ARYNews.tv | Urdu – Har Lamha Bakhabar

Tag: پولنگ

  • کوئٹہ: این اے 260 میں ضمنی انتخابات کےلیے پولنگ جاری

    کوئٹہ: این اے 260 میں ضمنی انتخابات کےلیے پولنگ جاری

    کوئٹہ: قومی اسمبلی کے حلقہ این اے260 کوئٹہ اورچاغی میں ضمنی انتخاب کےلیےپولنگ کاآغاز ہوگیا،انتخابات میں 17 امیدوار حصہ لے رہے ہیں۔

    تفصیلات کےمطابق قومی اسمبلی کے حلقہ این اے260کوئٹہ چاغی میں ضمنی انتخابات کے لیےپولنگ صبح آٹھ بجےشروع ہوگئی۔ الیکشن کمیشن کا کہناہےکہ پولنگ وقفے کے بغیر شام پانچ بجے تک جاری رہے گی۔

    کوئٹہ کےنواحی علاقوں کےعلاوہ نوشکی اور چاغی کےاضلاع پر مشتمل حلقہ این اے 260 میں ضمنی انتخاب کےلیے 407 پولنگ اسٹیشنوں میں 993پولنگ بوتھ قائم کیے گئے ہیں۔

    این اے260 میں 320پولنگ اسٹیشنوں کو انتہائی حساس اور50 کوحساس قراردیا گیا ہے۔

    الیکشن کمیشن حکام کے مطابق ضمنی انتخاب کے لیے سکیورٹی سمیت بھرپور اقدامات کیے گئے ہیں۔

    دوسری جانب صوبائی حکومت نےاعلان کیا ہے کہ کوئٹہ اور چاغی کے اسکول اور کالج آج بندرہیں گے۔

    واضح رہےکہ این اے 206 کی یہ نشست پختونخوا ملی عوامی پارٹی کے رکن قومی اسمبلی عبد الرحیم خان مندوخیل کی وفات کےبعد خالی ہوئی تھی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • جنوبی کوریامیں صدارتی انتخاب کےلیےووٹنگ جاری

    جنوبی کوریامیں صدارتی انتخاب کےلیےووٹنگ جاری

    سیول: جنوبی کوریا میں صدارتی انتخاب کے لیے پولنگ جاری ہے۔اعتدال پسند رہنما مون جے اِن کی کامیابی کا امکان ہے۔

    تفصیلات کےمطابق جنوبی کوریا میں نئے صدر کے انتخاب کے لیے پولنگ کےآغاز ہوچکاہے جوپاکستانی وقت کےمطابق شام4بجے تک جاری رہے گی۔

    خیال رہےکہ کرپشن اسیکنڈل میں سابق صدر پارک گن کو رواں سال مارچ میں عہدے سے دستبردار ہونا پڑاتھا اور اب انہیں مقدمات کا سامنا ہے۔

    جنوبی کوریا کی سابق صدرپارک گن گرفتار

    بعدازاں پارک گن کو صدارت کے عہدے سے مستعفیٰ ہونے کے بعد گرفتار کرلیاگیاتھا۔

    کرپشن کےالزامات‘جنوبی کوریا کی سابق صد پرفرد جرم عائد

    دوسری جانب پارک گن کی سہیلی چوئی سن سل پر الزام ہے کہ انہوں نے صدر سے اپنے تعلقات کا فائدہ اٹھاتے ہوئے مختلف کمپنیوں پر دباؤ ڈالا تھا کہ وہ لاکھوں ڈالرز کے عطیات ان اداروں کو دیں جن کا انتظام چوئی سون سل کے پاس تھا۔

    ان کمپنیوں میں جنوبی کوریا کی سب سے بڑی کمپنی سام سنگ بھی شامل ہے اور اس کے عبوری سربراہ لی جائے یونگ بھی زیر حراست ہیں۔

    واضح رہےکہ گزشتہ دنوں ملک کےالیکشن کمیشن نے آزاد وشفاف انتخابات کےانعقاد کااعلان کیاتھا۔جس کےلیے ووٹنگ آج ہورہی ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • فرانسیسی صدارتی انتخابات :امینیول یا لاپین فیصلہ آج ہوگا

    فرانسیسی صدارتی انتخابات :امینیول یا لاپین فیصلہ آج ہوگا

    پیرس: فرانس کےعوام آج اپنےنئےصدرکا انتخاب کریں گےجس کےلیےپولنگ کاعمل صبح سےشروع ہوچکاہےجورات 8بجےتک جاری رہےگا۔

    تفصیلات کےمطابق فرانس کےاہم صدارتی انتخابات میں اعتدال پسند رہنماامینیول ماکروں یا انتہائی دائیں بازو کی قوم پرست رہنما ماری لا پین کون ہوگا فاتح فیصلہ آج ہوگا۔

    فرانسیسی صدارتی انتخابات کےدوسرےمرحلے میں 39 سالہ سابق انوسٹمنٹ بینکرامینیول ماکروں اور 48 سالہ انتہائی دائیں بازو کی قوم پرست امیدوار ماری لا پین کے درمیان کانٹے کا مقابلہ متوقع ہے۔

    فرانس میں صدارتی انتخابات کےلیےووٹنگ کا عمل مقامی وقت کے مطابق صبح آٹھ بجے سے شروع ہوچکاہے جو رات آٹھ بجے تک جاری رہےگا۔

    امینیول ماکروں جو لبرل سنٹرسٹ خیال کے حامی ہیں وہ یورپی یونین اور بزنس کے حامی ہیں جبکہ ماری لا پین نے پناہ گزین مخالف پروگرام اور ’فرانس فرسٹ‘کے نعرے پراپنی مہم چلائی ہے۔

    فرانس میں صدارتی امیدوارامینیول کی انتخابی مہم ہیک

    امینیول ماکروں موجودہ صدر فرانسوا اولاند کی حکومت میں وزیر برائے معیشت رہ چکے ہیں۔

    خیال رہےکہ جرمنی اور برطانیہ میں ہونے والے انتخابات سےقبل فرانس کے ان انتخابات کو یورپ میں بغور دیکھا جا رہا ہے۔

    فرانس: صدارتی انتخابات‘پہلےمرحلےمیں امینیول اورلاپین کامیاب

    یاد رہےکہ فرانس میں ہونے والے صدارتی انتخابات کے پہلے مرحلےمیں امینیول ماکروں نے23.7 فیصد ووٹ جبکہ ماری لا پین 21.7 فیصد ووٹ حاصل کیےتھے۔

    واضح رہےکہ فرانسیسی صدارتی انتخابات کےدوسرے مرحلے میں ماری لاپین کو شکست دینےکےلیےامینیول کو فیورٹ قرار دیا جارہاہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • چکوال پی پی 23میں ضمنی انتخابات‘پولنگ کاآغاز

    چکوال پی پی 23میں ضمنی انتخابات‘پولنگ کاآغاز

    چکوال : پنجاب کےشہر چکوال کےحلقے پی پی 23 میں ضمنی انتخاب کے لیے پولنگ کےعمل کا آغاز ہوگیاہے جوشام پانچ بجے تک جاری رہےگا۔

    تفصیلات کےمطابق پنجاب کےشہرچکوال کے حلقے پی پی 23میں ضمنی انتخاب کے لیے ووٹنگ کاعمل شروع ہوگیا جو شام 5 بجے تک بغیر کسی وقفے کےجاری رہےگا۔

    چکوال کےحلقے پی پی 23 میں تحریک انصاف کے سلطان سرخرو اعوان اور مسلم لیگ نواز کے شہریار اعوان میں کانٹے کےمقابلے کاامکان ہے۔

    حلقے کے کل2 لاکھ اٹھاون ہزار اناسی ووٹرز اپنا حق رائے دہی استعمال کریں گے،ان میں ایک لاکھ اکیس ہزار ایک سو باون خواتین ووٹرزبھی شامل ہیں۔

    چکوال کے حلقے پی پی 23 میں مجموعی پولنگ اسٹیشنوں کی تعداد ایک سو اٹھانوے ہےجن میں ایک سو اڑسٹھ مشترکہ جبکہ خواتین کے لیے پندرہ الگ پولنگ اسٹیشن بھی قائم کیے گئے ہیں۔

    خیال رہےکہ مسلم لیگ ن کے امیدوارعلاقے کی معروف شخصیت اورسابق وزیرملک سلیم اقبال کےنواسے ہیں۔

    رکن صوبا ئی اسمبلی ملک ظہور انور اعوان انتقال کر گئے

    یاد رہےکہ یہ نشست رواں سال فروری میں ملک ظہور اعوان کی وفات سے خالی ہوئی تھی،ان کی جگہ انتخاب میں حصہ لینے والے ملک شہریاراعوان ان کے بھتیجے ہیں۔

    واضح رہےکہ حلقے کے کل امیدوار آٹھ ہیں جن میں سے اکثریت آزاد امیدواروں کی ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • پنجاب میں بلدیاتی انتخابات کا آخری مرحلہ‘ن لیگ کامیاب

    پنجاب میں بلدیاتی انتخابات کا آخری مرحلہ‘ن لیگ کامیاب

    لاہور: پنجاب بھر میں میئر، ڈپٹی میئرز، چیئرمین اور وائس چیئرمین کے انتخابات میں غیرسرکاری اورغیرحتمی نتائج کے مطابق مسلم لیگ ن نےکامیابی حاصل کرلی۔

    تفصیلات کےمطابق بلدیاتی انتخابات کے غیر سرکاری نتائج سامنے آنے کا سلسلہ جاری ہے،غیر حتمی نتائج کے مطابق گجرانوالہ سمیت پنجاب کے تمام بڑے شہروں میں پاکستان مسلم لیگ (ن) نے میدان مارلیا۔

    پنجاب بھر میں میئر اور ضلع کونسل کے چیئرمین کی نشستیں ن لیگ نے جیت لیں،جبکہ فیصل آباد میں رانا ثناء اللہ گروپ نے عابد شیر علی گروپ کو مات دے دی۔

    مسلم ن کے امیدواروں کی بھاری اکثریت سے کامیابی پر کارکنوں نے ڈھول کی تھاپ پر بھنگڑے ڈالے اور مٹھائیاں تقسیم کیں۔

    فیصل آباد کے میئر کے انتخاب میں رانا ثناءاللہ گروپ نے بازی مار لی، ملک رازق 105 ووٹ لے کر مئیر منتخب ہوگئے، تحریک انصاف کے امیدواروں نے رانا ثناء اللہ گروپ کی حمایت کی تھی۔

    مسلم ن لیگ کے امیدوار نوید الحق آرائیں ملتان کے میئر بن گئے،انہوں نے 71 ووٹ حاصل کیے۔

    بہاولپور میں ن لیگ کے عقیل نجم نے 28 ووٹ لے کر میئر کی کرسی جیت لی جبکہ ڈیرہ غازی خان میں بھی ن لیگ کے امیدوار حمید چانڈیہ میونسپل کارپوریشن کے میئر اور شیخ اصرار ڈپٹی میئر منتخب ہوئے۔

    سیالکوٹ میں مسلم لیگ ن کی امیدوار حنا ارشد وڑائچ 126 ووٹ حاصل کرکے چیئرمین ضلع کونسل منتخب ہوگئیں۔

    اس کے علاوہ رحیم یار خان، راجن پور، منڈی بہاؤالدین اور ٹوبہ ٹیک سنگھ میں بھی ن لیگی امیدوار کامیاب ہوئے۔

    یاد رہے کہ گزشتہ روزپنجاب میں بلدیاتی انتخابات کے آخری مرحلے کے لیے پولنگ کا آغازصبح نو بجےہوا،اوردوپہر دو بجے تک پولنگ جاری رہی۔

    آخری مرحلے کے انتخابات کے لیے الیکشن کمیشن کی جانب سے حساس پولنگ اسٹیشنز پرپولیس کے ساتھ رینجرزاہلکاربھی تعینات کیے گئے تھے۔

    واضح رہےکہ الیکشن کمیشن نے ریٹرننگ افسران کو ضابطہ اخلاق پر عمل در آمد یقینی بنانےجبکہ کسی بھی خلاف ورزی کی صورت میں ڈسٹرکٹ ریٹرننگ افسر کو فوری آگاہ کرنے کی ہدایات کی تھی۔

  • پاکستان مسلم لیگ (ن) کے مسعود خان آزاد کشمیر کے صدر منتخب

    پاکستان مسلم لیگ (ن) کے مسعود خان آزاد کشمیر کے صدر منتخب

    آزاد کشمیر: آزاد کشمیر میں صدر کے انتخاب کے لیے پولنگ کے بعد پاکستان مسلم لیگ (ن) کے مسعود خان 42 ووٹ لے کر صدر منتخب ہوگئے۔

    صدر کے انتخاب کے لیے آزاد کشمیر اسمبلی میں مسعود خان مسلم لیگ ن اور چوہدری لطیف اکبر پیپلز پارٹی کی جانب سے امیدوار تھے۔ مسعود خان کو 42 جبکہ چوہدری لطیف کو 6 ووٹ ملے۔ آزاد کشمیر قانون ساز اسمبلی کے 48 اراکین جبکہ کشمیر کونسل کے 7 اراکین نے صدر کے انتخاب کے لیے ووٹ کا حق استعمال کیا۔

    دوسری جانب اپوزیشن کی جماعتوں مسلم کانفرنس اور تحریک انصاف نے صدارتی الیکشن کا بائیکاٹ کیا جبکہ جموں و کشمیر پیپلز پارٹی کے سربراہ سردار خالد ابراہیم خان نے ابھی تک اسمبلی رکنیت کا حلف نہیں اٹھایا لہٰذا وہ اپنا ووٹ استعمال نہیں کر سکے۔

    نو منتخب صدر مسعود خان کا تعلق ضلع پونچھ کے شہر راولا کوٹ کے نواحی گاؤں کوٹ متے خان سے ہے۔

    سنہ 1980 میں وزارت خارجہ سے اپنے کیریئر کا آغاز کرنے والے مسعود خان سفارتی دفتر میں مختلف عہدوں پر بیجنگ، ہیگ، نیویارک اور واشنگٹن میں تعینات رہے۔ وہ چین میں پاکستان کے سفیر رہے جبکہ اقوام متحدہ میں پاکستان کے مستقل مندوب کی حیثیت سے بھی کام کر چکے ہیں۔

    سنہ 2003 سے 2005 کے دوران انہوں نے ترجمان وازرت خارجہ کے عہدے پر بھی کام کیا۔ وہ انسٹیٹیوٹ آف اسٹریٹجک اسٹڈیز اسلام آباد کے ڈائریکٹر جنرل بھی رہ چکے ہیں۔

    واضح رہے کہ مسعود خان آزاد کشمیر کے 23ویں صدر منتخب ہوئے ہیں۔

  • اپ ڈیٹ: ایازصادق کی وکٹ گر گئی، این اے 122 میں دوبارہ پولنگ کا حکم

    اپ ڈیٹ: ایازصادق کی وکٹ گر گئی، این اے 122 میں دوبارہ پولنگ کا حکم

    لاہور : الیکشن ٹریبونل نے این اے 122 کے انتخابات کو کالعدم قرار دے کرحلقے میں ری الیکشن کا حکم دے دیا جس کے نتیجے میں  سردار ایازصادق ممبر اوراسپیکر قومی اسمبلی نہیں رہے ۔

    تفصیلات کے مطابق تحریک انصاف کو بہت بڑی کامیابی مل گئی ہے۔ عمران خان نے این اے 122 میں مسلم لیگ ن کے امیدوار سردار ایاز صادق کے خلاف دھاندلی کی درخواست کمیشن میں جمع کرائی تھی جس  پر 2 سال بعد الیکشن کمیشن نے سردار ایاز صادق کی اسمبلی رکنیت ختم کرکے این اے 122 میں دوبارہ انتخابات کے انعقاد کا حکم جاری کردیا ہے۔

    الیکشن ٹریبونل نے 9 گھنٹے تاخیر کے بعد شام 7 بجے اپنا فیصلہ سنایا، ٹربیونل نے پنجاب اسمبلی کے حلقہ پی پی 147کے نتائج بھی منسوخ کردیئے۔

     لاہورمیں  میاں محسن لطیف کے حلقے پی پی 147 میں بھی دوبارہ انتکابات کا حکم دیا گیا ہے جبکہ اسپیکرقومی اسمبلی ایاز صادق نے الیکشن ٹریبونل کے فیصلے کو سپریم کورٹ میں چیلنج کرنے کااعلان کردیا ہے۔

      قومی اسمبلی کے اسپیکر سردارایاز صادق  کا کہنا تھا کہ فیصلے میں دھاندلی کا کہیں ذکر نہیں ہے اور بے ضابطگی کا میں کسی طرح بھی ذمہ دار نہیں ہوں۔

     الیکشن ٹربیونل کے باہرمیڈیا سے گفتگو کرتے ہوئے ایاز صادق کے بیٹے علی ایاز صادق نے کہاکہ 80 صفحات کے فیصلے میں کہیں بھی نہیں لکھا کہ دھاندلی ثابت ہوئی، ابھی بھی ہمارا یہی موقف ہے کہ دھاندلی نہیں کی۔

    الیکشن ٹربیونل نے نادرا کی جانب سے پیش کی گئی سپلیمنٹری رپورٹ بھی مسترد کر دی۔ فیصلہ آنے کے بعد الیکشن ٹربیونل کے باہر موجود تحریک انصاف کے کارکنوں میں خوشی کی لہر دوڑ گئی۔

    کارکنوں نے ڈھول کی تھاپ پر بھنگڑے ڈالے اور ایک دوسرے کو مٹھائیاں کھلائیں۔ واضح رہے گیارہ مئی دو ہزار تیرہ کو ملک بھر میں ہونیوالے عام انتخابات میں لاہور کے حلقہ این اے ایک سو بائیس سے مسلم لیگ سردار ایاز صادق 93 ہزار 389 ووٹ لیکر کامیاب ہوئے۔

    عمران خان 84517 ووٹ حاصل کر سکے یعنی عمران خان کو 8 ہزار 872 ووٹوں سے شکست کا سامنا کرنا پڑا تھا۔

  • منڈی بہاؤالدین : نواز لیگ، پی ٹی آئی کارکنان میں تصادم، فائرنگ سے تین زخمی

    منڈی بہاؤالدین : نواز لیگ، پی ٹی آئی کارکنان میں تصادم، فائرنگ سے تین زخمی

    منڈی بہاؤاُلدین :ضمنی الیکشن میں ن لیگ اور تحریک انصاف کا کارکنوں میں تصادم فائرنگ کے تبادلے میں ن لیگ کے تین کارکن زخمی ہوگئے حلقہ ایک سو آٹھ میں ن لیگ اور تحریک انصاف میں کانٹے کا مقابلہ جاری تھا، پولنگ کا وقت ختم ہوگیا۔

    تفصیلات کے مطابق منڈی بہاؤاُلدین کے حلقہ ایک سو آٹھ کے ضمنی انتخاب میں ن لیگ اور تحریک انصاف کے کا رکنوں میں مسلح تصادم کے دوران فائرنگ کی زد میں آکر تین سیاسی کارکن زخمی ہوگئے۔

    منڈی بہاواُلدین کے حلقہ این اے ایک سو آٹھ کے ضمنی انتخاب میں ووٹروں کی لائنیں لگ گئیں کارکنوں کا جوش اتنا بڑھا کہ پولنگ اسٹیشن 80راکھ بلوچ میں تصادم کی شکل اختیا ر کرگیا۔

    ایک دوسرے کے انتخابی کیمپ اُکھاڑ دیئے گئے۔ ن لیگ اورتحریک انصاف میں فائرنگ کا تبادلہ بھی ہو۔ جس سے تحریک انصاف کے دو اور ن لیگ کا ایک کارکن زخمی ہوگیا۔ پولیس نے بیچ بچاؤ کرانے کی کوشش کی مگر بات نہ بنی تو رینجرز کو آنا پڑا ۔

    منڈی بہاواُلدین کی نشست تحریک انصاف کے اُمیدوار اعجا ز احمد چوہدری کو نااہل قرار دیئے جانے کے بعد خالی ہوئی تھی۔ مختلف جماعتوں کے ااُمیدوار میدان میں تھے مگر اصل مقابلہ ن لیگ اور تحریک انصاف میں تھا۔

  • انتخابی قوانین پر سختی سے عمل کیا جائے، سیکریٹری الیکشن کمیشن

    انتخابی قوانین پر سختی سے عمل کیا جائے، سیکریٹری الیکشن کمیشن

    اسلام آباد: سیکریٹری الیکشن کمیشن کا کہنا ہے کہ انتخابی قوانین پر سختی سے عمل کیا جائے، رینجرز اہلکار پولنگ اسٹیشن کے اندر بھی تعینات ہونگے۔

    سیکریٹری الیکشن کمیشن یعقوب بابر کی صدارت میں کراچی میں اہم اجلاس ہوا، اجلاس میں حلقہ این اے دو سو چھیالیس میں ضمنی انتخاب کے حوالے سے مشاورت اور الیکشن قوانین پر عملدر آمد کا جائزہ لیا گیا۔

     سیکریٹری الیکشن کمیشن یعقوب بابر کا کہنا تھا کہ الیکشن قوانین پر سختی سے عمل کیا جائے،الیکشن کے دن انتخابی عملہ اور مٹیریل جلد فراہم کیا جائے، پولنگ مقررہ وقت شروع اور ختم کی جائے۔

     اجلاس کے دوران آئی جی سندھ نے کہا کہ تمام پولنگ اسٹیشنز کو حساس قرار دیا گیا ہے،ضمنی انتخاب کے موقع پر پولیس سیکیورٹی فراہم کی جائے گی۔

    حلقے میں تین ہزار اور شہر بھر میں سات ہزار پولیس اہلکار تعینات کیے جائینگے،ضمنی انتخاب پرامن ماحول میں ہوگا، اجلاس میں امن وامان برقرار رکھنے کیلئے عارضی چوکیاں قائم رکھنے کی بھی تجویز دی گئی۔

  • این اے 246 میں بایومیٹرک تصدیق نہیں کی جا سکتی، الیکشن کمیشن

    این اے 246 میں بایومیٹرک تصدیق نہیں کی جا سکتی، الیکشن کمیشن

    الیکشن کمیشن نے این اے دوسو چھیالیس میں ووٹرزکی بایو میٹرک تصدیق سے معذرت کر لی،سیکریٹری الیکشن کمیشن کا کہنا ہے کہ عمران اسماعیل نےگھوسٹ پولنگ سٹیشنزکی شکایت کی ہے جس کی تحقیقات کی جائے گی۔

    اسلام آباد میں پریس کانفرنس کے دوران سیکریٹری الیکشن کمیشن بابر یعقوب کا کہنا تھا کہ ضمنی انتخابات میں بایومیٹرک تصدیق کی تجویز رینجرز نے دی تھی ، لیکن وقت کی کمی اور تکنیکی مسائل کے باعث اس پر عمل ممکن نہیں۔

    انہوں نے بتایا کہ الیکشن کے دن رینجرز اہلکار سیکورٹی مقاصد کیلئے پولنگ اسٹیشن کے اندر ہوں گے اور موبائل فون صرف پریزائڈنگ افسر ساتھ لے جاسکیں گے۔

    سیکریٹری الیکشن کمیشن نے بتایا کہ رینجرز اور فوج کی نگرانی میں بیلٹ پیپرز کی چھپائی جاری ہے۔

    سیکریٹری الیکشن کمیشن کے مطابق این اے دو سو چھیالیس میں ڈھائی ہزار انتخابی عملہ ، سات ہزارتین سو پولیس اہلکارتعینات یےجائیں گے،رینجرزکوفرسٹ کلاس مجسٹریٹ کےاختیارات دیئےگئےہیں،جبکہ نو ایس پیز الیکشن ڈیوٹی دیں گے۔