ARYNews.tv | Urdu – Har Lamha Bakhabar

Tag: پولیس انکاؤنٹر

  • اجتماعی زیادتی کے ایک اور کیس میں ملزمان کا پولیس کے ہاتھوں انکاؤنٹر

    اجتماعی زیادتی کے ایک اور کیس میں ملزمان کا پولیس کے ہاتھوں انکاؤنٹر

    لاہور (10 اگست 2025): چوہنگ واقعے کے بعد پنجاب کے شہر لاہور میں پولیس نے اجتماعی زیادتی کے ایک اور کیس میں ملزمان کا انکاؤنٹر کر دیا۔

    تفصیلات کے مطابق لاہور میں سی سی ڈی پولیس کا اجتماعی زیادتی کے ملزمان سے فائرنگ کا تبادلہ ہوا، جس میں 2 ملزمان ہلاک ہو گئے، جن کی شناخت شعیب اور زبیر کے نام سے ہوئی ہے۔

    سی سی ڈی کے مطابق ہلاک ملزمان نے 2 روز قبل مانگا منڈی سے 13 سالہ لڑکی کو اغوا کیا تھا، اور مغوی لڑکی کو اجتماعی زیادتی کا نشانہ بنایا، پولیس کا کہنا ہے کہ ملزمان کی فائرنگ سے سب انسپکٹر شبیر زخمی ہوا، جب کہ انسپکٹر عمران یوسف کی بلٹ پروف جیکٹ پر گولیاں لگیں۔

    قبل ازیں، لاہور کے علاقے چوہنگ میں ایک واقعہ شہ سرخیوں کی زینت بنا تھا جس میں 4 ملزمان نے شوہر کے سامنے اس کی بیوی سے اجتماعی زیادتی کی تھی، سی سی ڈی پولیس نے ملزمان سے آمنا سامنا ہونے کے کئی واقعات میں یکے بعد دیگر چاروں ملزمان کو گولیاں مار کر ہلاک کر دیا تھا۔

    لاہور : شوہر کے سامنے بیوی سے گینگ ریپ کا چوتھا ملزم بھی انجام کو پہنچ گیا

    ادھر نارووال میں 2 خطرناک ملزمان سی سی ڈی حراست سے فرار ہو گئے ہیں، پولیس کا کہنا ہے کہ ملزمان قتل، ڈکیتی کی درجنوں وارداتوں ملوث میں تھے، دوران ریکوری ملزمان کے 4 ساتھیوں نے کریل پل پر فائرنگ کی، اس دوران دونوں خطرناک ملزمان ساتھیوں سمیت فرار ہو گئے، جب کہ ایک اہلکار فائرنگ سے زخمی ہوا۔

  • شوہر کے سامنے بیوی سے گینگ ریپ کا تیسرا ملزم بھی مار دیا گیا

    شوہر کے سامنے بیوی سے گینگ ریپ کا تیسرا ملزم بھی مار دیا گیا

    لاہور (03 اگست 2025): پولیس نے چوہنگ میں گینگ ریپ کے ایک اور ملزم کو گولیاں مار کر ہلاک کر دیا۔

    تفصیلات کے مطابق لاہور کے علاقے چوہنگ میں شوہر کے سامنے اس کی بیوی سے گینگ ریپ کرنے والا تیسرا ملزم بھی سی سی ڈی کے ہاتھوں مارا گیا۔

    سی سی ڈی ماڈل ٹاؤن نے گینگ ریپ کے باقی ملزمان کی گرفتاری کے لیے چھاپا مارا تھا، اس دوران فائرنگ کا تبادلہ ہوا،جس میں تیسرا مرکزی ملزم زاہد مارا گیا، جب کہ ملزمان کی فائرنگ سے انسپکٹر شاہد، اور علی بلٹ پروف جیکٹ کے باعث محفوظ رہے۔

    سی سی ڈی کا کہنا ہے کہ ملزمان کی فائرنگ سے بلٹ پروف جیکٹس اور موبائل کو نقصان پہنچا ہے، سی سی ڈی کے مطابق ملزم زاہد کو گینگ ریپ کے وقت ساتھیوں نے فون پر بلایا تھا۔ کیس کے 2 ملزمان اویس اور ارشاد پہلے ہی مقابلے میں مارے جا چکے ہیں، اب گینگ ریپ میں ملوث چوتھے ملزم کی تلاش جاری ہے۔

    لاہور: شوہر کے سامنے خاتون سے مبینہ زیادتی کرنے والے ملزمان پولیس مقابلے میں ہلاک

    یکم اگست کو سی سی ڈی ترجمان نے بتایا تھا کہ کچھ عرصہ قبل 4 ملزمان نے چوہنگ میں شوہر کے سامنے اس کی بیوی سے بار بار زیادتی کی تھی، اور شوہر کو بھی کپڑے اتار کر تشدد کا نشانہ بنایا تھا، پولیس نے مقدمہ درج کر کے ملزمان کی تلاش شروع کر دی تھی، گزشتہ ماہ کی آخری رات کو پولیس نے ایک ملزم اویس کو آخر کار گرفتار کر لیا۔

    ترجمان کے مطابق ملزم کی نشان دہی پر نشتر کالونی کے علاقے بھیرہ گاؤں میں دیگر ملزمان کی گرفتاری کے لیے چھاپا مارا گیا، تو ملزمان کے ساتھیوں نے فائرنگ کر دی، جس سے ان کا اپنا ہی ساتھی اویس اور ارشاد مارا گیا۔ سی سی ڈی کا کہنا تھا کہ قتل ہونے والے ریکارڈ یافتہ ملزمان دوران واردات لڑکیوں سے زیادتی کیا کرتے تھے۔ تاہم یہ بھی دیکھا گیا ہے کہ پنجاب میں پولیس اکثر اسی طرح ملزمان کو ریکوری یا نشان دہی کے لیے لے کر جاتی ہے اور اس دوران دیگر ملزمان سے ضرور مڈبھیڑ ہو جاتی ہے، اور فائرنگ میں زیر حراست ملزم ہمیشہ کی طرح ہلاک ہو جاتا ہے۔

  • خطرناک ڈاکو اسد کیڑا کو پولیس نے گولی مار دی

    خطرناک ڈاکو اسد کیڑا کو پولیس نے گولی مار دی

    فیصل آباد (02 اگست 2025): پنجاب کے شہر فیصل آباد میں خطرناک ڈاکو اسد کیڑا کو پولیس نے گولی مار دی۔

    تفصیلات کے مطابق فیصل آباد میں پولیس کی حراست سے فرار خطرناک ڈاکو اسد کیڑا کا پولیس نے اکاؤنٹر کر دیا، ملزم اسد ڈکیتی، راہزنی اور قتل کے 50 مقدمات میں ملوث تھا، ملزم کی لاش الائیڈ اسپتال منتقل کی گئی ہے۔

    رپورٹ کے مطابق تھانہ صدر کا اے ایس آئی ساجد محمود اور اہلکار جمعہ کو رات گئے ڈکیتی کیس کے ملزم شوٹر اسد عرف کیڑا کو برآمدگی کے بعد واپس تھانے لے جا رہے تھے کہ ملکھاں والا کے قریب دو موٹر سائیکلوں پر سوار 4 ملزمان پولیس وین پر فائرنگ کر کے ملزم اسد کو چھڑوا کر فرار ہو گئے۔

    وکیل خواجہ شمس الاسلام پر حملہ کرنے والا ملزم حملے سے پہلے کیا کر رہا تھا؟ کیسے فائرنگ کی؟ نئی فوٹیج

    تاہم پولیس ان کا تعاقب کرنے لگی اور اعوان والا پل پر فائرنگ کے تبادلے میں ملزم اسد اپنے ساتھیوں کی گولیاں لگنے سے مارا گیا، جب کہ چاروں حملہ آور فرار ہو گئے۔

    پولیس ترجمان کے مطابق ملزم اسد کیڑا سال 2016 سے اب تک ڈکیتی، راہزنی چوری اور دوران ڈکیتی قتل کے پچاس مقدمات میں ملوث تھا۔ واضح رہے کہ پنجاب کے شہروں میں ریکوری کے عمل کے دوران ملزمان کی ساتھیوں کے ہاتھوں ہلاکت کے کیسز ایک عرصے سے تواتر کے ساتھ سامنے آتے رہتے ہیں، جس پر اعلیٰ پولیس حکام نے تاحال کوئی ایکشن نہیں لیا ہے، نہ ہی اس سلسلے میں کوئی تحقیقات سامنے آئی ہیں۔

  • کراچی: پولیس مقابلے میں‌ گرفتار 5 ملزمان میں سے ایک ہلاک

    کراچی: پولیس مقابلے میں‌ گرفتار 5 ملزمان میں سے ایک ہلاک

    کراچی: شہر قائد کے علاقے الفلاح میں پولیس مقابلے کے بعد گرفتار ہونے والے 5 ملزمان میں سے ایک زخمی ملزم دم توڑ گیا۔

    تفصیلات کے مطابق الفلاح کے علاقے میں پولیس مقابلہ ہوا تھا، جس میں ایک ملزم ہلاک جب کہ ایک زخمی ملزم سمیت 4 گرفتار ہیں۔

    پولیس حکام کا کہنا ہے کہ کراچی کے علاقے الفلاح میں لوٹ مار کے بعد فرار ہوتے ملزمان اور پولیس کے درمیان فائرنگ کا تبادلہ ہوا تھا۔

    پولیس اہل کاروں نے 2 زخمیوں سمیت 5 ملزمان کو گرفتار کیا تھا، جن میں‌ سے ایک ملزم نے بعد میں دم توڑ دیا، ہلاک ملزم کی شناخت اللہ ڈنو کے نام سے ہوئی ہے۔

    ایس ایس پی کورنگی شاہ جہان خان کے مطابق دیگر ملزمان میں انور، علی محمد، گلزارِ اور بشیر شامل ہیں، ملزم انور بھی زخمی ہے، جو اسپتال میں زیر علاج ہے۔

    ملزمان شرافی گوٹھ، ملیر سمیت مختلف علاقوں میں ڈکیتی کی وارداتوں میں ملوث ہیں، ملزمان کا مختلف تھانوں میں کریمنل ریکارڈ بھی پڑا ہے اور ان کے خلاف مقدمات بھی درج ہیں۔

    پولیس اہل کاروں نے ملزمان سے اسلحہ اور مسروقہ سامان بھی برآمد کیا، پولیس حکام کا کہنا ہے کہ ملزمان سے مزید تفتیش جاری ہے۔

  • ڈیفنس انکاؤنٹر: اپنے مؤقف کو ثابت کرنے کے لیے پولیس کے اہم اقدامات

    ڈیفنس انکاؤنٹر: اپنے مؤقف کو ثابت کرنے کے لیے پولیس کے اہم اقدامات

    کراچی: شہر قائد کے علاقے ڈیفنس فیز 4 میں مبینہ پولیس مقابلے سے متعلق پولیس نے اپنے مؤقف کو ثابت کرنے کے لیے اہم اقدامات شروع کر دیے۔

    اے آر وائی نیوز کے مطابق ڈیفنس میں مبینہ مقابلے میں 5 ملزمان کی موت ہو گئی تھی، تاہم بنگلے کے مالکان نے سامنے آ کر اسے جعلی مقابلہ قرار دے دیا ہے، اس سلسلے میں ساؤتھ تفتیشی پولیس نے پنجاب پولیس سے ملزمان کا ڈیٹا مانگ لیا ہے، جس کی مدد سے کیس میں مزید پیش رفت ہو سکے گی۔

    پولیس نے بنگلے کے مالک ایڈووکیٹ علی حسنین کے حوالے سے بھی تحقیقات شروع کر دیں، پولیس کا کہنا ہے کہ ہلاک ڈاکو اور گینگ کے سربراہ غلام مصطفیٰ کا تعلق ضلع خانیوال سے تھا، ایڈووکیٹ علی حسنین کا آبائی تعلق بھی خانیوال سے ہے۔

    پولیس کے مطابق ہلاک ڈاکو موبائل پر سب سے زیادہ ایڈووکیٹ کے ڈرائیور سے رابطے میں رہا، وکیل کے ڈرائیور عباس نے ڈاکو غلام مصطفیٰ کو ڈبل کیبن گاڑی بھی دے رکھی تھی، 3 دن سے گاڑی ڈاکوؤں کے زیر استعمال تھی۔

    ڈیفنس پولیس مقابلہ: ہلاک ڈرائیور کی مالکن نے تفصیلات بتا دیں

    ادھر پولیس نے تمام متاثرین کو بھی طلب کر لیا ہے، تفتیشی حکام کا کہنا ہے کہ متاثرین کی نشان دہی سے تحقیقات کو مزید آگے بڑھایا جائے گا، 2 ملزمان کی لاشوں کو ان کے اہل خانہ شناخت کر چکے ہیں۔

    تفتیشی حکام کے مطابق ملزمان سہولت کاروں کی مدد سے گھروں میں ڈکیتیاں کرتے تھے، ان سہولت کاروں میں ملازمین یا سابق ملازمین شامل ہوتے تھے، اور واردات کے لیے رکشے یاگاڑی کا استعمال کیا جاتا تھا۔

    واضح رہے کہ مبینہ مقابلے میں ہلاک 4 ملزمان کی لاشیں ورثا کے حوالے کر دی گئی ہیں، جن میں گینگ لیڈر غلام مصطفیٰ، عابد، ریاض اور عثمان شامل ہیں، جب کہ ہلاک ملزم محمد عباس کی لاش چھیپا سرد خانے میں تاحال موجود ہے۔

    پی ٹی آئی رہنما کے پولیس پر الزامات

    دوسری طرف مقابلے میں ہلاک ڈرائیور عباس کی مالکن اسلام آباد سے واپسی پر سیدھا مقدمہ درج کرنے گزری تھانے پہنچ گئیں تاہم مقدمہ درج نہیں ہو سکا ہے، خاتون پی ٹی آئی رہنما لیلیٰ پروین نے الزام لگایا ہے کہ میرے ڈرائیور کو پولیس نے اغوا کر کے قتل کیا، ڈرائیور کا دہشت گروں سے تعلق نہیں تھا۔

    واقعے سے متعلق بنگلے مالکان کا مؤقف سامنے آنے کے بعد پی ٹی آئی کراچی قیادت نے پریس کانفرنس کا فیصلہ کیا تھا، تاہم بعد میں آج صبح ہونے والی پریس کانفرنس منسوخ کر دی گئی، ذرایع کا کہنا تھا کہ پی ٹی آئی رہنما لیلیٰ پروین سے ملاقات کے بعد فیصلہ کیا جائے گا۔

    پی ٹی آئی ذرایع کے مطابق لیلیٰ پروین کے پاس ثبوت ہوئے تو قیادت ساتھ دے گی، بہ صورت دیگر ان کو اکیلے اپنے کیس کا سامنا کرنا پڑے گا۔

  • کراچی میں‌ پولیس مقابلہ، 2 ڈاکو ہلاک

    کراچی میں‌ پولیس مقابلہ، 2 ڈاکو ہلاک

    کراچی: شہر قائد کے علاقے پاور ہاؤس چورنگی کے قریب ایک مبینہ پولیس مقابلے میں 2 ڈاکو ہلاک ہو گئے۔

    اے آر وائی نیوز کے مطابق نارتھ کراچی میں پاور ہاؤس چورنگی کے قریب پولیس مقابلے میں دو ڈاکو مارے گئے جب کہ ان کا ایک ساتھی زخمی حالت میں گرفتار کر لیا گیا۔

    پولیس کا کہنا ہے کہ گلشن اقبال پولیس کے اہل کار مدعی کے ساتھ ڈاکوؤں کا تعاقب کر رہے تھے، پاور ہاؤس چورنگی کے قریب پولیس اور ڈاکوؤں میں مقابلہ ہوا، پولیس کے مطابق ملزمان نے ایک پستول راستے میں پھینک دیا تھا، ایک برآمد ہوا۔

    پولیس کا کہنا تھا کہ ملزمان نے رب میڈیکل سینٹر کے قریب شہری سے لوٹ مار کی، موٹرسائیکل پٹرولنگ پر موجود اہل کار موقع پر پہنچ گئے، اہل کاروں نے مدعی کو ساتھ لیا اور ملزمان کا تعاقب کیا، ملزمان نے راستے میں کئی مقامات پر پولیس پر فائرنگ کی۔

    وہ نوجوان جس سے ڈاکو موبائل فون چھین کر فرار ہو رہے تھے، دوسری طرف پولیس اہل کار گرفتار ڈاکو کو لے جا رہا ہے

    واقعے کے بعد ایس ایچ او بلال کالونی اور اے ایس پی نیو کراچی بھی موقع پر پہنچ گئے۔ ایس ایس پی سینٹرل عارف اسلم راؤ کا کہنا تھا کہ پاور ہاؤس چورنگی کے قریب ہونے والے مقابلے کے سلسلے میں مزید تفتیش جاری ہے۔

    یاد رہے کہ گزشتہ روز شہر قائد میں کورنگی پولیس نے کامیاب کارروائی کرتے ہوئے بھتہ خوری اور شارٹ ٹرم اغوا میں ملوث سب انسپکٹر رضوان سمیت 2 ملزمان کو گرفتار کیا تھا، سب انسپکٹر پر موٹر سائیکل مکینک کے اغوا اور 5 ہزار روپے بھتہ لینے کا الزام ہے۔

  • پنجاب میں ایک اور پولیس مقابلہ، 2 ڈاکو ہلاک، پولیس اہل کار شہید

    پنجاب میں ایک اور پولیس مقابلہ، 2 ڈاکو ہلاک، پولیس اہل کار شہید

    قصور: پنجاب کے شہر قصور میں تھانہ صدر کی حدود میں پولیس مقابلے میں 2 ڈاکو ہلاک جب کہ ایک پولیس اہل کار شہید ہو گیا۔

    تفصیلات کے مطابق قصور میں تھانہ صدر کے علاقے پیر والا روڈ کے قریب پولیس اور ڈاکوؤں کے درمیان فائرنگ کے نتیجے میں ایک کانسٹیبل فیصل شہید جب کہ دو ڈاکو موقع ہی پر ہلاک ہو گئے۔

    مقابلے کے بعد ڈاکوؤں کے دیگر ساتھی فرار ہونے میں کامیاب ہو گئے، ضلع بھر کی پولیس قصور پہنچ گئی، راستوں کی ناکہ بندی کر کے ڈاکوؤں کی تلاش کی جا رہی ہے۔

    پولیس مقابلے میں ہلاک 4 لڑکوں سے دو دو لاکھ رشوت مانگی گئی تھی

    پولیس حکام کے مطابق یہ مقابلہ پیر والا روڈ کے قریب پیش آیا، جب 2 موٹر سائیکلوں پر سوار ملزمان کو ناکے پر رکنے کا اشارہ کیا گیا تو ملزمان نے فرار ہوتے ہوئے فائرنگ شروع کر دی، جس سے ایک اہل کار شہید ہو گیا، پولیس کی جوابی کارروائی میں دو ڈاکو ہلاک اور ان کے ساتھی فرار ہو گئے، جن کی گرفتاری کے لیے پولیس نے سرچ آپریشن شروع کر دیا ہے۔

    خیال رہے کہ گزشتہ رات ہی شیخو پورہ میں بھی مبینہ پولیس مقابلے کے دوران 3 ڈاکو ہلاک کیے گئے تھے، پولیس کا کہنا تھا کہ چٹی کوٹھی روڈ پر ڈاکو شہریوں سے لوٹ مار کر رہے تھے کہ اس دوران پولیس پہنچ گئی اور علاقے کو گھیرے میں لے لیا گیا۔

    دوسری طرف دو دن قبل پنجاب کے شہر وہاڑی میں بورے والا کے چک 519 ای بی کے قریب ہونے والا پولیس مقابلہ جعلی نکلا، مقتولین کے ورثا کا کہنا ہے لڑکے 7 دن سے پولیس حراست میں تھے، پولیس نے فی کس 2،2 لاکھ روپے رشوت مانگی تھی، رشوت نہ دینے پر لڑکوں کو مقابلہ ظاہر کر کے گولی مار کر ہلاک کر دیا گیا۔

  • پنجاب پولیس کے مبینہ مقابلے، 5 ملزمان ہلاک

    پنجاب پولیس کے مبینہ مقابلے، 5 ملزمان ہلاک

    راولپنڈی: پنجاب پولیس کے دو مختلف مقامات پر مقابلوں میں 5 ملزمان ہلاک ہو گئے، ایک کو زخمی حالت میں گرفتار کر لیا گیا۔

    تفصیلات کے مطابق راولپنڈی میں سرفراز روڈ پر مبینہ پولیس مقابلے میں ایک ملزم ہلاک، دوسرا زخمی ہو گیا، پولیس کا کہنا ہے کہ ڈاکوؤں نے پولیس پر فائرنگ کی، جس کی زد میں اپنے ہی ساتھی آ گئے۔

    راولپنڈی پولیس کے مطابق 5 ڈکیت فائرنگ کرتے ہوئے موقع سے فرار ہو رہے تھے، کہ پولیس کے ساتھ مڈ بھیڑ ہو گئی، ملزمان علاقہ وارث خان میں وارداتوں میں ملوث ہیں، پولیس نے خفیہ اطلاع پر ریڈ کیا تو ڈکیتوں نے پولیس پر فائرنگ کر دی، جوابی فائرنگ سے 2 ڈکیت زخمی جب کہ باقی فرار ہونے میں کامیاب ہو گئے۔ زخمی ڈاکوؤں کو اسپتال منتقل کیا گیا جہاں ایک ہلاک ہوا۔

    راولپنڈی پولیس مقابلے میں زخمی اور ہلاک ہونے والے ڈکیت

    پولیس کا کہنا تھا کہ اس ڈکیت گینگ کی وارداتوں کی متعدد فوٹیجز بھی موجود ہیں۔ ہلاک ڈکیت کی شناخت ولایت شاہ اور زخمی کی شناخت نور خان کے نام سے ہوئی ہے۔ ایس پی راول ڈویژن رائے مظہر اقبال کا کہنا تھا کہ ڈکیتوں کی گرفتاری پولیس کے لیے ایک چیلنج تھی۔

    پولیس مقابلے سے قبل راولپنڈی میں وارث خان کے علاقے میں ڈکیتی کرتے ہوئے

    پنجاب کے ضلع وہاڑی میں بورے والا کے چک 519 ای بی کے قریب بھی ایک مبینہ پولیس مقابلے میں 4 ملزمان ہلاک ہو گئے ہیں، ریسکیو ذرایع کا کہنا ہے کہ لاشوں کو ڈی ایچ کیو اسپتال منتقل کیا گیا، ہلاک ملزمان کی عمریں 20 سے 25 سال کے درمیان ہیں۔ ڈی پی او وہاڑی کا کہنا تھا کہ علاقے کو کرائم فری بنا کر دم لیں گے۔

    وہاڑی میں پولیس انکاؤنٹر میں ہلاک ہونے والے ملزمان
  • شیخوپورہ میں پولیس انکاؤنٹر، 2 ملزمان ہلاک

    شیخوپورہ میں پولیس انکاؤنٹر، 2 ملزمان ہلاک

    شیخوپورہ: پنجاب کے شہر شیخوپورہ کے علاقے سیکھم کے قریب مبینہ پولیس مقابلے میں 2 ملزمان مارے گئے۔

    تفصیلات کے مطابق شیخوپورہ کے علاقے سیکھم میں مبینہ پولیس انکاؤنٹر میں دو ملزمان ہلاک ہو گئے ہیں، موٹر سائیکل سوار ڈاکوؤں نے ناکے پر پولیس اہل کاروں پر فائرنگ کی تھی۔

    پولیس حکام کا کہنا ہے کہ مشکو ک افراد موٹر سائیکل پر جوئیا نوالہ موڑ کی طرف جا رہے تھے کہ روکنے پر ڈاکوؤں نے فائرنگ کر دی اور فائرنگ کے نتیجہ میں دو ڈاکو اپنے ہی ساتھیوں کی فائرنگ سے ہلاک ہو گئے، جب کہ باقی فرار ہونے میں کام یاب ہو گئے۔

    ملزمان کے قبضے سے 2 پسٹل، موٹر سائیکل اور نمبر پلیٹس کا سامان برآمد ہوا، ہلاک ہونے والے ڈاکوؤں نے گزشتہ رات ہیڈ کانسٹیبل اعجاز کو شہید کیا تھا، جب کہ پولیس کا کہنا ہے کہ دیگر ڈاکوؤں کی گرفتاری کے لیے علاقے کا سرچ آپریشن کیا جا رہا ہے۔

    ڈی پی او غازی صلاح الدین کا کہنا تھا کہ قانون کے مجرم کسی رعایت کے مستحق نہیں، پنجاب پولیس شہریوں کے جان و مال کے تخفظ کے لیے اپنی حکمت عملی جاری رکھے گی۔

    یہ بھی پڑھیں:  ملتان: پولیس انکاؤنٹر میں 4 ڈاکو مار دیے گئے

    یاد رہے کہ گزشتہ روز ملتان کے علاقے جلالپور پیروالا میں حاجی پل کے قریب مبینہ پولیس مقابلے کے دوران بھی پولیس نے 4 ملزمان کو ہلاک کر دیا تھا، ڈاکو روڈ پر ناکا لگا کر لوٹ مار کر رہے تھے، پولیس نے موقع پر پہنچ کر انکاؤنٹر میں چار ڈاکو مار دیے۔

    پولیس کا کہنا تھا کہ انھیں 15 پر اطلاع ملی تھی کہ ڈاکو ناکا لگا کر لوٹ مار کر رہے ہیں، جس پر پولیس اہل کار موقع پر پہنچے، فائرنگ کے تبادلے میں 4 ڈاکو ہلاک جب کہ دیگر فرار ہو گئے۔

  • امریکا میں بھی پولیس انکاؤنٹر، 2 ڈاکوؤں سمیت 4 افراد ہلاک

    امریکا میں بھی پولیس انکاؤنٹر، 2 ڈاکوؤں سمیت 4 افراد ہلاک

    فلوریڈا: امریکا میں ایک پولیس انکاؤنٹر میں 2 ڈاکوؤں سمیت چار افراد ہلاک ہو گئے۔

    تفصیلات کے مطابق امریکی ریاست فلوریڈا میں پولیس نے ڈاکوؤں کا پیچھا کرتے ہوئے ٹرک پر فائرنگ کر دی، جس کے نتیجے میں ٹرک میں سوار 2 ڈاکوؤں سمیت 4 افراد ہلاک ہو گئے۔

    امریکی پولیس کا کہنا ہے کہ ملزمان جیولری شاپ میں واردات کے بعد فرار ہو رہے تھے، اطلاع پر پولیس موقع پر پہنچ گئی، پولیس نے ڈاکوؤں کا پیچھا کرتے ہوئے ان پر فائرنگ کر دی، جس سے دو ڈاکو مارے گئے۔

    مارے گئے افراد میں ٹرک ڈرائیور بھی شامل تھا جسے ڈاکوؤں نے اغوا کر لیا تھا، جب کہ موقع واردات پر ایک کار میں موجود شخص بھی فائرنگ کی زد میں آ گیا تھا۔

    یہ بھی پڑھیں:  امریکا میں مسلسل فائرنگ کے واقعات، آج بھی 3 افراد ہلاک

    پولیس کے مطابق ڈاکوؤں کا پیچھا میامی سے میرامار تک کیا گیا، جہاں پارک وے پر شدید ٹریفک جام کی وجہ سے ڈاکوؤں کو جا لیا گیا، اور شدید فائرنگ میں چار افراد مارے گئے۔ ڈاکوؤں نے جیولری شاپ سے فرار ہوتے ہوئے ایک یو پی ایس ٹرک ہائی جیک کر لیا تھا۔

    حکام نے ڈاکوؤں کے علاوہ بے گناہ افراد کی ہلاکت پر ان کے اہل خانہ سے اظہار تعزیت کرتے ہوئے کہا کہ اس سلسلے میں کچھ نہیں کہا جا سکتا، اور بھی کئی سوال ہیں جن کا جواب ان کے پاس نہیں۔