ARYNews.tv | Urdu – Har Lamha Bakhabar

Tag: پولیس

  • 14 سالہ لڑکے سے زیادتی کرنیوالے 2 ملزمان گرفتار

    14 سالہ لڑکے سے زیادتی کرنیوالے 2 ملزمان گرفتار

    پتوکی(10 اگست 2025): پولیس نے 14 سالہ لڑکے کے ساتھ زیادتی کرنے والے 2 ملزمان کو گرفتار کرلیا۔

    تفصیلات کے مطابق پتوکی کے تھانہ سٹی پولیس نے کارروائی کرتے ہوئے 14 سالہ لڑکے سے زیادتی کرنیوالے 2 ملزمان کو گرفتار کرلیا، پرانی منڈی کا رہائشی 14 سالہ لڑکا دکان پر سامان لینےگیا تھا۔

    دکان سے ملزمان ساتھ لے گئے، یامین اور مسعود نے لڑکے سے زیادتی کی اور ویڈیو بھی بناتے رہے، تھانہ سٹی پولیس نے مقدمہ درج کرکے ملزمان کا ریمانڈ حاصل کر لیا۔

    دوسری جانب لاہور کے علاقہ راج گڑھ میں لڑکی سے دو رشتہ داروں کی مبینہ زیادتی کا مقدمہ درج کرلیا گیا، تھانہ وویمن پولیس ریس کورس نے لڑکی سے زیادتی میں ملوث دونوں ملزمان کو گرفتار کرلیا۔

    https://urdu.arynews.tv/muridke-alleged-rape-girl/

    پولیس کے مطابق ملزمان متاثرہ لڑکی کے رشتہ دار ہیں، ملزمان لڑکی کو جان سے مارنے کی دھمکیاں بھی دیتے رہے۔

    پولیس کے مطابق والدین کی علیحدگی کے بعد متاثرہ لڑکی اپنے والد کیساتھ رہائش پذیر تھی، ملزمان نے متاثرہ لڑکی کے گھر والوں کی غیر موجودگی میں زیادتی کی، متاثرہ لڑکی کو مکمل قانونی وطبی امداد فراہم کی جارہی ہے۔

  • پولیس کی اجازت کے بغیر جائے وقوعہ سے لاش اٹھانا ممنوعہ قرار

    پولیس کی اجازت کے بغیر جائے وقوعہ سے لاش اٹھانا ممنوعہ قرار

    کراچی : سی پی اور آفس نے تمام پولیس افسران کو ہدایت دی ہے کہ اب پولیس کی اجازت کے بغیر جائے وقوعہ سے کوئی لاش نہیں اٹھائی جائے گی۔

    اے آر وائی نیوز کی رپورٹ کے مطابق سندھ پولیس کے تمام اداروں کو احکامات جاری کیے گئے ہیں کہ اب کوئی بھی فلاحی ادارہ جائے حادثہ یا جائے وقوعہ سے پولیس کی اجازت کے بغیر لاش نہیں اٹھائے گا۔

    سی پی او ٖآفس کی جانب سے کرائم سین سے لاش پولیس اجازت کے بغیر منتقل نہ کرنے کے احکامات جاری کردیے گئے ہیں۔

    

    احکامات کے مطابق فلاحی ادارہ پولیس کی اجازت کے بغیر لاش کرائم سین سے نہیں اٹھائے گا، سندھ پولیس کے افسران کو تفتیش مزید بہتربنانے کیلئےخصوصی احکامات جاری کیے گئے ہیں۔

    سندھ پولیس حکام کا کہنا ہے کہ فلاحی ادارے لاش اسپتال یا مردہ خانے منتقل کردیتے ہیں، لاش کی منتقلی سے کرائم سین خراب ہوجاتا ہے اور تحقیقات میں رکاوٹ آتی ہے۔

    پولیس کے مطابق کرائم سین خراب ہونے سے کئی کیسز کی تفتیش مکمل نہیں ہوپاتی، زیادہ تر شواہد کرائم سین کے مخصوص دائرہ کار سے ہی ملتے ہیں، لیکن لاش اٹھانے سے کرائم سین سے شواہد ضائع ہوجاتے ہیں۔

    سندھ پولیس حکام نے کہا کہ اگر کوئی شخص زندہ ہے تو اس کی قیمتی جان بچانے کیلئے فلاحی ادارہ ضروری کارروائی کرسکتا ہے، تاہم زخمی کو منتقل کرنے کی صورت میں بھی تھانے کو اطلاع دی جائے۔

    سی پی او ٖآفس کی جانب سے کہا گیا ہے کہ متعلقہ افسران اپنے علاقے کی این جی اوز تک یہ پیغام لازمی پہنچائیں۔

  • پولیس انسپکٹر کو گھر میں قتل کردیا گیا

    پولیس انسپکٹر کو گھر میں قتل کردیا گیا

    جہلم(3 اگست 2025): تھانہ ڈومیلی کی حدود میں پولیس انسپکٹر کو گھر میں قتل کردیا گیا۔

    تفصیلات کے مطابق جہلم کے تھانہ ڈومیلی کی حدود میں پولیس انسپکٹر کو گھر میں قتل کردیا گیا، انسپکٹر راجہ ظہور کو خاندانی دشمنی پر قتل کیا گیا۔

    پولیس کا کہنا ہے کہ ملزمان قتل کے بعد موقع سے فرار ہوگئے، انسپکٹر راجہ ظہور تھانہ منگلا میں انویسٹی گیشن آفیسر تھے۔

    اس سے قبل لاہور کے علاقے شیراکوٹ میں پولیس انسپکٹر سیف اللہ نیازی کو گھر کے بجائے چیک پوسٹ بابو صابو پر تعیناتی کے دوران معمولی تلخ کلامی پر دکاندار عدیل نے فائرنگ کرکے قتل کر دیا تھا۔

    ملزم کو ڈولفن ٹیم نے گرفتار کر لیا، اور اسلحہ برآمد کرکے تحقیقات شروع کر دی گئیں۔ ڈی آئی جی آپریشنز فیصل کامران نے واقعے کو افسوسناک قرار دیتے ہوئے کہا کہ انسپکٹر قانون نافذ کرنے کی کوشش میں جان سے گئے۔

  • رحیم یارخان: کچے کے ڈاکوؤں کا پولیس پر حملہ، 5 ایلیٹ اہلکار شہید

    رحیم یارخان: کچے کے ڈاکوؤں کا پولیس پر حملہ، 5 ایلیٹ اہلکار شہید

    (1 اگست 2025): رحیم یارخان میں پولیس چوکی پر ڈاکوؤں کے حملے میں 5 ایلیٹ اہلکار شہید جبکہ 2 زخمی ہوگئے۔

    تفصیلات کے مطابق رحیم یارخان کی شیخانی پولیس چوکی پر ڈاکوؤں کی جانب سے حملہ کیا گیا جس میں 5 پولیس اہلکار شہید جبکہ 2 زخمی  ہوئے، ماہی چوک کے قریب حملے میں راکٹ بھی فائر کیا۔

    ترجمان پولیس کا کہنا ہے کہ فائرنگ کے تبادلے میں ایک ڈاکو بھی مارا گیا جبکہ شہید اہلکاروں میں محمد عرفان، محمد سلیم اور محمد خلیل، کانسٹیبل نخیل، غضنفر عباس شامل ہیں۔

    پولیس کا کہنا ہے کہ حملہ کے بعد فرار ہونے والے ڈاکوؤں کا تعاقب اور مقابلہ جاری ہے، ڈاکوؤں کیخلاف بھاری ہتھیار اور بکتر بند استعمال کی جا رہی ہے۔

    ترجمان پولیس نے بتایا دو درجن سے زائد ڈاکوؤں نے پولیس پوسٹ پر حملہ کیا، دوسری جانب آئی جی پنجاب ڈاکٹر عثمان انور نے واقعے کا نوٹس لیتے ہوئے آر پی او بہاولپور سے رپورٹ طلب کرلی ہے۔

    آئی جی پنجاب نے ڈی پی او رحیم یار خان کو ڈاکوؤں کی فوری گرفتاری کا حکم دیا ہے، آئی جی پنجاب نے شہید ایلیٹ اہلکاروں کی عظیم قربانی کو خراج عقیدت پیش کیا۔

    آئی جی پنجاب ڈاکٹر عثمان انور نے کہا کہ ڈاکوؤں نے رات گئے چھپ کر بزدلانہ حملہ کیا، پنجاب پولیس کا مورال بلند ہے، دشمن کی بزدلانہ کارروائیاں مورال پست نہیں کر سکتیں، کچے کے ڈاکوؤں کیخلاف پولیس آپریشن بھر پور توانائی سے جاری رہے گا۔

    ترجمان پولیس کا بتانا ہے کہ شہدا میں عرفان، سلیم، نخیل کا تعلق بہاولنگر سے تھا، شہدا میں خلیل، غضنفر کا تعلق رحیم یارخان سے ہے۔

  • پولیس مقابلے میں بدنام زمانہ ڈاکو ہلاک، 7 ساتھی فرار

    پولیس مقابلے میں بدنام زمانہ ڈاکو ہلاک، 7 ساتھی فرار

    شکارپور(30 جولائی 2025): ایس ایس پی کا کہنا ہے کہ پولیس مقابلے میں بدنام زمانہ ڈاکو ہلاک جبکہ 7 ساتھی فرار ہوگئے۔

    تفصیلات کے مطابق شکار پور میں اہلکار میر محمد میمن کو شہید کرنے والا پولیس مقابلے میں مارا گیا، ہلاک ڈاکو غالب ڈومکی پر قاتلانہ حملے سمیت متعدد مقدمات میں مطلوب تھا۔

    پولیس کا کہنا ہے کہ ڈاکو قاضی پمپ کے قریب شر لاڑو پر لوٹ مار کی نیت سے موجود تھے، ڈاکوؤں نے پولیس پارٹی کو دیکھ کر فائرنگ  کردی، ہلاک ڈاکو شہزور کمالانی جتوئی ساتھی کی فائرنگ سے مارا گیا جس سے اسلحہ برآمد کرلیا گیا ہے۔

    دوسری جانب پولیس کی کارروائی کے بعد ڈاکوؤں نے چوکی پر حملہ کرکے ایک اہلکار کو زخمی کردیا جبکہ ایک اہلکار کو اغوا کر کے لے گئے، ڈاکوؤں نےکندھ کوٹ شکارپور روڈ پر قائم چوکی کو نشانہ بنایا۔

    پولیس کا کہنا ہے کہ ڈاکوؤں نے مغوی اہلکار کی رہائی کے بدلے ہلاک ڈاکو شہزور کمالانی جتوئی کی لاش کی حوالگی کا مطالبہ کیا ہے۔

  • بنوں : پولیس نے دہشت گردوں کی تباہی پھیلانے کی کوشش ناکام بنادی

    بنوں : پولیس نے دہشت گردوں کی تباہی پھیلانے کی کوشش ناکام بنادی

    پشاور : خیبرپختونخوا کے ضلع بنوں میں پولیس نے دہشت گردوں کی تباہی پھیلانے کی کوشش ناکام بنادی۔

    تفصیلات کے مطابق پولیس اور سیکیورٹی فورسز نے خیبرپختونخوا کے ضلع بنوں کے علاقے نورڑ میں مشترکہ کارروائی کی۔

    سی پی او نے بتایا کہ دہشت گردوں کی سڑک پر آئی ای ڈی نصب کرنے کی کوشش ناکام بنادی گئی ، پولیس نے آپریشن کے دوران بم نصب کرنے والے دہشت گردوں پر کواڈ کاپٹر ڈرون سے حملہ کیا۔

    ڈی پی اوعباس کلاچی کا کہناتھا کہ حملے میں متعدد دہشت گردوں کے زخمی ہونے کی اطلاعات ہیں ، تھانہ میریان کی حدود میں دہشت گردوں پر ڈرون حملہ کیا گیا

    ڈی پی او بنوں سلیم عباس نے کہا کہ بنوں پولیس دہشت گردوں سے نمٹنے کیلئےتیار ہے اور عوام کے جان و مال کاتحفظ یقینی بنانے کیلئےوسائل بروئےکارلا رہے ہیں۔

    مزید پڑھیں : بنوں میں دہشت گردوں کا پولیس چیک پوسٹ پر کواڈ کاپٹر سے حملہ

    یاد رہے دو روز قبل بنوں کے تھانہ ہوید کی حدود میں مزنگہ پولیس چوکی پر دہشت گردوں نے حملہ کیا تھا پولیس کے مطابق دہشت گردوں نے پولیس چیک پوسٹ پر کواڈ کاپٹر ڈرون سے بم گرایا۔

    پولیس حکام کا کہنا تھا کہ بم چیک پوسٹ کے باہر دھماکے سے پھٹا تاہم جانی نقصان نہیں ہوا تھا۔

  • گھر میں فائرنگ سے نوجوان جاں بحق، گولی چلی یا قتل کیا؟ تفتیش جاری

    گھر میں فائرنگ سے نوجوان جاں بحق، گولی چلی یا قتل کیا؟ تفتیش جاری

    لاہور(26 جولائی 2025): جوہر ٹاؤن میں گھر میں گولی چلنے سے نوجوان جاں بحق ہوگیا، پولیس نے تحقیقات کا آغاز کردیا۔

    تفصیلات کے مطابق لاہور کے علاقے جوہر ٹاؤن میں گھر میں گولی چلنے سے ایک نوجوان اپنی جان کی بازی ہار گیا، واقعہ خودکشی کا ہے قتل کا یہ جاننے کے لیے پولیس نے تحقیقات کا آغاز کردیا ہے۔

    پولیس کا کہنا ہے کہ جاں بحق نوجوان کی شناخت اویس  کے نام سے ہوئی ہے، واقعے کی مختلف پہلوؤں سے تحقیقات کر رہے ہیں، گولی اچانک چلی یا نوجوان نے خود چلائی، یا قتل کا واقعہ ہے اس کی تحقیقات جاری ہے۔

    پولیس کا مزید کہنا ہے کہ نوجوان کی لاش پوسٹ مارٹم کے لئے اسپتال منتقل کردی گئی ہے، اس سے قبل جوہر ٹاؤن میں 36 سالہ خاتون گھر کے اندر گولی لگنے سے جاں بحق ہوئی، مقتولہ کی شناخت ثناء کے نام سے ہوئی تھی۔

    لاہور پولیس نے بتایا تھا کہ شوہر احمد برہان نے پولیس کو بیان دیا کہ تین سالہ بچے سے اچانک گولی چل گئی، پولیس نے شوہر کو حراست میں لے تفتیش کی، مقتولہ ثنا کو شوہر وجاہت نے گھریلو جھگڑے میں قتل کیا، ملزم نے قتل کا الزام اڑھائی سالہ بچے پر لگایا تھا۔

    https://urdu.arynews.tv/karachi-police-officer-killed-in-firing/

  • خیبرپختونخوا میں پولیس کا آپریشن، 5 خارجی دہشتگرد ہلاک، ڈی پی او، ایس ایچ او زخمی

    خیبرپختونخوا میں پولیس کا آپریشن، 5 خارجی دہشتگرد ہلاک، ڈی پی او، ایس ایچ او زخمی

    ہنگو(19 جولائی 2025): خیبرپختونخوا (کے پی) پولیس نے قانون نافذ کرنے والے اداروں کیساتھ مل کر دہشت گردوں کے خلاف آپریشن کرکے 5 خوارج کو جہنم واصل کردیا۔

    تفصیلات کے مطابق خیبرپختونخوا کے ضلع ہنگو کے علاقے زرگیری اور شناوڑی میں پولیس اور ٹل اسکاوٹس کی جانب سے خارجی دہشت گردوں کے خلاف آپریشن کے دوران 5 خوارج ہلاک ہوگئے۔

    پولیس حکام کا کہنا ہے کہ دہشت گردوں کی فائرنگ سے ڈسٹرکٹ پولیس افسر (ڈی پی او) خالد خان اور اسٹیشن ہاؤس افسر (ایس ایچ او) نبی خان بھی زخمی ہوئے جنہیں اسپتال منتقل کر دیا گیا ہے۔

    آپریشن کے دوران دہشت گردوں نے بھی پولیس پر فائرنگ کی، گولیاں لگنے سے ڈی پی او خالد خان اور ایس ایچ او دوآبہ نبی خان زخمی ہوئے جنہیں علاج کے لیے اسپتال منتقل کر دیا گیا ہے۔

    اسپتال انتظامیہ کا کہنا ہے کہ ڈی پی او خالد خان کو 4 گولیاں لگی ہیں، ایس ایچ او نبی خان معمولی زخمی ہوئے ہیں۔

    پولیس حکام کے مطابق آپریشن کا سلسلہ تاحال جاری ہے، علاقے میں کلیئرنس تک آپریشن جاری رکھا جائے گا۔

  • کراچی میں پولیس کی بروقت کارروائی،7 سالہ لاپتہ بچی مل گئی

    کراچی میں پولیس کی بروقت کارروائی،7 سالہ لاپتہ بچی مل گئی

    کراچی(18 جولائی 2025): قائد آباد میں پولیس نے بروقت کارروائی کرتے ہوئے سات سالہ مقدس مریم کو والدین سے ملوادیا۔

    تفصیلات کے مطابق کراچی کے علاقے قائد آباد میں پولیس نے بروقت کارروائی کرتے ہوئے سات سالہ مقدس مریم کو والدین سے ملو ادیا ہے۔

    پولیس حکام کے مطابق مقدس مریم گھر سے نکل کر لاپتہ ہو گئی تھی، والد نے گمشدگی رپورٹ درج کرائی تھی، پولیس نے ٹیکنیکل بنیادوں پر مسلم آباد کالونی سے بچی کو تلاش کیا اور قانونی کارروائی مکمل ہونے کے بعد بچی کو والدین کے حوالےکردیا۔

    یاد رہے کہ گزشتہ روز اسپیشل انویسٹی گیشن یونٹ (ایس آئی یو) سی آئی اے پولیس نے سعید آباد سے 7 ماہ قبل اغوا کیے جانے والے 4 سالہ بچے کو بحفاظت بازیاب کر کے اغوا کار گروہ کو گرفتار کرلیا تھا۔

    ایس ایس پی ایس آئی یو شعیب میمن نے بتایا تھا کہ 7 ماہ قبل سعید آباد سے 4 سالہ حسین  کو اغوا کیا گیا تھا، جس کا مقدمہ سعید آباد تھانہ میں درج ہے اور کیس کی تفتیش فروری میں ایس آئی یو کو منتقل کی گئی تھی۔

    انہوں نے بتایا کہ پولیس نے کڑی محنت اور حکمت عملی سے سعید آباد کے علاقے میں چھاپہ مار کر مغوی بچے حسین کو بحفاظت بازیاب کرالیا ہے۔

    https://urdu.arynews.tv/karachi-police-timely-action-suspects-flee/

  • پسند کی شادی پر میاں بیوی قتل

    پسند کی شادی پر میاں بیوی قتل

    لاڑکانہ(17 جولائی 2025): چانڈکا اسپتال میں پسند کی شادی پر میاں بیوی کو قتل کردیا۔

    تفصیلات کے مطابق لاڑکانہ میں پسند کی شادی خونی داستان بن گئی، مسلح ملزمان نے چانڈکا اسپتال میں زیرِ علاج ریحانہ اور اس کے شوہر پر ایک بار پھر حملہ کر دیا، دونوں میاں بیوی جاں بحق ہو گئے۔

    پولیس کا کہنا ہے کہ پسند کی شادی پر میاں بیوی کو قتل کیا گیا، ریحانہ نے مرنے سے پہلے حملہ آور کو زخمی کر دیا مقتولہ ریحانہ پر گزشتہ روز بھی حملہ کیا گیا تھا جس میں وہ ٹانگ میں گولی لگنے سے زخمی ہو کر چانڈکا اسپتال لاڑکانہ کے آرتھوپیڈک وارڈ میں داخل تھی۔

    آج اسپتال میں دوبارہ حملہ ہوا تو ریحانہ نے بہادری دکھاتے ہوئے شوہر کے پاس موجود پستول سے جوابی فائرنگ کی اور ایک حملہ آور بھانجے کو زخمی کر دیا جبکہ دیگر فرار ہو گئے۔

    پولیس کے مطابق واقعہ کاروکاری کا نتیجہ ہے، لاشیں ٹراما سینٹر منتقل کر دی گئیں، ملزمان کی تلاش جاری ہے جلد گرفتار کرلیا جائے گا۔

    پولیس کا کہنا ہے کہ زخمی خاتون کی شناخت ساجدہ شیخ کے نام سے ہوئی جس کی حالت تشویشناک ہے جبکہ مقتولین کا تعلق قمبر کے نواحی گاؤں بہرام سے تھا حال ہی میں پسند کی شادی کی تھی، جوڑے کوقتل کرنیوالا مقتولین کا بھانجہ تھا۔