Tag: پولیس اہلکار جاں بحق

پشاور میں پولیس چوکی پر نامعلوم حملہ آوروں کی فائرنگ سے ایک پولیس اہلکار جاں بحق ہوگیا۔

تفصیلات کے مطابق پشاور کے نواحی علاقے ارمڑ میں پولیس چوکی پر نامعلوم حملہ آوروں نے حملہ کردیا فائرنگ سے ایک پولیس اہلکار جاں بحق ہوگیا۔

پشاور پولیس کا کہنا ہے کہ پولیس کی جوابی فائرنگ سے حملہ آور فرار ہوگئے جبکہ جاں بحق ہونے والے پولیس اہلکار کی شناخت سعید اللہ کے نام سے ہوئی۔

شہید اہلکار سعید اللہ کی نماز جنازہ پولیس لائن میں ادا کردی گئی، نماز جنازہ میں سی سی پی او قاسم علی خان اور دیگر اعلیٰ حکام نے شرکت کی۔

کراچی : زمزمہ اسٹریٹ پر گاڑی کی ٹکر سے پولیس اہلکار کے جاں بحق ہو گیا، پولیس نے 17 سالہ ڈرائیور کو گرفتار کرلیا ہے۔

تفصیلات کے مطابق شہرقائد میں کم عمرنوجوانوں کی غیر ذمہ دارانہ ڈرائیونگ سے قیمتی جانیں جانے کا سلسلہ تھم نا سکا۔

ڈیفنس فیز فائیو زمزمہ اسٹریٹ پر 17 سالہ نوجوان حسن نے سیکیورٹی ڈیوٹی پر جاتے اہلکار کامران کو کار سے ٹکر ماردی، جس سے وہ شدید زخمی ہوا اور موقع پر ہی دم توڑ گیا۔

پولیس نے حادثے کے ذمہ دار 17 سالہ نوجوان کو حراست میں لے کر تھانے منتقل کر دیا۔

نوجوان کا کہنا تھا کہ میں گاڑی چلا رہا تھا، غلطی میری نہیں بلکہ اہلکار نے خود میری گاڑی کی طرف ٹکر ماری بلکہ میری ونڈ اسکرین بھی توڑ دی۔

ریسکیو ذرائع نے بتایا کہ جاں بحق اہلکار کے پاس سے اسلحہ رکھنے کا لیٹر بھی ملا ہے، لیٹر کے مطابق اہلکار کا نام کامران اور تعلق سیکیورٹی زون 1 سے تھا۔

کراچی میں محکمہ ٹریفک کی جانب سے بغیرلائسنس ڈرائیوروں کے خلاف مربوط کارروائیاں نہیں کی جاتی، جس کی وجہ سے کم عمرڈرائیوروں کی حوصلہ افزائی ہوتی ہے۔

لاہور: شمالی چھاؤنی کے علاقے میں چھاپے کے دوران ملزم کی فائرنگ سے پولیس اہلکار جاں بحق ہوگیا۔

تفصیلات کے مطابق لاہور کے شمالی چھاؤنی کے علاقے میں چھاپے کے دوران ملزم  نے پولیس پر فائرنگ کردی، ملزم کی فائرنگ سے اہلکار ارشد زخمی ہوگیا جس کے بعد اسپتال میں دم توڑ گیا۔

پولیس کا کہنا ہے کہ ملزم وسیم کو گرفتار کر کے غیر قانونی اسلحہ اور منشیات برآمد کی گئی، ملزم کے خلاف مقدمہ درج کر کے کارروائی شروع  کردی۔

پولیس کا مزید کہنا تھا کہ تھانہ اچھرہ پولیس جوڑے پل کے قریب منشیات فروش کو گرفتار کرنے گئی تھی۔