Tag: پولیس اہلکاروں

کراچی (28 اگست 2025): پولیس اہلکاروں کو ہدف بنانے کے واقعات کے بعد تمام اہلکاروں کو دوران ڈیوٹی بلٹ پروف جیکٹ پہننے کی ہدایت کی گئی ہے۔

اے آر وائی نیوز کے مطابق کراچی میضں پولیس اہلکاروں کو ہدف بنانے کے واقعات سامنے آنے کے بعد ایڈیشنل آئی جی کراچی نے اہلکاروں کو دوران ڈیوٹی احتیاطی تدابیر اختیار کرنے کا ہدایت نامہ جاری کر دیا ہے۔

اے آئی جی کی جانب سے جاری ہدایت نامہ میں تمام پولیس اہلکاروں کو دوران ڈیوٹی بلٹ پروف جیکٹس پہننے اور اکیلے اہلکار کو پکٹ یا پٹرولنگ پر نہ بھیجنے کی ہدایات کی ہیں۔

ہدایت نامہ میں یہ بھی کہا گیا ہے کہ متعلقہ ڈی ایس پیز ڈپلائنمنٹ سے پہلے اہلکاروں کو بریفنگ دیں۔ ڈی ایس پیز اور ایس ایچ اوز گشت کے دوران سیکیورٹی کا معائنہ کریں۔

ہدایت نامہ میں مزید کہا گیا ہے کہ وی آئی پیز اور وی وی آئی پیز کے ساتھ تعینات سیکیورٹی گارڈز کو چیک کریں، اور انہیں دوران ڈیوٹی حفاظتی تدابیر اختیار کرنے کی بریفنگ دیں۔

ایڈیشنل آئی جی کی جانب سے جاری یہ ہدایت نامہ کراچی رینج کے تمام ڈی آئی جیز کو ارسال کر دیا گیا ہے۔ اس کے علاوہ سی آئی اے، ٹریفک اور دیگر متعلقہ افسران کو بھی یہ ہدایت نامہ بھیجا گیا ہے۔ اس میں واضح کیا گیا ہے کہ اس معاملے میں کسی قسم کی کوتاہی برداشت نہیں کی جائے گی اور سخت کارروائی عمل میں لائی جائے گی۔

بنوں: دہشت گردوں کا پولیس اہلکاروں کے گھروں پر حملے کے نتیجے میں اہلکار رافید شہید ہوگیا جبکہ جاوید خان گھر پر موجود نہ تھے۔

تفصیلات کے مطابق خیبر پختونخواہ کے ضلع بنوں کے تھانہ ہوید کی حدود میں دہشت گردوں نے پولیس اہلکاروں کے گھروں پر حملہ کیا۔

فائرنگ کے نتیجے میں پولیس اہلکار رافید شہید ہوگئے جبکہ ان کے ساتھی اہلکار جاوید خان گھر پر موجود نہ تھے تاہم دہشت گرد جاوید کے دو بیٹوں فہد اور جنید کو اغوا کرکے ساتھ لے گئے۔

پولیس کا کہنا تھا کہ گزشتہ رات دہشت گردوں نے تین مختلف مقامات پر حملے کیے، ایف سی چیک پوسٹ پر چھوٹے اور بڑے ہتھیاروں سے فائرنگ کی گئی تاہم جوانوں کی جوابی کارروائی پر دہشت گرد فرار ہوگئے۔

اسی طرح داڑے پل پولیس چوکی پر بھی دہشت گردوں نے حملے کی کوشش کی جسے ناکام بنادیا گیا تاہم سیکیورٹی فورسز نے علاقے میں سرچ آپریشن شروع کردیا ہے۔

اسلام آباد : پولیس اہلکاروں سے بدتمیزی کرنیوالے ایف بی آرافسرکو معطل کردیا گیا ، جس پر سینیٹر فیصل واوڈا نے چیئرمین ایف بی آر کو شاباشی دی۔

تفصیلات کے مطابق فیصل واوڈا کی جانب سے معاملہ اٹھانے پر چیئرمین ایف بی آر کا بڑا اقدام سامنے آیا۔

چیئرمین راشد لنگڑیال نے پولیس اہلکاروں سے بدتمیزی کرنیوالے ایف بی آر افسر کو معطل کردیا۔

جس پر سینیٹر فیصل واوڈا نے سماجی رابطے کی ویب سائٹ ایکس پر پیغام میں لکھا ویلڈن چیئرمین ایف بی آر، نوکری سےبرطرفی کی کارروائی کاآغازآپ کی پاکستان کیلئے نیک نیتی کااظہارہے۔

سینیٹر واوڈا کا کہنا تھا کہ ہمیں عوام کی خدمت کرنی ہےبدمعاشی نہیں، چیئرمین ایف بی آرملک کیلئےاچھےاقدام کرناچاہتے ہیں،جب نظام کا آوے کا آوا بگڑا ہو تو تھوڑا وقت لگے گا۔

ویلڈن چئیرمین ایف بی آر

مذکورہ FBR کے افسر کو بروقت معطل کر کے نوکری سے برطرفی کی کاروائی کا آغاز آپ کی پاکستان کیلئے نیک نیتی کا اظہار ہے۔ ہمیں عوام کی خدمت کرنی ہے بدمعاشی نہیں۔ FBR چئیرمین صاحب آپ ملک کیلئے بہت جلد ہی اچھے اقدام کرنا چاہتے ہیں لیکن جب نظام کا آوے کا آوا بگڑا…

— Faisal Vawda (@FaisalVawdaPTI) July 26, 2025

انھوں نے مزید کہا کہ کاروباری لوگوں سےعزت واحترام سے جو کہیں پاکستان کیلئے کرنے سے گریز نہیں کریں گے ، یہ ہمارا سرمایہ ہیں، چیئرمین ایف بی آر اپنی مثبت کوششیں جاری رکھیں، ہم سب ملکر آپ کو سپورٹ کر رہے اور اچھے اقدام کیلئے کرتے رہیں گے۔

مزید پڑھیں : فیصل واوڈا کا ایف بی آر افسر کی وائرل ویڈیو پر سخت بیان سامنے آگیا

لاہور : ڈاکٹر مختار حسین کو اغوا کرکے پیسے نکلوانے والے پولیس اہلکاروں کی فوٹیج منظر عام پر آ گئی۔

تفصیلات کے مطابق لاہور کے علاقے ماڈل ٹاؤن سے پولیس اہلکاروں کے ہاتھوں ڈاکٹر کے اغوا کے معاملے پر اہم پیش رفت ہوئی۔

ڈاکٹر مختار حسین کو اغوا کرکے تاوان لینے والے اہلکاروں کی فوٹیج منظرعام پرآگئی.

پولیس اہلکار ڈاکٹر کو اغوا کرکے گجومتہ لے گئے، جہاں سے ایک پولیس اہلکار ڈاکٹر کا اے ٹی آیم کارڈ لینے ان کے گھر پہنچا۔

کارڈ ملنے پر تین موٹر سائیکلوں پر سوار چھ ملزم ڈاکٹر کو لے کر جنرل اسپتال کے قریب نصب اے ٹی ایم پہنچے، نقاب پوش پولیس اہلکار ڈاکٹر کو اے ٹی ایم مشین تک لایا۔

جہاں ڈاکٹر نے اے ٹی ایم مشین سے ایک لاکھ روپے نکال کر اس کے حوالے کئے، پولیس اہلکار اکاؤنٹ میں موجود باقی رقم بھی نکالنے کیلئے ڈاکٹر پر دباؤ ڈالتے رہے لیکن اے ٹی ایم کی حد پوری ہونے کے باعث مزید رقم نہ نکالی جاسکی۔

اسلام آباد : آئی جی اسلام آباد علی ناصر رضوی نے پولیس اہلکاروں کو لائن آف ایکشن دے دی اور کہا کہ شرپسندوں سے کوئی بات نہیں کرنی، صرف ایکشن لینا ہے۔

تفصیلات کے مطابق آئی جی اسلام آباد علی ناصر رضوی پی ٹی آئی کے احتجاج کے پیش نظر ڈیوٹی پر مامور اہلکاروں سے ملنے ڈی چوک پہنچ گئے۔

آئی جی اسلام آباد نے جوانوں کو ہدایت دی کہ شرپسندوں سے کوئی بات نہیں کرنی، صرف ایکشن لینا ہے۔

علی ناصر رضوی  نے عوام کی جان ومال کے تحفظ ، امن وامان کو برقرار رکھنے اور حساس مقامات کی سیکیورٹی کو مزید مؤثر بنانے کی ہدایت کی۔

انہوں نے کہا اسلام آباد پولیس قیام امن اورشہریوں کی جان و املاک کی حفاظت کے لئے چوکنا ہے۔

دوسری جانب امن وامان کی صورتحال اور انتشارپھیلانے والوں کیخلاف سخت ایکشن کی تیاری مکمل ہیں، ڈی آئی جی آپریشنزکی ہدایت پرپولیس کیساتھ اینٹی رائٹ فورس بھی متحرک کردی گئی ہے۔

ڈی آئی جی آپریشنز فیصل کامران نے کہا کہ کسی بہکاوے میں آکر دفعہ 144 کی خلاف ورزی ہرگزمت کریں، امن عامہ میں رکاوٹ بننے والوں کو مقدمات اور جیل کا سامنا کرنا پڑے گا۔

فیصل کامران کا کہنا تھا کہ سرکاری وشہری املاک،شہریوں کی حفاظت کیلئےہرممکن قدم اٹھائیں گے اور کسی بھی قسم کےاحتجاج کرنےوالوں کیخلاف سخت کارروائی ہوگی، اینٹی رائٹ فورس سمیت شہربھرمیں غیرمسلح اضافی نفری موجود ہے۔

یاد رہے وفاقی وزیر داخلہ محسن نقوی کی ڈی چوک پر میڈیا سے گفتگو کرتے ہوئے کہا تھا کہ پولیس کا مورال زبردست ہے، اس وقت سب سے اہم چیز ایس ای او کانفرنس ہے، ہمارے ہاں مختلف بین الاقوامی وفود آرہے ہیں۔3

وفاقی وزیرداخلہ کا کہنا تھا کہ میراخیال تھایہ لوگ واپس چلے جائیں گے، اب مجھے ان کی نیت بالکل واضح نظر آرہی ہے ، ان کا مقصد ہےکسی بڑے ایونٹ کو سبوتاژ کیا جائے لیکن کسی بھی بڑے ایونٹ کو ہم سبوتاژ نہیں ہونے دیں گے۔

فیصل آباد : پولیس اہلکاروں کا اے ٹی ایم سے رقم نکلوا کر گھر جاتے نوجوان کو وحشیانہ تشدد کا نشانہ بنایا اور45 ہزار روپے سمیت دو موبائل فون چھین لئے۔

تفصیلات کے مطابق فیصل آباد کے علاقے صدر بازار غلام محمد آباد کا رہائشی چوبیس سالہ نفیس اتوار کی رات اے ٹی ایم سے رقم نکال کر موٹرسائیکل پر گھر جا رہا تھا کہ راستے میں موٹر سائیکل سوار سادہ لباس انچارج پولیس چوکی سدھو پورہ خاور رفیق اور کانسٹیبل عثمان نے اسے زبردستی روک کر وحشیانہ تشدد کا نشانہ بنایا۔

اہلکاروں نے نوجوان سے پنتالیس ہزار روپے اور دو موبائل فون چھین لئے، بعدازاں ملزمان نفیس پر تشدد کرتے ہوئے تھانے لے گئے جہاں اے ایس آئی خاور نے اس کے سر پر اینٹ کا وار کیا جس سے وہ بیہوش ہو گیا۔

اہلخانہ نے علم ہونے پر زخمی نفیس کو ملزم پولیس اہلکار کی ناجائز حراست سے چھڑوا کر تشویش ناک حالت میں الائیڈ اسپتال منتقل کر دیا۔

متاثرہ نفیس کا کہنا ہے پولیس اہلکار سادہ لباس میں تھے اور میں سمجھا کہ ڈاکو مجھے لوٹنا چاہتے ہیں۔

دوسری طرف سی پی او فیصل آباد نے واقعے کا نوٹس لیتے ہوئے دونوں اہلکاروں کو معطل کردیا۔

پولیس اہلکاروں کے خلاف تھانہ غلام محمد آباد میں ایس ایچ او رائے ارشد کی مدعیت میں دو دفعات کے تحت مقدمہ درج کر کے انچارج چوکی سدھو پورہ اے ایس آئی خاور کو گرفتار کر کے حوالات میں بند کر دیا گیا ہے۔