Tag: پولیس چیک پوسٹ

ڈی آئی خان : ڈیرہ اسماعیل خان (ڈی آئی خان) کی تحصیل کلاچی میں پولیس چیک پوسٹ پر حملہ کی کوشش ناکام بنادی گئی۔

تفصیلات کے مطابق ڈیرہ اسماعیل خان (ڈی آئی خان) کی تحصیل کلاچی میں رات گئے پولیس چیک پوسٹ پر حملہ ہوا۔

پولیس کا کہنا تھا کہ دہشت گردوں نے روڑی چیک پوسٹ کوچاروں طرف سے گھیرکرفائرنگ کی تاہم جوابی فائرنگ سے دہشت گرد فرار ہوگئے اور کوئی جانی ومالی نقصان نہیں ہوا۔

یاد رہے اس سے قبل بھی پولیس چوکیوں پر دہشت گردوں کے حملے کی کوشش ناکام بنائی گئی، خیبر پختونخواہ کے ضلع لکی مروت میں تھانہ غزنی اور تھانہ شہباز خیل پر دہشت گردوں کا حملہ ناکام بنایا گیا تھا ،پولیس کی بھرپور جوابی کارروائی پردہشت گرد فرار ہو گئے تھے۔

ضلع لکی مروت پولیس نے ہیبت علی خان شہید پولیس اسٹیشن درہ پیزو پر دہشت گردوں کا حملہ پسپا کیا تھا۔

ڈی آئی خان: گرہ حیات پولیس چیک پوسٹ پر دہشت گردوں کے حملے میں کھیتوں میں کام کرنیوالے 2 افراد جاں بحق اور 2 زخمی ہوگئے۔

تفصیلات کے مطابق خیبرپختونخواہ کے شہرڈیرہ اسماعیل خان میں گرہ حیات پولیس چیک پوسٹ پر دہشت گردوں نے حملہ کردیا ، فائرنگ سے کھیتوں میں کام کرنیوالے 2 افراد جاں بحق اور 2 زخمی ہوگئے۔

ریسکیو حکام کا کہنا ہے کہ زخمی افراد کو ڈی ایچ کیو ڈیرہ منتقل کر دیا گیا ہے۔

یاد رہے دو روز قبل خیبرپختونخوا کے ضلع خیبر کی تحصیل باڑہ میں پولیس چوکی پر دہشت گردوں نے حملہ کیا تھا ، جس پر خیبر پولیس نے جوابی کارروائی کی تو دہشت گرد فائرنگ کرتے ہوئے فرار ہوگئے تھے۔

دہشت گرد حملے میں دو پولیس اہلکار زخمی ہوگئے تھے جبکہ حملے کے دوران ایک پولیس کار بھی جل گئی تھی۔

پشاور: خیبر پختونخوا کے ضلع خیبر میں تختہ بیگ پولیس چیک پوسٹ پر خودکش دھماکے میں ملوث  6 دہشت گرد کو  سی ٹی ڈی نے گرفتار کرلیا۔

پشاور میں محکمہ انسداد دہشت گردی (سی ٹی ڈی) نے کارروائی کرکے 6 دہشت گرد گرفتار کرلیے، گرفتار دہشتگردوں  نے خیبر پختونخوا کے ضلع خیبر  میں  تختہ بیگ پولیس چیک پوسٹ پر حملہ کیا تھا جس کے نتیجے میں دو پولیس اہلکار شہید ہوگئے تھے۔

سی ٹی ڈی کا کہنا ہے کہ خودکش دھماکے کا مرکزی ملزم پہلے ہی ہلاک ہوچکا ہے، ہلاک دہشت گرد سے اسلحہ، گولہ بارود اور دیگر اہم دستاویزات برآمد کئے تھے۔

سی ٹی ڈی نے بتایا کہ خودکش دھماکے میں مزید 2 دہشت گردوں کی گرفتاری کی کو شش جاری ہے۔

واضح رہے کی 19 جنوری 2023  کو خودکش بمبار نے تختہ بیگ چیک پوسٹ پر فائرنگ اور دھماکا کیا تھا، جس کے نتیجے میں 2 پولیس اہلکار سمیت 3 افراد شہید ہوئے تھے۔