Tag: پولیس موبائل

پشاور: ناصر باغ روڈ پر پولیس موبائل کے قریب دھماکا کے نتیجے میں کوئی جانی نقصان نہیں ہوا اور اہلکار محفوظ رہے۔

تفصیلات کے مطابق پشاور کے ناصر باغ روڈ پر پولیس وین کے قریب جمعے کے روز ریموٹ کنٹرول بم (IED) کا دھماکہ ہوا۔.

پولیس ذرائع نے بتایا کہ دھماکے میں کوئی جانی نقصان نہیں ہوا اور پولیس اہلکارمحفوظ رہے تاہم موبائل کوجزوی نقصان پہنچا۔

حکام کا کہنا تھا کہ پولیس وین معمول کے گشت پر تھی جب اسے نشانہ بنایا گیا، واقعہ ریگی ماڈل ٹاؤن کے قریب پیش آیا تاہم پولیس کی بھاری نفری موقع پرپہنچ گئی ہے اور علاقے میں سرچنگ جاری ہے۔

دوسری جانب لکی مروت کے علاقے وندہ کریم خان میں نامعلوم مسلح افراد کی فائرنگ سے فرنٹیئر کانسٹیبلری (ایف سی) اہلکار بشیراللہ اور ان کے بھائی شہید ہوگئے۔

پولیس نے بتایا کہ اہلکار چھٹی پر تھے اور رات کے وقت ہوٹل سے پیدل گھر جا رہے تھے کہ دہشت گردوں نے نشانہ بنایا۔ واقعہ پیزو تھانے کی حدود میں پیش آیا۔

خیال رہے خیبرپختونخوا حکومت صوبے کے ضم شدہ قبائلی اضلاع میں فرنٹیئر کرائمز ریگولیشن (ایف سی آر) کے کچھ حصے بحال کرنے پر غور کر رہی ہے۔

ذرائع کے مطابق سابق فاٹا کے انضمام کے بعد یہ فورس ختم کر دی گئی تھی، تاہم جرائم پر قابو پانے میں مشکلات کے باعث اسے پولیس ایکٹ کے تحت جزوی طور پر دوبارہ متعارف کرانے کی تجویز زیر غور ہے۔

لکی مروت : پولیس موبائل پر آئی ڈی بم دھماکے کے نتیجے میں 6 پولیس اہلکار زخمی ہوگئے جبکہ ایک دہشت گرد ہلاک ہوگیا۔

تفصیلات کے مطابق خیبر پختونخواہ کے ضلع لکی مروت کے علاقے تھانہ ڈڈیوالہ کی حدود میں لنڈیواہ روڈ پر موبائل پر آئی ای ڈی دھماکا ہوا، دھماکے کے نتیجے میں 6 پولیس اہلکار زخمی ہوگئے جبکہ پولیس کی جوابی فائرنگ سے ایک دہشت گرد ہلاک ہوگیا۔

لکی مروت/آئی ڈی بم دھاکہ ایک دہشت گرد ہلاک جبکہ 5 پولیس اہلکار زخمی۔ سٹوری او سی ۔ ضلع لکی مروت کے علاقے تھانہ ڈڈیوالہ کی حدود میں لنڈیواہ روڈ پر پولیس موبائل گاڑی پر آئی ڈی بم دھماکے کے نتیجے میں 6 پولیس اہلکار زخمی ہوگئے جبکہ پولیس کی جوابی فائرنگ سے ایک دہشت گرد ہلاک ہوگیا

پولیس نے بتایا کہ زخمیوں کو ڈسٹرکٹ ہیڈ کواٹر ہسپتال لکی مروت اور نورنگ ہسپتال منتقل کردیا ہے ، جن کی حالت خطرے سے باہر ہے جبکہ کئی پولیس اہکاروں کو معمولی مریم پٹی کے بعد فارغ کردیا گیا ہے۔

حکام کا کہنا تھا کہ ایک پولیس اہلکار کو مزید علاج کیلئے بنوں منتقل کردیا گیا ہے، پولیس نے ہلاک دہشت گرد کے قبضے سے دہشت گردی میں استعمال ہونے والا موٹر سائیکل اور اسحلہ بھی برآمد کیا ہے۔

علاقے میں دہشت گردوں اور لکی مروت پولیس کے درمیان فائرنگ کا تبادلہ جاری ہے جبکہ علاقے میں پولیس کی مزید نفری اور بکتر بند گاڑی طلب کرلی گئی ہے، پولیس کا کہنا ہے کہ دھماکے سے پولیس موبائل گاڑی کو شدید نقصان پہنچا۔

کراچی: رونگ وے سے آتے ہوئے پولیس موبائل نے کم عمر لڑکے کو ٹکر ماردی، بچے کے زخمی ہونے پر علاقہ مکین مشتعل ہوگئے۔

شفیق موڑ کے قریب سڑک پر پولیس موبائل نے تیزی کے ساتھ غلط روٹ پر آتے ہوئے کم عمر لڑکے کو بری طرح ٹکر ماری جس سے اسے شدید چوٹیں آئیں، حادثے کے بعد شفیق موڑ کے قریب مشتعل علاقہ مکینوں نے پولیس موبائل کو گھیرلیا۔

ایس ایس پی ون فائیو قمر رضوی نے بتایا کہ واقعہ گزشتہ شام پیش آیا تھا جس کا نوٹس لیا گیا ہے، پولیس اہلکاروں کو معطل کرکے تحقیقات شروع کردی گئی ہیں۔

قمررضوی نے مزید کہا کہ زخمی ہونے والے بچے کی تیمارداری اور علاج کے معاملات دیکھ رہے ہیں، بچے کے بہترین علاج کیلئے ہرممکن اقدامات کیے جائیں گے۔

کراچی پولیس کی شہر قائد کے علاقے گلشن اقبال تیرہ ڈی میں اور واردات سامنے آئی ہے جس کی سی سی ٹی وی فوٹیج بھی سامنے آگئی۔

تفصیلات کے مطابق پولیس موبائل میں آنے والے سادہ لباس اہلکاروں نے پان شاپ پر لوٹ مار کی اور فرار ہوگئے، پولیس نے دکاندار شاہ زیب مغل کی مدعیت میں مقدمہ درج کرلیا۔

متاثرہ دکاندار شاہ زیب مغل نے بتایا کہ 2 جون کو تین افراد سادہ لباس میں آئے اور کیش کاؤنٹر سے 7 ہزار روپے نکالے، گزشتہ رات دوبارہ اسی موبائل میں سادہ لباس میں تین افراد آئے۔

دکاندار نے بتایا کہ ایک شخص دکان کے اندر آیا اور مجھے باہر لیکر نکلا، دوسرےنے دکان سے 50 ہزار کی سگریٹ اور 15 ہزار روپے لوٹے، مجھے پولیس موبائل میں بٹھایا اور گلشن چورنگی پر لے گئے۔

دکاندار شاہ زیب مغل نے مزید بتایا کہ مجھے موبائل سے اتارا اور میری جیب سے دس ہزار روپے بھی نکال لئے، موبائل کے آگے نمبر پلیٹ تھی نہ پیچھے، ان کیخلاف کارروائی کی جائے۔

واقعے کی فوٹیج بھی سامنے آگئی ہے جس میں دیکھا جاسکتا ہے کہ تیرہ ڈی کے علاقے میں واقع پان شاپ پر سادہ لباس اہلکار پہنچے، دکاندار کے باہر نہ آنے پر ایک اہلکار زبردستی دکان میں گھس گیا، دکاندار سے فون چھین کر ساتھی کے حوالے کیا اور دکاندار کو پکڑ کر موبائل میں لے گیا، فوٹیج میں سادہ لباس ایک شخص کا چہرہ واضح ہے جب کہ دوسرے نے ماسک پہنا ہے۔۔

پولیس حکام کا کہنا ہے کہ لوٹ مار کرنے والے اہلکاروں کا تعلق کس ادارے سے ہے چیک کررہے ہیں، سی سی ٹی وی کیمروں کی مدد سے بھی شناخت کر رہے ہیں۔