Tag: پولیس

کراچی: ایڈیشنل آئی جی کراچی جاوید عالم اوڈھو نے کہا ہے کہ پولیس کی قربانی سےہی ملک میں امن کا قیام ممکن ہوتا ہے۔

تفصیلات کے مطابق سندھ پولیس آج یوم شہدا پولیس ڈے منارہی ہے اس موقع پر ایڈیشنل آئی جی کراچی جاوید عالم اوڈھو نے تقریب سے خطاب کرتے ہوئے کہا کہ یوم شہدا پولیس کے دن محنت کرنے والوں کا شکریہ ادا کرتا ہوں۔

ایڈیشنل آئی جی کراچی جاوید عالم اوڈھو نے کہا کہ آج کا دن پورے پاکستان کی پولیس کیساتھ پورے ملک کیلئے اہم ہے، آج کا دن ایڈیشنل آئی جی کے پی کے سفر غیور کے نام سے منسوب ہے۔

جاوید عالم اوڈھو نے کہا کہ سفر غیور کی بہادری پر کتاب لکھی جائےگی، پولیس کی قربانی سے ہی ملک میں امن کا قیام ممکن ہوتا ہے۔

دوسری جانب کراچی میں پولیس شہدا کو خراجِ عقیدت پیش کرنے کے لیے ڈیفنس فیز 8 میں ریس کا انعقاد کیا گیا۔

5کلومیٹر طویل ریس میں خواتین اور مردوں نے حصہ لیا جبکہ سندھ پولیس کے افسران، اہلکار اور عام شہری بھی ریس میں شریک ہوئے۔

اسلام آباد: ہائیکورٹ نے سابق وفاقی وزیر  شیخ رشید کی پولیس قبضے میں لی گئیں 2 بلٹ پروف گاڑیاں واپس کرنے کی درخواست پر فیصلہ محفوظ کرلیا۔

اے آر وائی نیوز کے مطابق سربراہ عوامی مسلم لیگ شیخ رشید نے پولیس کی جانب سے قبضے میں لی گئی 2 بلٹ پروف گاڑی واپس لینے کی درخواست پر جسٹس طارق محمود جہانگیری نے شیخ رشید کے وکیل سردار عبدالرازق خان کے دلائل سننے کے بعد فیصلہ محفوظ کیا۔

شیخ رشید کے وکیل نے کہا کہ 31 مئی کو پولیس نے رات 3 بجے سرچ وارنٹ کےبغیر ایف سیون میں گھر پر چھاپہ مارا، پولیس نے ایک لائسنس گن اور  2 بلٹ پروف گاڑیاں زبردستی قبضے میں لے لیں۔

وکیل نے عدالت کو  بتایا کہ جوڈیشل مجسٹریٹ نے گاڑیاں واپس کرنے کا آرڈر کیا مگر ایس ایچ او نے حکم ماننے سے انکار کردیا، پولیس کی جانب سے قبضے میں لی گئیں گاڑیاں فوری واپس کرنے کے احکامات جاری کیے جائیں۔

شیخ رشید کے وکیل نے استدعا کی کہ مس کنڈکٹ اور اختیار کے غلط استعمال پر تھانہ کوہسار کے ایس ایچ او کیخلاف کارروائی کا حکم دیا جائے۔

دوسری جانب سابق وزیر داخلہ شیخ رشید کے وکیل سردار عبدالرزاق نے سماعت کے بعد میڈیا سے گفتگو کرتے ہوئے کہا کہ شیخ رشید کی دو گاڑیاں پولیس نے غیر قانونی طور پر اٹھالی تھی۔

 شیخ رشید کے وکیل کا کہنا تھا کہ جوڈیشل مجسٹریٹ کے آرڈر کے باجود پولیس گاڑیاں نہیں چھوڑ رہی تھی، ہمارے بنیادی حقوق سلب کیے جارہے ہیں، ایک ایس ایچ او اتنا طاقتور ہو گیا ہے کہ عدالت کا حکم بھی نہیں مان رہا۔

انہوں نے کہا کہ اسلام آباد ہائیکورٹ سے درخواست کی ہے وہ اس میں مسلہ میں اپنا کردار ادا کرے، سپریم کورٹ اور ہائیکورٹ آئین کی محافظ اور بنیادی حقوق کی ضامن ہے۔

لاہور: اڈیالہ جیل کے پولیس نے چوہدری پرویزالٰہی کو آج عدالت میں پیش نہ کرنے کا فیصلہ کیا ہے۔

تفصیلات کے مطابق ایف آئی اے اسپیشل سینٹرل عدالت نے نامکمل چالان میں پرویز الہٰی کو طلب کر رکھا ہے تاہم اڈیالہ جیل کے حکام  نے چوہدری پرویزالٰہی کو آج عدالت میں پیش نہ کرنے کا فیصلہ کیا ہے۔

اڈیالہ کے جیل حکام رپورٹ لیکر اسپیشل سینٹرل عدالت  پہنچ گئے، جہاں انہوں نے عدالت کو بتایا کہ جیل رولز کے مطابق نظر بندی میں حکومت کی اجازت کے بغیر کسی کو عدالت میں پیش نہیں کیا جا سکتا۔

منی لانڈرنگ کیس : چوہدری پرویزالہٰی کو عدالت نے پھر طلب کرلیا

حکام نے کہا کہ عدالت طلبی کے حکم پر وزارت داخلہ کو مراسلہ لکھا تھا مگر اس پر جواب موصول نہیں ہوا اس لیے پرویز الہیٰ آج عدالت میں پیش نہیں ہونگے۔

واضح رہے کہ ایف آئی اے اسپیشل سینٹرل عدالت نے نامکمل چالان میں پرویز الہٰی کو طلب کر رکھا ہے، اسپیشل سینٹرل عدالت کچھ دیر بعد منی لانڈرنگ کیس  پر سماعت کرےگی۔

کندھ کوٹ: کچے کے علاقے میں 4 روز قبل اغوا کئے گئے باپ بیٹے کو مبینہ مقابلے کے بعد بازیاب کرالیا گیا۔

کچے کے علاقے میں ایک طرف  ڈاکوؤں کا راج  عروج  پر  ہے تو دوسری جانب پولیس ڈاکوؤں سے مقابلہ کر رہی ہے، ڈاکو شہریوں کو ہنی ٹریپ کے ذریعے اغوا کر رہے ہیں، لیکن جلد مغویوں کو بازیاب کرالیا جائے گا۔

پولیس کا بتانا ہے کہ 4 روز قبل اغوا ہونے والے 2 افردا باپ بیٹے کو پولیس نے بازیاب کرالیا ہے کچے میں ڈاکوؤں مغویوں کو دوسری جگہ منتقل کر رہے تھے۔

پولیس نے بتایا کہ شدید فائرنگ کے بعد ڈاکو مغویوں کو چھوڑ کر فرار ہوگئے، کچھ روز قبل ڈاکوؤں نے ورثا سے 50 لاکھ روپے تاوان مانگا تھا۔

پولیس کے مطابق کندھ کوٹ سے اغوا ہونے والے دونوں باپ بیٹے کو تنگوانی روڈ سے اغوا کیا گیا تھا مغوی ممتاز بہلکانی اور بیٹے ریاض بہلکانی کو ڈاکو اغوا کرکے کچے کی طرف فرار ہوگئے تھے۔

واضح رہے کہ کشمور میں بدامنی، کچے میں ڈاکو راج بے قابو، اغوا برائے تاوان کی فزیکل وارداتوں میں تیزی سے اضافہ ہورہا ہے۔