لاہور : فیروزپور روڈ پر پولیس کی ایم ٹی ورکشاپ کے گیٹ پر نامعلوم موٹر سائیکل سواروں نےکریکربم سے حملہ کیا جس کے باعث تین پولیس اہلکار زخمی ہوگئے۔
نامعلوم موٹر سائیکل سوار فیروز پور روڈ پر ایم ٹی ورکشاپ کے گیٹ کے باہر آئے اور پولیس اہلکاروں پر دستی بم پھینک دیا جس کے باعث تین اہلکار راشد، خالد اور عباس زخمی ہوگئے جنھیں فوری طور پرسروسز اسپتال منتقل کردیا گیا جہاں راشد کی حالت نازک بتائی جاتی ہے۔
واقعے کے بعد پولیس نےشہر بھرمیں ناکہ بندی کردی ذرائع کے مطابق پولیس نے ایک حملہ آور کوگرفتار کرلیا ہے۔
دوسری جانب سبزہ زارمیں نامعلوم موٹرسائیکل سواروں نے پولیس پارٹی پر فائرنگ کردی جس کے باعث محافظ فورس کا ایک اہلکار زخمی ہوگیا جسے اسپتال منتقل کردیا گیا ہے