Tag: پولیس افسران کے تبادلے

لاہور: پنجاب میں 4 ڈی آئی جیز سمیت 29 پولیس افسران کے تقرر و تبادلے کر دیے گئے ہیں، شہزاد اکبر کو ڈی آئی جی پولیس اسٹیبلشمنٹ سی پی او آفس تعینات کر دیا گیا۔

تفصیلات کے مطابق پنجاب میں محکمہ پولیس میں تقرر و تبادلے عمل میں لائے گئے ہیں، شہزاد اکبر کو ڈی آئی جی پولیس اسٹیبلشمنٹ سی پی او آفس، جب کہ سی پی او فیصل آباد اشفاق احمد خان کو ڈی آئی جی آپریشنز لاہور بنا دیا گیا ہے۔

وقاص نذیر کو سروسز اینڈ جنرل ایڈمنسٹریشن ڈیپارٹمنٹ رپورٹ کرنے کا حکم جاری کر دیا گیا ہے اور ایس ایس پی موٹر ٹرانسپورٹ پنجاب محمد اظہر اکرام کو سی پی او فیصل آباد تعینات کر دیا گیا۔

ایس ایس پی آپریشنز فیصل آباد اسماعیل الرحمان کو ایس ایس پی آپریشنز لاہور مقرر کر دیا گیا، جب کہ ایس ایس پی اسد سرفراز خان کو ڈی پی او خانیوال تعینات کیا گیا ہے۔

یہ بھی پڑھیں:  سابق آئی جی پنجاب کے تبادلے کا اقدام لاہور ہائی کورٹ میں چیلنج

ایس ایس پی مستنصر فیروز کو ڈی پی او سیالکوٹ، ایس ایس پی صادق علی کو ڈی پی او مظفر گڑھ اور ایس ایس پی وقار شعیب انور کو ڈی پی او ٹوبہ ٹیک سنگھ تعینات کر دیا گیا۔

یاد رہے کہ 19 اپریل کو سابق آئی جی پنجاب پولیس امجد جاوید سلیمی کے تبادلے کا اقدام لاہور ہائی کورٹ میں چیلنج کر دیا گیا ہے، درخواست گزار کا مؤقف تھا کہ پولیس آرڈر 2002 میں آئی جی کی پوسٹنگ کا دورانیہ تین سال ہے، جاوید سلیمی کا چھ ماہ کے بعد تبادلہ کر دیا گیا۔

درخواست گزار کا کہنا تھا کہ موجودہ حکومت 8 ماہ کے عرصے میں تین آئی جی پنجاب تبدیل کر چکی ہے۔