ARYNews.tv | Urdu – Har Lamha Bakhabar

Tag: پولیس مقابلہ

  • کراچی میں پولیس مقابلہ‘ 3 ڈاکو گرفتار‘ اسلحہ برآمد

    کراچی میں پولیس مقابلہ‘ 3 ڈاکو گرفتار‘ اسلحہ برآمد

    کراچی: شہرقائد کے علاقے احسن آباد میں پولیس نے مبینہ پولیس مقابلے میں 3 ڈاکوؤں کو گرفتار کرکے ان کے قبضے سے اسلحہ برآمد کرلیا۔

    تفصیلات کے مطابق کراچی کے علاقے احسن آباد بنگالی موڑ کے قریب پولیس نے مبینہ پولیس مقابلے کے دواران 2 زخمیوں سمیت 3 ڈاکوؤں کو گرفتار کرلیا جبکہ ایک ڈاکو فرار ہونے میں کامیاب ہوگیا۔

    پولیس حکام کے مطابق گرفتارملزمان میں الیاس سولنگی،علی رضا اورساجد پٹھان شامل ہیں جن کے قبضے سے 3 پستول،7موبائل فون اورنقدی برآمد ہوئی ہے۔

    خیال رہے کہ گزشتہ ماہ کراچی کے علاقے احسن آباد میں پولیس نے مبینہ پولیس مقابلے میں 2 ملزمان کو گرفتار کرکے ان کے قبضے سے اسلحہ برآمد کرلیا تھا۔

    کراچی میں سی ٹی ڈی کی کارروائی‘ 4 دہشت گرد گرفتار

    یاد رہے کہ 5 مئی 2018 کو کراچی میں سائٹ ایریا اور یونیورسٹی روڈ پر سی ٹی ڈی نے کارروائیوں کے دوران 4 دہشت گردوں کو گرفتار کرکے ان کے قبضے سے چندہ جمع کرنے والی رسیدیں برآمد کی تھیں۔

    سی ٹی ڈی حکام کے مطابق ملزمان فنڈز جمع کرکے افغانستان بھجواتے تھے، دہشت گردوں نے افغانستان سے ٹریننگ بھی حاصل کررکھی تھی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • کراچی : لیاری میں پولیس مقابلہ‘3 ملزمان ہلاک

    کراچی : لیاری میں پولیس مقابلہ‘3 ملزمان ہلاک

    کراچی : شہرقائد کے علاقے کلاکوٹ لیاری میں پولیس نے مقابلے کے دوران گینگ وار کے 3 کارندے ہلاک ہوگئے۔

    تفصیلات کے مطابق کراچی کے علاقے لیاری کلاکوٹ میں رات گئے بابا لاڈلا گروپ سے تعلق رکھنے والے 3 ملزمان پولیس مقابلے میں مارے گئے۔

    پولیس حکام کا کہنا ہے کہ ہلاک ملزمان سے اسلحہ اور دستی بم برآمد ہوئے ہیں جبکہ ملزمان کے مزید ساتھیوں کی تلاش کے لیے آپریشن جاری ہے۔

    پولیس کے مطابق پولیس اور رینجرز نے رات گئے سرچ آپریشن ن لیگ کے دفترپرحملے کے بعد کیا، بابا لاڈلا گروپ کے کارندوں نے ن لیگ کے دفترپرحملہ کیا تھا۔

    سی ٹی ڈی کی حیدرآباد میں کارروائی‘ 2 ملزمان گرفتار

    خیال رہے کہ چار روز قبل صوبہ سندھ کے شہر حیدرآباد میں محکمہ انسداد دہشت گردی سی ٹی ڈی نے کارروائی کرتے ہوئے چینی باشندے کے قتل میں ملوث 2 ملزمان گرفتار کیا تھا۔

    سی ٹی ڈی حکام کے مطابق ملزمان چینی باشندے چن زو کوکلفٹن میں قتل کرنے کے بعد اندرون سندھ روپوش ہوگئے تھے۔

    کراچی میں سی ٹی ڈی کی کارروائی‘ 4 دہشت گرد گرفتار

    یاد رہے کہ گزشتہ ہفتے کراچی میں سائٹ ایریا اور یونیورسٹی روڈ پر سی ٹی ڈی نے کارروائیوں کے دوران 4 دہشت گردوں کو گرفتار کرکے ان کے قبضے سے چندہ جمع کرنے والی رسیدیں برآمد کی تھیں۔

    سی ٹی ڈی حکام کے مطابق ملزمان فنڈز جمع کرکے افغانستان بھجواتے تھے، دہشت گردوں نے افغانستان سے ٹریننگ بھی حاصل کررکھی تھی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • ڈیفنس میں پولیس مقابلہ: 4سالہ بچہ بازیاب، دو اغواء کارہلاک

    ڈیفنس میں پولیس مقابلہ: 4سالہ بچہ بازیاب، دو اغواء کارہلاک

    کراچی : پولیس نے ڈیفنس میں کار سوار ملزمان سے مقابلے کے بعد چار سالہ بچہ بازیاب کرا لیا، دو اغواء کار فائرنگ کے تبادلے میں مارے گئے، باپ بیٹے کو گھر سے نکلتے ہوئے اغواء کیا تھا۔

    تفصیلات کے مطابق کراچی کے علاقے ڈیفنس میں 26اسٹریٹ پر مبینہ پولیس مقابلہ ہوا ہے، اس حوالے سے پولیس کا کہنا ہے کہ خیابان طارق پر تاجر اور ان کے بیٹے  چار سالہ شاہ ویز کو گاڑی سمیت اسکول جاتے ہوئے اغواء کیا گیا،۔

    پانچ میں سے دو ملزمان تاجر کی گاڑی میں بیٹھ گئے، ملزمان دونوں گاڑیوں کو مختلف سڑکوں پر گھماتے رہے، ایک ملزم موٹر سائکل پر ان کو کور کررہا تھا، اس دوران  تاوان کے لیے بچے کے والدین سے بھی رابطہ تھا، پولیس کے مطابق بچے کےوالدین سے15کروڑ روپے تاوان کا مطالبہ کیا گیا اور بات چیت کے بعد معاملہ ستر لاکھ پر طے ہوگیا۔

    ایس ایس پی کراچی جنوبی سرفراز نواز کا کہنا ہے کہ ڈیفنس میں گشت پر مامور ٹیم نے سیاہ شیشے والی مشکوک گاڑی دیکھ کر اسے روکنے کی کوشش کی توملزمان نے فرار ہونے کی کوشش کی۔

    پولیس نے تعاقب کیا تو ملزمان نے پولیس پر فائرنگ کردی اور اسی دوران بچے کو گاڑی سے اتار کر فرار ہونے لگے، پولیس کی جوابی فائرنگ سے دو ملزمان مارے گئے۔

    اغوا کار دو گاڑیوں پر سوار تھے لیکن مقابلے کے وقت دوسری گاڑی میں سوار ملزمان فرار ہوچکے تھے جن کی تلاش کی جارہی ہے۔ علاوہ ازیں بازیاب ہونے والے بچے کے دادا نے بحفاظت بازیابی پر پولیس کا شکریہ ادا کیا ہے۔ ایس ایس پی سرفراز نواز نے بتایا کہ اغواء میں استعمال ہونیوالی گاڑی کے مالک کا پتاچلا رہے ہیں۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔  

  • فیصل آباد میں پولیس مقابلہ‘ پولیس اہلکارشہید‘ 2 ڈاکو ہلاک

    فیصل آباد میں پولیس مقابلہ‘ پولیس اہلکارشہید‘ 2 ڈاکو ہلاک

    فیصل آباد : صوبہ پنجاب کے شہرفیصل آباد میں ڈاکوؤں کی فائرنگ سے اے ایس آئی شہید اورایک اہلکار زخمی ہوگیا جبکہ پولیس کی جوابی کارروائی میں دو ڈاکو مارے گئے۔

    تفصیلات کے مطابق فیصل آباد کے علاقے محمد پورہ میں ڈاکوؤں کے ساتھ فائرنگ کے تبادلے میں پولیس آفیسر شہید اور ایک اہلکار زخمی ہوگیا جبکہ 2 ڈاکو ہلاک ہوئے۔

    پولیس حکام کے مطابق مارے جانے والے ملزمان کی شناخت افضل اور زاہد کے نام سے ہوئی ہے، دونوں ملزمان موبائل فون کے ٹاورسے بیٹریاں چوری کررہے تھے۔

    کراچی : ناظم آباد میں پولیس مقابلہ‘ ایک ڈاکو ہلاک‘ 2 گرفتار

    خیال رہے کہ یکم مارچ کو شہر قائد کےعلاقے ناظم آباد 4 نمبرپرپولیس مقابلے میں ایک ڈاکو ہلاک جبکہ 2 کو گرفتار کرکے اسلحہ برآمد کیا گیا تھا۔

    یاد رہے کہ 30 جنوری کوکراچی کے علاقے لانڈھی 89 میں ڈکیتی کے دوران مزاحمت پرفائرنگ کے نتیجے میں رینجرز اہلکار شہید جبکہ پولیس اہلکار زخمی ہوگیا تھا۔

    ملتان میں مبینہ پولیس مقابلہ‘ 4 ملزمان ہلاک

    واضح رہے کہ 30 دسمبرکو صوبہ پنجاب کے شہر ملتان میں مبینہ پولیس مقابلے میں چار ملزمان ہلاک جبکہ 3 فرار ہونے میں کامیاب ہوگئے تھے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • نقیب اللہ محسود: مظلوم نوجوان کو مصوروں‌ کا خراج تحسین

    نقیب اللہ محسود: مظلوم نوجوان کو مصوروں‌ کا خراج تحسین

    کراچی: جعلی پولیس مقابلے کا نشانہ بننے والے بے گناہ نوجوان نقیب اللہ محسود کے لیے یوں‌ تو ہر پلیٹ فورم سے آواز اٹھی، مگر جو پہلا پلیٹ فورم اس کے حامیوں کو میسر آیا، وہ سوشل میڈیا تھا.

    یہ فیس بک اور ٹویٹر تھے، جہاں‌ سماجی مبصرین اور کارکنوں نے اس ظالمانہ اقدام کے خلاف آواز اٹھائی اور سندھ پولیس میں‌ موجود کالی بھیڑوں‌ کو بے نقاب کیا.جلد اس تحریک کو مرکزی دھارے کے میڈیا کا ساتھ مل گیا اور نقیب کا نام اعلیٰ ایوانوں‌ میں‌ بھی گونجنے لگا.

    اگر نقیب کے اہل خانہ کو سوشل میڈیا کا ساتھ نہ ملتا، تب نہ تو سابق ایس ایس پی ملیر کو معطل کرکے تحقیقات شروع کی جاتیں، نہ ہی کراچی کے علاقے سہراب گوٹھ میں‌پختون قومی جرگہ ہوتا، جو آج لاپتا افراد کے اہل خانہ کی امیدوں‌ کا مرکز بن گیا ہے.

    نقیب اللہ محسود کی حمایت میں‌ جب ٹیوٹر پر Naqeeb اور JusticeForNaqib کے ہیش ٹیگ کے ساتھ ٹویٹ کا سلسلہ شروع ہوا، تو چند افراد نے اس خوبرو نوجوان کو رنگوں سے بھی خراج تحسین پیش کیا.

    ایک صارف عرفان آفریدی نے مذکورہ ٹیگ کے ساتھ ایک تصویر شیئر کی، جس میں‌ ٹرک کے پیچھے ایک مصور نقیب کی تصور پینٹ کر رہا ہے.

    یاد رہے کہ پاکستان میں‌ ٹرکوں‌ کو سجانے کا چلن عام ہے، فوجی حکمرانوں اور معروف فلمی ہستیوں کی تصاویر پینٹ کرنے کا سلسلہ برسوں سے جاری ہے. اب نقیب اللہ کا چہرہ ان مصوروں کی توجہ کا مرکز بن گیا، جو ہمیں‌ پیغام دیتا ہے کہ ظلم کے خلاف ہمیشہ آواز اٹھانی چاہیے.

    انسانی حقوق کمیشن نے نقیب اللہ کا قتل ماورائے عدالت قراردیدیا

    اسی طرح ایک ٹویٹر صارف نے یاسر چوہدری نے افغان مصور کی دو پینٹنگز شیئر کیں۔ ایک پینٹنگ میں زخمی نقیب کو دیکھا جاسکتا ہے، جس کے سر کے گرد منڈلاتا کوا قاتل کی علامت  ہے.

     

    یاد رہے کہ 13 جنوری کو ایس ایس پی ملیر راؤ انوار کی جانب سے خطرناک ملزمان کی گرفتاری کے لیے شاہ لطیف ٹاؤن میں چھاپے کا دعویٰ سامنے آیا تھا، دعوے میں‌ کہا گیا تھا کہ پولیس پارٹی پر دہشت گردوں نے فائرنگ کردی تھی، جس پر پولیس نے جوابی فائرنگ کرتے ہوئے 4 دہشت گردوں کو موت کے گھاٹ اتار دیا. ہلاک ہونے والوں میں نوجوان نقیب اللہ بھی شامل تھا.

    بعد کی تحقیقات سے ثابت ہوا کہ نہ صرف نقیب اللہ، بلکہ مقابلے میں‌ قتل ہونے والے باقی افراد بھی بے گناہ تھے.

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

  • ملک بھر میں ہونے والے ​پولیس مقابلوں کی تحقیقات کے لیے درخواست دائر

    ملک بھر میں ہونے والے ​پولیس مقابلوں کی تحقیقات کے لیے درخواست دائر

    اسلام آباد: ملک بھر میں ہونے والے ​پولیس مقابلوں کی تحقیقات کے لیے سپریم کورٹ میں درخواست دائر کردی گئی۔

    تفصیلات کے مطابق سپریم کورٹ میں ملک بھر میں ہونے والے ​پولیس مقابلوں کی تحقیقات کے لیے درخواست دائر کردی گئی۔

    درخواست گزار کا کہنا ہے کہ پولیس شہریوں کو تحفظ دینے کے بجائے اغوا کر کے قتل کر رہی ہے۔ نقیب اللہ جیسے واقعات محکمہ انسداد دہشت گردی پنجاب، سندھ اور خیبر پختونخواہ میں بھی کیے گئے۔

    درخواست میں کہا گیا کہ سندھ میں راؤ انوار اور شبیرستھار ان کاؤنٹر اسپیشلسٹ ہیں۔ سی ٹی ڈی افسر دین محمد اور ایس ایچ او ایبٹ آباد عبد الرشید بھی ماہر ہیں۔

    دائر کردہ درخواست میں استدعا کی گئی کہ عدالت گزشتہ 9 سال کے پولیس مقابلوں کی تفصیلات طلب کرے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • پولیس مقابلہ : پی این ایس مہران اورامام بارگاہ حملے میں ملوث 4 دہشتگرد ہلاک

    پولیس مقابلہ : پی این ایس مہران اورامام بارگاہ حملے میں ملوث 4 دہشتگرد ہلاک

    کراچی : ملیر پولیس نے عثمان خاصخیلی گوٹھ میں کارروائی کرکے مقابلے میں چار خطرناک دہشت گرد ہلاک کردیئے، ملزمان کا تعلق کالعدم لشکر جھنگوی سے ہے،ہلاک شدگان پی این ایس مہران، اور ایم اے جناح روڈ پر امام بارگاہ پر حملے میں ملوث ہیں۔

    تفصیلات کے مطابق ملیر پولیس نے حساس اداروں کی اطلاع پر عثمان خاصخیلی گوٹھ شاہ لطیف ٹاؤن میں دہشت گردوں کے ٹھکانے پر چھاپہ مارا، پولیس کو دیکھ کر ملزمان نے اندھا دھند فائرنگ کردی، پولیس کی جوابی فائرنگ میں چار دہشت گرد موقع پر ہلاک ہوگئے۔

    ایس ایس پی ملیر راؤ انوار کے مطابق ہلاک ہونے والے دہشت گردوں کا تعلق کالعدم لشکر جھنگوی سے ہے،  دہشت گردوں میں کمانڈر مولوی اسحاق اور سابق ٹی ٹی پی کمانڈر حکیم اللہ محسود کا گن مین بھی شامل ہے۔

    ایس ایس پی ملیر کا مزید کہنا تھا کہ علاقے کو گھیرے میں لے لیا گیا ہے، مزید نفری طلب کرکے شاہ لطیف ٹاؤن میں آپریشن کیا جائے گا۔

     راؤ انوار نے کہا کہ مقابلے میں ہلاک دہشت گرد پی این ایس مہران، اور ایم اے جناح روڈ پر امام بارگاہ پر حملے میں بھی ملوث ہیں۔

    اس کے علاوہ پولیس، رینجرز اورقانون نافذ کرنے والے اہلکاروں اور دیگرافراد کے قتل میں بھی ملوث تھے، پولیس کے مطابق ہلاک دہشت گردوں سے رائفل سمیت دیگر اسلحہ بھی برآمد ہوا ہے۔

  • کراچی میں پولیس مقابلہ‘ 2 اغوا کار ہلاک

    کراچی میں پولیس مقابلہ‘ 2 اغوا کار ہلاک

    کراچی: شہرقائد کے علاقے گلستان جوہر میں بچے کو اغوا کے بعد تاوان لےکررہا کرنے والے 2 ملزمان پولیس مقابلے میں ہلاک ہوگئے۔

    تفصیلات کے مطابق پولیس کا کہنا ہے کہ کچھ روز قبل بچے کو اغوا کے بعد تاوان لے کر رہا کرنے والے ملزمان کی موجودگی کی اطلاع پرگلستان جوہر میں کارروائی کی گئی۔

    پولیس اینٹی وائلنٹ کرائم سیل اور سی پی ایل سی کی مشترکہ ٹیم نے مذکورہ مقام پر چھاپہ مارا تو وہاں موجود ملزمان نے فائرنگ کردی پولیس کی جوابی میں دونوں اغوا کار مارے گئے۔

    آئی جی سندھ پولیس اے ڈی خواجہ نے پولیس پارٹی کے لیے ایک لاکھ روپے انعام کا اعلان کیا ہے۔

    ڈی آئی جی ثاقب میمن کے مطابق ملزمان نے 3 لاکھ روپے لے کر بچے کو چھوڑ دیا تھا۔

    یاد رہے کہ رواں ماہ کراچی کے علاقے ڈیفنس میں اسکول سے گھر واپسی پرگاڑی میں سوارعابان نامی بچے کواغوا کرلیا گیا تھا۔

    کراچی سے اغوا ہونے والا بچہ ڈی آئی خان سے بازیاب

    واضح رہے کہ رواں برس 18 اگست کوکراچی کے تھانہ فیڈرل بی ایریا سے اغوا ہونے والے بارہ سالہ عبدالوہاب کو ڈیرہ کے ٹانک اڈا سے بازیاب کروا لیا گیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • کراچی میں پولیس کی کارروائی‘ ڈاکو ہلاک

    کراچی میں پولیس کی کارروائی‘ ڈاکو ہلاک

    کراچی: شہر قائد میں پولیس نے کارروائی کرتے ہوئے ایک ڈاکو کو ہلاک کردیا جبکہ دوسرا فرار ہونے میں کامیاب ہوگیا۔

    تفصیلات کے مطابق کراچی کے علاقے کورنگی چکرہ گوٹھ میں 2 ملزمان شہریوں سے لوٹ مار کررہے تھے کہ پولیس موقع پر پہنچ گئی، ملزمان نے پولیس کو دیکھ کر فائرنگ شروع کردی۔

    پولیس کی جانب سے جوابی فائرنگ میں ایک ڈاکو ہلاک جبکہ دوسرا فرار ہونے میں کامیاب ہوگیا، مارے جانے والے ملزم کے قبضے سے اسلحہ برآمد ہوا ہے۔

    دوسری جانب پنجاب کے شہرچنیوٹ میں پولیس نے کارروائی کرتے ہوئے 2 اشتہاریوں کو گرفتار کرلیا، ملزمان دہشت گردی سمیت دیگرسنگین وارداتوں میں مطلوب تھے۔

    پولیس حکام کے مطابق ملزمان نے فائرنگ کرکے خاتون سمیت 3 افراد کو قتل کیا تھا۔

    ملتان میں پولیس مقابلہ‘ 2 ڈاکو ہلاک

    یاد رہے کہ گزشتہ روز صوبہ پنجاب کے شہر ملتان میں پولیس نے کارروائی کرتے ہوئے شہری کے قتل میں ملوث دو ڈاکوؤں کو ہلاک کردیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • ملتان میں پولیس مقابلہ‘ 2 ڈاکو ہلاک

    ملتان میں پولیس مقابلہ‘ 2 ڈاکو ہلاک

    ملتان : صوبہ پنجاب کے شہر ملتان میں پولیس نے کارروائی کرتے ہوئے شہری کے قتل میں ملوث دو ڈاکوؤں کو ہلاک کردیا۔

    تفصیلات کے مطابق پنجاب کے شہرملتان میں تھانہ شمس کے علاقے میں پولیس کے مبینہ مقابلے میں دو ڈاکو ہلاک ہوگئے جبکہ ان کے ساتھی فرار ہوگئے۔

    پولیس حکام کے مطابق قتل، ڈکیتی، اقدام قتل ودیگر مقدمات میں ملوث دونوں ڈاکوؤں کو ان کے دیگر ساتھیوں کی گرفتاری کے لیے لے جا رہی تھی کہ ان کے ساتھیوں نے پولیس پارٹی پر حملہ کردیا۔

    پولیس اور ڈاکوؤں کے ساتھیوں کے درمیان فائرنگ کے نتیجے میں زیرحراست دونوں ڈاکو ہلاک ہوگئے۔

    ملتان میں مبینہ پولیس مقابلہ‘2ڈاکوہلاک

    پولیس نے لاشوں کو قبضے میں لے کر پوسٹ مارٹم کے لیے اسپتال منتقل کردیا۔ ملزمان نے تھانہ شمس کے علاقے میں شہری کو واردات کے دوران خنجر مار کر قتل کردیا تھا۔

    یاد رہے رواں برس 12 جنوری کو صوبہ پنجاب کےشہر ملتان میں مبینہ پولیس مقابلے میں دو ڈاکو ہلاک جبکہ 3 ڈاکو فرار ہونے میں کامیاب ہوگئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔