کراچی: شہر قائد کے علاقے میٹروول سائٹ میں پولیس کے مبینہ تشدد سے شہری جان کی بازی ہار گیا۔
تفصیلات کے مطابق کراچی میں میٹروول کے علاقے باوانی چالی میں پولیس کے مبینہ تشدد سے شہری جاں بحق ہوگیا۔
پولیس حکام کے مطابق مرنے والا شخص منشیات فروش تھا اور اس کی موت دل کا دورہ پڑنے سے ہوئی جس کی ڈاکٹر نے تصدیق کی ہے۔
ایس ایس پی ویسٹ نے کہا کہ مرنے والے فضل کریم کے خلاف سائٹ اے اور مومن آباد سمیت دیگر تھانوں میں متعدد مقدمات درج ہیں جو منشیات فروش ہے اور دل کا دورہ پرنے سے جاں بحق ہوا۔
انہوں نے کہا کہ واقعے کی مکمل تحقیقات جاری ہیں اور پولیس اہلکار اس کے مرتکب پائے گئے توسخت قانونی اور محکمانہ کارروائی کی جائے گی۔
دوسری جانب پہلوان گوٹھ میں شاہراہ فیصل پولیس نے کارروائی کرتے ہوئے اشتہاری ملزم کو گرفتار کرلیا۔
پولیس کے مطابق گرفتار ملزم وزیرخان 18 سال سے مفرور اور اشتہاری تھا، ملزم کے خلاف 2000ء میں تھانہ قائد آباد میں قتل اور اقدام قتل کا مقدمہ درج ہوا تھا۔
