لاہور : فیروز پور روڈ پر ڈاکوؤں نے کریانہ اسٹور اور لبرٹی میں پان شاپ میں چوری کے بعد فرار ہونے والے ملزمان کی گاڑی سے کچل کر چار افراد شدید زخمی ہوگئے، پولیس نے مقدمہ درج کرلیا۔
تفصیلات کے مطابق لاہور میں ڈکیتی کی وارداتوں میں اضافہ ہوگیا، چور اور ڈاکو راج کرنے لگے، فیروز پور روڈ پر ڈاکوؤں نے کریانہ اسٹور کا ہول سیل پوائنٹ لوٹ لیا، لاہور پولیس جرائم اور اسٹریٹ کرائم کو روکنے میں ناکام ہوگئی۔
فیروز پور روڈ پر چار ڈاکوؤں نے کریانہ اسٹورکا ہول سیل پوائنٹ لوٹ لیا، تین ڈاکوؤں نے دکان میں داخل ہوکر عملے کو یرغمال بنالیا ،ایک ڈاکو چوکیداری کرتارہا۔
ڈاکوؤں نے پوری تسلی کے ساتھ بیس منٹ تک دکان میں لوٹ مارکی، واردات کے بعد فرار ہوتے ہوئے ڈاکوؤں نے دکان کا شٹربھی بند کردیا۔
اس کے علاوہ لاہور کےعلاقے لبرٹی میں چوری کرکے فرار ہونے والے ملزمان کی تیز رفتار گاڑی نے چار افراد کو روند ڈالا، ملزمان لبرٹی مارکیٹ میں پان شاپ سے سگریٹ چرا کر فرار ہورہے تھے۔
سی سی ٹی وی فوٹیج میں ملزمان کی گاڑی سے چاروں افراد کو ٹکر مارتے ہوئے دیکھا جاسکتا ہے، پولیس نے ملزمان کیخلاف مقدمہ درج کرکے تفتیش کا آغاز کردیا ہے۔
لاہور: مختلف علاقوں میں ڈاکوؤں نے عوام کا جینا دوبھر کردیا، شہری قیمتی سامان سے محروم ہوگئے، پولیس خاموش تماشائی بن گئی۔
تفصیلات کے مطابق پنجاب کے دارالحکومت لاہور میں چوری و ڈکیتی کی وارداتوں میں خوفناک حد تک اضافہ ہوگیا، روز مرہ کی بڑھتی وارداتوں سے شہری عدم تحفظ کا شکار ہونے لگے۔
لاہور پولیس کی خاموشی اور ڈاکوﺅں کی پھرتیوں نے شہریوں کو غیر محفوظ بنا دیا۔ مصری شاہ، شاد باغ، اقبال ٹاﺅن سمیت مختلف علاقوں میں کہیں ڈاکوﺅں نے دکانوں کا صفایا کیا تو کہیں اہم شاہراہوں پر شہریوں کو ان کی قیمتی چیزوں سے محروم کر دیا۔
ڈاکوﺅں کے شر سے گھر بھی محفوظ نہ رہے ۔ڈیفنس ڈبل ایکس بلاک کے ایک گھر کے اندر سے ڈاکوﺅں نے گاڑی چرائی اور سکون سے چلتے بنے۔
دوسری جانب اچھرہ، جوہر ٹاﺅن اور ای ایم ای سوسائٹی سمیت دیگر علاقوں کے گھروں میں بھی وارداتیں عروج پر رہیں۔ رواں ماہ ڈکیتی کی سو سے زائد وارداتوں میں سی سی ٹی وی فوٹیج ہونے کے باوجود پولیس ملزمان کا سراغ لگانے میں ناکام رہی۔
فیصل آباد : سابق وزیرقانون پنجاب راناثناءاللہ نے الیکشن کمیشن کے ضابطہ اخلاق کو ہوا میں اڑادیا، پریس کانفرنس کے دوران رانا ثنااللہ کے نجی گارڈز کھلے عام اسلحے کی نمائش کرتے رہے۔
حکومت چلی گئی پھر بھی ن لیگ کے وزراء کی ٹھاٹھ باٹھ اور ٹور وہی ہے۔ فیصل آباد میں رانا ثناءاللہ کے نجی سیکیورٹی گارڈز نے کھلے عام اسلحے کی نمائش کی۔
سابق وزیرقانون پنجاب رانا ثناءاللہ نے پریس کانفرنس میں قانون اور ضابطہ اخلاق کی دھجیاں اڑادیں۔ رانا ثناءاللہ کے نجی سیکیورٹی گارڈز اسلحہ اٹھائے تقریب میں موجود تھے۔
ان کے پرائیویٹ گارڈز نے پولیس کمانڈوز سے مشابہت والی وردیاں بھی پہن رکھی تھیں، واضح رہے کہ سی پی او فیصل آباد اسلحہ نمائش پر سخت کارروائی کا اعلان کرچکے ہیں مگر رانا ثناء اللہ کے گارڈز کے معاملے پرپولیس خاموش تماشائی بنی رہی۔
خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
لاہور : حکمران جماعت نے ہی قانون کی دھجیاں اڑا دیں، مناواں میں شادی کی تقریب میں جدید اسلحہ سے اندھا دھند ہوائی فائرنگ کی گئی، علاقہ گولیوں کی تڑتڑاہٹ سے گونجتا رہا اور پولیس بااثر افراد کے سامنے خاموش تماشائی بنی رہی۔
تفصیلات کے مطابق ماڈل ٹاؤن میں نہتے لوگوں پر گولیاں برسانے والی لاہور پولیس حکمران جماعت کے رہنماؤں کی قانون شکنی پر نظریں چرانے لگی، لاہورمیں دفعہ ایک سو چوالیس کے تحت ہوائی فائرنگ پر پابندی عائد ہے لیکن بااثر افراد نے پابندی کو ہوائی فائرنگ میں اڑا دیا۔
ن لیگی ایم این اے سہیل بٹ کے چھوٹے بھائی زوہیب بٹ اور اس کے گن مینوں نے مناواں میں شادی کی تقریب میں اندھا دھند ہوائی فائرنگ کرکے غنڈہ گردی کی۔
علاقہ گولیوں کی گھن گرج سے گونجتا رہا کان پڑی آواز نہیں سنائی دے رہی تھی، لیکن پولیس کے کان پر جوں تک نہ رینگی، فائرنگ کرنے والوں نے اہل علاقہ کی نیندیں حرام کردیں، فائرنگ کئی گھنٹوں تک جاری رہی۔
فائرنگ کرنے والا شخص ایم این اے سہیل شوکت بٹ کا چھوٹا بھائی ہے، زوہیب بٹ اوراس کے گن مینوں نےہوائی فائرنگ کی۔
ذرائع کے مطابق زوہیب بٹ نے اپنے بھائی کا علاقہ سنبھال رکھا ہے اور یاد رہے کہ ایم این اے سہیل بٹ پر بابر بٹ کے قتل کا مقدمہ بھی درج ہے۔
جدید اسلحہ ایسے فائرنگ کی جارہی تھی جیسے دشمن سے جنگ ہورہی ہو، اے آر وائی کو موصول ہونے والی فوٹیج میں دیکھا جاسکتا ہے کہ فائرنگ کرنے والوں کے قریب چھوٹے بچے بھی کھڑے ہیں لیکن انہیں ان بچوں کا بھی خیال نہیں آیا، پولیس نے نہ کسی ذمہ دار کو گرفتار کیا اور نہ ہی تاحال کوئی مقدمہ درج کیا گیا ہے۔
اس حوالے سے ترجمان پنجاب حکومت کا مؤقف ہے کہ وزیراعلیٰٰ پنجاب نے فائرنگ کا نوٹس لے لیا ہے اور آدھے گھنٹے میں فائرنگ کرنے والے ملزمان گرفتار ہوں گے۔
ترجمان ملک احمد نے اے آر وائی سے نیوز سے گفتگو میں مزید کہا کہ فائرنگ کرنے والوں کیخلاف سخت کارروائی کی جائے گی، پنجاب میں اس قسم کے واقعات برداشت نہیں کرینگے اور ہوائی فائرنگ کرنے والے ملزمان جلد قانون کی گرفت میں ہونگے۔
علاوہ ازیں آخری اطلاعات تک مناواں فائرنگ کے واقعہ کا تاحال مقدمہ درج نہ ہوسکا، مناواں کا علاقہ کینٹ ڈویژن ایس پی نوید کی حدود میں آتا ہے۔
اے آر وائی نیوز کے نمائندے کی جانب سے رابطہ کرنے پر ایس پی کینٹ نے معصومانہ جواب دیا کہ ایسے کسی واقعہ کی مجھے خبر نہیں ہے میں آج چھٹی پر ہوں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
لاہور : مسلم لیگی ایم پی اے کی بھیرہ آمد پر کارکنوں نے اندھا دھند ہوائی فائرنگ کی۔ فائرنگ سے علاقے میں خوف و ہراس پھیل گیا، پولیس خاموش تماشائی کا کردار ادا کرتی رہی۔
تفصیلات کے مطابق پنجاب کے علاقے بھیرہ میں لیگی کارکنوں نے قانون کی دھجیاں اڑادیں۔ عوام کو قانون کی بالا دستی کا درس دینے والے حکمران اپنے کارکنان کی حرکتوں سے بے خبر ہیں۔
چیئرمین پبلک اکاؤنٹس کمیٹی پنجاب ملک مختاراحمد کی بھیرہ آمدپر اندھا دھند ہوائی فائرنگ کی گئی جس سے علاقے میں خوف و ہراس پھیل گیا، فائرنگ اتنی خطرناک تھی کہ علاقہ گولیوں کی گھن گرج سے گونج اٹھا۔
اس موقع پر قریبی تھانے میں موجود پولیس اہلکار خاموش تماشائی کا کردار ادا کرتے رہے۔ امن کی ضمانت دینے والے رکن صوبائی اسمبلی کی موجودگی میں اسلحہ بردار لوگ سڑکوں پر دندناتے رہے لوگوں کو ڈراتے رہے۔
لیگی کارکنوں کی ہوائی فائرنگ نے رہائشیوں کو خوف میں مبتلا کیا لیکن پولیس کے کان پر جوں تک نہ رینگی۔ پولیس کی جانب سے ہوائی فائرنگ کرنے والوں کے خلاف تاحال کوئی کارروائی نہیں کی گئی۔ تاہم خوش قسمتی سے کوئی حادثہ پیش نہیں آیا۔
لاہور: لیگی کارکنان نے قانون کی دھجیاں اڑا کر رکھ دیں،عوام کو قانون کی بالا دستی کا درس دینے والے حکمران اپنے کارکنان کی حرکتوں سے بے خبر ہیں.
تفصیلات کے مطابق لاہورکے علاقے نولکھا بازار میں مسلم لیگ نون کے تاجر رہنما کے بیٹے کی شادی کی تقریب میں قانون کی دھجیاں اڑاتے ہوئے ہوائی فائرنگ کی گئی.
فائرنگ اتنی خطرناک تھی کہ علاقہ گولیوں کی گھن گرج سے گونج اٹھا، اس موقع پر قریبی تھانے میں موجود پولیس اہلکار خاموش تماشائی کا کردار ادا کرتے رہے۔
سی آئی اے کوتوالی تھانے کے قریب مسلم لیگ نون کے تاجر رہنما پرویز بٹ کے بیٹے کی شادی کی تقریب میں سرعام ہوائی فائرنگ کی گئی۔ جس سے علاقے میں خوف و ہراس پھیل گیا لیکن قانون کا کوئی محافظ وہاں نہ پہنچا تاہہم خوش قسمتی سے کوئی حادثہ پیش نہیں آیا.
فائرنگ کی فوٹیج اے آر وائی نیوز نے حاصل کر لی، جس میں دیکھا جا سکتا ہے کہ فائرنگ اتنی شدید تھی کہ تقریب میں موجود رقاصائیں بھی خوفزدہ نظر آئیں۔ پولیس نے تاحال ان بااثر افراد کے خلاف کوئی قانونی کارروائی نہیں کی ہے۔
