Tag: پولیس کارروائیاں

کراچی: شہرقائد کے مختلف علاقوں میں پولیس نے سرچ آپریشن کرتے ہوئے 10 ملزمان کو گرفتار کرکے اسلحہ برآمد کرلیا۔

تفصیلات کے مطابق کراچی میں تیموریہ پولیس نے مختلف علاقوں میں سرچ آپریشن کے دوران 10 ملزموں اور 20 مشتبہ افراد کو حراست میں لیا۔

پولیس حکام کا کہنا ہے کہ گرفتار ملزمان کے قبضے سے اسلحہ، منشیات، موبائل فونز اور مسروقہ موٹرسائیکلیں برآمد کرلی گئیں۔ کلری پولیس نے کارروائی کرتے ہوئے سنگین مقدمات میں ملوث مفرور ملزم کو گرفتار کیا۔

تیموریہ پولیس نے پیپلز کالونی، نیاز منزل اور کے بی آر کے مختلف علاقوں میں سرچ آپریشن کیا، آپریشن میں پولیس کی بھاری نفری حصہ لیا، جس دوران علاقے کے داخلی اور خارجی راستوں کو سیل کرکے گھر گھر تلاشی لی گئی۔

آپریش میں 10 ملزموں کو گرفتار کیا گیا جن کے قبضے سے اسلحہ موٹرسائیکلیں، موبائل فونز اور منشیات برآمد کر کے مقدمات درج کر لیے گئے۔

سرچنگ کے دوران 20 مشتبہ افراد کو بھی حراست میں لے کر تھانے منتقل کردیا گیا، ادھر کلری تفتیشی پولیس نے لیاری میں کارروائی کرتے ہوئے مفرور ملزم اصغر خان کو گرفتار کرلیا۔

پولیس کے مطابق ملزم کے خلاف 2012 میں اقدام قتل سمیت دیگر سنگین دفعات کے تحت مقدمہ درج ہے۔

کراچی: شہرقائد کے مختلف علاقوں میں پولیس مقابلوں کے دوران 8 ملزمان گرفتار ہوئے جن کے قبضے سے اسلحہ اور مسروقہ سامان برآمد کرلیا گیا۔

تفصیلات کے مطابق مبینہ ٹاؤن پولیس نے کارروائی کرکے اغوا برائے تاوان کا ملزم گرفتار کر لیا، ملزم کے بیگ سے کپڑوں میں چھپائے گئے دودستی بم بھی آمد ہوئے۔

سندھ حکومت نے ملزم کے سر کی قیمت پانچ لاکھ روپے مقرر کی تھی۔ لیاری کے علاقے بغدادی سلاٹرہاؤس کے قریب مبینہ پولیس مقابلہ کے دوران فائرنگ کے تبادلے میں دوملزمان زخمی حالت میں گرفتار کرلیے گئے۔

پولیس حکام کا کہنا ہے کہ ملزمان سے اسلحہ برآمد کیا، ملزمان کا تعلق گینگ وار غفار زکری گروپ سے ہے۔

کراچی: مبینہ پولیس مقابلہ اور سرچ آپریشن، 13 ملزمان گرفتار

بہادرآباد پولیس نے بنگلوں میں وارداتیں کرنے والے ڈاکوؤں سے مقابلے کے بعد گروہ کا سرغنہ اسلحہ سمیت گرفتار کرلیا، ملزم نے بتایا کہ گروہ کی کمانڈ ایک عورت کرتی ہے۔

محمودآباد میں ملزمان شہریوں سے لوٹ مار کررہے تھے کہ پولیس پہنچ گئی، پولیس اور ملزمان کے مابین فائرنگ کے مقابلہ کے بعد دوملزمان زخمی حالت میں گرفتار کرلیئے، ملزمان سے اسلحہ، چھیناہوا سامان اور موٹرسائیکل برآمدکرلی گئی۔

کراچی: شہرقائد کے مختلف علاقوں میں رات گئے پولیس کارروائیوں کے دوران تینتیس ملزمان گرفتار ہوئے جن سے اسلحہ سمیت مسروقہ سامان بھی برآمد کیا گیا۔

تفصیلات کے مطابق سائٹ تھانہ اے پولیس نے کارروائی کرکے دو گینگ وار ملزمان گرفتار کیئے، ملزمان سے دو پستول مع سیون راؤنڈ، موبائل اور کیش برآمد ہوا۔ گلشن اقبال پولیس نے چار ملزمان گرفتار کیئے، ملزمان سے چار ٹی ٹی پستول، دو موٹر سائیکل اور چھینے گئے موبائل برآمد ہوئے۔

درخشاں پولیس نے تین ڈکیتوں کو گرفتار کرکے ورٹس گھڑیاں، سونا اور کیش برآمد کیا۔ پیرآباد پولیس نے منشیات فروش کو گرفتار کرکے پانچ سو دس گرام چرس برآمد کی۔ قائد آباد پولیس نے دس منشیات فروشوں کو گرفتار کرلیا، ملزمان سے گیارہ سو گرام چرس اور قرم برآمد کیں۔

نیپئر پولیس نے ڈکیت گرفتار کرکے ایک پستول مع تین راؤنڈ برآمد کیا۔ پاپوش پولیس نے دو ملزمان گرفتار کیئے ایک ملزم سے ٹی ٹی پستول مع تیس بور اور موٹر سائیکل جبکہ دوسرے ملزم سے ایک سو ساٹھ گرام چرس برآمد کی۔

علاوہ ازیں سعود آباد پولیس نے تین ملزمان گرفتار کیئے، ایک سے پستول، دوسرے سے گٹکا کی بھاری مقدار برآمد کی۔ ماڈل کالونی پولیس نے دو ڈکیت گرفتار کرکے ان سے ایک ریپیٹر اور ایک پستول برآمد کیا۔

الفلاح پولیس نے کارروائی کرتے ہوئے دو ملزمان سے ایک پستول اور بھاری مقدار میں گٹکا برآمد کیا۔ زمان ٹاؤن پولیس نے دو ڈکیت گرفتار کرکے ان سے اسلحہ برآمد کیا، جبکہ شاہ فیصل کالونی نے ایک ملزم سے پانچ بوتلیں شراب کی برآمد کیں۔