٹھ بجے شروع ہونے والی پولنگ الیکشن کمیشن کی جانب سے مقرر کئے گئے وقت ہر ختم ہوگئی ہے ، ایم کیو ایم نے پولنگ کا دورانیہ بڑھانے کی استدعا کی تھی لیکن جماعتِ اسلامی اورتحریک انصاف کی درخواست کو شرف قبولیت بخشتے ہوئے پونگ مقررہ وقت پر ختم کردی۔
شام 4:58 – الیکشن کمیشن نے پولنگ کا وقت بڑھانے کے کے لئے کی درخواست مسترد کرکے پولنگ کو مقررہ وقت پر ختم کرنے کا فیصلہ کیا ہے۔
سہہ پہر 4:32 – رینجرز نے کے ڈی اے اسکول بلاک 14 سےتین افراد کو حراست میں لے لیا، رینجرز ذرائع کےمطابق مذکورہ افراد کو اسسٹنٹ پولنگ ایجنٹ زاہد حسین کو دھمکیاں دیں۔
ایم کیو ایم کے امیدوار کنور نوید کا کہنا ہے کہ نعرے بازی کرنے پران کے کارکنوں کو گرفتار کیا جارہا ہے۔
سہہ پہر 4:02 – متفرقہ اطلاعات کے مطابق این اے 246 میں ووٹوں کامجموعی تناسب اب تک 1 لاکھ ساٹھ ہزار کےلگ بھگ ہوچکاہے۔
سہہ پہر 3:41 – شریف آباد کے پولنگ اسٹیشن پر ایک ووٹر نے قانون نافذ کرنے والے اداروں کی جانب سے بد سلوکی کی شکایت کی۔
سہہ پہر 3:20 – ایم کیو ایم کے امید وار کنور نوید جمیل نے الیکشن کمیشن کو خط لکھ کر ووٹنگ کے وقت میں دو گھنٹے اضافے کا مطالبہ کردیا۔
دوپہر 1:10 – این اے 246 کے علاقے کریم آباد میں واقع دہلی اسکول میں قائم پولنگ اسٹیشن کے پریذائڈنگ افسر سیدماجد علی کو پاکستان تحریک انصاف کے لئے جعلی ووٹ ڈالنے کے جرم میں گرفتار کیا۔
سہہ پہر 3:05 – ڈی آئی جی ویسٹ فیروز شاہ کا کہنا ہے کہ حلقہ این اے 246 کے 30 علاقوں کو سیکیورٹی وجوہات کی بناء پرسیل کردیا جائےگا۔
دو پہر 2:41 – جماعت اسلامی کے رہنماء راشد نسیم نے میڈیا سے گفتگو کرتے ہوئے کہا کہ کچھ پولنگ اسٹیشنز پر بجلی بند کرکے دھاندلی کی جارہی ہے۔
دو پہر 2:30 – ایم کیو ایم کے قائد الطاف حیسن نے اپنی جماعت کے سینئر رہنماؤں اور کارکنوں سے خطاب کرتے ہوئے کہا کہ ایم کیو ایم کو کوئی قوت نہیں روک سکتی۔
دوپہر2:15 – کئی پولنگ اسٹیشنوں پر ووٹرز نے شکایت کی ہے کہ پولنگ کا عمل جان بوجھ کر سست روی کا شکار کیا جارہا ہے۔
دوپہر 1:49 – الیکشن کمیشن نے اعلان کیا ہے کہ ووٹنگ کا دورانیہ نہیں بڑھایا جائے اور شام پانچ بجے تک بلا تعطل ووٹنگ کا عمل جاری رہے گا۔
دوپہر1:30 – رینجرز نے کریم آباد میں واقع پولنگ اسٹیشن سے دو افراد کو گرفتار کرنے کی تصدیق کردی ہے۔
دوپہر 12:52 – تحریک انصاف کے سربراہ عمران خان کہتے ہیں کہ ایم کیوایم جان چکی ہے کہ اب کی بار انہیں 1 لاکھ 37 ہزار ووٹ نہیں ملنے والے ہیں، انہوں نے کہا کہ یہ دیکھ کر اچھا لگ رہا ہے کہ ایم کیو ایم کو اپنی سیٹ کے لئے مقابلہ کرنا پڑرہاہے۔
دوپہر 12:40 – جماعت اسلامی نے الیکشن کمیشن کو آگاہ کیا ہے کہ پولنگ اسٹیشن نمبر 11، 12، 13 اور14 میں مشکوک افراد موجود ہیں جو کہ جماعت اسلامی کے مینڈیٹ کو نقصان پہنچا رہے ہیں۔
دوپہر 12:26 – رینجرز اہلکاروں نے مسلم گورنمنٹ اسکول کے پولنگ اسٹیشن سے رینجرز نے دو مشتبہ افراد کو گرفتار کرلیا۔
دوپہر 12:18 – ایم کیو ایم نے پولنگ کے وقت میں تین گھنٹے اضافے کا مطالبہ کردیا۔
دوپہر 12:05 – ایم کیو ایم کے رہنماء فاروق ستار نے ایمرجنسی پریس کانفرنس کرتے ہوئے کہا کہ ووٹرز کو ان کاحقِ رائے دہی استعمال کرنے سے روکا جارہاہے۔
صبح 11:35 – آئی سندھ نے حلقہ این اے 246 کے مختلف علاقوں کا دورہ کرکے علاقے میں سیکیورٹی انتظامات کا جائزہ لیا۔
دوپہر 12:05 – ایم کیو ایم کے رہنماء فاروق ستار نے ایمرجنسی پریس کانفرنس کرتے ہوئے کہا کہ ووٹرز کو ان کاحقِ رائے دہی استعمال کرنے سے روکا جارہاہے۔
صبح 11:35 – آئی سندھ نے حلقہ این اے 246 کے مختلف علاقوں کا دورہ کرکے علاقے میں سیکیورٹی انتظامات کا جائزہ لیا۔
صبح 11:06 – سراج الدولہ کالج میں قائم پولنگ اسٹیشن پر متعدد خواتین کی شکایت کے اصل شناختی کارڈ ہونے اورووٹر لسٹ میں نام شامل ہونے کے باوجود ووٹ کاسٹ کرنے نہیں دیا جارہا۔
صبح 11:05 – پونگ اسٹیشن نمبر 172 اور 173 لوڈشیڈنگ کے باعث تبدیل کردئیے گئے جبکہ آغا خان کمیونٹی سینترمیں واقع پولنگ اسٹیشن بھی اوکھائی میمن کمیونٹی سینٹر میں منتقل کردیا گیا۔
صبح 11:00 – لیاقت آباد میں پولنگ اسٹیشنز پر ووٹرز کا بھاری تناسب
صبح 10:36 – تحریک انصاف کے امیدوار فیڈرل بی ایریا کےسٹی ماڈل اسکول کے پولنگ اسٹیشن پہنچنے پرایم کیو ایم کے کارکنان کی جانب سے شدید نعرے بازی۔
صبح 10:36 – پی ٹی آئی کے امیدوارعمران اسمعیل کا کہنا ہے کہ آج کا ضمنی انتخاب کراچی کا تاریخ ساز انتخاب ثابت ہوگا۔
صبح 10:30 – متحدہ قومی موومنٹ نے صبح 11 بجے ہنگامی پریس کانفرنس کے انعقاد کا اعلان کردیا۔
صبح 10:18 – الیکشن کمیشن کو کئی پولنگ اسٹیشنز پر پولنگ کا عمل شروع نا ہونے کی شکایات موصول ہوئیں۔
صبح 10:07 – کریم آباد کے علاقے میں اپوا گرلز کالج سمیت کئی پولنگ اسٹیشنز کی بجلی منقطع، سی سی ٹی وی کیمرے بھی بجلی کی عدم فتراہمی کے باعث کام کرنے سے قاصرہیں۔
واضح رہے کہ کے الیکٹرک نے کل بیان جاری کیا تھا کہ الیکشن کے دوران بجلی کی بلا تعطل فراہمی یقینی بنائی جائے گی۔
صبح 9:50 – کریم آباد کے اپوا گرلز کالج میں تاحال پولنگ کا عمل شروع نہیں ہوسکا جس سے ووٹرز کو مشکلات کا سامنا ہے۔
صبح 9:42 – ایم کیو ایم کے امیدوار کنور نوید جمیل نے اے آروائی نیوز سے گفتگو کرتے ہوئے کہا کہ ان کی جماعت رینجرز کی جانب سے کئے گئے اقدامات پر مطمئن ہے۔
صبح 9:31 – کئی پولنگ اسٹیشنوں سے عملہ غیرحاضر، الیکشن کمیشن نے ریزرو عملے کوایسے تمام مقامات پر پہنچنے کے احکامات جاری کردئیے۔
صبح 9:26 – ڈی جی رینجرز سندھ میجر جنرل بلال اکبرنے ضلع وسطی میں میں الیکشن کمیشن کے دفتر کا دورہ کیا اورذمہ داران سے ضمنی انتخاب کے انتطامات سے متعلق گفتگو کی۔
صبح 9:14 – الیکشن حکام کا کہنا ہے کہ این اے 246 میں پولنگ شام پانچ بجے تک بلا تعطل جاری رہے گی۔
صبح 9:09 – رینجرز اہلکار پولنگ اسٹیشن پرآنے والے ووٹروں کی پولنگ اسٹیشن میں داخل ہونے سے قبل انتہائی سخت تلاشی لے رہے ہیں۔
صبح 9:01 – حکام نے تمام تر پولنگ اسٹیشنز کو حساس قرار دے دیا۔
صبح 9:00 – دستگیرکے آئیڈیل اسکول میں پولنگ اسٹاف نہ ہونے کے باعث پینتیس منٹ تک پولنگ کا عمل شروع نہ ہو سکا۔
صبح 8:50 – ایم کیو ایم کے نامزد امیدوار کنور نوید جمیل نے سراج الدولہ کالج میں قائم پولنگ اسٹیشن کا دورہ کیا۔ رینجرز نے پولنگ اسٹیشن کے اندر سیکیورٹی کے سخت ترین انتظامات کررکھے ہیں۔
صبح 8:00 – کراچی کے حلقہ این اے 246 میں پولنگ کا باقاعدہ آغاز، پولنگ اسٹیشن کے باہر عوام کی قطاریں لگ گئیں۔
