Tag: پولیس اسٹیشن پر حملہ

کراچی : سوات میں مٹہ پولیس اسٹیشن پر حملہ کرنے والے دہشت گرد کو کراچی سے گرفتارکرکےآدھ کلو گرام بارودی مواد اوودستی بم برآمد کرلیا گیا۔

تفصیلات کے مطابق کراچی پولیس نے کارروائی کرتے ہوئے سوات میں پولیس اسٹیشن پرحملہ کرنے والا دہشت گرد کو گرفتار کرلیا ، ایس ایس پی کیماڑی فدا حسین نے بتایا کہ کالعدم تنظیم کےدہشت گردکواتحادٹاؤن سےگرفتارکیاگیا، اور دہشت گرد سے آدھا کلوبارودی مواد، دستی بم برآمد بھی کیا۔

ایس ایس پی کیماڑی کا کہنا تھا کہ 2007میں دہشت گردخالد،عثمان نےکالعدم تنظیم میں حمیداللہ کی شمولیت کرائی ، دہشت گردحمیداللہ نےکےپی میں متعدد کارروائیاں کیں اور سیکیورٹی فورسزپرحملوں میں بھی ملوث رہا۔

فدا حسین نے کہا کہ دہشت گرد نے ساتھیوں کے ہمراہ سوات میں پولیس اسٹیشن پرحملہ کیا، اور قانون نافذ کرنیوالے اہلکار کو والد سمیت قتل کیا۔

ایس ایس پی کیماڑی نے بتایا کہ دہشت گرد2009میں کراچی آیا اور سلیپرسیل کاحصہ بنا جبکہ 2014میں افغانستان گیا ، دہشت گرد 2 ساتھیوں کے ہمراہ کارروائی کیلئے اعلیٰ کمان کےحکم کاانتظارکررہاتھا۔

فدا حسین کا کہنا تھا کہ دہشت گردکےخلاف مقدمہ درج کرلیا گیا ہے اور مزیدتفتیش کی جارہی ہے۔