پولیس حراست سے فرار ہونے والے دو ملزمان مبینہ طور پر ٹریفک حادثے میں مارے گئے سنگین وارداتوں میں ملوث تھے۔
پنجاب میں ضلع قصور کے علاقے پھول نگر میں پولیس حراست سے فرار ہونے والے دو ڈاکو مبینہ ٹریفک حادثے میں مارے گئے۔ مرنے والوں کی شناخت شان اور یاسر کے ناموں سے ہوئی۔
اس حوالے سے پولیس کا کہنا ہے کہ شان اور یاسر نامی ہلاک ڈاکو 12 سے زائد سنگین وارداتوں میں ملوث تھے۔
پولیس کے مطابق ہلاک ڈاکوؤں کو ان کے ساتھی پولیس پارٹی پر حملہ کر کے چھڑا لے گئے تھے اور ڈاکوؤں نے فرار ہوتے وقت راکے گھمن کے قریب ایک شہری سے موٹر سائیکل بھی چھینی تھی۔
پولیس کا کہنا ہے کہ مذکورہ ڈاکو روڈے کے قریب نا معلوم تیز رفتار گاڑی کی ٹکر سے ہلاک ہوئے ہیں۔
https://urdu.arynews.tv/6-people-including-3-from-the-same-family-die-in-traffic-accidents-on-eid/
