Tag: پولیس

لوزیانا: امریکی ریاست لوزيانا میں پولیس کی جانب سے فائرنگ میں ایک سیاہ فام شخص ہلاک، سیاہ فام کی ہلاکت پر مظاہرین کی جانب سے احتجاج کیا گیا.

تفصیلات کے مطابق امریکی ریاست لوزيانا میں پولیس کی جانب سے فائرنگ میں ایک سیاہ فام شخص ہلاک،سیاہ فام شخص کی ہلاکت کا یہ واقعہ منگل کو ریاست لوزیانا کے دارالحکومت بیٹن روگ میں پیش آیا.

اس واقع کے خلاف مظاہرین نے قریبی سٹرکوں کو بند کر دیا جس کے بعد پولیس نے مظاہرین جن کی تعداد دو سو کے قریب تھی انہیں وہاں سے ہٹا دیا تاہم منتظمین کا کہنا ہے کہ وہ بعد میں سٹی ہال کے سامنے اکھٹا ہوں گے.

یاد رہے کہ یہ واقعہ امریکہ میں افریقی امریکیوں کی پولیس کی جانب سے ہونے والی ہلاکتوں کے بعد بڑھتی ہوئے تناؤ کے بعد سامنے آیا ہے.

امریکہ میں پولیس کی جانب سے ایک اندازے کے مطابق ہر سال ایک ہزار افراد ہلاک ہو جاتے ہیں جن میں زیادہ تر سیاہ فام امریکی ہوتے ہیں.

واضح رہے کہ اس واقعہ میں ملوث دو پولیس افسران کو انتظامی رخصت پر بھیج دیا گیا.

دبئی: متحدہ عرب امارات نے اپنے شہریوں کو ہدایت کی ہیں کہ وہ بیرون ملک قومی لباس نہ پہنیں،یہ ہدایات اماراتی تاجرکو امریکہ میں حراست میں لیے کے بعد کی گئیں تھی.

تفصیلات کے مطابق جمعے کو روایتی عرب لباس میں ملبوس ایک اماراتی تاجر احمد المنہالی کو امریکی ریاست اوہائیو کے شہر ایوون کے ایک ہوٹل سے میں حراست میں لے لیا گیا تھا.

عرب امارات کی وزارتِ داخلہ نے ہفتے کے روز ایک ہدایت نامہ جاری کیا جس میں شہریوں پر زور دیا گیا ہے کہ وہ بیرون ملک لباس کے سلسلے میں محتاط رہیں.

عربی میں نشر ہونے والے بیان میں اوہائیو کے واقعے کی جانب اشارہ کیے بغیر کہا گیا ہے کہ عرب امارات کے شہریوں کو چاہیے کہ وہ اپنے تحفظ کی خاطر ملک سے باہر روایتی لباس پہننے سے گریز کریں.

مقامی میڈیا کے مطابق اماراتی تاجر سے بعد میں ایوون کے میئر اور پولیس کے سربراہ نے منہالی سے معذرت کی تھی.

یاد رہے کہ اماراتی تاجر کو دولت اسلامیہ سے وفاداری کے شبہ کی وجہ سے حراست میں لیا گیا تھا.

نئی دہلی: بھارتی ریاست اتر پردیش کے شہر الٰہ آباد میں عمارت کا ایک حصہ منہدم ہونے سےپانچ مزدو جان کی بازی ہارگئے.

تفصیلات کے مطابق بھارتی ریاست اترپردیش کے شہر الٰہ آباد میں تیز بارش کے باعث رہائش کے لیے تعمیر کی جانے والی عمارت کا ایک حصہ گرگیا،حادثے میں پانچ مزدور ہلاک ہوگئے. پانچوں مزدو ایک سڑک بنانے کے پروجیکٹ میں کام کررہے تھے.

مزدوروں نے سڑک کی ایک جانب اپنی رہائش کے لیے عارضی طور پر چھوٹی سی عمارت تعمیر کی تھی،گذشتہ روز تیز بارش ہونے کی وجہ سے مزدوروں پر عمارت کا ایک حصہ اس وقت گرا جب وہ سو رہے تھے.

ہلاک ہونے والے مزدوروں کی تاحال شناخت نہیں ہوسکی،پولیس نے لاشوں کو قبضے میں لے کر مزید تفتیش شروع کردی ہے.

بلغراد: سربیا کے ایک کیفے میں حملہ آور نے پانچ لوگوں کو گولی مار کر ہلاک کر دیا ہے،واقعے میں کم از کم 20 افراد زخمی بھی ہوئے.

تفصیلات کے مطابق شمالی مشرقی سربیا کے کیفے میں حملہ آور نے فائرنگ کرکے پانچ افراد کو ہلاک کردیا،جبکہ واقعے میں بیس افراد زخمی بھی ہوئے.

سربین پولیس کے مطابق حملہ آور نے پہلے اپنی بیوی اور ایک اور عورت کو قتل کیا اور پھر کیفے میں موجود دوسرے لوگوں پر فائرنگ کر
دی،زخمی ہونے والوں میں تین بچے بھی شامل ہیں.

وزیر داخلہ کے مطابق یہ واقعہ زرینیانین شہر کے قریب پیش آیا،پولیس نے حملہ آور کو گرفتار کر لیا ہے.

سربیا کے وزیر داخلہ نیبویسا ستیفانووچ نے کہا کہ سربیا میں خودکار ہتھیاروں پر پابندی ہے اور اگر کسی کے پاس اس قسم کا اسلحہ ہے تو وہ اسے حکومت کے پاس جمع کروا دیں.

یاد رہے کہ سربیا میں 1990 کی دہائی کی چھڑنے والی جنگِ بلقان کے بعد اسلحے کی تعداد زیادہ ہو گئی تھی.